تيانشان تورى
تيانشان تورى   ›   جاڭالىقتار   ›   ماڭىزدى حابارلار

ءسوزسىز باسىپ وتەتىن جولدى بويلاپ، تىڭ دا اناعۇرلىم زور جەڭىستەرگە قول جەتكىزەيىك

− باس شۋجي شي جينپيڭنىڭ 2022 - جىلعى مەملەكەتتىك ەكى ماجىلىستە سويلەگەن ماڭىزدى ءسوزىنىڭ رۋحى جاڭا داۋىردەگى جاڭا جورىققا جەتەكشىلىك ەتتى

  شينحۋا اگەنتتىگىنىڭ تىلشىلەرى

  يدەيا نۇرى ەكپىندەي ىلگەرىلەۋ جولىن نۇرلاندىردى.

  2022 - جىلعى مەملەكەتتىك ەكى ماجىلىستە باس شۋجي شي جينپيڭ جاڭا ءداۋىر ورنىن يگەرىپ، اۋقىمدى باعامداپ، جالپى جاعدايدى جوسپارلاپ، باعداردى ايقىنداپ، جاڭا داۋىردەگى پارتيا مەن حالىقتىڭ ەكپىندەي ىلگەرىلەگەن بەلەستەرىنە قايىرىلا قاراپ، ”بەس ءسوزسىز باسىپ وتەتىن جول“ سىندى كەلەلى تۇجىرىمدى العاش رەت ايقىن ورتاعا قويىپ، ەلىمىز دامۋى ءالى دە يە بولىپ وتىرعان ستراتەگيالىق ”بەس ءتيىمدى شارت - جاعدايدى“ بايانداپ، جاڭا داۋىردە ءبىزدىڭ نەلىكتەن تابىسقا جەتكەندىگىمىزدىڭ، بولاشاقتا ءبىزدىڭ قالاي ۇزدىكسىز تابىسقا جەتۋىمىزدىڭ جۇڭگو قۇپيا سيفرىن تەرەڭ ءتۇسىندىردى، كەلەلى تاريحي مانگە جانە رەال جەتەكشىلىك مانگە يە.

  ۇلى يدەيا ۇلى داۋىردەن كەلەدى، جاڭا نازاريا جاڭا امالياتقا جەتەكشىلىك ەتەدى.

  باس شۋجي شي جينپيڭنىڭ ەكى ماجىلىستەگى ماڭىزدى ءسوزى تاريحپەن، قازىرگىمەن، بولاشاقپەن ساباقتاسقان، ەل باسقارۋداعى جاسامپازدىققا يە ءبىر قىدىرۋ جاڭا ۇستانىمدارعا، جاڭا يدەيالارعا، جاڭا ستراتەگيالارعا جاسالعان تەرەڭ قورىتىندى، ەڭ جاڭا جيناقتاۋ، ماركسيزمدىك اقيقاتتىڭ نۇر شۇعىلاسى جارقىراپ، ماركسيزمدى جۇڭگوشالاندىرۋدىڭ، داۋىرگە ۇيلەستىرۋدىڭ ەڭ جاڭا جەتىستىكتەرىنە اينالىپ، جاڭا داۋىردەگى جۇڭگو كوممۋنيستەرىنىڭ بەرىك تاريحي سەنىمىن، كۇشتى جاۋاپكەرشىلىك ارقالاۋىن ايگىلەپ، بۇكىل ەل حالقىنىڭ جاڭا جورىقتا ەكپىندەي ىلگەرىلەۋىنە، جاڭا جەڭىستى قولعا كەلتىرۋىنە يدەيالىق قارۋ ازىرلەپ، العا ىلگەرىلەۋ بەتالىسىن ايقىن كورسەتتى.

  قۋاتتى يدەيالىق جەتەكشىلىك − جالپى جاعدايدى كوزدە ۇستاپ، وزگەرىسكە توتەپ بەرىپ، جاڭا داۋىردە پارتيامىزدىڭ ەل باسقارۋ زاڭدىلىعىنا دەگەن تانىمىنىڭ ەڭ جاڭا جەتىستىگىن ايگىلەدى

  ءبىر ۇلت ءداۋىردىڭ الدىڭعى لەگىندە ءجۇرۋ ءۇشىن، نازاريالىق ويلاۋدان ءبىر ءسات تە قول ۇزسە بولمايدى، دۇرىس يدەيالىق جەتەكشىلىكتەن ءبىر ءسات تە قول ۇزسە بولمايدى.

  3 - ايدىڭ 5 - كۇنى، حالىق سارايى. باس شۋجي شي جينپيڭ 13 - كەزەكتى مەملەكەتتىك حالىق قۇرىلتايى 5 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، جاڭا داۋىردەگى پارتيا مەن حالىقتىڭ ەكپىندەي ىلگەرىلەگەن بەلەستەرىنە قايىرىلا قاراپ، ”بەس ءسوزسىز باسىپ وتەتىن جول“ سىندى كەلەلى تۇجىرىمدى ايقىن ورتاعا قويدى:

     ”پارتيانىڭ جاپپاي باسشىلىعىنا تاباندى بولۋ − جۇڭگوشا سوتسياليزمگە تاباندى بولۋ مەن ونى دامىتۋداعى ءسوزسىز باسىپ وتەتىن جول“، ”جۇڭگوشا سوتسياليزم − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى ءسوزسىز باسىپ وتەتىن جول“، ”ىنتىماقتاسا كۇرەس جاساۋ − جۇڭگو حالقىنىڭ تاريحي ۇلى ىستەر ىستەۋىندە ءسوزسىز باسىپ وتەتىن جول“، ”جاڭا دامۋ ۇستانىمىن دايەكتىلەندىرۋ − جاڭا داۋىردەگى ەلىمىزدى دامىتۋدا، زورايتۋدا ءسوزسىز باسىپ وتەتىن جول“، ”پارتيانى جاپپاي قاتاڭ باسقارۋ − پارتيانىڭ جاندى، ومىرشەڭدىك كۇشىن ماڭگى ساقتاپ، جاڭا ەمتيحان تاپسىرۋ جولىن ويداعىداي باسۋداعى ءسوزسىز باسىپ وتەتىن جول“.

  ءبىر كۇننەن كەيىن بەيجيڭ دوستىق تۇسەلحاناسى جۇييىڭ زالى. باس شۋجي شي جينپيڭ مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسقان اۋىل شارۋاشىلىعى سالاسىنداعى، قوعامدىق يگىلىك جانە قوعامدىق قامتاماسىزداندىرۋ سالاسىنداعى مۇشەلەردىڭ بىرلەسكەن گرۋپپا جيىنىنا قاتىناسقاندا، ەلىمىز دامۋى ءالى دە يە بولىپ وتىرعان ستراتەگيالىق ”بەس ءتيىمدى شارت - جاعدايدى“ تەرەڭدەي باياندادى:

  ”جۇڭگو كوممۋنيستىك پارتياسىنىڭ پارمەندى باسشىلىعى بار“، ”جۇڭگوشا سوتسياليستىك ءتۇزىمنىڭ كورنەكتى ابزالدىلىعى بار“، ”باياندى، تەز دامۋ قوردالاعان مىعىم نەگىز بار“، ”ۇزاق ۋاقىت ورنىقتى بولعان قوعامدىق ورتا بار“، ”وزىنە سەنۋ، ءوزىن الۋەتتەندىرۋ سىندى رۋحاني كۇش - قۋاتى بار“.

