تيانشان تورى
تيانشان تورى   ›   جاڭالىقتار   ›   ماڭىزدى حابارلار

بەيجيڭ 2022 - جىلعى مۇگەدەكتەر قىسقى وليمپيادا سپورت جارىسى تابىسپەن اياقتادى

بەيجيڭ 2022 - جىلعى مۇگەدەكتەر قىسقى وليمپيادا سپورت جارىسى تابىسپەن اياقتادى

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، ۋاڭ چيشان، حالىقارالىق مۇگەدەكتەر وليمپيادا كوميتەتىنىڭ ءتوراعاسى پارسونس اياقتاۋ سالتىنا قاتىناستى

  3 - ايدىڭ 13 - كۇنى كەشتە بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ اياقتاۋ سالتى مەملەكەتتىك دەنە تاربيە الاڭىندا سالتاناتپەن وتكىزىلدى. سۋرەتتە: مەملەكەت ءتوراعاسى شي جينپيڭ ءتوراعالار مىنبەسىندە كوپشىلىككە قول بۇلعاپ قۇرمەت بىلدىرۋدە.

  □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  3 - ايدىڭ 13 - كۇنى كەشتە بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ اياقتاۋ سالتى مەملەكەتتىك دەنە تاربيە الاڭىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، ۋاڭ چيشان قاتارلى پارتيا مەن مەملەكەت باسشىلارى اياقتاۋ سالتىنا قاتىناستى.

  □سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

  شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى. بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ اياقتاۋ سالتى 3 - ايدىڭ 13 - كۇنى كەشتە مەملەكەتتىك دەنە تاربيە الاڭىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، ۋاڭ چيشان قاتارلى پارتيا مەن مەملەكەت باسشىلارى، حالىقارالىق مۇگەدەكتەر وليمپيادا كوميتەتىنىڭ ءتوراعاسى پارسونس اياقتاۋ سالتىنا قاتىناستى.

  ەكى وليمپيادا سپورت جارىسى بىردەي تارتىمدى بولدى. بەيجيڭ قىسقى وليمپيادا سپورت جارىسى تابىستى وتكىزىلگەننەن كەيىن، بەيجيڭ مۇگەدەكتەر قىسقى وليمپيادا سپورت جارىسى اسا تاماشا جارىس ۇيىمداستىرۋى، كەمەلدى كەدەرگىسىز قۇرىلعىلارى، ادامعا بەيىمدەلگەن قىزمەت وتەۋى ارقىلى سپورتشىلاردىڭ، جاتتىقتىرۋشىلاردىڭ جانە حالىقارالىق قوعامنىڭ جاپپاي القاۋىنا يە بولدى. وتكەن 9 كۇندە 46 مەملەكەتتەن (ءوڭىر) كەلگەن 600گە تاياۋ مۇگەدەك سپورتشى اسەرلى كۇيگە بولەنىپ، ەرلىكپەن ايانباي شايقاسىپ، ءوزىن تىنباي الۋەتتەندىرۋ، ۇمىتپەن العا ىلگەرىلەۋ رۋحىن ايگىلەدى. جۇڭگو دەنە تاربيە ۋاكىلدەر ۇيىرمەسى 18 التىن مەدال، 61 مەدال الىپ، التىن مەدال تاقتاسى مەن مەدال تاقتاسىندا الدىڭعى ورىندى يەلەپ، مۇگەدەكتەر قىسقى وليمپيادا سپورت جارىسىنا قاتىناسقاننان بەرگى ەڭ تاماشا ناتيجەنى جاراتتى.

     ءتۇن قۇشاعىنداعى مەملەكەتتىك دەنە تاربيە الاڭى الۋان نۇرعا شومىپ، ەرەكشە قيماستىق سۇيىسپەنشىلىككە تولدى.

  «بەيبىتشىلىك − تاعدىرلاس ورتاق تۇلعا» اتتى مۋزيكا ءۇنى ىشىندە شي جينپيڭ مەن حانىمى پىڭ لييۋان پارسونس قاتارلىلارمەن بىرگە ءتوراعالار مىنبەسىنە كوتەرىلىپ، كورەرمەندەرگە قول بۇلعاپ قۇرمەت ءبىلدىردى. بۇكىل الاڭدا شاتىرلاعان شاپالاق ءۇنى كوتەرىلدى.

