تيانشان تورى   ›   جاڭالىقتار   ›   ەل ءىشى حابارى

”ەكى وليمپيادا سپورت جارىسىنىڭ“ تاماشا جاۋاپناماسى جۇڭگو ۇلەسىن ايگىلەدى

□ شينحۋا اگەنتتىگىنىڭ تىلشىلەرى لين دىرىن، ۋاڭ چين - وۋ، يۋە رانران، كۇڭ شياڭشين

  وتكەن 38 كۇندە بايىرعى ۇلى قورعان جۇڭحۋا ۇلتىنا ءتان بولعان، دۇنيە جۇزىنە ءتان بولعان تاعى ءبىر كەرەمەتكە كۋا بولدى.

  بەيجيڭ جاڭجياكوۋمەن قول ۇستاسىپ دۇنيە جۇزىنە بەيجيڭ قىسقى وليمپيادا سپورت جارىسى، بەيجيڭ مۇگەدەكتەر قىسقى وليمپيادا سپورت جارىسى سىندى تاريحقا جازىلۋعا تاتيتىن 2 رەتكى دەنە تاربيە سالتاناتىن سيلادى.

  بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس مەڭگەرىپ، ”قوس 100 جىلدىق“ كۇرەس نىساناسىن جۇزەگە اسىرۋدى كوزدە ۇستاپ جاساعان كەلەلى شەشىمى، ەلىمىزدىڭ ماڭىزدى تاريحي تۇيىنىندە وتكىزىلگەن ەلەۋلى بەلگى سيپاتتى قيمىل.

  بۇرىنعىمەن جالعاسىپ، بولاشاققا ىقپال جاسادى، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ تابىستى وتكىزىلۋى ارقىلى جۇڭگو تاماشا وليمپيادا جاۋاپناماسىن تاپسىرىپ، الەم القاعان جارىس وتكىزۋ كەرەمەتىن جاراتتى.

     ”ەكى وليمپيادا سپورت جارىسى دا تارتىمدى بولدى“، 2 رەتكى ەستەلىك تە ۇمىتىلماستاي بولدى.

جارىس وتكىزۋ جاۋاپناماسى:

وركەنيەتتەردىڭ ءوزارا ۇلگى الۋىنداعى جۇڭگو بەلگىسى

  2 - ايدىڭ 4 - كۇنى، كوكتەم باسى، بەيجيڭ قىسقى وليمپيادا سپورت جارىسى باستالدى! ”قوناق قابىلداۋ شىرشاسى“ پىشىنىندەگى جارقىلداق مەملەكەتتىك دەنە تاربيە الاڭى ”قۇس ۇياسىنىڭ“ اسپانىندا جايناپ، جارىسقا قاتىناساتىن ۋاكىلدەر ۇيىرمەلەرىنىڭ اتى جازىلعان 91 ”كىشكەنە قار گۇلى“ ءبىر ”ۇلكەن قار گۇلى“ بولىپ جينالىپ، بەيجيڭ قىسقى وليمپيادا سپورت جارىسىنىڭ نەگىزگى الاۋ تۇعىرىن تۇلعالادى. وليمپيادا مادەنيەتىن جۇڭگو مادەنيەتىمەن توعىستىرعان بەيجيڭ قىسقى وليمپيادا سپورت جارىسىنىڭ سالتاناتى وسىلايشا شىمىلدىعىن اشتى.

  باس شۋجي شي جينپيڭ كەزىندە بىلاي دەپ باسا دارىپتەگەن بولاتىن: بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ويداعىداي وتكىزۋ پارتيا مەن مەملەكەتتىڭ ءىرى ءىسى، ءبىزدىڭ حالىقارالىق قوعامعا بەرگەن ايبىندى ۋادەمىز، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىق قىزمەتىن جاقسى ىستەۋدىڭ بورىشى داڭقتى، ماڭىزى زور. سەنىمدى بەكەمدەپ، قايراتتانا ءىس تىندىرىپ، كەمەلدەندىرە تۇسۋگە ۇمتىلىپ، قيىنشىلىقتى جەڭىپ، جاڭا دامۋ ۇستانىمىن مۇقيات دايەكتىلەندىرىپ، وليمپيادانى جاسىل وتكىزۋدى، وليمپيادانى ورتاقتاسىپ وتكىزۋدى، وليمپيادانى اشىق وتكىزۋدى، وليمپيادانى كىرشىكسىز وتكىزۋدى دايىندىق قىزمەتىنىڭ تۇتاس بارىسىمەن ساباقتاستىرىپ، ءتۇرلى دايىندىق قىزمەتتەرىن بار كۇشپەن جاقسى ىستەپ، دۇنيە جۇزىنە تارتىمدى، ەرەكشە، ەرەن وليمپيادا سالتاناتتى جينالىسىن سيلاۋعا قۇلشىنۋ كەرەك.

  ەكى كەزەكتى جارىستىڭ تابىستى وتكىزىلۋى جۇڭگو ۋادەسىن ادالدىقپەن امالياتتا ايگىلەدى. بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ ساحناسىندا بۇكىل دۇنيە ءجۇزى سپورتشىلارى سىناسىپ، پىكىرلەسىپ، ىقپالداستى، تۇرلىشە مادەنيەت وسى ارادا توعىستى، تۇرلىشە وركەنيەت وسى ارادا ۇشتاستى. وسىنداي توعىسۋ مەن ۇشتاسۋ بارىسىندا بۇكىل دۇنيە ءجۇزى الۋان ءتۇرلى، سۇيىكتى جۇڭگونى كوردى.

  2008 - جىلدان 2022 - جىلعا دەيىن بەيجيڭ دۇنيە جۇزىندەگى جازعى وليمپيادا سپورت جارىسى مەن قىسقى وليمپيادا سپورت جارىسىن تابىستى وتكىزگەن تۇڭعىش ”قوس وليمپيادا قالاسىنا“ اينالدى. ەكى كەزەكتى وليمپيادا سپورت جارىسى، ەكى رەتكى شارىقتاۋ، وسى رەتكى قىسقى وليمپيادا سپورت جارىسىندا بەيجيڭ جيىنى 2008 - جىلعى وليمپيادا سپورت جارىسىنىڭ 14 جەردەگى مۇراسىنان پايدالاندى. حالىقارالىق وليمپيادا كوميتەتىنىڭ سارا ماركا جانە باياندى دامۋ باس باقىلاۋشىسى ماري سارۋۆا بىلاي دەپ قارادى: مۇنداي الاڭ - سارايلاردان پايدالانۋ ۇلگىسى بۇرىنعى وليمپيادا سپورت جارىستارىنىڭ باياندى دامۋ جاعىنداعى ارتىقشىلىقتارىن شوعىرلاندىردى، جاڭادان الاڭ - ساراي سالۋ بارىسىندا دا جارىستان كەيىنگى پايدالانۋ قاجەتىن تولىق ويلاستىرعان، مۇنداي جارىس وتكىزۋ ۇستانىمى بولاشاقتاعى وليمپيادا سپورت جارىسىنا ۇلگى ازىرلەدى. بەيجيڭ، ءسويتىپ، ءوتىنىش بەرۋ، دايىندالۋ، وتكىزۋ جالپى بارىسىندا «وليمپيادا 2020 كەڭەستىك ءتارتىبىن» امالياتتا ايگىلەگەن تۇڭعىش كەزەكتى وليمپيادا سپورت جارىسىن وتكىزگەن ءارى بىرلەسكەن مەملەكەتتەر ۇيىمىنىڭ باياندى دامۋ نىساناسىن بەلسەنە تياناقتاندىرىپ، وليمپيادا سپورت جارىسىن وتكىزگەن قالاعا اينالدى.

