ما شيڭرۇي اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
يدەيالىق تانىمدى ونان ارى جوعارىلاتىپ، تومەنگى شەكتە ويلاۋدى كۇشەيتىپ، ىندەتتەن ساقتانۋ - تىزگىندەۋ شارالارىن قاتاڭ، قاۋىرت تياناقتاندىرۋ كەرەك
ەركىن تۇنياز بىرگە تەكسەرۋ - زەرتتەۋ جۇرگىزدى
انار بۇلت / شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 16 - كۇنى ۇرىمجىدەن حابارلايدى. 3 - ايدىڭ 16 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنا كەلىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى سوزدەرىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، مەملەكەتتىك كەڭەستىڭ بىرلەسىپ ساقتانۋ - تىزگىندەۋ مەحانيزمىنىڭ قىزمەت تالابىنا ساي يدەيالىق تانىمدى شىنايى جوعارىلاتىپ، تومەنگى شەكتە ويلاۋدى كۇشەيتىپ، الدىن الۋدى نەگىز ەتۋگە، ساقتانۋدى تياناق ەتۋگە تاباندى بولىپ، ىندەتتەن ساقتانۋ - تىزگىندەۋ شارالارىن قاتاڭ، قاۋىرت تياناقتاندىرىپ، ىندەتتەن ساقتانۋ - تىزگىندەۋدىڭ قورعانىس شەبىن بۇلجىماستان بەكەمدەپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن شىنايى قورعاۋ كەرەك. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى ەركىن تۇنياز بىرگە تەكسەرۋ - زەرتتەۋ جۇرگىزدى.
ما شيڭرۇي، ەركىن تۇنياز قاتارلىلار تۇتاس رايوننىڭ ىندەتتەن ساقتانۋ - تىزگىندەۋ قىزمەتىنەن بەرىلگەن مالىمەتتى مۇقيات تىڭداپ، قاتىستى جاۋاپتى جولداستارمەن ىشكەرىلەي اڭگىمەلەسىپ، ساقتانۋ - تىزگىندەۋ شارالارىن تياناقتاندىرۋ، مەحانيزمدى كەمەلدەندىرۋ، شۇعىل جاعدايعا توتەپ بەرۋ دايىندىق جوباسىن ساپالىلاندىرۋ سىندى جاعدايلاردى ەگجەي - تەگجەيلى ۇعىستى ءارى كەلەسى قادامداعى ىندەتتەن ساقتانۋ - تىزگىندەۋ قىزمەتىن ويداعىداي ىستەۋ جونىندەگى ۇسىنىس - پىكىرلەردى تىڭدادى.
ما شيڭرۇي بىلاي دەپ باسا دارىپتەدى: جۋىقتان بەرى ەلىمىزدە كوپتەگەن جەرلەر مەن تۇيىندەردە توپتالۋ سيپاتتى ىندەت جاعدايى تۋىلدى، اۋميكروننىڭ وزگەرگەن شتاممىنىڭ تارالۋى تەز، جاسىرىنعىشتىعى كۇشتى بولىپ، ىندەتتەن ساقتانۋ - تىزگىندەۋدىڭ قيىندىعى ارتىپ، ساقتانۋ - تىزگىندەۋ جاعدايى قاتاڭ دا كۇردەلى بولدى. يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، ىندەتتەن ساقتانۋ - تىزگىندەۋ قىزمەتىن باستان - اياق بايىپپەن ويداعىداي يگەرىپ، ساقتانۋ - تىزگىندەۋدى ۇدايىلاندىرۋ مەن شۇعىل توتەپ بەرۋ، ءبىر جاقتى ەتۋدى ۇشتاستىرۋعا تاباندى بولىپ، ادام، زات، ورتا جاقتارىنان بىردەي ساقتانۋعا تاباندى بولىپ، زاڭ بويىنشا، عىلمي، دارەجەگە، تۇرگە ءبولىپ، دالمە - ءدال ساقتانىپ - تىزگىندەپ، ىندەتتەن ساقتانۋ - تىزگىندەۋدىڭ تومەنگى شەگىن باتىل ساقتاۋ كەرەك. ”ءتورت ەرتە بولۋعا“ تاباندى بولىپ، دالمە - ءدال ساقتانۋ - تىزگىندەۋ شارالارىن تياناقتاندىرىپ، قاداعالاۋ، الدىن الا ساقتاندىرۋ مەحانيزمىن كۇشەيتىپ، ءتۇيىندى ادامدار شوعىرىنىڭ، ءتۇيىندى الاڭ - ورىنداردىڭ، ءتۇيىندى وڭىرلەردىڭ دالمە - ءدال ساقتانۋ - تىزگىندەۋ شارالارىن ناقتى يگەرىپ، ەگجەي - تەگجەيلى يگەرىپ، جوعارى حاۋىپ - قاتەرلى قىزمەت