تيانشان تورى
تيانشان تورى   ›   جاڭالىقتار   ›   سپورت الەمى

رايونىمىز قالا - قالاشىقتاردىڭ الەۋمەتتىك اۋماقتارىندا 15 مينۋتتىق دەنە شىنىقتىرۋ شەڭبەرىن قۇرۋدى جەدەلدەتپەكشى

  انار بۇلت / شينجياڭ گازەتىنىڭ ءتىلشىسى جىڭ ي - يۋان 3 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق دەنە تاربيە مەكەمەسىنەن ۇعىسۋىمىزشا، رايونىمىز الداعى جەردە ”بۇقارا قايدا بارىپ دەنە شىنىقتىرادى“ دەگەن ماسەلەنى شەشۋدى تاقىرىپ ەتىپ، ايماقتاردىڭ، وبلىستاردىڭ، قالالاردىڭ جالپى حالىقتىڭ دەنە شىنىقتىرۋ ورتالىعى، دەنە تاربيە باقشاسى، الەۋمەتتىك دەنە تاربيە الاڭى، قوعامدىق فۋتبول الاڭى سياقتى دەنە شىنىقتىرۋ قۇرىلعىلارىن قۇرۋىنا جەتەكشىلىك ەتىپ جانە وعان قولداۋ كورسەتىپ، اۋىل - قالاشىقتاردىڭ، مالىلەردىڭ دەنە شىنىقتىرۋ الاڭدارىنا اسپاپ سەپتەۋدى كۇشەيتىپ، كوپ ساتىلى دەنە شىنىقتىرۋ قۇرىلعىلارى تورىن جانە قالا - قالاشىقتاردىڭ الەۋمەتتىك اۋماقتارىندا 15 مينۋتتىق دەنە شىنىقتىرۋ شەڭبەرىن قۇرۋدى جەدەلدەتەدى ەكەن.

  ۇعىسۋعا قاراعاندا، كەزەكتە، رايونىمىزدا 67 مىڭ 700 دەنە تاربيە الاڭى سالىنعان، مۇنىڭ ىشىندە جابىق دەنە تاربيە الاڭ - سارايلارىنان 9500ى، اشىق دەنە تاربيە الاڭدارىنان 58 مىڭ 200ى بار بولىپ، دەنە تاربيە الاڭىنىڭ ادام باسىنا شاققانداعى اۋدانى 2.03 شارشى مەترگە جەتەدى ەكەن. 2025 - جىلعا جەتكەندە، رايونىمىز بۇكىل ەلمەن تەڭ قادامدا، اناعۇرلىم جوعارى دەڭگەيدەگى جالپى حالىقتىق دەنە شىنىقتىرۋ الەۋمەتتىك قىزمەت وتەۋ جۇيەسىن نەگىزىنەن قۇرىپ بولادى، دەنە تاربيە الاڭىنىڭ ادام باسىنا شاققانداعى اۋدانى 2.6 شارشى مەترگە جەتىپ، دەنە شىنىقتىرۋمەن ۇنەمى اينالىساتىن ادام سانىنىڭ سالىستىرماسى %38.5كە جەتەدى ەكەن.

  اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ شۋجيى ديڭ يوۋميڭ بىلاي دەپ تانىستىردى: جەر - جەردىڭ جاڭادان سالىنعان تۇرعىندار رايونى جابىق قۇرىلىستىڭ ادام باسىنا شاققانداعى كولەمى 0.1 شارشى مەتردەن تومەن بولماۋ نەمەسە اشىق پايدالاناتىن جەردىڭ ادام باسىنا شاققانداعى كولەمى 0.3 شارشى مەتردەن تومەن بولماۋ ولشەمى بويىنشا الەۋمەتتىك دەنە شىنىقتىرۋ قۇرىلعىلارىن سالادى. بۇدان كەيىن تاعى جالپى حالىقتىق دەنە شىنىقتىرۋدىڭ جاڭا كەڭىستىگىن ۇزدىكسىز كەڭەيتىپ، دەنە تاربيە باقشاسى قۇرىلىسىن ىلگەرىلەتىپ، قازىرگى بار قالا شەتى باقشالارىندا، قالا باقشالارىندا ءمالىم سالىستىرماداعى دەنە تاربيە قۇرىلعىلارى جەرگىلىكتى جاعدايعا قاراي سالىنادى. پارتيا، ۇكىمەت ورگاندارىنىڭ، ءىسورىندارىنىڭ جانە مەملەكەت مەنشىگىندەگى كاسىپورىنداردىڭ دەنە شىنىقتىرۋعا پايدالاناتىن كەڭىستىكتى اشۋىن بار كۇشپەن ىلگەرىلەتىپ، اشۋعا بولاتىندارىن مۇمكىندىكتىڭ بارىنشا اشۋدى ورىندايدى، سالىنىپ بولعان، سونداي - اق شارت - جاعدايى بار مەكتەپتەر ”ءبىر الاڭ، ەكى قاقپا، تاڭەرتەڭ، كەش ەكى رەت اشۋ“ سىندى دەنە تاربيە قۇرىلعىلارىنا حاۋىپسىزدىك اۋاشالاۋ جاڭالاۋىن جۇرگىزىپ، بۇقاراعا اناعۇرلىم ويداعىداي قىزمەت وتەيدى.

  وسىمەن بىرگە، جەر - جەر ەرەكشەلىككە يە بۇقارالىق جارىس قيمىلدارى ماركاسىن بەلسەنە جەتىلدىرىپ، ءتۇرلى جاڭاشا توعىسپالى مەديالار مەن زەردەلى دەنە شىنىقتىرۋ تۇعىرلارىنىڭ رولىن ساۋلەلەندىرىپ، تۇرلىشە قاۋىمعا باعىتتاي وتىرىپ، جالپى حالىقتىق دەنە شىنىقتىرۋدى جەبەۋ جوسپارىن تۇرگە ايىرىپ جاساپ، باي مازمۇندى، جالپى حالىق ات سالىساتىن ينتەرنەت جەلىسى + ينتەرنەت جەلىسىنەن تىسقارى جالپى حالىقتىق دەنە شىنىقتىرۋ قيمىلىن ءۇرتىس ورىستەتەدى. ”300 ميلليون ادام قار - مۇز سپورتىنا ات سالىسۋ“ جەتىستىگىن اناعۇرلىم بەكەمدەپ، كەڭەيتىپ، قار - مۇز سپورتىنىڭ ورگاندارعا، مەكتەپتەرگە، اۋىل - قىستاقتارعا، الەۋمەتتىك اۋماقتارعا، وتباسىلارىنا كىرۋىن ىلگەرىلەتىپ، ءار ۇلت بۇقاراسىنىڭ قار - مۇز سپورتىنا ات سالىسۋ ىنتاسىن قاۋلاتادى. دەنە تاربيە قوعامدىق ۇيىم قۇرىلىسىن جانە قوعامدىق دەنە تاربيە جەتەكشىلەرى قوسىنى قۇرىلىسىن ۇزدىكسىز كۇشەيتىپ، «جالپى حالىقتىڭ دەنە شىنىقتىرۋ جەتەكشىلىك قولدانباسىن» جالپىلاستىرىپ، جالپى حالىقتىق دەنە شىنىقتىرۋ قيمىلىنىڭ ۇيىمداستىرۋ دەڭگەيى مەن عىلمي جەتەكشىلىك دەڭگەيىن جوعارىلاتادى.

  جالپى حالىقتىق دەنە شىنىقتىرۋ قىزمەتىندەگى ولقىلىقتار مەن ماسەلەلەرگە مەڭزەس، رايونىمىز تاعى دەنە تاربيەنىڭ وقۋ - اعارتۋ، دەنساۋلىق ساقتاۋ - سالاماتتىق، ساياحات سىندى ”ۇشپەن تەرەڭ توعىسۋىن“ ىلگەرىلەتۋگە تاباندى بولىپ، دەنە تاربيە شىنىعۋ الاڭ - سارايلارىمەن قامداۋ، دەنە تاربيە سپورتىنا ات سالىساتىن ادام سانى، جالپى حالىقتىڭ دەنە شىنىقتىرۋىنا قىزمەت وتەۋ سىندى نىسانداردا ”ءۇشتى كوبەيتۋدى“ شىن مانىندە جۇزەگە اسىرادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.