  جاڭا داۋىردەگى پارتيا مەن مەملەكەت ىستەرىن دامىتۋداعى ەلەۋلى ماسەلەلەرگە دەگەن تەرەڭ وي ۇيىسقان يدەيا ”اماليات − تانىم − تاعى اماليات − تاعى تانىم“ بارىسىندا ۇزدىكسىز تەرەڭدەپ، دەڭگەيى ءوستى، باس شۋجي شي جينپيڭنىڭ ەكى ماجىلىستە جاساعان بۇل ماڭىزدى تۇجىرىمدارى ورتاعا قويىلىسىمەن ءماجىلىس ىشىندە، ءماجىلىس سىرتىندا كەڭ كولەمدى ۇندەستىك تۋدىردى.

  بۇل جالپى جاعدايدى كوزدە ۇستاعان نازاريالىق سانالىلىق −

  2022 - جىلعى مەملەكەتتىك ەكى ءماجىلىس جاڭا داۋىرلىك ورىندا تۇردى: بىلتىر پارتيامىز 100 جىلدىق مەرەيتويىنىڭ كەلەلى ءساتىن وتكىزىپ، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن اشتى ءارى پارتيانىڭ ءۇشىنشى تاريحي قارارىن جاسادى؛

  بيىلعى جىل جاپپاي سوتسياليستىك وسىزاماندانعان مەملەكەت قۇرۋعا، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىنا وتكەن ماڭىزدى ءبىر جىل، پارتيانىڭ 20 - قۇرىلتايى كەلەسى جارتى جىلدا اشىلادى.

  ”پارتيا مەن مەملەكەتتىڭ ساياسي ومىرىندەگى ءىرى ءىس رەتىندە، ەرەكشە جىلدا وتكىزىلگەن مەملەكەتتىك ەكى ءماجىلىس وتكەن مەن ەرتەڭدى جالعاۋدا تەرەڭ ءمان الىپ، پارتيا 20 - قۇرىلتايىنىڭ اشىلۋىنا ىشكەرىلەي يدەيالىق - ساياسي دايىندىق جاساۋداي مىندەت جاۋاپكەرشىلىگىن ارقالاپ وتىر“، - دەدى مەملەكەتتىك حالىق قۇرىلتايىنىڭ ۋاكىلى، فۋجيان شىفان داشۋەسىنىڭ پروفەسسورى حۋاڭ ماۋشيڭ.

  تەك نازاريادا جاڭالىق اشۋدى بەرىك ۇستانىپ، ماركسيزم ”جەبەسى“ ارقىلى جاڭا داۋىردەگى جۇڭگو سىندى ”نىسانانى“ كوزدەۋگە تاباندى بولعاندا عانا، جۇڭگو ساۋالىنا، دۇنيە ساۋالىنا، حالىق ساۋالىنا، ءداۋىر ساۋالىنا عىلمي جاۋاپ بەرۋگە بولادى.

  ”بەس ءسوزسىز باسىپ وتەتىن جول“ كەلەلى تۇجىرىمى جاڭا داۋىردەگى پارتيانىڭ جاسامپاز نازارياسىمەن ۇشتاسۋدى ساقتاپ، تامىرلاس بولىپ، وزگەرتپەي دايەكتىلەندىرۋمەن بىرگە، جاڭا قورىتىندى، سۇرىپتاۋ جاساپ، جاڭا ءداۋىر مازمۇنىن ۇستەدى؛ ”بەس ءتيىمدى شارت - جاعداي“ ”بەس ءسوزسىز باسىپ وتەتىن جولدىڭ“ ورگانيكالى جالعاسۋى بولىپ، بەرىك امالياتتىق تىرەك ازىرلەدى.

  ”ءسوزسىز باسىپ وتەتىن“ دەگەن ءسوز اينالىپ وتۋگە، تايساۋعا كەلمەيتىن، ەكىنشى تالعام جوق جول مەن وتكەل دەگەندى بىلدىرەدى، ميللياردتاعان جۇڭگو حالقىنىڭ ەشقانداي ەكى ۇداي بولماستان جاساعان تالعامىن، بۇلجىماس نىساناسىن جانە العا بەتتەن قايتپايتىن ەرلىگىن دە ايقىن ايگىلەدى.

  ”زامانىمىزداعى جۇڭگو ادامزات تاريحىنداعى ەڭ ايبىندى دا ەرەكشە امالياتتىق جاڭالىق اشۋدى باستان كەشىرۋدە، پارتيامىزدىڭ نازاريادا جاڭالىق اشۋدى ىلگەرىلەتۋىنە مول شارت - جاعداي ازىرلەدى. شاڭحاي قالالىق پارتكوم پارتيا مەكتەبى ماركسيزم شۋەيۋانىنىڭ اتقارۋشى باستىعى ۋاڭ گۇڭلۇڭ بىلاي دەپ قارادى: ”بەس ءسوزسىز باسىپ وتەتىن جول“ پارتيامىزدىڭ نازاريادا جاڭالىق اشۋ جەتىستىگى بولۋمەن بىرگە، پارتيامىزدىڭ وسكەلەڭ نازاريالىق سانالىلىعىن دا تولىق ايگىلەپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى تىڭ ورەگە كوتەردى.

  عىلمي نازاريالىق جەتەكشىلىك جاسالعان ىستەر عانا، جارقىن بولاشاققا يە بولادى.

  مەملەكەتتىك حالىق قۇرىلتايىنىڭ ۋاكىلى، چۇڭچيڭ قالاسى كايجوۋ رايوندىق پارتكومنىڭ شۋجيى پۋ بينبين مىنالاردى ءبىلدىردى: ”’بەس ءسوزسىز باسىپ وتەتىن جولدى‘ ۇيرەنىپ، ءتۇسىنىپ، ’ەكىنى تۇراقتاندىرۋدىڭ‘ شەشۋشى ءمانىن ىشكەرىلەي جەتە تانىدىم، مۇنان كەيىن ’ەكىنى قورعاۋدىڭ‘ ءىس جۇزىندىك ارەكەتىمەن، شي جينپيڭ جاڭا ءداۋىر جۇڭگوشا سوتسياليزم يدەياسىمەن سانالى تۇردە وي - سانانى قارۋلاندىرامىن، امالياتقا جەتەكشىلىك ەتەمىن، قىزمەتتى ىلگەرىلەتەمىن“.

  بۇل وزگەرىسكە توتەپ بەرۋدىڭ كەلەلى تۇجىرىمى −

  قازىرگى دۇنيە ءجۇزى ونشا تىنىش ەمەس. حالىقارالىق جاعدايدا ۇزدىكسىز تەرەڭ دە كۇردەلى وزگەرىستەر تۋىلىپ، 100 جىلدىق وزگەرىس پەن عاسىرلىق ىندەت ءوزارا قاباتتاسىپ، ەكونوميكانىڭ جاھاندانۋى كەرى اعىسقا ۇشىراپ، ءىرى ەلدەر اراسىنداعى تەكە - تىرەس كۇن سايىن شيەلەنىسىپ، دۇنيە ءجۇزى جاڭا الاساپىران وزگەرىس مەزگىلىنە ءوتتى، ەل ىشىندەگى رەفورما، دامۋ، ورنىقتىلىق مىندەتى جاپالى دا اۋىر بولا ءتۇستى.

  اۋقىمدى باعامداعاندار اڭعارلى، اۋقىمعا بەيىمدەلگەندەر پاراساتتى بولادى.

