شينجياڭ مەن مەملەكەت مەنشىگىندەگى فينانس قۇرىلىمدارىنىڭ اڭگىمە ءماجىلىسى جانە ستراتەگيالىق سەلبەستىك كەلىسىمىنە قول قويۋ قيمىلى بەيجيڭدە وتكىزىلدى

ما شيڭرۇي، ي گاڭ، ەركىن تۇنياز، لي يفي، جوۋ لياڭ قاتىناستى

　　3 - ايدىڭ 12 - كۇنى شينجياڭ مەن مەملەكەت مەنشىگىندەگى فينانس قۇرىلىمدارىنىڭ اڭگىمە ءماجىلىسى جانە ستراتەگيالىق سەلبەستىك كەلىسىمىنە قول قويۋ قيمىلى بەيجيڭدە وتكىزىلدى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

　　انار بۇلت / شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 12 - كۇنى بەيجيڭنەن حابارلايدى. 3 - ايدىڭ 12 - كۇنى تۇستەن كەيىن شينجياڭ مەن مەملەكەت مەنشىگىندەگى فينانس قۇرىلىمدارىنىڭ اڭگىمە ءماجىلىسى جانە ستراتەگيالىق سەلبەستىك كەلىسىمىنە قول قويۋ قيمىلى بەيجيڭدە وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي، جۇڭگو حالىق بانكەسىنىڭ باستىعى، پارتكومنىڭ ورىنباسار شۋجيى ي گاڭ قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. اۆتونوميالى رايوندىق پارتكومنىڭ ورىنباسار شۋجيى لي يفي قاتىناستى. جۇڭگو بانكە - قامسىزداندىرۋدى باقىلاۋ - باسقارۋ كوميتەتىنىڭ ورىنباسار ءتوراعاسى جوۋ لياڭ ءسوز سويلەدى.

　　ما شيڭرۇي سوزىندە اۆتونوميالى رايوندىق پارتكوم مەن ۇكىمەت جانە تۇتاس رايونداعى ءار ۇلت كادرلارى مەن بۇقاراسى اتىنان مەملەكەتتىك فينانس باسقارۋ تاراۋلارىنىڭ جانە ءارقايسى فينانس قۇرىلىمدارىنىڭ ۇزاق ۋاقىتتان بەرى شينجياڭدى زور كۇشپەن قولداعاندىعىنا جانە كۇش سالا كومەكتەسكەندىگىنە شىن جۇرەكتەن العىس ايتتى. ما شيڭرۇي مىنالاردى ءبىلدىردى: مەملەكەتتىك فينانس باسقارۋ تاراۋلارى جانە ءارقايسى فينانس قۇرىلىمدارى ورتالىقتىڭ فينانس ساياساتىن مۇقيات تياناقتاندىرىپ، تاماشا فينانس دامۋ ورتاسىن جاراتىپ، قارجى قۇراۋ قولداۋىن ۇزدىكسىز كۇشەيتىپ، شينجياڭ ەكونوميكاسىنىڭ، فينانسىنىڭ دامۋىن ىلگەرىلەتۋدە كورنەكتى ناتيجەگە قول جەتكىزدى. جۋىق جىلداردان بەرى شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، قوعامى ورنىقتى، حالىق تىنىش ءومىر، شات - شادىمان تىرشىلىك كەشىرىپ، كەلەلى ورايلار مەن كەڭ بولاشاققا كەز بولدى. ءارقايسى فينانس قۇرىلىمدارىنىڭ شينجياڭعا نازار اۋدارۋىن جانە ونى قولداۋىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، ەرەكشە ابزالدىلىققا يە كاسىپ سالالارىن جەتىلدىرۋ، دامىتۋ، جىبەك جولى ەكونوميكالىق بەلدەۋى وزەكتى رايونى قۇرىلىسى، كاسىپ سالالارىنىڭ توعىسا دامۋى، جاڭاشا قالا - قالاشىقتاندىرۋ، شينجياڭدى مادەنيەتپەن نارلەندىرۋ، حالىق تۇرمىسىن قامتاماسىز ەتۋ جانە جاقسارتۋ سياقتى جاقتاردا بەلسەنە قولداۋ كورسەتىپ، شينجياڭنىڭ كەلەلى نىساندار قۇرىلىسىن جەدەلدەتۋىنە دەم بەرىپ، ءونىمدى قارجى قوسۋدى كەڭەيتىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋگە فينانس جاقتان كۇشتى قوزعاۋشى كۇش ۇستەۋىن ءۇمىت ەتەمىن. اۆتونوميالى رايوندىق پارتكوم مەن ۇكىمەت نەگىزگى تۇلعالىق جاۋاپكەرشىلىكتى شىنايى ارقالاپ، شارۋاشىلىق - ساۋدا ورتاسىن ساپالىلاندىرۋ جاعىندا اناعۇرلىم كۇش سالىپ، سايكەستىرۋ، سەلبەسۋ، قىزمەت وتەۋ قىزمەتىن بار كۇشپەن ويداعىداي ىستەپ، ءتىپتى دە تاماشا فينانس ورتاسىن جاراتىپ، فينانس قۇرىلىمدارىنىڭ شينجياڭدا زورايۋىنا، كۇشەيۋىنە، قوس ونىمدىلىككە جەتۋىن جۇزەگە اسىرۋعا دەم بەرەدى.