  قىسقى وليمپيادا سپورت جارىسى مەن مۇگەدەكتەر قىسقى وليمپيادا سپورت جارىسىنىڭ ەكەۋىنە بىردەي دايىندىق جاسالىپ، ءبىر ورىندا قوس جاۋاپكەرشىلىك ارقالاندى، مۇگەدەكتەر قىسقى وليمپيادا سپورت جارىسىنىڭ تالابى بويىنشا، بەيجيڭ قىسقى وليمپيادا سپورت جارىسى مەن مۇگەدەكتەر قىسقى وليمپيادا سپورت جارىسىن ۇيىمداستىرۋ كوميسسياسى مۇگەدەكتەر قىسقى وليمپيادا سپورت جارىسىنىڭ ەرەكشەلىكتەرى مەن قاجەتتەرىن تولىعىمەن جارىستىڭ ءتۇرلى جۇمىسى مەن قىزمەت وتەۋ بارىسىنا ەنگىزدى. قونالقى جاعىندا، ءارقايسى قىسقى وليمپيادا قىستاعى كەدەرگىسىز قۇرىلعى ورناتىپ، مۇگەدەكتەر وليمپيادا سپورتشىلارى مەن بىرگە جۇرگەن ءمانساپتىلارعا ساپالى قىزمەت وتەۋ ازىرلەپ، كەلىسىم جاساسقان 18 مەيمان ساراي جاڭادان 109 بولمەنى كەدەرگىسىز بولمە ەتىپ وزگەرتتى. ەمدەۋ جاعىندا، 41 بەلگىلەنگەن ەمدەۋ - دەنساۋلىق ساقتاۋ قۇرىلىمىن تۇراقتاندىرىپ، مۇگەدەكتەرگە باعىتتالعان ەرەكشە مەديتسينالىق قۇتقارۋ - كومەكتەسۋ قىزمەت وتەۋى باۋلۋىن ورىستەتتى، قاتىستى الاڭ - سارايلاردا دوڭگەلەكتى ورىندىق، جاساندى قول - اياق جوندەۋ قىزمەت وتەۋىن ازىرلەدى جانە سوقىرلارعا جول باستاۋشى ءيت ارقىلى قىزمەت وتەدى. قاتىناس جاعىندا، 1898 كولىك شىعارىپ، مۇگەدەكتەر قىسقى وليمپيادا سپورت جارىسىنا قىزمەت كورسەتتى، مۇنىڭ ىشىندە 280 كەدەرگىسىز كولىك بار. حاۋىپسىزدىكتى قورعاۋ جاعىندا، قولايلى حاۋىپسىزدىك تەكسەرۋ ولشەمىن جاساپ، مۇگەدەكتەردىڭ حاۋىپسىزدىك تەكسەرۋىن قابىلداۋىنا قولايلىلىق ازىرلەدى. ەرىكتى قىزمەت وتەۋ جاعىندا، جيىنى 9000نان استام ەرىكتى مۇگەدەكتەر قىسقى وليمپيادا سپورت جارىسىنا قىزمەت وتەدى، مۇنىڭ ىشىندە 12 مۇگەدەك ەرىكتى بار.

  قىسقى وليمپيادا سپورت جارىسى تولىق تابىسپەن اياقتالعاننان كەيىن، مۇگەدەكتەر قىسقى وليمپيادا سپورت جارىسى ءساتتى جۇرگىزىلىپ، جۇڭگونىڭ سەنىمدى، سۇيىكتى، قاستەرلى وبرازىن ونان ارى كورنەكتىلەندىردى. كەدەرگىسىز ورتا جاساۋ ءۇشىن، بەيجيڭ مۇگەدەكتەر قىسقى وليمپيادا سپورت جارىسى 3 جارىس رايونىنىڭ نەگىزدىك قۇرىلعىلارىنىڭ 100 مىڭنان استام جەرىنىڭ دەڭگەيىن جوعارىلاتتى؛ بۇكىل ەلدەگى قىستاق (الەۋمەتتىك اۋماق) جالپىلىق قىزمەت وتەۋ قۇرىلعىلارىنىڭ ىشىندە %81ىنىڭ كىرىپ - شىعاتىن اۋىزى، %56ىنىڭ قىزمەت وتەۋ تەكشەسى بار، دارەتحانالاردىڭ %38ى كەدەرگىسىز ەتىپ سالىنىپ جانە جاڭالانىپ، جۇڭگوداعى 85 ميلليون مۇگەدەك تۇرمىستا وسىنىڭ يگىلىگىن كورمەك.

  حالىقارالىق مۇگەدەكتەر وليمپيادا كوميتەتىنىڭ اقپارات مالىمدەمەشىسى گرەگ سپەنس مىنالاردى ءبىلدىردى: ۋاكىلدەر ۇيىرمەلەرىنىڭ باستىقتارى جارىستىڭ ىركىلىسسىز وتكىزىلۋى مەن ۇيىمداستىرۋ كوميسسياسىنىڭ سپورتشىلارعا جاساعان قامقورلىعىن ايرىقشا القادى. حالىقارالىق مۇگەدەكتەر وليمپيادا كوميتەتىنىڭ كەدەرگىسىز بولۋدى زەرتتەيتىن مامانى يلەانا رودريگو بىلاي دەدى: ”مۇگەدەكتەردىڭ قوعاممەن اناعۇرلىم ىرىقتىلىقپەن توعىسۋىنا وراي جاراتۋدا بەيجيڭ كەلەسى كەزەكتى مۇگەدەكتەر قىسقى وليمپيادا سپورت جارىسىن وتكىزەتىن داياشى ەلگە ۇلگى بولدى“.

