اۆتونوميالى رايون مەملەكەتتىڭ مينيسترلىك - كوميتەتتەرىمەن، ورتالىق كاسىپورىندارمەن قىزمەت ۇشتاستىرۋدى ىلگەرىلەتۋ ءماجىلىسىن اشتى
ىرىقتىلىقپەن ىسكەرلىك كورسەتىپ، كەلەلى نىساندار قۇرىلىسىن تىڭعىلىقتى ىلگەرىلەتۋ كەرەك
انار بۇلت / شينجياڭ گازەتىنىڭ ءتىلشىسى لي ياڭ 3 - ايدىڭ 16 - كۇنى ۇرىمجىدەن حابارلايدى. 3 - ايدىڭ 15 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوننىڭ مەملەكەتتىڭ مينيسترلىك - كوميتەتتەرىمەن، ورتالىق كاسىپورىندارمەن قىزمەت ۇشتاستىرۋدى ىلگەرىلەتۋ ءماجىلىسىن باسقارىپ اشتى. ءماجىلىس جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، تياناقتاندىرىپ، اۆتونوميالى رايوننىڭ مەملەكەتتىڭ مينيسترلىك - كوميتەتتەرىمەن، ورتالىق كاسىپورىندارىمەن، فينانس قۇرىلىمدارىمەن ۇشتاسۋ جانە ستراتەگيالىق كەلىسىمدەرگە قول قويۋدا ناقتى تياناقتاندىرۋعا ءتيىستى قىزمەتتەردى ورنالاستىرىپ، شارالار مەن تالاپتاردى ايقىنداپ، قىزمەت جاۋاپكەرشىلىگىن ناقتىلاندىرىپ، قۋزاپ تياناقتاندىرۋدى ويداعىداي يگەرىپ، مەملەكەتتىڭ شينجياڭعا دەگەن وزگەشە قولداۋىنىڭ تەز ارادا تياناقتانىپ، ونىمدىلىك كورسەتۋىنە شىنايى كەپىلدىك ەتتى.
ءماجىلىس مىنالاردى اتاپ كورسەتتى: ايرىقشا باسا ءمان بەرىپ، ىرىقتىلىقپەن ىسكەرلىك كورسەتىپ، قازىر ۇشتاستىرىلىپ وتىرعان قىزمەتتەر نەگىزىندە اۆتونوميالى رايوننىڭ بار كۇشپەن ىلگەرىلەتىپ وتىرعان كەلەلى نىساندارىمەن تىعىز بايلانىستىرىپ، ماسەلەنى باعدار ەتۋگە تاباندى بولىپ، ساياساتتىق زەرتتەۋدى كۇشەيتىپ، ساياسات - شارالاردى ەگجەي - تەگجەيلىلەندىرىپ، تيىمدىلىك ساياساتتاردان شىنايى ويداعىداي، يكەمدى، تولىق پايدالانىپ، نىسانداردى جوباعا ساي ويداعىداي اتقارىپ، ويداعىداي قۇرىپ، كەلەلى نىسانداردىڭ جالپىلىق ونىمدىلىگىن تولىق ساۋلەلەندىرۋ كەرەك.
ماجىلىس مىنالاردى اتاپ كورسەتتى: بەلسەنە ۇشتاستىرىپ، دالمە - ءدال تياناقتاندىرۋ كەرەك. ءارقايسى تاراۋلار قىزمەت جاۋاپكەرشىلىگىنە، جۇمىس بولىسىنە نەگىزدەلە وتىرىپ زەرتتەۋدى كۇشەيتىپ، ساياساتتى دالمە - ءدال يگەرىپ، مەملەكەتتىڭ مينيسترلىك - كوميتەتتەرىمەن، ورتالىق كاسىپورىندارىمەن، فينانس قۇرىلىمدارىمەن بولعان ۇشتاسۋ اۋىس - كۇيىسىن اناعۇرلىم كۇشەيتىپ، ءتۇيىندى نىساندار مەن ءتۇيىندى قىزمەتتەردى جوعارى ساپادا ىلگەرىلەتۋ كەرەك. ءارقايسى ايماق - وبلىستار، قالالار قاراستى جەر تۇلعالىق جاۋاپكەرشىلىگىن ۇستىنە الىپ، وزىندىك باسىمدىقتاردى ساۋلەلەندىرىپ، نىسانداردى ىلگەرىلەتۋ بارىسىندا ءدوپ كەلگەن قيىنشىلىقتاردى سايكەستىرە شەشىپ، كاسىپورىندارعا بار كۇشپەن ويداعىداي قىزمەت وتەۋ كەرەك.