  ”وسىنداي جاڭا ءداۋىر استارىندا ’بەس ءسوزسىز باسىپ وتەتىن جول‘ مەن ’بەس ءتيىمدى شارت - جاعداي‘ سىندى كەلەلى تۇجىرىمدى ورتاعا قويۋ جاڭا تاريحي شارت - جاعدايدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تەرەڭ ستراتەگيالىق كوز ايامەن جانە اسا بيىك ستراتەگيالىق اقىل - پاراساتپەن دامۋ زاڭدىلىعى مەن اۋقىمدى دۇرىس يگەرىپ، ءداۋىردىڭ العا ىلگەرىلەۋىنە جەتەكشىلىك ەتكەندىگىن ايگىلەدى“، - دەدى مەملەكەتتىك ساياسي كەڭەستىڭ مۇشەسى، ورتالىق پارتيا مەكتەبى (مەملەكەتتىك اكىمشىلىك شۋەيۋانى) ماركسيزم شۋەيۋانىنىڭ باستىعى جاڭ جانبين.

  پارتيامىز قاي - قاشان دا ستراتەگيالىق ماسەلەلەردى يگەرۋگە، ستراتەگيالىق وي جۇگىرتۋگە وسكەلەڭ ءمان بەرىپ جانە شەبەر بولىپ، قاشاندا ەلەۋلى وتكەلدەردە ەلەۋلى تاقىرىپتاردى ستراتەگيالىق جاقتان تانىپ جانە وعان تالداۋ جاساپ، دۇرىس ستراتەگيالىق شارالار جاساپ وتىردى.

  مەملەكەتتىك ساياسي كەڭەستىڭ مۇشەسى، چيڭحۋا داشۋەسى جۇڭگو ەكونوميكا يدەياسىن جانە امالياتىن زەرتتەۋ ورنىنىڭ باستىعى لي داۋساي مىنالاردى ءبىلدىردى: ”ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇر، دەسەدە بۇل كۇتۋمەن، تىلەۋمەن كەلگەن جوق، ءبىزدىڭ سەنىمدى بەكەمدەپ، رەفورما جاساۋعا، ەسىك اشۋعا، الەمگە قۇشاق اشۋعا تاباندى بولىپ، ەكونوميكالىق زاڭدىلىق پەن ءىرى ەل دامۋ زاڭدىلىعى بويىنشا ءار ءىستى تاباندىلىقپەن جاقسى ىستەۋىمىزدەن، قادام سايىن جاراتۋىمىزدان كەلگەن“.

  جۇڭگونىڭ دامۋى ەجەلدەن سىن - سايىستارعا توتەپ بەرۋ بارىسىندا العا ىلگەرىلەگەن، جۇڭگو حالقىندا ءارقانداي جاپا - ماشاقاتتى، قيىنشىلىقتى، حاۋىپ - قاتەردى، كەدەرگىنى جەڭەتىن ەرلىك پەن شارت - جاعداي بار.

  حۋاجۇڭ شىفان داشۋەسى ماركسيزم شۋەيۋانىنىڭ ورىنباسار باستىعى لي فاڭ بىلاي دەپ قارادى: مەملەكەتتىك ەكى ماجىلىستەگى نازاريالىق جاسامپازدىق جەتىستىكتەرى ”كوشپەلى بۇلت كوز الدىمدى توسار دەپ قورىقپايتىن“ كورەگەندىكتى، ”تۇيدەك بۇلتتار كوشسە دە قايىسپاي ەركىن تۇراتىن“ تاباندىلىقتى، ”داۋىلدا جەلكەن كوتەرىپ، اساۋ تولقىن جاراتىن“ سەنىمدى ايگىلەپ، ءبىزدىڭ وزگەرىسكە ءونىمدى توتەپ بەرۋىمىزگە قۋاتتى سەنىم ۇستەدى.

  بۇل جاڭا جاعداي اشۋداعى يدەيالىق جۇمىلدىرۋ −

  جاڭا جورىققا شىققاندا جۇڭگو حالقى جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ءارقانداي كەزدەگىدەن دە جاقىنداي ءتۇستى، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمى كامىل جانە قابىلەتى قاپتال جەتەدى، سونىمەن بىرگە، ءسوز جوق، ءتىپتى دە جاپالى، ءتىپتى دە ماشاقاتتى قۇلشىنىس جاساۋعا دايىندالۋ كەرەك، عىلمي نازاريانىڭ جەتەكشىلىگى مەن امالياتتىق باعدارناماسى شۇعىل قاجەت.

  جۇڭگو قوعامدىق عىلىمدار اكادەمياسى داشۋەسى ماركسيزم شۋەيۋانىنىڭ ورىنباسار باستىعى ۋاڭ ۋيگو بىلاي دەدى: ”بەس ءسوزسىز باسىپ وتەتىن جول“ مەن ”بەس ءتيىمدى شارت - جاعداي“ ءبىر تۇتاس لوگيكالىق جۇيە قالىپتاستىردى، باعدارلىلىققا، تۇبىرلىلىككە، جالپى جاعدايلىققا يە، بۇل جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ ارەكەت تۇعىرناماسى جانە ”جول كارتاسى“.

  جاڭا داۋىردەگى ۇلى اماليات ”بەس ءتيىمدى شارت - جاعدايدى“ ماڭىزدى تىرەك ەتسەك، ”بەس ءسوزسىز باسىپ وتەتىن جولدى“ دۇرىس باساتىندىعىمىزدى، ىركىلىسسىز جۇرەتىندىگىمىزدى؛ بولاشاققا جول اشىپ، بولاشاققا قول جەتكىزۋدە ”بەس ءسوزسىز باسىپ وتەتىن جولدى“ اناعۇرلىم ورنىقتى، اناعۇرلىم جاقسى باساتىندىعىمىزدى تولىق ايگىلەدى.

  تەرەڭ نازاريالىق ءمان − بيىكتە تۇرىپ الىسقا كوز جىبەرىپ، ستراتەگيالىق جوسپار جاسادى، بۇكىل پارتيانىڭ جوعارىدان تومەنگە دەيىن بولاشاققا ىرىقتىلىقپەن قول جەتكىزۋدەگى ارەكەت تۇعىرناماسىنا اينالدى

  قانداي تۋ ۇستاۋ، قانداي جولمەن ءجۇرۋ، قانداي باعىتقا قاراي ءجۇرۋ ەجەلدەن بەرى توتەنشە ماڭىزدى بولىپ كەلەدى.

  ”بەس ءسوزسىز باسىپ وتەتىن جول“ ماڭىزدى تانىمى جاڭا داۋىردەگى جۇڭگونىڭ جەڭىستەن اناعۇرلىم زور جەڭىسكە جەتۋىنىڭ نازاريالىق لوگيكاسىن قامتىپ، جۇڭحۋا ۇلتىنىڭ نۇرلى بولاشاققا قول جەتكىزۋىنە ستراتەگيالىق جوسپار جاسادى.

  ”جاعداي نەعۇرلىم كۇردەلى، قاتاڭ بولعان سايىن، تاريحي زاڭدىلىقتى ’بەس ءسوزسىز باسىپ وتەتىن جولدان‘ سولعۇرلىم يگەرۋ كەرەك؛ مىندەت نەعۇرلىم جاپالى دا اۋىر بولعان سايىن، پارتيا مەن حالىقتىڭ جاڭا داۋىردەگى كۇرەس بارىسىنان سولعۇرلىم اقىل - پاراسات جانە ءنار الىپ، ستراتەگيالىق ءتيىمدى شارت - جاعدايدان ويداعىداي پايدالانىپ، تاريحي ىرىقتىلىقتى يگەرۋ كەرەك“، - دەدى مەملەكەتتىك حالىق قۇرىلتايىنىڭ ۋاكىلى، شاڭحاي قوعامدىق عىلىمدار اكادەمياسىنىڭ زەرتتەۋشىسى جاڭ جاۋ - ان.