  وليمپيادانىڭ جۇڭگو جوباسى ءوتىنىش ەتۋدىڭ، دايىندالۋدىڭ، وتكىزۋدىڭ جالپى بارىسىنا ءسىڭىرىلىپ، ءداستۇردى جالعاستىرىپ، ەرەكشەلىكتى ساۋلەلەندىرىپ، ”جۇڭگو كۇشى“ دۇنيە جۇزىمەن توعىسىپ، وليمپيادا سپورتىنىڭ جاڭا ءداۋىرىن باستادى.

  ءبىر توپ وليمپيادا سپورت جارىسى الاڭ - سارايلارى جارىق ەتىپ كوزگە ءتۇستى: ”قۇس ۇياسى“ جاڭالانىپ، دەڭگەيى جوعارىلاپ ”ەڭ زەردەلى سارايعا“ اينالدى؛ ”سۋ تەكشە“ سارايى ”سۋ مەن مۇزدى اۋىستىرۋدى“ جۇزەگە اسىرىپ ”مۇز تەكشەگە“ اينالدى؛ ”مۇز جىبەك باۋ“ ”ەڭ تەز مۇزدى“ تۇلعالاپ قالماستان، قالا بۇقاراسىنىڭ ”مۇزداعى سايران باعىنا“ اينالدى.

  ءبىر توپ عىلىم - تەحنيكا جەتىستىكتەرى شوعىرلى جارىققا شىقتى: 3 جارىس رايونىندا جانە توڭىرەگىندەگى رايونداردا قىسقى وليمپيادا اۋا رايىن كەشەندى باقىلاۋ - ولشەۋ جەلىسى ”100 مەتر دارەجەسىندەگى“، ”مينۋت دارەجەسىندەگى“ ەگجەي - تەگجەيلى اۋا رايى بولجامىن جۇزەگە اسىردى؛ جالپى بارىستىق زەردەلى سيفرلى ىمداۋ ءتىلىن قالىپتاستىرۋ قىزمەت وتەۋى ەستۋ كەمىستىگى بار ادامداردىڭ جارىس حابارلارىن كورۋىنە قولايلىلىق جاسادى؛ 8K كەسكىنى 5.1 دىبىس جولاعى قورشامالى ستەرەولدى دىبىسپەن ۇشتاستىرىلىپ، ”بۇلت“ ارقىلى جارىستى تاماشالايتىن كورەرمەندەردىڭ يممەرسيۆتىك اسەرى اناعۇرلىم كۇشتى دىبىستاردى سەزىنۋىنە مۇمكىندىك بەردى.

  بەيجيڭ، جاڭجياكوۋدىڭ قالا قۇرىلىسىنا تىڭ ومىرشەڭ كۇش قوسىلدى، بەيجيڭ - تيانجين - حىبەيدى سايكەستى دامىتۋ سياقتى ماكرولىق ستراتەگيالار دا جالپى بەتتىك ىلگەرىلەۋشىلىككە قول جەتكىزدى.

  بەيجيڭ تەحنولوگيالىق داشۋەسى ماركسيزم شۋەيۋانىنىڭ پروفەسسورى ياڭ سايلين مىنانى ءبىلدىردى: جۇڭگو ”قار - مۇز ۋادەسىن“ تولىق تابىسپەن امالياتتا ايگىلەپ، دۇنيە جۇزىنە قىسقى وليمپيادانىڭ ”جۇڭگو جوباسىن“ ىقىلاسپەن ارناپ، جۇڭگو كوممۋنيستىك پارتياسى بيلىك جۇرگىزۋىنىڭ قۇدىرەتتى باسشىلىق قۋاتى مەن جۇڭگوشا سوتسياليزمنىڭ كۇشتى شوعىرلاندىرىپ ءىرى ءىس تىندىراتىن تۇزىمدىك ابزالدىلىعىن تولىق ايگىلەدى.

جۇلدەلى جارىس جاۋاپناماسى:

”اناعۇرلىم ىنتىماقتى بولۋدىڭ“ تارتىمدى تاراۋىن جازدى

  3 - ايدىڭ 4 - كۇنى بەيجيڭ مۇگەدەكتەر قىسقى وليمپيادا سپورت جارىسىنىڭ باستالۋ سالتىندا كورۋ كەمىستىگى بار سپورتشى لي دۋان ءبىر مينۋت ىزدەگەن سوڭ، اقىرى بۇكىل الاڭداعى كورەرمەندەردىڭ القاۋ ءۇنى ىشىندە نەگىزگى الاۋدى ناۋاشىققا مىقتاپ بەكىتتى، مەملەكەتتىك دەنە تاربيە الاڭى ”قۇس ۇياسىنداعى“ ”ۇلكەن قار گۇلى“ تاعى دا جارقىرادى.

  ادامدى اسەرلەندىرگەن وسى ءسات وليمپيادا رۋحىن جان - جاقتى ايگىلەدى: الاۋگەردىڭ ساناسىندا ساۋلە بولسا، جارىقتى كورە الماسا دا، جارىققا ۇمتىلىسىنان جازبايدى. بۇل بەينە ادامزات ءتۇرلى سىن - سايىستارعا ءدوپ كەلسە دە، ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋعا“ دەگەن تالپىنىسىن توقتاتپاعانىنداي. نەگىزگى الاۋدىڭ جالىنى ءالسىز بولسا دا، ”كىشكەنە قار گۇلىنەن“ قۇرالعان ”ۇلكەن قار گۇلى“ بەيجيڭنىڭ تۇنگى كەڭىستىگىنە ساۋلە شاشتى، جارىسقا قاتىناسقان ءاربىر ۋاكىلدەر ۇيىرمەسىنىڭ اتى تىعىز جينالىپ، ”اناعۇرلىم ىنتىماقتى بولۋ“ ادامزات بولاشاعىن كەسكىندەدى.

  وسى ءبىر ساتتە ەكى وليمپيادا ءبىر قار گۇلىمەن نۇرلاندى، 2 جارىس الاڭىنداعى سپورتشىلار دا ءبىر رۋحپەن جىگەرلەندى.

  بەيجيڭ قىسقى وليمپيادا سپورت جارىسىندا جيىنى 29 مەملەكەت پەن ءوڭىر مەدالعا يە بولدى، دۇنيە جۇزىلىك 2 رەكورد، وليمپيادا سپورت جارىسىنداعى 17 رەكورد ىلگەرىندى - كەيىندى جاڭالاندى؛ بەيجيڭ مۇگەدەكتەر قىسقى وليمپيادا سپورت جارىسىندا دا سپورتشىلار دۇركىن - دۇركىن كورنەكى سارا ناتيجەلەرگە قول جەتكىزدى. قىسقى وليمپيادا سپورت جارىسىنداعى ”ەڭ تەز مۇز“ دۇنيە ءجۇزىنىڭ نازارىن اۋداردى، ال مۇگەدەكتەر قىسقى وليمپيادا سپورت جارىسىنداعى جۇڭگو سپورتشىلارىنىڭ سۇبەلى ناتيجەلەرىنە توراپتاستار تاڭ قالا تاڭداي قاقتى.

