اۆتونوميالى رايوندىق پارتكومنىڭ تۇراقتى كوميتەتى كەڭەيتىلگەن ءماجىلىس اشتى
باس شۋجي شي جينپيڭنىڭ ماڭىزدى سوزدەرىنىڭ رۋحى جانە مەملەكەتتىك ەكى ءماجىلىستىڭ رۋحى، سونداي - اق بۇكىل ەلدىڭ ىندەتتەن ساقتانۋ - تىزگىندەۋ قىزمەتى جونىندەگى تەلەۆيزور - تەلەفون ءماجىلىسىنىڭ رۋحى سياقتىلاردى جەتكىزدى، دايەكتىلەندىردى
ما شيڭرۇي ءماجىلىستى باسقاردى
انار بۇلت / شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 3 - ايدىڭ 13 - كۇنى تۇستەن بۇرىن كەڭەيتىلگەن ءماجىلىس اشىپ، باس شۋجي شي جينپيڭنىڭ مەملەكەتتىك ەكى ماجىلىستە سويلەگەن ماڭىزدى ءسوزىنىڭ رۋحىن جانە مەملەكەتتىك ەكى ءماجىلىستىڭ رۋحىن جەتكىزدى، دايەكتىلەندىردى، باس شۋجي شي جينپيڭنىڭ ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا ورتالىق رەفورمانى جاپپاي تەرەڭدەتۋ كوميتەتىنىڭ 24 - رەتكى ماجىلىسىندە سويلەگەن ماڭىزدى سوزدەرىنىڭ رۋحىن، سونداي - اق قىزمەتتەن ەسەپ بەرۋ باياندامالارىن تەكسەرىپ وقىعاندا ورتاعا قويعان ماڭىزدى تالاپتارىن جەتكىزدى، دايەكتىلەندىردى، بۇكىل ەلدىڭ ىندەتتەن ساقتانۋ - تىزگىندەۋ قىزمەتى جونىندەگى تەلەۆيزور - تەلەفون ءماجىلىسىنىڭ رۋحىن جانە ورتالىقتىڭ اۋىل - قىستاقتى گۇلدەندىرۋدى جالپى بەتتىك ىلگەرىلەتۋ، ىشكى سۇرانىستى كەڭەيتۋ ستراتەگيالىق جوباسى، شىعىس - باتىس بولىكتەردىڭ عىلىم - تەحنيكالىق سەلبەستىگى، عىلىم - تەحنيكا ءتۇزىلىسى رەفورماسى سياقتىلار جونىندەگى قىزمەت ورنالاستىرۋلارىنىڭ رۋحىن جەتكىزدى، دايەكتىلەندىردى، رايونىمىزدىڭ اكىمشىلىك زاڭ ەرەجە شىعارۋ، ەڭبەك شوعىرلى كاسىپ سالالارىن دامىتۋ سياقتى قىزمەتتەرىن اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك ەكى ءماجىلىس سۇبەلى جەتىستىكتەرگە قول جەتكىزدى، بۇل بۇكىل پارتيانى، بۇكىل ەلدەگى ءار ۇلت حالقىن يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ءىس جۇزىندىك ارەكەتتەرى ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋعا جەتەكتەۋ جونىنەن كەلەلى ماڭىز الادى. ءبىز ”ەكىنى تۇراقتاندىرۋدىڭ“ شەشۋشى ماڭىزىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى ماڭىزدى ساياسي مىندەت ەتىپ، ۇيرەنۋدىڭ، دايەكتىلەندىرۋدىڭ كۇشتى رايىن زور كۇشپەن قالىپتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن باسقارىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، رەفورما، دامۋ، ورنىقتىلىق قىزمەتتەرىن تىڭعىلىقتى جاقسى ىستەپ، ەكى ءماجىلىستىڭ رۋحىن شىن مانىندە قوعام ورنىقتىلىعى مەن باياندى تىنىشتىقتى ىلگەرىلەتۋدىڭ ءىس جۇزىندىك ونىمدىلىگىنە اينالدىرۋىمىز كەرەك.
