انار بۇلت / شينجياڭ گازەتىنىڭ ءتىلشىسى چىن چياڭۋي 3 - ايدىڭ 14 - كۇنى ۇرىمجىدەن حابارلايدى. 3 - ايدىڭ 10 - كۇنى، جالپى 150 توننا زات قورعاس تاس جول شەكارا وتكەلى ارقىلى شەكارادان شىعىپ، قازاقستانعا تاسىمالداندى. بۇل قورعاس تاس جول شەكارا وتكەلى ارقىلى ەكسپورت ەتىلگەن تۇڭعىش توپتاعى شەكارا اتتاعان ەلەكتروندىق ساۋدا زاتتارى بولىپ تابىلادى.
بۇل توپتاعى زاتتار، باستىسى، كەزدەمە، اياق كيىم، ويىنشىق سياقتى ءتۇرلى بۇيىمداردى قامتيدى، جەكە - جەكە كەدەن باقىلاۋ - باسقارۋ ءتاسىلى شارتتى ءنومىرى ”9610“، ”9710“، ”9810“ ۇلگىسىمەن ەكسپورت ەتىلەدى. ”9610“ تولىق اتى ”شەكارا اتتاعان ساۋدا ەلەكتروندىق ساۋدا ىستەرى“، شەكارا ىشىندەگى جەكەلەردىڭ نەمەسە ەلەكتروندىق ساۋدا كاسىپورىندارىنىڭ ەلەكتروندىق ساۋدا ايىرباس تۇعىرى ارقىلى ساۋدا جاساۋعا قولدانىلادى؛ ”9710“ تولىق اتى ”شەكارا اتتاعان ەلەكتروندىق ساۋدا ىستەرى كاسىپورىندارىنىڭ كاسىپورىندارعا قاراتا تىكە ەكسپورت ەتۋى“، بۇل شەكارا اتتاعان ەلەكتروندىق ساۋدا B2B تىكە ەكسپورت ەتەتىن زاتتارعا ساي كەلەدى؛ ”9810“ بولسا ”شەكارا اتتاعان ەلەكتروندىق ساۋدا شەتەلگە ەكسپورت ەتۋ قامباسى“، شەكارا اتتاعان ەلەكتروندىق ساۋدا شەتەلگە ەكسپورت ەتۋ قامباسىنداعى زاتتارعا ساي كەلەدى.
بۇل زاتتاردى ەكسپورت ەتەتىن كاسىپورىن قورعاستاعى جەرگىلىكتى ءمالىم سىرتقى ساۋدا كاسىپورنى. وسى كاسىپورىننىڭ جاۋاپتىسى يۇي چىڭجۇڭ ءداستۇرلى ساۋدا تيبىندەگى كاسىپورىن رەتىندە، وزدەرىنىڭ شەكارا اتتاعان ساۋدادا اۋەلگى ناقتى ورىندا توقتامعا قول قويۋ ۇلگىسىنەن ينتەرنەتتە ساۋدا ىستەۋگە قاراي بۇرىلىس جاساپ، شەكارا اتتاعان ساۋدانىڭ، سونداي - اق شەكارا اتتاپ تولەۋدىڭ اناعۇرلىم قولايلىلاسۋىنا مۇمكىندىك جاساۋدى تۇڭعىش رەت سىناق رەتىندە جۇرگىزىپ وتىرعاندىعىن ايتتى.
قورعاس كەدەنى تەكسەرۋ 2 - ءبولىمىنىڭ باستىعى حاميت سامەت مىنانى ءبىلدىردى: قورعاس قالاسى وسىدان بۇرىن ەكسپورت ەتكەن شەكارا اتتاعان ەلەكتروندىق تاۋارلار، باستىسى، جۇڭگو - قازاقستان قورعاس حالىقارالىق شەكارالىق سەلبەستىك ورتالىعىنىڭ كەڭىستىك قۇرلىق كوپىرى ارقىلى شەكارادان شىعارىلعان. جىل باسىنان بەرى جەرگىلىكتى ورىنداعى قاتىستى تاراۋلار جابال كۇش قوسىپ سەلبەسىپ، قورعاس تاس جول كەدەنىنىڭ كەدەننەن وتكىزۋ قۋاتىن اناعۇرلىم جوعارىلاتتى، شەكارا وتكەلى شارۋاشىلىق - ساۋدا ورتاسى ساپالىلانىپ، شەكارا اتتاعان ەلەكتروندى ساۋدانى دامىتۋعا اناعۇرلىم قولايلى شارت - جاعداي ازىرلەندى.