  ءتۇبىرلى كەپىل ازىرلەپ، قيىن - قىستاۋ كەزدەردە جالپى حالىقتىڭ ەڭ سەنىمدى تىرەگىن قالىپتاستىردى −

  ”پارتيانىڭ جالپى بەتتىك باسشىلىعىنا تاباندى بولۋ − جۇڭگوشا سوتسياليزمگە تاباندى بولۋداعى جانە ونى دامىتۋداعى ءسوزسىز باسىپ وتەتىن جول“.

  ”جۇڭگو كوممۋنيستىك پارتياسىنىڭ پارمەندى باسشىلىعى بار، جالپى جاعدايدى مەڭگەرىپ، ءار جاقتى سايكەستىرىپ، ءار ءتۇرلى ەلەۋلى حاۋىپ - قاتەرلەر مەن سىن - سايىستارعا بايسالدىلىقپەن توتەپ بەرۋگە ءتۇبىرلى ساياسي كەپىلدىك ازىرلەپ وتىر“.

  مەيلى ”بەس ءسوزسىز باسىپ وتەتىن جول“ بولسىن، الدە ”بەس ءتيىمدى شارت - جاعداي“ بولسىن، ماڭداي الدى ورىندا تۇراتىنى تۇگەلدەي پارتيانىڭ باسشىلىعى − بۇل پارتيا مەن مەملەكەت ىستەرىنىڭ ۇزدىكسىز دامۋىنىڭ ”ورنىقتىرعىشى“.

  ايبىندى تاۋلاردا اسقار شىڭعا قارايمىز، شالقار تەڭىزدە ماياكقا سۇيەنەمىز.

  پارتيا 18 - قۇرىلتايىنان بەرى ءبىز ۇزاق ۋاقىتتان بەرى شەشۋدى ويلاساق تا شەشە الماعان كوپتەگەن قيىن ماسەلەلەردى شەشىپ، بۇرىن ىستەۋدى ويلاساق تا ىستەي الماعان كوپتەگەن ءىرى ىستەردى ىستەپ، پارتيا مەن مەملەكەت ىستەرىندە تاريحي تابىستارعا قول جەتكىزدىك، تاريحي وزگەرىستەر تۋىلدى، مۇنداعى ەڭ ءتۇبىرلى سەبەپ باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە رول ۇستاپ، جول باستاۋىندا.

  100 جىلدىق وزگەرىس پەن عاسىرلىق ىندەت ءوزارا قاباتتاسقان كۇردەلى جاعدايدا، تەك پارتيانىڭ جالپى بەتتىك باسشىلىعىنا تاباندى بولعاندا جانە ونى كۇشەيتكەندە عانا، پارتيا مەن مەملەكەتتىڭ ءتۇرلى ىستەرىنىڭ دامۋىنا ءتۇبىرلى كەپىلدىك ازىرلەۋگە بولادى.

  ”پارتيانىڭ جالپى بەتتىك باسشىلىعىنا بۇلجىماستان تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاساق بولعانى، الىپ جۇڭگو اتتى جويقىن كەمە بارلىق حاۋىپ - قاتەر، سىن - سايىسقا توتەپ بەرەتىن بەرىك سەنىمگە جانە كۇشتى ەرىك - جىگەرگە يە بولادى“، - دەدى مەملەكەتتىك حالىق قۇرىلتايىنىڭ ۋاكىلى، حىنان جۇڭگوشا شيپاگەرلىك، ءدارى - دارمەك داشۋەسىنىڭ ورىنباسار باستىعى سى فۋچۇن.

  ءتۇزىم ابزالدىلىعىن ساۋلەلەندىرىپ، باستان - اياق تاباندىلىقپەن جۇڭگوشا سوتسياليزم جولىمەن ءجۇردى −

  قونىس جاڭالاپ كوشىرۋ ساياساتىنان يگىلىكتەنۋشى، نيڭشيا حۇيزۋ اۆتونوميالى رايونى ۋجۇڭ قالاسى حۇڭسىباۋ رايونىنان كەلگەن ديقان جازۋشى، ۋاكىل ما حۇيجۋان تاۋ قويناۋىنان شىعىپ، سارى توپىراقتان حالىق سارايىنا كەلدى.

  ”كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتىپ، بىرگە بايۋ جولىمەن بۇلجىماي ءجۇرۋ − جۇڭگوشا سوتسياليزم ءتۇزىم ابزالدىلىعىنىڭ ەڭ تاماشا بەينەسى، مەنىڭ حيكايام سان مىڭداعان حيكايالاردىڭ ءبىرى عانا“، - دەدى ما حۇيجۋان.

  بەتالىس جولدى بەلگىلەيدى، جول تاعدىردى بەلگىلەيدى.

  تاريح پەن اماليات مىنانى تولىق دالەلدەدى: سوتسياليزم عانا جۇڭگونى قۇتقارا الادى، سوتسياليزم عانا جۇڭگونى دامىتا الادى، جۇڭگوشا سوتسياليزمگە تاباندى بولعاندا جانە ونى دامىتقاندا عانا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا بولادى.

  ”بەس ءسوزسىز باسىپ وتەتىن جول“ ماڭىزدى تانىمىندا، باس شۋجي شي جينپيڭ بىلاي دەپ تەرەڭ اتاپ كورسەتتى: ”تەك باستان - اياق جۇڭگوشا سوتسياليزم جولىمەن جۇرسەك، ءبىز، ءسوزسىز، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرىپ، جالپى حالىقتىڭ بىرگە بايۋىن ۇزدىكسىز ىلگەرىلەتە الامىز“.

  جاعداي نەعۇرلىم شىم - شىتىرىق كۇردەلى، مىندەت نەعۇرلىم جاپالى، اۋىر بولعان سايىن، جول سەنىمىن سولعۇرلىم بەكەمدەۋ كەرەك.

  جالپى بارىستىق حالىق دەموكراتياسىنا تاباندى بولۋدان ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دالمە - ءدال ورنالاستىرۋعا دەيىن؛ ۇكىمەت قىزمەتىنەن بايانداماداعى تۇتاس جىلدىق قىزمەتتى جۇيەلى ورنالاستىرۋدان ”14 - بەسجىلدىق“ جوبامەن ءبىر تۇتاس جوسپارلاپ ۇشتاستىرۋعا دەيىن، حالىقتىڭ تاماشا تۇرمىسقا دەگەن تالپىنىسىن مىقتاپ ارقاۋ ەتىپ، ءارقايسى جاقتاردىڭ ءىس تىندىرىپ، ناتيجە شىعارۋ بەلسەندىلىگىن كۇش سالا جۇمىلدىردى... مەملەكەتتىك ەكى ءماجىلىس ءدال جۇڭگو ءتۇزىمىنىڭ ابزالدىلىعىن ايگىلەيتىن ماڭىزدى تۇعىر.

  باس شۋجي شي جينپيڭ ەكى ماجىلىستە جۇڭگوشا سوتسياليستىك ءتۇزىمنىڭ كورنەكتى ابزالدىلىعىن بىلاي دەپ باسا دارىپتەدى: ”ەلىمىزدىڭ ساياسي ءتۇزىمى مەن باسقارۋ جۇيەسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋ سياقتى اماليات بارىسىندا كورنەكتى ابزالدىلىعىن ونان ارى ايگىلەدى، ’جۇڭگونىڭ باسقارۋى‘ مەن ’باتىستىڭ بىلىقپالىعى‘ اراسىنداعى سالىستىرما اناعۇرلىم ايقىندالا ءتۇستى“.