ءماجىلىس باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا، ورتالىق رەفورمانى جاپپاي تەرەڭدەتۋ كوميتەتىنىڭ 24 - رەتكى ماجىلىسىندە سويلەگەن ماڭىزدى سوزدەرىنىڭ رۋحىن، سونداي - اق قىزمەتتەن ەسەپ بەرۋ باياندامالارىن تەكسەرىپ وقىعاندا ورتاعا قويعان ماڭىزدى تالاپتارىن جەتكىزدى، دايەكتىلەندىردى. ءماجىلىس مىنالاردى اتاپ كورسەتتى: قالىڭ جاس كادرلاردى شي جينپيڭ جاڭا ءداۋىر جۇڭگوشا سوتسياليزم يدەياسىن تەرەڭدەي ۇيرەنىپ، جەتە ءتۇسىنىپ، مۇرات - سەنىم نەگىزىن بەكەمدەپ، دۇرىس ناتيجە كوزقاراسىن ورناتىپ جانە ونى امالياتتا ايگىلەپ، شينجياڭنىڭ ءتۇيىندى قىزمەتتەرىن تياناق ەتە شىنايى يگەرىپ، ناقتى ىستەۋگە تاربيەلەۋ، جەتەكتەۋ كەرەك؛ رەفورما تالاپتارىن يگەرىپ، ءادىسىن، جولىن ءتۇسىنىپ، قىزمەت ءتۇيىنىن ايقىنداپ، بازار تۇلعالارىنىڭ ومىرشەڭدىك كۇشىن قورعاۋ جانە قاۋلاتۋ، تۇلعالىق ەكونوميكاعا فينانستىق قىزمەت وتەۋ، نەگىزدىك ءپان دارىندىلارىن جەتىلدىرۋ سياقتى قىزمەتتەردى تىڭعىلىقتى جاقسى ىستەۋ كەرەك؛ قاي - قاشان دا يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ءىس جۇزىندىك ارەكەت ارقىلى پارتيانىڭ قامىن ويلاۋ، وتان ءۇشىن جاۋاپكەرشىلىك وتەۋ، حالىق ءۇشىن ۇلەس قوسۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ ورنالاستىرۋلارى، تالاپتارى بويىنشا، كەزەكتەگى ەل ىشىندەگى ىندەتتىڭ دامۋ جاعدايى مەن شينجياڭنىڭ ىندەتتەن ساقتانۋ - تىزگىندەۋ جاعدايىنا عىلمي تۇردە تالداۋ جۇرگىزىپ، تۇجىرىم جاساپ، ىندەتتەن ساقتانۋ - تىزگىندەۋ سىندى ارقاۋدى قاي - قاشان دا مىقتاپ شيراتىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ جالپى تاكتيكاسىنا تاباندى بولىپ، ”4 ەرتە“ تالاپتارىن تياناقتاندىرىپ، ”4 جاقتىڭ جاۋاپكەرشىلىگىن“ ناقتىلاندىرىپ، ىندەتتەن ساقتانۋ - تىزگىندەۋ جەتىستىكتەرىن بەكەمدەپ، تۇتاس رايوننىڭ ەكونوميكاسىنىڭ، قوعامىنىڭ جوعارى ساپالى دامۋىنا تاماشا ورتا جاراتۋ كەرەك. ىندەتتەن ساقتانۋ - تىزگىندەۋ قولباسشىلىق جۇيەسىنىڭ جوعارى ونىمدىلىگىن، سەزگىرلىگىن ساقتاپ، ىندەتتەن ساقتانۋ - تىزگىندەۋدى ۇدايىلاندىرۋ مەن توسىن جاعدايعا توتەپ بەرۋ بويىنشا ءبىر جاقتى ەتۋدى ۇشتاستىرۋعا تاباندى بولىپ، زاڭ بويىنشا، عىلمي، دارەجەگە، تۇرگە ءبولىپ، دالمە - ءدال ساقتانىپ - تىزگىندەپ، ۇتىمدى تاكتيكالار مەن شارالاردان ويداعىداي پايدالانىپ، ءتۇيىندى سالالار، ءتۇيىندى ادامدار شوعىرى، شەشۋشى بۋىندار جانە ادامدار شوعىرلى ورىندار سياقتىلارداعى ىندەتتەن ساقتانۋ - تىزگىندەۋ شارالارىن تياناقتاندىرۋدى كۇشەيتىپ، شەكارا وتكەلىندەگى ىندەتتەن ساقتانۋ - تىزگىندەۋدى كورنەكتىلەندىرە ويداعىداي يگەرىپ، ”ءبىر تاياقپەن ايداۋدان“، ”باسى ارتىق مىندەت - تالاپ قويۋدان“ قاتاڭ ساقتانىپ، ساقتانۋ - تىزگىندەۋدىڭ زاڭمەن باسقارىلۋ، ۇدايىلانۋ، ارنايىلانۋ ورەسىن ۇزدىكسىز جوعارىلاتۋ كەرەك.