　　ي گاڭ مىنالاردى اتاپ كورسەتتى: شينجياڭ پارتيا مەن مەملەكەت قىزمەتىنىڭ جالپى جاعدايى بارىسىندا ايرىقشا ماڭىزدى ستراتەگيالىق ورىنعا يە. جۇڭگو حالىق بانكەسى جۇيەسى شينجياڭنىڭ دامۋىنا فينانستىق قولداۋ كورسەتۋ قىزمەتىنە ايرىقشا ءمان بەرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، شينجياڭنىڭ جوعارى ساپالى دامۋىن قولداۋ قىزمەت جوباسىن جۇيەلى جاساپ، تاماشا اقشا، فينانس ورتاسىن جاراتىپ، ءتۇيىندى سالالار مەن ءالسىز بۋىندارداعى فينانستىق قىزمەت وتەۋدى ويداعىداي يگەرىپ، حالىق تۇرمىسىمەن تىعىز جاناسىپ، جوعارى ساپالى دامۋعا قىزمەت وتەپ، جاسىل فينانس قىزمەتىن ويداعىداي ىستەپ، فينانس نەگىزدىك قۇرىلعى قۇرىلىستارىن كەمەلدەندىرىپ، فينانستىق دامۋ ورتاسىن ۇزدىكسىز ساپالىلاندىرىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ ءۇشىن بەلسەندى رولىن ساۋلەلەندىردى. يدەيالىق تانىمدى اناعۇرلىم جوعارىلاتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، اۆتونوميالى رايوندىق پارتكوم مەن ۇكىمەتتىڭ شينجياڭدى زاڭمەن باسقارۋىن، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاۋىن قولداپ، فينانستىڭ شينجياڭ ەكونوميكاسىنىڭ، قوعامىنىڭ جوعارى ساپالى دامۋى بارىسىندا ءتىپتى دە زور رولىن ساۋلەلەندىرۋىن قولداپ، حالىقتى بايىتىپ شينجياڭدى گۇلدەندىرۋدى اناعۇرلىم ىلگەرىلەتىپ، جاۋاپكەرشىلىكتى شىن مانىندە نىعايتىپ، قاتايتىپ، شينجياڭنىڭ جوعارى ساپالى دامۋىن قولداۋ قىزمەت جوباسىن ەگجەي - تەگجەيلىلەندىرىپ، تياناقتاندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن بەلسەندى ۇلەس قوسۋ كەرەك.