  ال ناتيجە مەن رەكوردتان تىس، 2 كەزەكتى سالتاناتتى جينالىس تا ادامزاتتىڭ رۋحاني دۇنيەسىنە قىمباتتى ورتاق بايلىق قالدىردى.

  ”جول بولماسا نە بوپتى؟ جول جاساپ الساق بولدى عوي!“. بۇل بەيجيڭ قىسقى وليمپيادا سپورت جارىسىنداعى جۇڭگونىڭ مۇزدا مانەرلەپ سىرعاناۋ 2 ادامدىق گرۋپپاسىنداعى سۇي ۋىنجيڭ مەن حان سۇڭنىڭ التىن مەدال العاننان كەيىنگى تەبىرەنىسى. جاس كەزدەرىندە ەلەۋسىز قارالعان، حال - جايلارى ەڭ جالىندى كەزدە ءۇستى - ۇستىنە جارالانىپ جانە اۋىرىپ قالعان - دى، وسىلاردى باستان كەشىرگەننەن كەيىن، ەكەۋى تاباندىلىقپەن 15 جىل قول ۇستاسا ءجۇرىپ، ەڭ سوڭىندا بەيجيڭنىڭ مۇز ايدىنىندا التىن مەدال الۋ ارماندارىنا جەتتى. جارىستان كەيىن سۇي ۋىنجيڭ ەكەۋى كەزىندە ءبىر مەزگىل ”جۇرەر جولىمىز قالمادى“ دەپ ويلاعاندارىن بۇكپەسىز ايتتى. الايدا بەيجيڭ قىسقى وليمپيادا سپورت جارىسىنىڭ جارىس الاڭىندا ولار قيىندىعى توتەنشە جوعارى ”كەڭىستىكتە 4 رەت ايلانۋدى“ ءساتتى ورىنداپ، قيىن بوگەتتى بۇزىپ، تىڭ تىنىس بايقاتتى.

  ال مۇگەدەكتەر وليمپيادا سپورت جارىسىنىڭ الاڭىندا ءوزىن جەڭۋ، ءوزىن تىنباي الۋەتتەندىرۋ حيكايالارى ءار كۇنى جازىلىپ جاتتى. 3 - ايدىڭ 7 - كۇنى 47 جاستاعى فرانسيالىق ساڭلاق سەسيل ەرناندەس بەيجيڭ مۇگەدەكتەر قىسقى وليمپيادا سپورت جارىسىنداعى سىڭار تاقتايلى شاڭعىمەن سىرعاناۋ ءتۇرىنىڭ ايەلدەردىڭ كەدەرگىدەن ءوتىپ قۋالاي سىرعاناۋىنىڭ LL2 دارەجەلى جارىسىندا التىن مەدالعا قول جەتكىزدى، بۇل ءارى وسى ساقا شەبەردىڭ ومىرىندەگى مۇگەدەكتەر وليمپيادا سپورت جارىسىندا العان تۇڭعىش التىن مەدالى. 20 جىلدىڭ الدىندا ەرناندەس ءجيى ۇستايتىن سىرەسۋ اۋرۋى سەبەبىنەن ءجۇرۋ قۋاتىنان ماڭگى ايرىلىپ قالعان ەدى، ايتسەدە ول تاعدىرعا باس يمەستەن، ەڭ سوڭىندا ءوز تاعدىرىنىڭ قوجاسى بولدى.

  وسى سياقتى اڭگىمەلەر ءار كۇنى قىسقى وليمپيادا سپورت جارىسى مەن مۇگەدەكتەر قىسقى وليمپيادا سپورت جارىسىنىڭ ساحناسىندا قويىلىپ جاتتى: ”ءتورت كەزەك ساقا شەبەر“ شۇي مىڭتاۋ، چي گۋاڭپۋلار تاباندىلىقپەن تابىسقا جەتتى؛ 49 جاستاعى كلاۋديا پەچشتەين ايەل ساڭلاقتاردىڭ قىسقى وليمپيادا سپورت جارىسىنا قاتىناسۋىنداعى جاسى ەڭ ۇلكەن بولۋ رەكوردىن جاڭالادى؛ گۋ ايليڭ وزىنە سايىس جاريالاۋ ءۇشىن مۇلدە ءساتتى بولىپ كورمەگەن جاڭا ارەكەتتى تاڭدادى؛ بەلگيالىق بويجەتكەن گيلوت كورۋ كەمىستىگى بار سپورتشى شەشەسىنە جەتەكتەي سىرعاناۋشى بولىپ، قارتايعان اناسىنا سەرىك بولىپ ءومىر قۇنىن جۇزەگە اسىردى؛ جىعىلدى، تۇرەگەلدى، تاعى جىعىلدى، تاعى تۇرەگەلدى 39 جاستاعى يراندىق ايەل، سىڭار تاقتايلى شاڭعىمەن سىرعانايتىن مۇگەدەك سپورتشى سەدىگە رۋزبەنىڭ ارمانعا تالپىنىسىنان تاباندىلىق پەن قايسارلىق مەن مۇندالادى ...

  ”ناتيجە تەك مەدال الا الدى ما نەمەسە قانشا مەدال الدى دەگەندە ەمەس، ونان دا ماڭىزدىسى، وليمپيادا رۋحىن ايگىلەپ، ءوزىن تىنباي الۋەتتەندىرىپ، ءوزىن ۇتىپ، ءوزىن جەڭۋدە كوزگە تۇسەدى“. سوچي قىسقى وليمپيادا سپورت جارىسىندا ءتوراعا شي جينپيڭنىڭ وسى ءسوزى جاپپاي ۇندەستىك تۋدىرعان بولاتىن. بەيجيڭدەگى 2 سالتاناتتى جينالىستىڭ تابىستى وتكىزىلۋى جارىسقا قاتىناسقان سپورتشىلاردىڭ وليمپيادا رۋحىن امالياتتا ايگىلەۋىنە ەرەن ساحنا ازىرلەدى، سونداي - اق ىندەت سياقتى ورنىقسىز فاكتورلاردىڭ مازالاۋىنا ابدەن ۇشىراعان بۇگىنگى دۇنيە جۇزىنە مەيىر باعىشتادى.