ءماجىلىس ورتالىقتىڭ قاتىستى قىزمەتتەر جونىندەگى ورنالاستىرۋلارىنىڭ رۋحىن جەتكىزدى. ءماجىلىس مىنالاردى اتاپ كورسەتتى: اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، استىق ءوندىرىسى قابىلەتىن جوعارىلاتىپ، استىق حاۋىپسىزدىگىن قامتاماسىز ەتىپ، كەدەيىلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، اۋىل شارۋاشىلىعىنىڭ تۇتاس كاسىپ تىزبەگىن جەتىلدىرىپ، اۋىل - قىستاقتاعى پارتيا قۇرىلىسى مەن اۋىل - قىستاق قۇرىلىسىن كۇشەيتىپ، اۋىل - قىستاقتىڭ جاپپاي گۇلدەنۋىن ىلگەرىلەتۋ؛ جاڭا دامۋ ارناسىنا بەلسەندىلىكپەن قىزمەت ەتىپ جانە ونىمەن توعىسىپ، ءوندىرىس، ءبولىس، اينالىم، تۇتىنۋ بۋىندارىنداعى بوگەتتەردى اشىپ، ىشكى سۇرانىستىڭ كومەسكى كۇشىن ۇزدىكسىز جارىققا شىعارىپ، تۇتىنۋدىڭ دەڭگەيىن ءوسىرۋ قاجەتىنە ۇيلەسىپ، دامۋ سەرپىنىن كۇشەيتۋ؛ عىلىم - تەحنيكا قىزمەتىن اناعۇرلىم ماڭىزدى ورىنعا قويىپ، جوعارى دەڭگەيدە جوبالاۋدى كۇشەيتىپ، بەلسەندىلىكپەن، ىرىقتىلىقپەن ىسكەرلىك كورسەتىپ، ساياساتتى، جوبانى تياناقتاندىرۋدى كۇشەيتىپ، كاسىپورىنداردىڭ عىلمي زەرتتەۋ جۇرگىزۋىن قولداۋدى جانە ولارعا قارجى ۇسىنۋدى كۇشەيتىپ، عىلىم - تەحنيكا دارىندىلارى مەن جاڭالىق اشۋشى تۇلعالاردىڭ ومىرشەڭدىك كۇشىن قاۋلاتىپ، عىلىم - تەحنيكا ءتۇزىلىسى رەفورماسىن ىلگەرىلەتىپ، جاپپاي جاڭالىق اشۋعا قولداۋ كورسەتۋدىڭ نەگىزدىك ءتۇزىمىن قالىپتاستىرۋ كەرەك.
ءماجىلىس اۆتونوميالى رايوندىق حالىق ۇكىمەتىنىڭ 2022 - جىلعى اكىمشىلىك زاڭ ەرەجە شىعارۋ جوسپارى، اۆتونوميالى رايوننىڭ توقىماشىلىق، كيىم - كەشەك سياقتى ەڭبەك شوعىرلانعان كاسىپ سالالارىنىڭ ”14 - بەسجىلدىقتاعى“ دامۋ جوباسى جانە ەڭبەك شوعىرلانعان كاسىپ سالالارىنىڭ ويىسۋىن قابىلداپ، جۇمىستانۋدى جەبەۋ جونىندەگى اتقارۋ پىكىرىن اقىلداستى جانە تالقىلادى. ءماجىلىس مىنالاردى اتاپ كورسەتتى: شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، شينجياڭدى زاڭمەن باسقارۋدى جاپپاي ىلگەرىلەتىپ، شينجياڭدى زاڭمەن باسقارۋدىڭ زاڭ ەرەجە جۇيەسىن كەمەلدەندىرىپ، اكىمشىلىك زاڭ ەرەجە شىعارۋدىڭ ساپاسىن، ونىمدىلىگىن ارتتىرىپ، زاڭمەن باسقارۋ ويىن جانە زاڭمەن باسقارۋ ءادىسىن قولدانىپ، رەفورمانى تەرەڭدەتۋ، دامۋدى ىلگەرىلەتۋ، قايشىلىقتى شەشۋ، ورنىقتىلىقتى قورعاۋ، حاۋىپ - قاتەرگە توتەپ بەرۋ قابىلەتىن ۇزدىكسىز جوعارىلاتۋ؛ شينجياڭنىڭ بايلىق باسىمدىعىنان جانە دامۋ ورايىنان تولىق پايدالانىپ، نىسان ارقىلى جەبەۋدى، قارجى قوسۋ ارقىلى جەتەكتەۋدى، قارجى قۇراۋ ارقىلى قوسىلا ارەكەتتەنۋدى كۇشەيتىپ، شارۋاشىلىق - ساۋدا ورتاسىن جاقسارتىپ، ەڭبەك شوعىرلانعان كاسىپ سالالارىن ۇلعايتىپ، كۇشەيتىپ، شينجياڭ ەرەكشەلىگىندەگى وسى زامانعى كاسىپ سالاسى جۇيەسىن جەدەل ورناتۋ كەرەك.
