− رايونىمىزداعى ءار ۇلت كادر - بۇقاراسى بەيجيڭ مۇگەدەكتەر قىسقى وليمپيادا سپورت جارىسىنىڭ تابىستى وتكىزىلگەندىگىنە ماداق ايتتى
□ انار بۇلت / شينجياڭ گازەتىنىڭ تىلشىلەرى
قول ۇستاسا بىرگە ەكپىندەي ىلگەرىلەپ، بولاشاققا بىرگە اتتانايىق! 3 - ايدىڭ 13 - كۇنى كەشتە بەيجيڭ 2022 - جىلعى مۇگەدەكتەر قىسقى وليمپيادا سپورت جارىسى تابىسپەن اياقتادى. بەيجيڭ مۇگەدەكتەر قىسقى وليمپيادا سپورت جارىسىنىڭ نەگىزگى الاۋى باياۋ ءسوندى، ءبىراق مۇگەدەكتەر قىسقى وليمپيادا سپورتشىلارى الا كەلگەن اسەرلەر ادامداردى كوپكە دەيىن تەبىرەنىسكە بولەدى. ولاردىڭ قايراتتانا سايىسىپ، ەرلىكپەن ۇمتىلۋ ارقىلى ”باتىلدىق، بەكىم، ىنتالىلىق، تەڭدىك“ سىندى مۇگەدەكتەر وليمپيادا سپورتىنىڭ قۇن كوزقاراسىن ايگىلەگەندىگى رايونىمىز قوعامىنىڭ ءار سالاسىندا قىزۋ اڭىس قوزعادى. كوپشىلىك جابال مىنالاردى ءبىلدىردى: مۇگەدەكتەر قىسقى وليمپيادا سپورتشىلارىنىڭ وزىنە سەنۋ، ءوز كۇشىنە سۇيەنۋ، ءوزىن الۋەتتەندىرۋ، تالىقپاي تالپىنۋ رۋحىنان ۇيرەنىپ، جاڭا جورىقتا اسقاق جىگەرمەن قايراتتانا ۇمتىلىپ، قاجىماي - تالماي كۇرەس جۇرگىزەمىز.
”بەيجيڭ مۇگەدەكتەر قىسقى وليمپيادا سپورت جارىسىنىڭ سوڭعى مارەسىنە جەتكەندىگىن كورگەندە، كوڭىلىمدى قيماستىق سەزىم بيلەدى“، - دەدى شاپشال سىبە اۆتونوميالى اۋدانى اسىل تۇقىم جەتىلدىرۋ فەرماسىنىڭ تۇرعىنى ي شۋەكۇي. ي شۋەكۇي بالا كەزىندە سالدانۋ اۋرۋىنا شالدىققاندىقتان، ءجۇرىس - تۇرىسى قولايسىز ەدى، دەسە دە، ول ءوزىنىڭ ساداق اتۋ سپورتى جاعىنداعى مۇمكىندىگىن ساۋلەلەندىردى.
”جارىستى كورۋ ارقىلى مەملەكەتتىڭ مۇگەدەكتەر قىسقى وليمپيادا سپورتشىلارىنا ءمان بەرگەندىگىن تولىق سەزىندىم، مەملەكەتتىڭ مۇگەدەكتەرگە جاساعان قامقورلىعىن سەزىندىم، بۇل مەنى ەرەكشە اسەرلەندىردى. ساداق اتۋ سپورتشىسى رەتىندە، مەن سپورتشىلاردىڭ قايراتتانا سايىساتىن رۋحى مەن ولار قول جەتكىزگەن تاماشا ناتيجەلەردى كورىپ، شەكسىز تەبىرەندىم. بۇدان بىلاي مەن وسىنداي رۋحتى ساۋلەلەندىرە بەرەمىن“، - دەدى ي شۋەكۇي.
3 - ايدىڭ 13 - كۇنى كەشتە ساۋان قالاسى دۇڭۋان قالاشىعى نانۋان قىستاعىنداعى ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قىستاق تۇرعىندارىمەن بىرگە بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ اياقتاۋ سالتىنىڭ تىكە تاراتىلىمىن كوردى.