  ”مەن اسىقتىم، قايتا قايتىپ بارىپ، ارالاپ كورۋدى ويلادىم“. بەيجيڭنەن كەتكەننەن كەيىن، امەريكالىق سىڭار تاقتايلى شاڭعى سپورتشىسى، 18 جاستاعى تەسسا مود جۇڭگونى ساعىنا باستادى. بەيجيڭ قىسقى وليمپيادا سپورت جارىسىنىڭ باستالۋ سالتىنان كەيىن، مود الەۋمەتتىك جەلى مەديالارىندا باستالعان كۇنگى تۇندە ەرىكتىلەردىڭ وزىنە ”جۇڭگوعا قوش كەلدىڭىز“ دەپ ايعايلاعان ءساتىن اسەرلەنە ەسكە الىپ، شىداي الماي كوز جاسىنا ەرىك بەردى. ول ەرىكتى بولعان اعالارىمەن ىلە - شالا ينتەرنەتتە كەڭىستىك اتتاعان دوستىق ورناتىپ، ”تاماشالاپ وتىرعان“ تالاي ەلدەگى توراپتاستاردى اسەرلەندىردى: ”مىنە، بۇل وليمپيادا!“.

  وليمپيادا دەگەن نە؟ ”اناعۇرلىم ىنتىماقتى بولۋ“ دەگەنىمىز وليمپيادا. بەيجيڭ قىسقى وليمپيادا سپورت جارىسى وليمپيادا ناقىلىنا ”اناعۇرلىم ىنتىماقتى بولۋ“ دەگەن ءسوز قوسىلعاننان كەيىن وتكىزىلگەن العاشقى كەزەكتى وليمپيادا سپورت جارىسى بولدى، ”بولاشاققا بىرگە اتتانايىق“ دەگەن ۇندەۋ توڭىرەكتىڭ ءتورت بۇرىشىنان كەلگەن قار - مۇز سپورتشىلارىن ىنتىماقتاسۋدىڭ، ءبىر - بىرىنە كومەكتەسۋدىڭ ومىرلىك شۇعىلاسىن شاشۋعا، قول ۇستاسا بىرگە اتتاناتىن ورتاق مۇراتتى كوكەيدە ساقتاۋعا جەتەكتەيدى.

  بەيجيڭ قىسقى وليمپيادا سپورت جارىسىنداعى ەركىن شاڭعى ءتۇرىنىڭ ايەلدەر ۇلكەن تۇعىردان سەكىرۋ شەشۋشى جارىسىنان كەيىن، اعا جۇلدەگەرلىككە قول جەتكىزگەن گۋ ايليڭ مەن كىشى جۇلدەگەرلىككە يە بولعان ماتيلد گرەيمود كوز جاسىن كولدەتىپ تۇرعان جۇلدەگەر تەسس ليۋددتى جۇباتتى؛ سۋ يميڭ سىڭار تاقتايلى شاڭعى تۇرىندەگى ەرلەردىڭ بەتكەيدە كەدەرگىدەن ءوتۋ شەبەرلىگى شەشۋشى جارىسىندا جازاعا ۇشىراپ، تالاس - تارتىسقا جولىققاندا جاتتىقتىرۋشىسى باعالاۋدىڭ قيىندىعىن ءتۇسىندى ءارى كوپشىلىكتەن تورەشىنى سىنداۋدى دوعارۋدى ءوتىندى؛ بەيجيڭ قىسقى وليمپيادا سپورت جارىسىنداعى مۇز شاۋگىم تۇرىندەگى ەر - ايەل ارالاسقان قايتالامالى جارىسىندا جۇڭگو مەن امەريكانىڭ جارىسى اياقتاعاننان كەيىن، جۇڭگولىق جانە امەريكالىق ساڭلاقتار ءبىر - بىرىنە ەستەلىك ءۇشىن تارتۋ ۇسىندى ...

  مەملەكەت پەن ناسىلگە بولمەدى، ءنومىر سالىستىرماسى مەن جەڭىس - جەڭىلىستەن اتتاپ ءوتتى، بۇل ”دۇنيە ءجۇزىنىڭ ۇلى بىرلىگىنە، كۇللى الەمنىڭ ءبىر شاڭىراق“ ەكەندىگىنە بەرىلگەن ەڭ جاندى تۇسىنىك، بۇل ءارى بەيجيڭنىڭ دۇنيە جۇزىنە الا كەلگەن تارتۋى. ”وسىنشاما كوپ ۋاقىتتان بەرى بۇكىل دۇنيە ءجۇزى ىندەت تۇمانىندا قالدى، باعىمىزعا جاراي وليمپيادا سپورت جارىسىنان ءلاززات الدىق، بۇل ءبىر كەرەمەت ءىس بولدى“. امەريكانىڭ سىڭار تاقتايمەن قاردا سىرعاناۋ شەبەرى، 35 جاستاعى شياۋىن حۋايت: ”جۇڭگوعا ەرەكشە العىس ايتامىن، وليمپيادا ۇلكەن شاڭىراعىنا العىس ايتامىن، وسىنداي ماشاقاتتى كەزدە دە قىسقى وليمپيادا سپورت جارىسىن وتكىزە الدى“، - دەدى.

  بۇل دۇنيە ءجۇزى حالقىنىڭ تابىسى. بەيجيڭ قىسقى وليمپيادا سپورت جارىسىنان كەيىن، مەملەكەت ءتوراعاسى شي جينپيڭ حالىقارالىق وليمپيادا كوميتەتىنىڭ ءتوراعاسى باحقا جاۋاپ حات جازىپ بىلاي دەپ باسا دارىپتەدى: دۇنيە ءجۇزىنىڭ جەر - جەرىندەگى وليمپيادا ساڭلاقتارى 5 ساقينالى تۋ استىنا جينالىپ، ءوزارا قۇرمەت كورسەتىپ، ءبىرىن - ءبىرى جىگەرلەندىرىپ، بوگەتتەردى بۇزىپ ءوتىپ، وزدەرىن جەڭىپ، ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋداي“ وليمپيادا جاڭا ناقىلىن مۇلتىكسىز ورىنداپ، دۇنيە ءجۇزى حالقىنا مەيىر مەن ءۇمىت سيلاپ، دۇنيە جۇزىنە بەيبىتشىلىك پەن دوستىقتىڭ تۇقىمىن شاشىپ، ادامزاتتىڭ ىنتىماقتى نىعايتۋداعى، ۋاقىتتىق قيىنشىلىقتى بىرگە جەڭۋدەگى، بولاشاققا بىرگە اتتانۋداعى قۋاتتى كۇشىن تاسقىنداتتى.

حاۋىپسىزدىك جاۋاپناماسى:

مۇراتىنان اۋىتقىمادى، بولاشاقتى قورعادى

  ”قىسقى وليمپيادا سپورت جارىسىن وتكىزۋدە جۇڭگو ايتقانىندا تۇرادى، ءىس - ارەكەتىنەن ناتيجە شىعارادى“. جاڭا تيپتى ايدارشا ۆيرۋس وكپە قابىنۋ ىندەتىنىڭ سىناعىنا ءدوپ كەلسەدە، جۇڭگو باياعىسىنداي دۇنيە جۇزىنە حاۋىپسىز قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ايگىلەدى.