  اسەم مۋزيكانىڭ سۇيەمەلىمەن اياقتاۋ سالتىنىڭ بەتاشار كونسەرت ءنومىرى «جارقىراعان ساتپەن» باستالدى. دەنە تاربيە الاڭىنىڭ ورتاسىنداعى الىپ ەدەن ەكراننان ءبىر پاتەفون كورىنىپ، مۇگەدەك جانە سالامات ويىن قويۋشىلار پاتەفون ينەسىن بىرگە باياۋ يتەردى، التىن ساۋلە شاشقان كۇي تاباعى شىر اينالا قوزعالدى. 9 كۇنگى جارىستىڭ تارتىمدى ساتتەرى ءبىر - بىرلەپ كوز الدىعا ەلەستەدى.

  الاڭداعىلار تۇگەل ورىندارىنان تۇردى. ايبىندى جۇڭحۋا حالىق رەسپۋبليكاسىنىڭ مەملەكەت انىمەن بەس جۇلدىزدى نارت قىزىل تۋ جەلبىرەي كوتەرىلدى.

  پاتەفون ۇستىندەگى التىن ءتۇستى كۇي تاباعى جارقىراعان قۇس جولىنداعى كوك ءتۇستى جەر شارىنا وزگەردى. جارىسقا قاتىناسۋشى ءارقايسى ۋاكىلدەر ۇيىرمەسىنىڭ تۋى الاڭعا كىرگىزىلىپ، الۋان رەڭدى تۋلار توپتالا كەلە شاتتىقتىڭ شالقارىنا اينالدى.

  حالىقارالىق مۇگەدەكتەر وليمپيادا كوميتەتى سپورتشىلار كوميتەتىنىڭ جاڭادان سايلانعان 2 مۇشەسى الاڭنىڭ ورتالىعىنا كەلىپ، بەيجيڭ مۇگەدەكتەر قىسقى وليمپيادا سپورت جارىسىنىڭ 6 ەرىكتىلەر ۋاكىلىنە گۇل ۇسىنىپ، قۇرمەت ءبىلدىرىپ، ەرىكتىلەردىڭ قاجىرلى قۇلشىنىسىنا العىس ايتتى. ۇلكەن ەكراننان ەرىكتىلەردىڭ ىستىق ىقىلاسپەن كەمەلدى قىزمەت وتەگەن اسەرلى كورىنىستەرى كورىندى.

  كوركەم مۋزيكا شىعانداپ، مۇگەدەك جانە سالامات ارتيستەر «سۇيىسپەنشىلىك ۇندەۋىن» بىرگە ورىنداپ، ادامداردىڭ جۇرەك قىلىن تەربەدى. ۇلكەن سكريپكا تارتقان مۇگەدەكتەر حالىقارالىق مۇگەدەكتەر وليمپيادا كوميتەتى ءانىن ورىندادى، حالىقارالىق مۇگەدەكتەر وليمپيادا كوميتەتىنىڭ تۋى باياۋ ءتۇسىرىلدى.

  حالىقارالىق مۇگەدەكتەر وليمپيادا كوميتەتىنىڭ تۋىن تاپسىرۋ - قابىلداۋ سالتى باستالدى. بەيجيڭ قالاسىنىڭ باستىعى چىن جينيڭ حالىقارالىق مۇگەدەكتەر وليمپيادا كوميتەتىنىڭ جارىس تۋىن بۇلعاپ، حالىقارالىق مۇگەدەكتەر وليمپيادا كوميتەتىنىڭ ءتوراعاسى پارسونسقا تاپسىرىپ بەردى. پارسونس جارىس تۋىن كەلەر كەزەكتى مۇگەدەكتەر قىسقى وليمپيادا سپورت جارىسىن وتكىزەتىن قالالار يتاليانىڭ ميلان قالاسىنىڭ ورىنباسار باستىعى سكاۋزو مەن كورتينادامپەززو قالاسىنىڭ باستىعى گەديناعا تابىستادى.

  الاڭدا يتاليانىڭ مەملەكەت ءانى ورىندالىپ، يتاليانىڭ مەملەكەت تۋى شىعارىلدى. ۇلكەن ەكراندا كەلەر كەزەكتى مۇگەدەكتەر قىسقى وليمپيادا سپورت جارىسىن وتكىزەتىن قالانىڭ قىسقا فيلمى «ءبىز شۇعىلامىز» قويىلدى.

