تيانشان تورى
تيانشان تورى   ›   جاڭالىقتار   ›   ماڭىزدى حابارلار

ورتالىقتىڭ ساياسي كەڭەس قىزمەتى ماجىلىسىندە جانە جۇڭگو حالىق ساياسي ماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەنگەن ءسوز

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

ورتالىقتىڭ ساياسي كەڭەس قىزمەتى ماجىلىسىندە جانە جۇڭگو حالىق ساياسي ماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەنگەن ءسوز

  شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى. 3 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 6 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ورتالىقتىڭ ساياسي كەڭەس قىزمەتى ماجىلىسىندە جانە جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەنگەن ءسوز» اتتى ماڭىزدى ماقالاسىن جاريالايدى.

  ماقالادا مىنالار باسا دارىپتەلدى: جاڭا داۋىردەگى حالىق ساياسي كەڭەسى قىزمەتىن كۇشەيتىپ جانە جاقسارتىپ، جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى ءوسى، ”قوس 100 جىلدىق“ كۇرەس نىساناسىن جۇزەگە اسىرۋعا قىزمەت وتەۋدى قىزمەت نەگىزگى جەلىسى، يدەيا - ساياسي جەتەكشىلىكتى كۇشەيتۋدى، كەڭ كولەمدە ورتاق تانىم ۇيىستىرۋدى وزەكتى بۋىن ەتىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىناسۋ، ۇكىمەت ءىسىن كەڭەسۋ دەڭگەيىن ءوسىرىپ، ورتاق تانىمدى اناعۇرلىم جاقسى ۇيىستىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن تياناقتاندىرۋ، ەل ءىشى - سىرتىنداعى جۇڭحۋا پەرزەنتتەرىنىڭ اقىل - پاراساتى مەن كۇش - قۋاتىن ۇيىستىرۋداي ساياسي جاۋاپكەرشىلىكتى ارقالاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا ۇلەس قوسۋ كەرەك.

  ماقالادا مىنالار اتاپ كورسەتىلدى: حالىق ساياسي كەڭەسى − جۇڭگو كوممۋنيستىك پارتياسىنىڭ ماركسيزم - لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ ءىس جۇزىندىگىمەن ۇشتاستىرۋىنىڭ ۇلى جەتىستىگى، جۇڭگو كوممۋنيستىك پارتياسىنىڭ دەموكراتيالىق پارتيا - توپتارعا، پارتيادا، توپتا جوق قايراتكەرلەرگە، حالىقتىق توپتارعا جانە ءار ۇلت، ءار سالاداعى قايراتكەرلەرگە باسشىلىق ەتىپ ساياسي ءتۇزىم جاعىندا جۇرگىزگەن ۇلى جاسامپازدىعى. 70 جىلدان بەرى جۇڭگو كوممۋنيستىك پارتياسىنىڭ باسشىلىعىندا، حالىق ساياسي كەڭەسى ىنتىماق جانە دەموكراتيا سىندى ەكى ۇلكەن نەگىزگى تاقىرىپتان جازباي، پارتيا مەن مەملەكەتتىڭ وزەكتى مىندەتىنە قىزمەت ەتىپ، جاڭا جۇڭگونى قۇرۋ جانە سوتسياليستىك توڭكەرىس، قۇرىلىس، رەفورما سىندى ءاربىر تاريحي مەزگىلدە توتەنشە ماڭىزدى رولىن ساۋلەلەندىردى.

  ماقالادا مىنالار اتاپ كورسەتىلدى: پارتيانىڭ 18 - قۇرىلتايىنان بەرى ءبىز تاجىريبەلەردى قورىتىندىلادىق، حالىق ساياسي كەڭەسى قىزمەتىنە ءبىر قىدىرۋ جاڭا تالاپتار قويىلدى. ءبىرىنشى، پارتيانىڭ حالىق ساياسي كەڭەس قىزمەتىنە باسشىلىعىن كۇشەيتۋ. ەكىنشى، حالىق ساياسي كەڭەسىنىڭ سيپاتىن تۇراقتاندىرۋدى دۇرىس يگەرۋ. ءۇشىنشى، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ويداعىداي ساۋلەلەندىرۋ. ءتورتىنشى، ەلىمىزدىڭ جاڭاشا ساياسي پارتيا تۇزىمىنە تاباندى بولۋ جانە ونى كەمەلدەندىرۋ. بەسىنشى، جۇرتتىڭ تىلەگى مەن كۇشىن جاپپاي ۇيىستىرۋ. التىنشى، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرا وتىرىپ مىندەت وتەپ، جاۋاپكەرشىلىكتى ادا ەتۋ. جەتىنشى، حالىق ساياسي كەڭەسىنىڭ حالىق ءۇشىن قىزمەت ىستەۋىنە تاباندى بولۋ. سەگىزىنشى، رەفورما جاساۋ، جاڭالىق اشۋ رۋحىمەن مىندەت وتەۋ قابىلەتى قۇرىلىسىن ىلگەرىلەتۋ. اماليات حالىق ساياسي كەڭەس ءتۇزىمىنىڭ كوپ جاقتا وزگەشە باسىمدىققا يە ەكەنىن دالەلدەدى.