  ”وتە حاۋىپسىز، وتە الاڭسىز بولدىق!“، ىندەتتەن ساقتانۋ جونىندەگى سەزىنگەندەرىن تىلگە العاندا، شەتەلدىك سپورتشىلار اۋىز جاپپاي وسىلاي دەدى. جابىق ورتادا جۇرسە دە، ماسكى كۇلىمسىرەگەن كوزدەردى جاسىرا المادى، ”ەرەكشە ريزا بولدىق“، بۇل ءسوز ەكى وليمپيادا دا اۋىزدان تۇسپەدى.

  كوپتىڭ كۇشىمەن ىستەلگەن ءىس جەڭىسكە جەتپەي قويمايدى؛ كوپتىڭ پاراساتىمەن ىستەلگەن جۇمىس تابىسقا جەتپەي قويمايدى.

  3 جارىس رايونىن قامتىعان 100 نەشە ەمدەۋ تۇيىنىنەن جارىس الاڭىنىڭ ءىشى - سىرتىنداعى 18 مىڭنان استام ەرىكتىگە دەيىن؛ كۇنى - ءتۇنى الاڭ - سارايلاردىڭ ءتارتىبىن قورعاپ جۇرگەن اماندىق ساقتاۋشى قىزمەتكەرلەردەن جارىس الاڭىنىڭ ءبىرىنشى شەبىندە كۇرەس جۇرگىزگەن قىزمەت ۇجىمدارىنا دەيىن... باح القاۋ ايتقان كەرەمەتتەر − جۇڭگونىڭ ىندەتكە قارسى اتتانۋداعى تابىستى تاجىريبەلەرىنىڭ شاعىن كارتيناسىنىڭ، ونان دا ماڭىزدىسى، جۇڭگو رۋحىنىڭ، جۇڭگو كۇشىنىڭ شوعىرلى ايگىلەنۋى ەدى.

  «ىندەتتەن ساقتانۋ قولدانباسىن» قاتاڭ اتقارىپ، ورتانى جابىق ۇستاپ باسقارۋ ساياساتىن قولداندى، جابىق ورتانىڭ ءىشى - سىرتىندا دەربەس جۇمىس جۇرگىزىلىپ، ىندەتتەن ساقتانۋ - تىزگىندەۋدىڭ قورعانىن بەرىك ورناتىپ قالماستان، ونان دا ماڭىزدىسى، ”ەكى وليمپيادا“ مەن قوعامدىق ورتانىڭ حاۋىپسىز، ورنىقتى اينالىمىن قامتاماسىز ەتتى.

  عىلمي، قاتاڭ ىندەتتەن ساقتانۋ ساياساتىنىڭ جەتەكشىلىگىندە، 2 جەردەگى 3 جارىس رايونى تۇتاس بارىستىق، جابىق، تۇيىندەر بويىنشا ىندەتتەن ساقتانۋ - تىزگىندەۋ جۇيەسىن اتقارىپ، حاۋىپسىز جارىسقا قاتىناسۋ، قىزمەت جانە تۇرمىس ورتاسىن جاراتتى.

  جابىق اينالىم ىشىنە، وليمپيادا قىستاعىنا، الاڭ - سارايعا كىرۋ ەسىگىنە، سپورتشىلار جولىنا، ليفتكە، اقپارات قۇرالدارى قىزمەت بولمەسىنە، اسحاناعا، بارلىق جەرگە يندۋكسيالاعىش زارارسىزداندىرۋ قۇرىلعىسىن ورناتىپ، قول سوزعان لەزدىك ساتتە قولدى زارارسىزداندىرىپ بولادى. يندۋكتيۆسىز ۇلاسپالى دەنە تەمپەراتۋراسىن ولشەۋ جابدىعى ءارقايسى ادامنىڭ دەنە تەمپەراتۋراسىن ولشەي الادى، ”دەنە تەمپەراتۋراڭىز قالىپتى“ دەگەن حابارلاندىرۋ ءۇنى ادامدى الاڭسىز ەتەدى. مەيمانحانادا، اقپارات قۇرالدارى ورتالىعىندا، جارىس الاڭ - سارايلارىندا تۇگەلدەي قولايلى حىسۋان تەكسەرۋ ورنى بار، وليمپياداعا قاتىستى ادامدار جاقىن جەردە كۇندەلىكتى حىسۋان تەكسەرتە الادى.

  حاۋىپسىز ءمۇيىس قۇرىپ، ىندەت جاعدايىنىڭ جارىسقا بولعان ىقپالىن مۇمكىندىكتىڭ بارىنشا ازايتۋ ساڭلاقتاردىڭ ورتاق تانىمىنا اينالدى. ”وليمپيادا قىستاعىندا قاتاڭ زارارسىزداندىرۋ اتقارىلدى، كوپشىلىك تۇگەلدەي ماسكى تارتتى، بۇل ءبىزدىڭ بارلىق زەيىن - زەردەمىزدى جارىسقا شوعىرلاندىرۋعا، تاماشا ناتيجەگە قول جەتكىزۋىمىزگە مۇمكىندىك جاسادى“، - دەدى ايەلدەردىڭ قاردا ەركىن سىرعاناۋ قارداعى شەبەرلىك جارىسىنىڭ اعا جۇلدەگەرى اۆستراليالىق شەبەر جاكارا انتوني.

  قىسقى وليمپيادا سپورت جارىسىنان كەيىن 50 جاسقا تولاتىن، تەز سىرعاناۋداعى گەرمانيالىق قارت شەبەر پەشستاين بەيجيڭ قىسقى وليمپيادا سپورت جارىسىنىڭ ءوزىن تابىسقا جەتكىزىپ، تاريحتاعى تۇڭعىش رەت 8 كەزەك قىسقى وليمپيادا سپورت جارىسىنا قاتىناسقان ايەل سپورتشىعا اينالدىرعانىنا العىس ايتىپ: ”ىندەتتەن قاتاڭ ساقتانۋدى اتقارعاندا عانا كوپشىلىكتىڭ دەنساۋلىق حاۋىپسىزدىگىنە، جارىسقا ءساتتى قاتىناسۋىنا شىنايى كەپىلدىك ەتۋگە بولادى“، - دەدى ول.

  ”ءار كۇنى حىسۋان تەكسەرەدى، تاڭعى استى ىشكەلى بارعاندا جول - جونەكەي تەكسەرتە سالاسىز، 10 سەكۋندقا جەتپەي بىتەدى، وسىنىڭ بارلىعى ادامدى الاڭسىز ەتتى“، - دەپ باعا بەردى مالتالىق سپورتشى جيەنيس سپيتەري.