ورنىنداعى ادامدار شوعىرىنىڭ حىسۋانىن تەكسەرۋگە تيىستىلەرىن قالدىرماي تەكسەرۋدى قاتاڭ تياناقتاندىرىپ، ”انتيگەنىن ەكشەپ تەكسەرۋدىڭ، حىسۋان بويىنشا دياگنوز قويۋدىڭ“ قاداعالاۋ ۇلگىسىن جالپىلاستىرىپ، ءوڭىر اتتاپ سايكەسە تەكسەرۋ ونىمدىلىگىن جوعارىلاتىپ، قاتەرلى ادامدار شوعىرىنا بارعان جەرىندە اۋەل باستان ءبىر - بىرلەپ اداقتاۋ جۇرگىزىپ، شەكارا وتكەلدەرىن جابىق اينالىم بويىنشا باسقارۋدى قاتايتىپ، دەر كەزىندە بايقاپ، ىندەتتى ەرتە بايقاۋ، ىندەتتى ەرتە جويۋ كەرەك. دايىندىق جوبانى كەمەلدەندىرىپ، شۇعىل توتەپ بەرۋ، ءبىر جاقتى ەتۋ دەڭگەيىن جوعارىلاتىپ، كۇنى بۇرىن قامدانىپ، الدىن الا ساقتانۋعا تاباندى بولىپ، ىندەتتەن ساقتانۋ - تىزگىندەۋدىڭ يدەيالىق دايىندىعى مەن قىزمەت دايىندىعىن تىڭعىلىقتى، ويداعىداي ىستەپ، ىندەتتەن ساقتانۋ - تىزگىندەۋدى ۇدايىلاندىرۋدى جانە شۇعىل توتەپ بەرۋ، ءبىر جاقتى ەتۋ، اۋىستىرۋ مەحانيزمىن اناعۇرلىم كەمەلدەندىرىپ، بۇقارانىڭ تۇرمىسىنا، ەمدەۋگە، ت. ب قاجەتتى زاتتىق ماتەريالداردى زاپاس ساقتاۋ جانە قامتاماسىز ەتۋ قىزمەتىن ويداعىداي ىستەپ، ءبىر تۇتاس جوسپارلاپ، سايكەستىرۋدى كۇشەيتىپ، جوعارى ءونىمدى بىرلەسىپ قيمىلداۋدى كۇشەيتىپ، قىزمەتتىڭ بىرىككەن كۇشىن قالىپتاستىرىپ، شۇعىل توتەپ بەرۋ، ءبىر جاقتى ەتۋ قابىلەتى مەن دەڭگەيىن ۇزدىكسىز جوعارىلاتۋ كەرەك. جەتەكشىلىك ەتۋدى كۇشەيتىپ، تاماشا قوعامدىق پىكىر ورتاسىن قالىپتاستىرىپ، ساياسات - شارالاردى ۇگىتتەۋدى، ءتۇسىندىرۋدى كۇشەيتىپ، ۆاكسينا ەگۋ قىزمەتىن ءتارتىپتى ىلگەرىلەتىپ، يممۋنيتەتتىك ۆاكسينا ەگۋدى ءبىر تۇتاس جوسپارلاپ ويداعىداي كۇشەيتىپ، ءار ۇلت بۇقاراسىن ماسكا تاعۋ، قولدى تازالاپ جۋۋ، توپتاسپاۋ، قوعامدىق قارىم - قاتىناس ارالىعىن ساقتاۋ سىندى ساقتانۋ - تىزگىندەۋ تالابىن ۇزدىكسىز ويداعىداي تياناقتاندىرۋعا، ىندەتتەن ساقتانۋ - تىزگىندەۋدەگى شۇعىل توتەپ بەرۋ، ءبىر جاقتى ەتۋ قىزمەتتەرىنە ويداعىداي سايكەسۋگە تاربيەلەۋ، جەتەكتەۋ، قوعام نازار اۋدارىپ وتىرعان ماسەلەلەرگە دەر كەزىندە جاۋاپ قاتىپ، بۇقارانى ىندەت جاعدايىنا دۇرىس، اقىلدى تۇردە قاراۋعا باستاپ، قولامتالى تۇيىندەرگە ءونىمدى جەتەكشىلىك ەتىپ، بەلسەندى، اقاۋسىز، ءتارتىپتى قوعامدىق پىكىر ورتاسىن قالىپتاستىرۋ كەرەك. تياناقتاندىرۋدى قاتاڭ ۇستاپ، ساقتانۋ - تىزگىندەۋ جاۋاپكەرشىلىگىن بەكەمدەپ، ناقتىلاندىرىپ، تۇتاس شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە بولۋدان جازباي، ”ءتورت جاقتىڭ جاۋاپكەرشىلىگىن“ اناعۇرلىم ناقتىلاندىرىپ، ۇيىمدىق باسشىلىقتى كۇشەيتىپ، ساقتانۋ - تىزگىندەۋ نەگىزىن ۇزدىكسىز بەكەمدەپ، ىندەتتەن ساقتانۋ - تىزگىندەۋدى زاڭمەن باسقارۋ، ۇدايىلاندىرۋ، ارنايىلاندىرۋ دەڭگەيىن جوعارىلاتىپ، ىندەتتەن ساقتانۋ - تىزگىندەۋ جەتىستىگىن شىنايى بەكەمدەپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ءىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
اۆتونوميالى رايون باسشىلارىنان چىن ۋيجۇن، ياڭ فاسىن، ليۋ سۋشى قاتارلىلار تەكسەرۋ - زەرتتەۋگە قاتىناستى.