”«سۇيىسپەنشىلىك ۇندەۋى» تاقىرىبىنداعى كونسەرتتى كورگەننەن كەيىن ايرىقشا تەبىرەندىم، بۇل كوزى كورمەيتىن انشىلەر، ەستۋ كەمىستىگى بار يشارات تىلىمەن ورىنداۋشىلار قاتارلىلاردان قۇرالعان مۇگەدەكتەر مەن ساۋ دەنەلى ادامدار توعىسقان كونسەرت ۇيىرمەسى ەكەن، ولار جۇرتقا ءوزارا جىگەرلەندىرۋ، دۇنيەمەن قاۋىشۋداي جان تەبىرەنتەرلىك كۇش - قۋاتتى تاراتتى“. ساۋان قالاسى اۋىل شارۋاشىلىعى، اۋىل - قىستاق مەكەمەسىنىڭ دۇڭۋان قالاشىعى نانۋان قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى ۇلان بازىلبەك بىلاي دەدى: ”ءبىز قىزمەت ورنىمىزدى تياناق ەتىپ، قىستاقتا بۇقارا قىزىعا ات سالىساتىن مادەنيەت - دەنە تاربيە قيمىلدارىن وتكىزىپ، ءار ۇلت بۇقاراسىن ۇزدىكسىز كۇرەس جۇرگىزىپ، اۋىل - قىستاقتى گۇلدەندىرۋگە رۋحاني قوزعاۋشى كۇش ازىرلەپ، ۇزدىك ناتيجەلەرى ارقىلى پارتيا 20 - قۇرىلتايىنا ۇلكەن تارتۋ ۇسىنۋعا جەتەكتەيمىز“.
مۇگەدەكتەر قىسقى وليمپياداسىنىڭ سانسىزداعان سپورتشىلارى شىرقاۋ شەككە سايىس جاريالاپ، وزدەرىنىڭ ەڭ زور مۇمكىندىكتەرىن ساۋلەلەندىرىپ، ومىردەگى اسقاقتىقتارى مەن قايسارلىقتارىن ايگىلەدى، سونىمەن قاتار، ادامدارعا اناعۇرلىم كوپ تەبىرەنىس جانە شابىت سيلادى.
اتۇش قالاسى ازاق قالاشىعى ازاق قىستاعىنىڭ تۇرعىنى نۇربيا ابلەت مۇنى تەرەڭ سەزىندى. نۇربيا بالا كەزىندە سالدانۋ اۋرۋى سەبەبىنەن قول - اياعى مۇگەدەك بولىپ قالعان، قىزىلسۋ قىرعىز اۆتونوميالى وبلىستىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ ازاق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ شابىتتاندىرۋى مەن كومەگىندە ول قىستاقتاعى الەۋمەتتىك يگىلىك سيپاتتى قىزمەت ورنىندا ىستەدى، قازىر ءۇيىن رەمونتتاپ، تاعى جاڭا ءۇي جيھازدارىن، ءۇي ەلەكتر جابدىقتارىن ساتىپ الدى، تۇرمىسى كۇننەن - كۇنگە جاقسارىپ كەلەدى.
”بەيجيڭ مۇگەدەكتەر قىسقى وليمپيادا سپورت جارىسىن كورگەندە، ءار ءسات سايىن تەبىرەندىم جانە كوڭىلىمنىڭ تەرەڭ تۇكپىرىنەن اسەرلەندىم. سپورتشىلاردىڭ جارىس مايدانىنداعى تالىقپاي تالپىنىپ، ەرلىكپەن سايىسقان رۋحى مەنى تۇرمىسقا بەتپە - بەت كەلۋگە، ءوز قۇلشىنىسىم ارقىلى ارمانىما جەتۋگە شابىتتاندىردى“، - دەدى نۇربيا.
جاۋ جيڭ التاي قالاسى ازات جولى ءمالى باسقارماسى ازات جولى الەۋمەتتىك اۋماعىنىڭ تۇرعىنى، ءوزى مۇگەدەك ەدى. ول بىلاي دەدى: ”وسى رەتكى سپورت جارىسى مەنى كوپتەگەن اسەرگە بولەدى، مۇگەدەكتەر قىسقى وليمپيادا سپورتشىلارى وتە ۇزدىك ەكەن، مەن ءوزىمدى ۇنەمى ’مۇگەدەك ەكەنمىن، ەندەشە ءتىپتى دە تالىقپاي تالپىنۋىم كەرەك‘ دەگەن سوزدەرمەن جىگەرلەندىرىپ وتىرامىن. بۇدان بىلاي تۇرمىستىق شەبەرلىكتەردى قۇلشىنا ۇيرەنىپ، ءساليقالى ءومىر كەشىرەمىن“.
”بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىن كورۋ ارقىلى ءبىز مۇگەدەكتەر قىسقى وليمپيادا سپورتشىلارىنىڭ ەرلىكپەن العا ۇمتىلعان سايىسۋ رۋحىن سەزىندىك. بۇگىن كەشتەگى اياقتاۋ سالتى توتەنشە كەرەمەت بولدى، مۇگەدەكتەر قىسقى وليمپيادا سپورت جارىسىنا تاماشا نۇكتە قويدى“، - دەدى جىڭ اۋدانى مۇگەدەكتەر بىرلەستىگى ساۋىقتىرۋ كەڭسەسىنىڭ مەڭگەرۋشىسى جۋ تيڭ.
(ءتىلشى جاڭ تيڭ، قاتىناسقان تىلشىلەر ءجازيرا نەسىپبەك، ءرايدا، سۇڭ ۋيگو، سۇڭ يا - ۋىن، ەرىكتى تىلشىلەر ياڭ جىچىڭ، ارمان گىميڭ)