　　جوۋ لياڭ مىنالاردى اتاپ كورسەتتى: بانكە - قامسىزداندىرۋدى باقىلاۋ - باسقارۋ جۇيەسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، بانكە - قامسىزداندىرۋدى باقىلاۋ - باسقارۋ كوميتەتىنىڭ ءىس جۇزىندىگىمەن بىرلەستىرىپ، شينجياڭنىڭ بانكە كاسىبىنىڭ، قامسىزداندىرۋ كاسىبىنىڭ اقاۋسىز، ءتارتىپتى دامۋىن بەلسەنە جەبەپ، شينجياڭ ەكونوميكاسىنىڭ، فينانسىنىڭ جوعارى ساپالى دامۋىنا مىعىم تىرەك ازىرلەدى. ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇزدىكسىز ىشكەرىلەي ۇيرەنىپ، ءتۇسىنىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، حالىق تۇرمىسىنىڭ قۇت - ىرىسىنا تىعىز جاناسىپ، بانكە - قامسىزداندىرۋ قۇرىلىمدارىن جىبەك جولى ەكونوميكالىق بەلدەۋى وزەكتى رايونى قۇرىلىسىنا ۇزدىكسىز ويداعىداي قىزمەت وتەۋگە جەتەكتەپ، شينجياڭنىڭ ەرەكشە كاسىپ سالاسىنىڭ، جاڭادان گۇلدەنگەن كاسىپ سالاسىنىڭ دامۋى مەن ەكونوميكانىڭ تيبىن جاڭالاپ، دارەجەسىن جوعارىلاتۋىنا قولداۋ كورسەتىپ، جاسىل فينانستى بار كۇشپەن دامىتىپ، شينجياڭ ەكولوگياسىن قورعاۋعا جانە جاسىل دامۋعا دەم بەرىپ، حالىق تۇرمىسى سالاسى قۇرىلىسىنا قولداۋ كورسەتىپ، اۋىل - قىستاقتى گۇلدەندىرۋگە جانە جاڭاشا قالا - قالاشىقتاندىرۋعا، اۋىل شارۋاشىلىعىنا، اۋىل - قىستاققا، شارۋالارعا جانە جاڭاشا اۋىل شارۋاشىلىعى تيجارات تۇلعالارىنا ويداعىداي قىزمەت وتەۋگە قولداۋ كورسەتىپ، وڭتۇستىك شينجياڭداعى 4 ايماق - وبلىسقا قولداۋ كورسەتۋ ساياسات - تالاپتارىن ويداعىداي تياناقتاندىرىپ، جوعارى ساپالى، ءونىمدى فينانستىق قىزمەت وتەۋ ارقىلى وڭتۇستىك شينجياڭنىڭ كاسىپ سالاسىن دامىتۋعا، جۇمىستاندىرۋدى جەتەكتەۋگە قولداۋ كورسەتەمىز. باقىلاۋ - باسقارۋ جاۋاپكەرشىلىگىن اتقارىپ، بانكە - قامسىزداندىرۋ قۇرىلىمدارىن حاۋىپ - قاتەردى باسقارۋ قابىلەتى مەن دەڭگەيىن ۇزدىكسىز جوعارىلاتۋعا جەتەكتەپ، جۇيەلى فينانستىق حاۋىپ - قاتەر تۋىلماۋىنىڭ تومەنگى شەگىن شىنايى ساقتاۋ كەرەك.

　　ماجىلىستە اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن شينجياڭنىڭ ەكونوميكاسى مەن فينانسىنىڭ دامۋ جاعدايىن تانىستىردى. مەملەكەتتىك وركەندەتۋ بانكەسى، جۇڭگو يمپورت - ەكسپورت بانكەسى، جۇڭگو اۋىل شارۋاشىلىعىن وركەندەتۋ بانكەسى، جۇڭگو ونەركاسىپ - ساۋدا بانكەسى، جۇڭگو اۋىل شارۋاشىلىق بانكەسى، جۇڭگو بانكەسى، جۇڭگو قۇرىلىس بانكەسى، قاتىناس بانكەسى، جۇڭگو پوچتا امانات بانكەسى سياقتى 9 فينانس قۇرىلىمىنىڭ نەگىزگى جاۋاپتى جولداستارى ىلگەرىندى - كەيىندى اۋىس - كۇيىس جاساپ، ءسوز سويلەدى. اۆتونوميالى رايوندىق حالىق ۇكىمەتى 6 فينانس قۇرىلىمىمەن ستراتەگيالىق سەلبەستىك كەلىسىمىنە قول قويدى.

　　اۆتونوميالى رايون باسشىلارىنان ەلزات احمەتجان، قادەن كابەن، شۋە بين قاتارلىلار قيمىلعا قاتىناستى. مەملەكەتتىك فينانس باسقارۋ تاراۋلارىنىڭ، مەملەكەت مەنشىگىندەگى فينانس قۇرىلىمدارىنىڭ قاتىستى تاراۋلارىنداعى جانە شينجياڭداعى بولىمشە، تارماق قۇرىلىمدارداعى جاۋاپتى جولداستار، اۆتونوميالى رايوننىڭ قاتىستى ورىندارىنداعى جاۋاپتى جولداستار، ت. ب قيمىلعا قاتىناستى.