  اسقاق بەينەنى ساقتاپ، ىنتىماقتاسا كۇرەس جۇرگىزۋدىڭ ايبىندى كۇشىن ۇيىستىردى −

  ىنتىماقتاسا كۇرەس جاساۋ − 100 جىلدان بەرى پارتيامىز بەن حالقىمىزدىڭ تاريح بەتىنەن ماڭگى وشپەيتىن ۇلى كەرەمەتتەردى جاراتۋىنىڭ ”تابىس قۇپيا سيفرى“، جۇڭگو كوممۋنيستىك پارتياسى مەن جۇڭگو حالقىنىڭ ەڭ كورنەكتى رۋحاني بەلگىسى.

  ”ىنتىماقتاسا كۇرەس جۇرگىزۋ − جۇڭگو حالقىنىڭ تاريحي ۇلى ىستەر ىستەۋىندەگى ءسوزسىز باسىپ وتەتىن جول“. باس شۋجي شي جينپيڭنىڭ ”ەكى ماجىلىستەگى كەزدەرى“ بارىسىندا ”ىنتىماقتاسا كۇرەس جۇرگىزۋ“ ماڭىزدى ارقاۋ ءسوز بولدى، باس شۋجي بىلاي دەپ اتاپ كورسەتتى: ”تەك پارتيانىڭ باسشىلىعىندا، بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، ەل بىرلىگىنەن بەرىك قامال تۇرعىزسا، باتىلدىقپەن كۇرەس جۇرگىزسە، شەبەرلىكپەن كۇرەس جۇرگىزسە، ءبىز، ءسوزسىز، العا باسۋ جولىنداعى قيىنشىلىق، سىن - سايىس اتاۋلىنى جەڭىپ، باسقالار تاڭدانا قارارلىقتاي جاڭا كەرەمەتتەردى تىنباي جاراتا الامىز“.

  ىنتىماق − كۇش، كۇرەس ۇلى ءىستى جاراتادى.

  ”ءبىر ميلليارد 400 ميلليوننان استام جۇڭگو حالقى باستان - اياق قول ۇستاسىپ، يىق سۇيەسە، جۇرەكتەرى توعىسىپ بىرگە العا باسسا بولعانى، ءبىز، ءسوز جوق، جاڭا ەمتيحان تاپسىرۋ جولىندا اناعۇرلىم كوركەم بولاشاق اشا الامىز“، - دەدى مەملەكەتتىك حالىق قۇرىلتايىنىڭ ۋاكىلى، حىبەي ولكەسى ليڭشوۋ اۋدانى چىگۋتو قىستاعى پارتيا ياچەيكاسىنىڭ شۋجيى چىن چۇنفاڭ.

  دامۋ ولشەمىن ايقىنداپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىردى −

  دامۋ ۇستانىمىنىڭ دۇرىس بولۋ - بولماۋى دامۋدىڭ ونىمدىلىگىن، ءتىپتى، جەڭىس - جەڭىلىسىن تۇبىرىنەن بەلگىلەيدى.

  ”جاڭا دامۋ ۇستانىمىن دايەكتىلەندىرۋ − جاڭا داۋىردەگى ەلىمىزدى دامىتۋدا، زورايتۋدا ءسوزسىز باسىپ وتەتىن جول“. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ”جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ“ سىندى جاڭا دامۋ ۇستانىمىن العا قويىپ، دامۋدىڭ ماقساتى، قوزعاۋشى كۇشى، ءتاسىلى، جولى سياقتى ءبىر قىدىرۋ نازاريالىق جانە امالياتتىق ماسەلەلەرگە جاۋاپ بەرىپ، پارتيامىزدىڭ دامۋ جونىندەگى ساياسي تۇرعىسى، قۇن بەتالىسى، دامۋ ۇلگىسى، دامۋ جولى سياقتى كەلەلى ساياسي ماسەلەلەرىن ايقىن ءتۇسىندىرىپ بەردى.

  باس شۋجي شي جينپيڭ بىلاي دەپ اتاپ كورسەتتى: ”جوعارى ساپالى دامۋ جاڭا دامۋ ۇستانىمىن ايگىلەيتىن دامۋ، ەكونوميكالىق دامۋدىڭ ’بار ما، جوق پا‘ دەگەننەن ’جاقسى ما، جامان با‘ دەگەنگە بۇرىلىس جاساۋى“، ”جاڭا دامۋ ۇستانىمى − دريجەرلىك تاياقشا، باعدار شام“.

     جاڭا دامۋ كەزەڭىنە قادام تاستاعان العا باسۋ جولىندا اساۋ تولقىندار، نوسەرلى داۋىلدار از ەمەس، جاڭا دامۋ ۇستانىمى جوعارى ساپالى دامۋدى جۇزەگە اسىرۋدىڭ ءتۇبىرلى بويسۇنۋ ولشەمى.

  ۋاكىلدەر، مۇشەلەر ەكى ماجىلىستە باياندامانى قاراۋ، تالقىلاۋ بارىسىندا تۇس - تۇستان مىنالاردى ءبىلدىردى: جاعداي نەعۇرلىم كۇردەلى، مىندەت جاپالى بولعان سايىن، سولعۇرلىم جاڭا دامۋ ۇستانىمىنىڭ جەتەكشىلىگىندە قىسىمدى قوزعاۋشى كۇشكە اينالدىرىپ، باسىمدىقتى جەڭىسكە اينالدىرعاندا عانا، ەلىمىز دامۋىنىڭ باسەكەلىك قۋاتى مەن جالعاستىرۋ قۋاتىن ۇزدىكسىز جوعارىلاتىپ، كۇن سايىن شيەلەنىسكەن حالىقارالىق باسەكەدە ىرىقتىلىقتى يگەرىپ، بولاشاققا قول جەتكىزە الامىز.

  شىڭدالىپ، دەنە قۋاتتى كۇشەيتىپ، پارتيانىڭ ساپاسىنىڭ وزگەرمەۋىنە، قاسيەتىنىڭ وزگەرمەۋىنە، ءتۇسىنىڭ وزگەرمەۋىنە شىنايى كەپىلدىك ەتتى −

  ەل باسقارۋدا، ءسوز جوق، الدىمەن پارتيانى باسقارۋ، پارتيانى باسقارۋدا، ءسوز جوق، قاتاڭ بولۋ كەرەك.

  ”پارتيانى جاپپاي قاتاڭ باسقارۋ − پارتيانىڭ جاندى، ومىرشەڭدىك كۇشىن ماڭگى ساقتاپ، جاڭا ەمتيحان تاپسىرۋ جولىن ويداعىداي باسۋداعى ءسوزسىز باسىپ وتەتىن جول“. باس شۋجي شي جينپيڭ بىلاي دەپ باسا دارىپتەدى: ”پارتيا قۇرۋ ۇلى رۋحىن كۇش سالا اسقاقتاتىپ، اۋەلگى ماقساتتى، بورىشتى ۇمىتپاي، باتىلدىقپەن وزىنە توڭكەرىس جاساپ، پارتيانىڭ العاباسارلىعى مەن كىرشىكسىزدىگىنە نۇقسان كەلتىرەتىن زياندى فاكتورلاردى ۇزدىكسىز الاستاپ، پارتيانىڭ سالامات تۇلعاسىن جەمىرەتىن بارلىق اۋرۋ قوزدىرعىش ۆيرۋستى ۇزدىكسىز جويىپ وتىرساق بولعانى، ءسوزسىز، پارتيانىڭ ساپاسىنىڭ وزگەرمەۋىنە، قاسيەتىنىڭ وزگەرمەۋىنە، ءتۇسىنىڭ وزگەرمەۋىنە شىنايى كەپىلدىك ەتە الامىز“.