  وسىدان سوڭ بەيجيڭ مۇگەدەكتەر قىسقى وليمپيادا سپورت جارىسىن ۇيىمداستىرۋ كوميسسياسىنىڭ ءتوراعاسى ساي چي ءسوز سويلەدى. ول بىلاي دەدى: ەستەن كەتپەس وسى 9 كۇندە دۇنيە ءجۇزىنىڭ جەر - جەرىنەن كەلگەن سپورتشىلار قايىسپاس ەرىك - جىگەرىمەن مۇگەدەكتەر وليمپياداسى ارمانىن جۇزەگە اسىرىپ، ۇمىتكەرلىكپەن العا ىلگەرىلەيتىن ءومىر پوزيتسياسىن، تەرەزەسى تەڭ، ءوزىن الۋەتتەندىرەتىن ءومىر سالاۋاتىن، قايسارلىقپەن ايانباي سايىساتىن رۋحاني كۇشتى ايگىلەپ، بۇكىل دۇنيە جۇزىنە مۇگەدەكتەر قىسقى وليمپيادا سپورت جارىسىنىڭ وزگەشە تارتىمدىلىعىن ۇعىندىردى. مۇگەدەكتەر وليمپياداسى ۇلى شاڭىراعىنىڭ مۇشەلەرى ىنتىماقتاسا سەلبەسىپ، اقپارات قۇرالدارى حاباردى دەن قويا جالعاپ تاراتىپ، بۇكىل الەمگە تارتىمدى مۇگەدەكتەر وليمپيادا سپورتىن كورسەتتى. بارلىق قىزمەت وتەۋشىلەرگە، قامتاماسىز ەتۋشى قىزمەتكەرلەرگە العىس ايتامىن، كوپشىلىكتىڭ قۇلشىنۋىندا مۇگەدەكتەر قىسقى وليمپيادا سپورت جارىسى قاراپايىم، حاۋىپسىز، تارتىمدى بولدى. ءبىز الداعى جەردە ”باتىلدىق، بەكىم، ىنتالىلىق، تەڭدىك“ سىندى مۇگەدەكتەر وليمپياداسىنىڭ قۇن كوزقاراسىن ۇزدىكسىز ساۋلەلەندىرىپ، مۇگەدەكتەر ىستەرىنىڭ اناعۇرلىم زور دامۋىن جۇزەگە اسىرۋدى قول ۇستاسا ىلگەرىلەتىپ، تاماشا بولاشاققا بىرگە بەت الامىز.

  حالىقارالىق مۇگەدەكتەر وليمپيادا كوميتەتىنىڭ ءتوراعاسى پارسونس ءسوز سويلەدى. ول مىنالاردى ءبىلدىردى: بەيجيڭ مۇگەدەكتەر قىسقى وليمپيادا سپورت جارىسى ادامدى تاڭداي قاقتىرىپ، حاۋىپسىز، سەنىمدى، تارتىمدى، كەرەمەت بولىپ، بولاشاقتاعى مۇگەدەكتەر قىسقى وليمپيادا سپورت جارىسىنا ونەگە كورسەتتى. جۇڭگونىڭ مۇگەدەكتەر قىسقى وليمپيادا سپورتىندا قۋاتتى ەلگە اينالعاندىعىن قۇتتىقتايمىن، بەيجيڭ مۇگەدەكتەر قىسقى وليمپيادا سپورت جارىسىن ۇيىمداستىرۋ كوميسسياسىنا، جۇڭگو مۇگەدەكتەر وليمپيادا كوميتەتىنە، جۇڭگو ۇكىمەتىنە جانە بارلىق جۇڭگو حالقىنا العىس ايتامىن. سوڭىندا پارسونس بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ اياقتالعاندىعىن جاريالادى ءارى سپورتشىلاردى 4 جىلدان كەيىن، ميلان − كورتينادامپەززودا تاعى دا باس قوسۋعا شاقىردى.

  مۇگەدەكتەردىڭ كۇلىمسىرەگەن ساتتەرىنەن قۇراستىرىلعان قىسقا فيلم ەڭ سوڭعى قوشتاسۋ ءساتىن كورسەتتى. ۇمىتىلماس ەستەمەلەرگە تولى كورىنىستەر پاتەفوندا قايتا كورىندى. ادامدى تەبىرەنتەتىن «قار گۇلىنىڭ» اسەرلى اۋەنىمەن ”ۇلكەن قار گۇلى“ فورماسىنداعى بەيجيڭ مۇگەدەكتەر قىسقى وليمپيادا سپورت جارىسىنىڭ نەگىزگى الاۋى باياۋ ءسوندىرىلدى.

  سوقىر بالالار قور ۇيىرمەسىندەگى بالالاردىڭ كۇمىستەي سىڭعىرلاعان ءان اۋەنىندە ”بەيجيڭ 2022“ جازۋىن قۇراعان وتشاشۋ دەنە تاربيە الاڭىنىڭ كەڭىستىگىندە جارقىرادى.

  بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، بەيجيڭدەگى مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى اياقتاۋ سالتىنا قاتىناستى.

   حالىقارالىق مۇگەدەكتەر وليمپيادا كوميتەتىنىڭ جاۋاپتىسى قاتارلىلار اياقتاۋ سالتىنا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.