  ماقالادا مىنالار اتاپ كورسەتىلدى: جاڭا جاعدايدا، ءبىز، ءسوز جوق، حالىق ساياسي كەڭەسى تۇزىمىنە ويداعىداي تاباندى بولىپ، حالىق ساياسي كەڭەسى ىستەرىن ويداعىداي دامىتىپ، بىرلىكساپ قىزمەتىن ورىستەتۋدەگى جاۋاپكەرشىلىك ارقالاۋدى كۇشەيتىپ، ءتىپتى دە كوپ ادامدى پارتيانىڭ توڭىرەگىنە ىنتىماقتاستىرۋىمىز كەرەك. كەزەكتەگى جانە مۇنان كەيىنگى ءبىر مەزگىلدە حالىق ساياسي كەڭەسى، وتە - موتە، تومەندەگى قىزمەتتەردى جاقسى يگەرۋ كەرەك. ءبىرىنشى، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ساۋلەلەندىرۋ. جۇڭگونىڭ سوتسياليستىك ءتۇزىمى اياسىندا ىستەردى اقىلداسۋعا بولادى، كوپتىڭ ءىسىن كوپ بولىپ اقىلداسۋعا بولادى، تۇتاس قوعامنىڭ قالاۋى مەن تالابىنىڭ ەڭ ۇلكەن ورتاق بولگىشىن تابۋ − حالىق دەموكراتياسىنىڭ اقيقاتى. سوتسياليستىك كەڭەستىك دەموكراتيانى دامىتۋدا دەموكراتيالىق ورتالىقتاندىرۋ ءتۇزىمىنىڭ باسىمدىعىن ويداعىداي قولدانىپ، ”ىنتىماق − سىن − ىنتىماق“ سىندى تاڭداۋلى ءداستۇردى ساۋلەلەندىرىپ، كەڭەسكە كەڭ جول اشىپ، كوپتىڭ اقىل - پاراساتىن ساۋلەلەندىرىپ، تۇرلىشە يدەيالىق كوزقاراستاردىڭ تولىق بەينەلەنۋى مەن ىشكەرىلەي اۋىس - كۇيىس جاساسۋىن جەبەپ، باسقالارعا زورلاپ تاڭۋدان گورى ءوزارا قۇرمەت ەتەتىن، تەڭ تۇرعىدا كەڭەسەتىن، اركىم ءوزىنىڭ ءسوزىن سويلەۋدەن گورى، قاعيداعا بويسۇناتىن، ءتارتىپتى تۇردە كەڭەسەتىن، اسىرا سىلتەمەي، قاسارىسپاي، كەشىرىمدى، سيىسىمدى بولاتىن، شىنايى نيەتپەن كەڭەسىپ، اقتارىلا اڭگىمەلەسەتىن، اركىم ءوز كوزقاراسىن باياندايتىن ءارى پاراساتتى، سالماعى بار، زاڭدى، ەرەجەگە نەگىزدەلگەن تاماشا كەڭەس رايىن قالىپتاستىرۋ كەرەك. ەكىنشى، يدەيا - ساياسي جەتەكشىلىكتى كۇشەيتىپ، كەڭ كولەمدە ورتاق تانىم ۇيىستىرۋ. حالىق ساياسي كەڭەسى ۇتىمدى قىزمەت ارقىلى پارتيانىڭ ءارقايسى قىزمەتتەرگە باسشىلىعىنا تاباندى بولۋدىڭ جانە ونى كۇشەيتۋدىڭ ماڭىزدى شەبىنە، پارتيانىڭ جاسامپاز نازارياسىمەن ءار ۇلت، ءار سالا ۋاكىل قايراتكەرلەرىن ىنتىماقتاستىرۋدىڭ، تاربيەلەۋدىڭ، جەتەكتەۋدىڭ ماڭىزدى تۇعىرىنا، ورتاق يدەيالىق - ساياسي نەگىزدە قايشىلىقتاردى شەشۋدىڭ جانە ورتاق تانىم ۇيىستىرۋدىڭ ماڭىزدى ارناسىنا قۇلشىنا اينالۋ كەرەك. ءبىرىڭعايلىلىق پەن كوپ تۇرلىلىكتىڭ قاتىناسىن دۇرىس ءبىر جاقتى ەتۋ كەرەك. ءۇشىنشى، مۇشەلەردىڭ جاۋاپكەرشىلىك ارقالاۋىن كۇشەيتۋ. قالىڭ ساياسي كەڭەس مۇشەلەرى وتان ءۇشىن مىندەت اتقارۋ، حالىق ءۇشىن جاۋاپكەرشىلىكتى ادا ەتۋ ىنتا - ىقىلاسىنان جازباي، ءىستى كوڭىل تورىنە قويىپ، جاۋاپكەرشىلىك ارقالاپ، مۇشەلىك مىندەت جاۋاپكەرشىلىگىن مۇقيات اتقارۋ ءتيىس، ساياسي تۇرعىدا ءدۇدامال بولۋعا، ساياسي پرينسيپتەن اۋىتقۋعا بولمايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.