  جۇڭگونىڭ ءىسىن ويداعىداي تىندىرۋدىڭ تەتىگى پارتيادا، تەتىگى پارتيانى جاپپاي قاتاڭ باسقارۋدا.

  كۇردەلى دە الماعايىپ جاعداي مەن كوپتەگەن جاپالى سىن سايىستار الدىندا، ءبىز ءدوپ كەلگەن ءار ءتۇرلى كۇرەس قىسقا مەرزىمدىك كۇرەس ەمەس، قايتا ۇزاق ۋاقىتتىق كۇرەس، ول ەكىنشى 100 جىلدىق كۇرەس نىساناسىن جۇزەگە اسىرۋدىڭ جالپى بارىسىمەن بىرگە جۇرىلەدى. وزىنە توڭكەرىس جاساۋعا باتىل بولعاندا عانا، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ تاريحي ۇدەرىسىندە باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتۋگە بولادى.

  ”’بەس ءسوزسىز باسىپ وتەتىن جول‘ ماڭىزدى تانىمى پارتيانىڭ جالپى بەتتىك باسشىلىعىنا تاباندى بولۋدى ماڭداي الدى ورىنعا قويىپ، پارتيانى جاپپاي قاتاڭ باسقارۋدى سىرگەجيار ەتىپ، ءدال ساياسي پارتيانىڭ بورىش ارقالاۋ سانالىلىعىنان ساياسي پارتيانىڭ ءوزىن شىڭداۋ سانالىلىعىنا دەيىن، جاڭا جورىقتى باستاۋدىڭ، بولاشاققا قول جەتكىزۋدىڭ ءتۇبىرلى كەپىلى مەن شەشۋشى قۇپيا كىلتىن ايقىندادى“، - دەدى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) پروفەسسورى شين ميڭ.

  جاپپاي تياناقتاندىردى، جۇمىلدىردى − ءبىر نيەتپەن كۇش بىرىكتىرىپ، شىنايى يگەرىپ، ناقتى ىستەپ، ەكپىندەي ىلگەرىلەۋ كۇشىن ۇيىستىرىپ، ۇزدىكسىز تىڭ دا اناعۇرلىم زور جەڭىستەرگە قول جەتكىزەمىز

  ەكى ءماجىلىس جابىلىسىمەن مەملەكەتتىك حالىق قۇرىلتايىنىڭ ۋاكىلى، حىنان ولكەسى مىڭجين اۋدانى چىڭگۋان قالاشىعى مىڭجۋاڭ قىستاعىنىڭ تۇرعىنى لۇي مياۋشيا قىستاققا قايتىپ كەلىپ، ءبىر جاعىنان، قىستاقتاعىلارعا مەملەكەتتىك ەكى ءماجىلىستىڭ رۋحىن جەتكىزۋمەن ابىگەر بولسا، ەندى ءبىر جاعىنان، كاسىپ سالاسى دامۋىنىڭ جاڭا بەتالىسىن قاراستىردى.

  سونىمەن بىردەي ۋاقىتتا مەملەكەتتىك ساياسي كەڭەستىڭ مۇشەسى، جۇڭگو ەنەرگيا ۇنەمدەۋ، قورشاعان ورتانى قورعاۋ توبى شەكتى سەرىكتەستىگىنىڭ القا باستىعى سۇڭ شين كاسىپورىننىڭ ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ“ قىزمەتىنىڭ جاڭا نىسانا - مىندەتىن ورنالاستىرۋعا كىرىسىپ، ەنەرگيادان پايدالانۋ ونىمدىلىگىن جوعارىلاتۋ جونىندە ىزدەنىس جاسادى.

  چاڭجياڭنىڭ وڭتۇستىگىندەگى بايتاق دالاعا كوز جىبەرسەك، كوكتەمگى ەگىس اتىزىندا اۋىل شارۋاشىلىعى عىلىم - تەحنيكاسى ءوز ونەرىن ايگىلەپ جاتتى؛

  شىعىس بولىكتەگى تەڭىز جاعالاۋىن ارالاساڭىز، بىرگە بايۋدان ۇلگى كورسەتۋ قۇرىلىسىنىڭ اياق الىسى ەكپىندى بولۋدا؛

  زاۆود - سەحتارعا كەلسەڭىز، كوپتەگەن ءوندىرىس قارقىنى تەزدەگەن قاربالاس كورىنىستەر مەن مۇندالايدى؛

  ...

  باس شۋجي شي جينپيڭنىڭ ەكى ماجىلىستە سويلەگەن ماڭىزدى ءسوزىنىڭ رۋحى ءبىر - بىرلەپ تاماشا جۇڭگو حيكايالارىنا اينالىپ، جۇڭگونىڭ بايتاق دالاسىندا تياناقتانىپ، تامىر تارتۋدا.

  قۇلشىنا ەڭبەك ەتىپ، قايراتتانا العا ىلگەرىلەپ، تىنباي ىزدەنىپ كەمەلىنە جەتۋ؛ تالىقپاي تالپىنىپ، نىق قاداممەن ۇزاققا شەرۋ تارتۋ كەرەك.

  ”بەس ءسوزسىز باسىپ وتەتىن جولدى“ بويلاپ، ”بەس ءتيىمدى شارت - جاعدايدان“ ويداعىداي پايدالانىپ، جاڭا ءداۋىر، جاڭا جورىقتاعى جۇڭگو ۇدەرە العا تارتاتىن ەكپىندى كۇش ۇيىستىرىپ، بۇرىن بولماعان نۇرلى بولاشاقتى ايگىلەدى.

  ”ءسوزسىز باسىپ وتەتىن جولمەن“ ويداعىداي ءجۇرىپ، سابىرلىلىقپەن، نىق سەنىممەن تىڭ دا اناعۇرلىم زور جەڭىستەرگە قول جەتكىزەمىز −

  ”’بەس ءسوزسىز باسىپ وتەتىن جول‘ − پارتيامىزدىڭ جاڭا داۋىردە ەل باسقارۋدا قول جەتكىزگەن ۇلى تابىستارىنىڭ ەڭ تەرەڭ قاتپارىنداعى قۇپيا سيفر، ول جۇڭحۋا ۇلتىنىڭ ۇلى گۇلدەنۋى سىندى تاريحي نىسانانى جۇزەگە اسىرۋعا ءتۇبىرلى بويسۇنۋ ولشەمىن ازىرلەدى، ءبىز ونى تەرەڭ ءتۇسىنىپ، وعان مىقتاپ تاباندى بولۋىمىز كەرەك“. شاڭحاي قالالىق پارتكوم پارتيا مەكتەبى ماركسيزم شۋەيۋانىنىڭ اتقارۋشى باستىعى ۋاڭ گۇڭلۇڭ بىلاي دەدى: ەلىمىز دامۋىنىڭ ”بەس ءتيىمدى شارت - جاعدايى“ ءبىزدىڭ ۇزدىكسىز تىڭ كەرەمەتتەر جاراتۋىمىزعا اناعۇرلىم بەرىك نەگىز قالاپ، سەنىمىمىزدى كۇشەيتتى.