  زەردەلى تەمپەراتۋرا ولشەۋ، حىسۋاندى جىلدام تەكسەرۋ، بارلىق جەردەگى زارارسىزداندىرۋ جابىقتارى... امەريكالىق قاردا ەركىن سىرعاناۋ سپورتشىسى داريان ستيۆۋنس تاعاتسىزدانا ءسۇيىنىشىن بىلاي دەپ ءبىلدىردى: ”بۇل ءبىر رەتكى حاۋىپسىز وليمپيادا سالتاناتى بولدى“، جۇڭگونىڭ ايرىقشا ىندەتتەن ساقتانۋ - تىزگىندەۋ دەڭگەيى ءار جاقتىڭ اقىل - پاراساتىن ۇيىستىرعان قابىلەتىن ايگىلەدى.

  بۇل ءسوز تەككە ايتىلعان جوق، تىڭعىلىقتى تۇردە ىندەتتەن ساقتانۋ مۇنداي اقىل - پاراساتتى ايگىلەپ قانا قالماستان، ونان دا ماڭىزدىسى، قويۋ گۋمانيتارلىق سۇيىسپەنشىلىكتى ايگىلەدى.

  مۇگەدەكتەر قىسقى وليمپيادا سپورت جارىسى كەزىندە، بۇرىنعى قولدى زارارسىزداندىرۋ ماشيناسىنىڭ جانىنا تۇگەلدەي مۇگەدەكتەر ارناۋلى پايدالاناتىن الاسا قولدى زارارسىزداندىرۋ ماشيناسىن جاڭادان قوستى. ”الاڭ - ساراي ىشىندەگى ىندەتتەن ساقتانۋ قۇرىلعىلارى وتە جاقسى بولىپ، مۇگەدەك سپورتشىلارعا قولايلىلىق جاراتتى. ءبىز بۇل ارادا تەك جارىسقا عانا نازار اۋدارىپ، ىندەت جاعدايىنىڭ كەدەرگىسىنە ۇشىرامادىق“، - دەدى جۇڭگو دوڭگەلەكتى ورىندىق مۇز شاۋگىم قۇراماسىنىڭ باستىعى ۋاڭ حايتاۋ.

  مۇگەدەكتەر وليمپيادا سپورتشىلارىنىڭ ەرەكشەلىگىنە قاراتا، بەيجيڭ قىسقى وليمپيادا سپورت جارىسى مەن مۇگەدەكتەر قىسقى وليمپيادا سپورت جارىسىن ۇيىمداستىرۋ كوميتەتى ءتىپتى دە ەگجەي - تەگجەيلى شارالاردى جاسادى: ومىرتقا قىزمەتى قالىپسىز مۇگەدەكتەردە دەنە تەمپەراتۋراسىن رەتتەۋ رولىنىڭ قالىپسىز بولۋى نەمەسە جەڭىل دارەجەدە قىزۋ جاعدايى كورىنەدى، تەك ارناۋلى تۇجىرىم جاساعاننان كەيىن، سپورتشىلار قالىپتى جارىسقا قاتىناسا الادى؛ كەيبىر مۇگەدەكتەردىڭ ماسكى تاعۋىنا بولمايدى، ولار قورعانۋ بەت قالقاسىن تاقسا بولادى؛ كەيبىر مۇگەدەكتەر ەمەۋرىن ارقىلى سويلەسەدى، ولاردىڭ ماسكىنى ۋاقىتتىق الىپ قويۋىنا بولادى...

  جابىق اينالىم ىشىندە ناۋقاستانىپ قالسا، جارالانىپ قالسا قايتۋ كەرەك؟ بۇعان دا امال بار. قىسقى وليمپيادا سپورت جارىسىنا قاتىستى جارالانۋشى، ناۋقاستانۋشىلار بەس تۇرگە ءبولىندى: جاڭا تيپتى ايدارشا ۆيرۋس وكپە قابىنۋ دياگنوزى تۇراقتانعاندار مەن كۇماندى ناۋقاستار، جابىق اينالىم ىشىندەگى قىزۋ اۋرۋ بەلگىسى بار ناۋقاستار، جابىق اينالىم ىشىندەگى وزگە جارالانعان ناۋقاستار، جابىق اينالىم سىرتىنداعى قىزۋ اۋرۋ بەلگىسى بار ناۋقاستار، جابىق اينالىم سىرتىنداعى وزگە جارالانعان ناۋقاستار. 2100دەن استام ەمدەۋ تىرەكتىلەرى جوعارى ءونىمدى قىزمەت وتەپ، 18 بەلگىلەنگەن شيپاحانا دالمە - ءدال جيناپ ەمدەپ، تۇرلىشە حاۋىپ - قاتەرى بار جارالانعان، ناۋقاستانعان ادامداردىڭ جاناسۋىنان ساقتاندى.

  جوعارى تەحنيكا تاسىلدەرى دە جابىق اينالىمنىڭ ىشىندە ىندەتتەن ساقتانۋعا ءۇن - ءتۇنسىز دەم بەردى. جاڭجياكوۋ جارىس اۋماعىندا 100 مىڭ دانا تابيعي توتەنشە تۇيىرشىك تەحنيكاسىنان پايدالانعان اۋانى زارارسىزداندىرۋ ماشيناسى جارىس كەزىندە تاۋلىك بويى ۇزدىكسىز ميكروب جويىپ زارارسىزداندىردى؛ سيفرلى حالىق اقشاسى جابىق اينالىم ىشىندە تولىق پايدالانۋعا بەرىلىپ، قاعاز اقشا جانە پارشا اقشا قايتارۋداعى قولايسىزدىقتى جويىپ، تەز، جوعارى ءونىمدى ەسەپ جاپتى ءارى ىندەتتەن ساقتانۋ تالابىن دا ورىندادى. نەگىزگى اقپارات قۇرالدارى ورتالىعى بىلتىر 10 - ايدان باستاپ ءار كۇنى اۋا گاز قويمالجىڭ ەرىتىندىسى ارقىلى جاڭا تيپتى ايدارشا ۆيرۋس حىسۋانىن تەكسەرۋدى ورىستەتىپ، كەيىن ءار الاڭ - سارايلارعا جالپىلاستىرىپ پايدالانۋعا تاجىريبە توپتادى.

  ادام عانا حاۋىپسىز بولىپ قالماستان، سىرتتان كەلگەن زاتتىق ماتەريالداردا دا ىندەتتەن ساقتاۋ قامتاماسىزدىعى بار. وليمپيادا سپورت جارىسىن جالعاپ تاراتۋعا قىزمەت وتەۋ سەرىكتەستىگى(OBS) مەن ۇقىعىن العان جالعاپ تاراتۋ ساۋداگەرلەرىنىڭ شەكارا سىرتىنان تەڭىز ارقىلى تاسىمالداپ كەلگەن 250 جۇك قوراپ جالعاپ تاراتۋ جابدىقتارى مەن قۇرىلعى ماتەريالدارىن تۇگەلدەي تەكسەرىپ جانە زارارسىزداندىرعان سوڭ بارىپ الاڭعا كىرگىزىپ قۇردى جانە ورناتتى. كاسىپتىك قىزمەتكەرلەر مەرزىمدى ۋاقىتتا الاڭ - سارايلاردىڭ ءارقايسى جەرىنە ورتا ۇلگىسىن الۋ جانە زارارسىزداندىرۋ ورىستەتتى.