  ەل ءىشى ءوندىرىس جالپى ءونىم قۇنى %5.5 اينالاسىندا ارتتى، قالا - قالاشىقتاردا تىڭنان جۇمىستانعاندار 11 ميلليون ادامنان استى، تۇرعىندار كىرىسىنىڭ ارتۋى ەكونوميكالىق ارتۋمەن نەگىزىنەن بىردەي بولدى... ۇكىمەت قىزمەتىنەن باياندامادا ورتاعا قويىلعان بيىلعى دامۋدىڭ نەگىزگى مەجەلى نىساناسى ەل ءىشى - سىرتىنىڭ ايرىقشا نازارىن اۋداردى.

  كوپتەگەن شەتەل اقپارات قۇرالدارى: ”قايراتى قاۋلاعان“ وسى ءبىر نىسانا جۇڭگونىڭ سىن - سايىسقا توتەپ بەرۋ سەنىمىن ايگىلەدى، الداعى جەردە دۇنيە ءجۇزى ەكونوميكاسىنىڭ جاندانۋ سەنىمىن سەرپىلتەدى، - دەپ باعا بەردى.

  مەملەكەتتىك ساياسي كەڭەس ەكونوميكا كوميتەتىنىڭ ورىنباسار مەڭگەرۋشىسى ليۋ شىجين مىنالاردى ءبىلدىردى: جۇڭگونىڭ ەكونوميكاسى قۋاتتى توزىمدىلىك سەرپىنىن ايگىلەدى، بازار نەگىزگى تۇلعاسى تولىق ومىرشەڭدىك كۇشكە جانە حاۋىپ - قاتەرگە قارسىلىق كورسەتۋ قۋاتىنا يە، بۇل تۇتاس جىلدىق نىسانا - مىندەتتەردى قۇلشىنا جۇزەگە اسىرۋدىڭ سەنىم تىرەگى بولىپ تابىلادى.

  كۇردەلى دە قۇبىلمالى جاعدايدا، جۇڭگو ورنىقتىلىق بارىسىندا ىلگەرىلەيتىن، ناقتى، ىسكە اسارلىق نىسانا - مىندەتتەردى العا قويدى، مۇنىڭ ءوزى دامۋ سەنىمىنىڭ جاندى تۇسىنىكتەمەسى. بولاشاققا بەت العاندا، ستراتەگيالىق سيپاتتى ءتيىمدى شارت - جاعداي دامۋدى جەدەلدەتۋدىڭ ستراتەگيالىق كۇشىنە اينالادى، جۇڭگونىڭ العا باسۋ قادامى اناعۇرلىم باتىل، سەنىمدى بولادى.

  ”ءسوزسىز باسىپ وتەتىن جولمەن“ ويداعىداي ءجۇرىپ، قامال الىپ، قيىندىقتى جەڭۋ تەبىنىمەن جاڭا دا اناعۇرلىم زور جەڭىستەرگە قول جەتكىزەمىز −

  وسى قار ماۋسىمىندا حۋبەيدىڭ شىننۇڭجياسىنداعى اق قار قىمتاعان شاڭعى الاڭىندا الۋان ءتۇرلى شاڭعى كيىمى الاڭعا وزىندىك كورىك قوستى، شاڭعى اۋەسكەرلەرى شاڭعىمەن جۇلدىزشا زىمىراۋدا.

  ورمانى قالىڭ، شاتقالى تەرەڭ، قۇزار شىڭدار قازديىپ تۇرعان وسى جەردە كەدەيلىكتىڭ تۋىلۋ سالىستىرماسى ىلگەرى ءبىر مەزگىل %34.75كە جەتكەن. تاياۋ جىلداردان بەرى جەرگىلىكتى ورىنداعى كادرلار بۇقارانى باستاپ قيىندىققا قارسى اتتانىپ، ءورىس اشا جاڭالىق اشىپ، جوعارى دەڭگەيدە قورعاۋ ارقىلى جوعارى ساپالى دامۋدى ىلگەرىلەتۋگە قۇلشىنىپ، ”تۇنىق سۋ، جاسىل تاۋدى“ ”باعالى بايلىققا“ اينالدىردى.

  ”سىن - سايىستان قورىقپاي، قايسارلىقپەن قامال الىپ، اۋىل - قىستاقتى گۇلدەندىرۋ جاڭا جورىعىندا اناعۇرلىم زور قادام تاستاۋ كەرەك“، - دەدى مەملەكەتتىك حالىق قۇرىلتايىنىڭ ۋاكىلى، حۋبەي شىننۇڭجيا ورمان رايونىنىڭ باستىعى ليۋ چيجۇن.

  قۇبىلمالى جاعدايدا ءوز قاسيەتىن ايگىلەپ، جاپا - ماشاقاتتى بولعان سايىن سولعۇرلىم العا ىلگەرىلەدى.

  كەزەكتەگى ىندەتتەن ساقتانۋ - تىزگىندەۋ جاعدايى ءالى دە قاتاڭ، ءىشىنارا جەرلەردە ىندەتتىڭ كەڭەيۋ جاعدايى بەلەڭ بەرۋدە، كوپتەگەن ۋاكىلدەر، مۇشەلەر ەكى ءماجىلىس ەندى عانا اياقتاپ، ءوز قىزمەت ورىندارىنا قايتقاننان كەيىن، ىندەتتەن ساقتانۋ - تىزگىندەۋ قىزمەتىنە دەرەۋ كىرىسىپ كەتتى.

  ”باق سىناۋ پسيحيكاسىن، بەيعامدىققا سالىنۋ يدەياسىن جانە بوساڭسۋ كوڭىل كۇيىن باتىل تيىپ، ءتۇرلى ساقتانۋ - تىزگىندەۋ شارالارىن قاتاڭ، شۇعىل تۇردە تىڭعىلىقتى، ەگجەي - تەگجەيلى تياناقتاندىرۋ كەرەك“. مەملەكەتتىك حالىق قۇرىلتايىنىڭ ۋاكىلى، جياڭشي ولكەلىك دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى ۋاڭ شۇيپيڭ بىلاي دەدى: ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي ىستەپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىق اقاۋسىزدىعىن كۇش سالا ويداعىداي قورعاۋ كەرەك.

  ءارى قيىندىقتى باتىل جەڭەتىن جاۋاپكەرشىلىك بولۋ، ءارى ماسەلەنى شەبەرلىكپەن شەشەتىن قابىلەت بولۋ كەرەك.

  ”كۇردەلى جاعداي، كۇردەلى قايشىلىق، اۋىر مىندەت الدىندا، باستى مەن باستى ەمەسىن ايىرماساق، پارىقتاماساق، ءبارىن بىردەي يگەرسەك قىزمەتتى جاقسى ىستەي المايمىز“. باس شۋجي شي جينپيڭ بيىل 1 - ايدا ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا مىنە وسىنداي سىندارلى تۇسىنىك جاسادى.

  جاڭا جورىقتا جالپى جاعداي كوزقاراسىن ۇستانىپ، ءتۇرلى قايشىلىقتاردى كوكەيدە ءتۇيىپ، باستى قايشىلىق پەن قايشىلىقتىڭ نەگىزگى جاعىن الدىمەن شەشىپ، باسقا دا قايشىلىقتاردى شەشۋگە دەم بەرىپ، سول ارقىلى تۇتاس تۇلعالىق ىلگەرىلەتۋ بارىسىندا ءتۇيىندى سەرپىلىستى اناعۇرلىم ويداعىداي جۇزەگە اسىرىپ، ءتۇيىندى سەرپىلىس ارقىلى ەكونوميكالىق، قوعامدىق دامۋ دەڭگەيىن تۇتاس تۇلعالىق جاقتان كوتەرۋگە دەم بەرۋ كەرەك.

  ”ءسوزسىز باسىپ وتەتىن جولمەن“ ويداعىداي ءجۇرىپ، ىنتىماقتاسا كۇرەس جاساۋ ارەكەتى ارقىلى جاڭا دا اناعۇرلىم زور جەڭىسكە قول جەتكىزەمىز −

  قىستا بۇلدىرگەن، جازدا شيە بار، ءبىر جىلدىڭ ءتورت ماۋسىمىندا جاس جەمىس - جيدەك، كوكونىس بار، سالاماتتىق كۇتىمدەلۋ كاسىپ سالاسى سياقتىلار دا ىركەس - تىركەس ىرگە تەپتى... بەيجيڭ قىسقى وليمپيادا سپورت جارىسىنىڭ قىستاققا الا كەلگەن وزگەرىسىن تىلگە تيەك ەتكەندە، حىبەي ولكەسى جاڭجياكوۋ قالاسى دۇڭۋاڭشان اۋىلى يۋانزىحى قىستاعى پارتيا ياچەيكاسىنىڭ شۋجيى، ۋاكىل گو جيانرىننىڭ ايتارى كوپ: ”ادام باسىنا تۋرا كەلەتىن جىلدىق ورتاشا كىرىس 20 مىڭ يۋانعا جەتتى، كەيبىرەۋلەردىكى 60 مىڭ دا 70 مىڭ يۋانعا جەتتى“!

  كۇرەس نىساناسىن كوزدەپ، جىگەر - قايراتى تاسقىنداپ بولاشاققا بەت الدى.

  جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋدەن جاڭا دامۋ ارناسىن جەدەل قالىپتاستىرۋعا، ونان جوعارى ساپالى دامۋدى ىلگەرىلەتۋگە دەيىن؛ اۋىل - قىستاقتى جاپپاي گۇلدەندىرۋدى جەبەۋدەن بىرگە بايۋدى تىڭعىلىقتى ىلگەرىلەتۋگە، ونان ەكولوگيالىق ورتانى ءۇرتىس جاقسارتۋعا دەيىن مەملەكەتتىك ەكى ءماجىلىس دامۋ جالپى جاعدايى جونىندە جاڭا ورنالاستىرۋلار جاسادى.

  گو جيانرىن بىلاي دەدى: ”جاپپاي دوڭگەلەك داۋلەتتىلىككە جەتكەننەن كەيىنگى تۇرمىس بارعان سايىن شالقي ءتۇستى، بيىل قىستاعىمىز تاعى سالاماتتىق كۇتىمدەلۋ كاسىپ سالاسىن بار كۇشپەن دامىتىپ، سارا اۋىل شارۋاشىلىعى باقشا رايونىن جانە جاڭا ەنەرگيا نىساندارىن قۇرىپ، اۋىل - قىستاقتى گۇلدەندىرۋ جولىندا ويداعىداي باستاماشى بولادى“.

  ەل بىرلىگىنەن بەرىك قامال تۇرعىزساق، قاشاندا جەڭىپ شىعامىز.

  يۇننان ولكەسى ساڭيۋان ۋازۋ اۆتونوميالى اۋدانىنان كەلگەن مەملەكەتتىك حالىق قۇرىلتايىنىڭ ۋاكىلى جياڭ جيانپيڭ ماجىلىستە جاقسى حابار جەتكىزدى: ساڭيۋان شەكارا قىستاقتى ءتۇيىن ەتىپ، 227 نىساندى ءتۇيىندى بەلسەنە جوسپارلاپ، پارتيا قۇرىلىسىن جەتەكشى، كاسىپ سالاسىنىڭ دامۋىن نەگىزگى جەلى ەتىپ، اۋىل - قىستاقتى گۇلدەندىرۋ ستراتەگياسىن جالپى بەتتىك ىلگەرىلەتەدى.

  ”ءبىز تاسقىنداعان ىنتامەن، اسقاق جىگەرمەن، جەتكىلىكتى تەبىنمەن ءار جاقتىڭ اقىل - پاراساتى مەن كۇش - قۋاتىن ۇيىستىرىپ، اۋىل - قىستاقتى گۇلدەندىرۋدى ۇزدىكسىز ىلگەرىلەتۋىمىز كەرەك“. جياڭ جيانپيڭ كەسەتە ايتتى.

  ىنتىماقتاسا كۇرەس جاساۋ قۋاتتى رۋحاني كۇشتەن قول ۇزە المايدى.

  ”باس شۋجي شي جينپيڭ ’بەس ءتيىمدى شارت - جاعدايدى‘ بايانداعان كەزدە، ’وزىنە سەنەتىن، ءوزىن الۋەتتەندىرەتىن رۋحاني كۇش - قۋات بولۋ كەرەك‘ دەپ ءسوزىن اياقتاتتى. بۇل جۇڭگو حالقىنىڭ تىنباي كۇرەس جۇرگىزۋىنىڭ قوزعاۋشى كۇش قاينارى، ول ادامداردىڭ بەلسەندىلىگىن، ىرىقتىلىعىن، جاسامپازدىعىن ۇزدىكسىز قاۋلاتىپ، جاڭا ءداۋىردىڭ جاڭا جورىعىندا اناعۇرلىم ۇلى داڭققا قول جەتكىزۋگە مۇمكىندىك جاسايدى“، - دەدى مەملەكەتتىك ساياسي كەڭەستىڭ مۇشەسى جاڭ ۋي.

  ”ءتيىمدى شارت - جاعداي“ دەگەنىمىز دامۋ ابزالدىلىعى.

  ”ءسوزسىز باسىپ وتەتىن جول“ دەگەنىمىز جەڭىس جولى.

  باتىل بەكىم، سەنىم جانە تاباندىلىق ارقىلى ”ءسوزسىز باسىپ وتەتىن جولمەن“ ويداعىداي ءجۇرىپ، كۇشتى ەرىك - جىگەر، قاجىر - قايرات، سەنىم ارقىلى ”ءتيىمدى شارت - جاعدايدان“ ويداعىداي پايدالاناتىن بولساق، ءسوز جوق، كەلەلى جاعدايدى ورنىقتىرىپ، وزگەرىس جاعدايىنا توتەپ بەرىپ، جاڭا جاعدايدى اشا الامىز، ءسوز جوق، ىرىقتىلىققا، بولاشاققا قول جەتكىزە الامىز.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو كوممۋنيستەرى قايراتتانا ۇمتىلىپ، باتىلدىقپەن شىنايى اتقارىپ، سان ميلليونداعان حالىقپەن بىرگە ويلاپ، بىرگە ىستەپ، بولاشاققا اسقاق تا ارشىندى قاداممەن بەت الاتىن بولسا، ءسوز جوق، جاڭا ەمتيحان تاپسىرۋ جولىندا جاڭا دامۋ كەرەمەتىن ۇزدىكسىز جازاتىن، جاڭا تاريحي ۇلى ءىستى جاراتاتىن بولادى!

  (تىلشىلەر جاڭ شۇيدۇڭ، جاۋ چاۋ، ان بەي، ديڭ شياۋشي، يۇي جياشين، سۇن شاۋلۇڭ، حى زۇڭيۇي)

  (شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.