  ”بۇل ارا بۇكىل عالامشاردا ەڭ حاۋىپسىز جەردىڭ ءبىرى، بارلىعىمىز جابىق اينالىمدا وتە حاۋىپسىز، جايلى تۇرمىس كەشىرىپ جاتىرمىز“، - دەپ جابىق اينالىمعا باعا بەردى حالىقارالىق وليمپيادا كوميتەتىنىڭ ءتوراعاسى باح.

  حالىقارالىق مۇگەدەكتەر وليمپيادا كوميتەتىنىڭ ءتوراعاسى پارسونس تا بىلاي دەپ قارادى: جابىق اينالىم وتە حاۋىپسىز، بولىمدى ناۋقاستاردىڭ سانىنىڭ يكەمدى نولگە ءتۇسۋى بارلىعىن دالەلدەدى. ”ساندى مالىمەت وسى ۇستانىمنىڭ وتە دۇرىس ەكەنىن الدەقاشان دالەلدەدى“.

  جابىق اينالىم ىشىندە توپتاسۋدان ىندەت تۋىلمادى، جابىق اينالىم سىرتىنداعى تۇرمىس تا قالىپتى بولدى. مۇنداي ”قوس ءتاسىلدى قاتار اتقارۋ“ مەحانيزمى قوعامداعى ادامداردىڭ دەنساۋلىعىن دا قامتاماسىز ەتتى. جابىق اينالىم ىشىندەگى تارالۋ حاۋپىن ەڭ تومەنگى دەڭگەيدە مەڭگەرگەندىكتەن، ىندەتتىڭ قوعامعا قاراي ”جايىلۋىن“ ءونىمدى بوگەپ، جارىستى تاماشالايتىن كورەرمەن بار جاعدايدا، كورەرمەندەردىڭ مۇلدە جۇعىمدالماۋىن جۇزەگە اسىردى.

  قاراماققا وڭاي كورىنگەن شارالار سانسىز ادامنىڭ جۇرەك قانىن سارقا جۇمساۋىنىڭ جەمىسى؛ ەلەۋسىز كورىنگەن نازىك تۇستاردىڭ بارلىعى جۇزدەگەن، مىڭداعان جوبالاردىڭ ”ەڭ تاماشا جاۋابى“؛ ادامدى تاڭ قالدىرعان ناتيجەلەر بىلتىر قىس، بيىل كوكتەمنەن بەرگى العان بەتتەن جازباعان قۇلشىنۋدىڭ ناتيجەسى... دۇنيە جۇزىنە ءبىر كەزەك تارتىمدى، ەرەكشە، ەرەن وليمپيادا سالتاناتىن سيلادى، ءىرى ەلدىڭ ۋادەسىن بۇلجىماي ورىنداعاندىعىن كورسەتتى.

  قار - مۇز ارمانىن بىرگە ارقالاپ، بولاشاققا بىرگە اتتاندى. ەكى وليمپيادا سالتاناتى جۇڭحۋا وركەنيەتى مەن وليمپيادا سپورتىن تاعى دا قول ۇستاستىرىپ، بۇكىل ادامزاتتىڭ ىنتىماقتى، بەيبىت، دوستىق سيمفونياسىنىڭ اسەم كۇيىن اسقاقتاتتى. جۇڭگو جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن بار كۇشپەن ەڭسەرىپ، حالىقارالىق قوعامعا بەرگەن ايبىندى ۋادەسىن ورىنداپ، ”ەكى وليمپيادانىڭ بىردەي تارتىمدى بولۋىنا“ شىنايى كەپىلدىك ەتىپ، الەم حالقى ءبىر شاڭىراق، دۇنيە ءجۇزىنىڭ ۇلى بىرلىگى سىندى ىنتا - ىقىلاستى ءتۇسىندىرىپ، ادامزاتتىڭ تاعدىرلاس ورتاق تۇلعاسىن قۇرۋدىڭ شىت جاڭا تاراۋىن جازدى.

  حالىقارالىق وليمپيادا كوميتەتىنىڭ ءتوراعاسى باح بىلاي دەدى: ”بۇل ءبىر رەتكى ناعىز تەڭدەسى جوق قىسقى وليمپيادا سپورت جارىسى بولدى، ءبىز جۇڭگونىڭ قار - مۇز سپورتىنداعى ءىرى ەلگە اينالعانىن قارسى الامىز. وليمپيادا رۋحىنىڭ وسىنشاما شۇعىلا شاشۋى جۇڭگو حالقىنىڭ ءبىز ءۇشىن حاۋىپسىز وليمپيادا ساحناسىن ايتارلىقتاي سالۋىنىڭ ارقاسى“.

  حالىقارالىق مۇگەدەكتەر وليمپيادا كوميتەتىنىڭ ءتوراعاسى پارسونس بىلاي دەدى: ”داياشى ەل رەتىندە، جۇڭگو ەڭ جاقسى تۇعىرمەن، ەڭ ىركىلىسسىز اينالىممەن جانە ەڭ ەتەنە قىزمەت وتەۋمەن قامداپ، مۇگەدەكتەر وليمپيادا سپورتشىلارىنىڭ جاقسى بەينە كورسەتۋىنە مۇمكىندىك جاسادى. مۇگەدەكتەر وليمپيادا سپورتشىلارى جارىس الاڭىنداعى بەينەلەرى ارقىلى بۇكىل دۇنيەنى جىگەرلەندىرۋدە جانە وزگەرتۋدە“.

  تارتىمدى جاۋاپنامانى جازىپ بولدىق، رەالدان بولاشاققا قادام تاستادىق، ءبىز ءتىپتى دە زور ناتيجەلەردى كۇتۋگە حاقىلىمىز.

  قار - مۇز ەرىدى، قىسقى وليمپياداسىنا، مۇگەدەكتەر قىسقى وليمپياداسىنا بولعان تەرەڭ ەستەلىكتەر سان ۇرپاق ادامداردىڭ ساناسىنا ءسىڭىرىلىپ، ۋاقىت وتكەن سايىن جاڭارادى.

  قايتالاي ەسكە العاندا، تاريح بىزبەن ماقتانادى! قايتا جولعا شىعىپ، بولاشاققا بىرگە اتتانايىق!

(قاتىناسقان تىلشىلەر لو شين، شيا لياڭ)

(شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.