ءماجىلىس مىنالاردى باسا دارىپتەدى: اۆتونوميالى رايوننىڭ، بيڭتۋاننىڭ جانە ورتالىق كاسىپورىندارىنىڭ جوعارى دەڭگەيدەگى ”تىكە بايلانىس جاساۋ“ مەحانيزمىن قۇرىپ جانە ونى كەمەلدەندىرىپ، ۇدايىلانعان بايلانىستى كۇشەيتىپ، كاسىپورىنداردىڭ شينجياڭدا جۇمىس جۇرگىزۋ جاعدايىن دەر كەزىندە مەڭگەرىپ، قىزمەت وتەۋ، قامتاماسىزداندىرۋ قىزمەتىن ويداعىداي ىستەپ، كاسىپورىنداردىڭ دامۋداعى قيىنشىلىقتارىن شەشىپ، الاڭسىز ەتۋ كەرەك. كاسىپورىندارمەن سايكەسۋ مەحانيزمىن قۇرىپ، نىسانداردى ىلگەرىلەتۋ بارىسىندا جارىققا شىققان نەمەسە جارىققا شىعۋى مۇمكىن بولعان ماسەلەلەردى ءتۇر بويىنشا ءبىر - بىرلەپ سالالاپ، ماسەلەلەردى شەشۋدى زاڭ بويىنشا، ەرەجە بويىنشا ىلگەرىلەتۋ كەرەك. تيجاراتقا شەبەر، باسقارۋعا جەتىك ەكونوميكالىق ءبىر توپ كاسىپتىك كادرلار قوسىنىن باۋلىپ، ساياساتتى ءتۇسىنۋ قابىلەتىن، اتقارۋ قابىلەتىن، تياناقتاندىرۋ قابىلەتىن ۇزدىكسىز جوعارىلاتۋ كەرەك.
ءماجىلىس مىنالاردى اتاپ كورسەتتى: تاجىريبەلەردى ۇزدىكسىز قورىتىندىلاپ، مەحانيزمدى كەمەلدەندىرىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قۇرۋعا ۇزدىكسىز كۇش سالۋ كەرەك. ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋمەن بىرلەستىرىپ، «شينجياڭ ۇيعۇر اۆتونوميالى رايونىنىڭ ۇكىمەتتىك قىزمەت وتەۋدى قولايلىلاستىرۋدى جەبەۋ ەرەجەسىن» جانە «شينجياڭ ۇيعۇر اۆتونوميالى رايونىنىڭ شارۋاشىلىق - ساۋدا ورتاسىن ساپالىلاندىرۋ ەرەجەسىن اتقارۋ ءادىسىن» تياناقتاندىرىپ، بازار تۇلعالارىنىڭ قاجەتىن كوزدەپ، جاڭا كەزەكتى سالىقتى ازايتىپ، اقىنى تومەندەتۋ سىندى ساياساتتاردى ويداعىداي تياناقتاندىرىپ، كوپ شارانى قاتار قولدانۋ ارقىلى كاسىپورىنداردىڭ دامۋىنا كومەكتەسۋ كەرەك. نازاردى بازار تۇلعالارى قاداعالاپ وتىرعان ىستەرگە شوعىرلاندىرىپ، شارۋاشىلىق - ساۋدا ورتاسىن ارناۋلى جونگە سالۋدى ورىستەتىپ، كاسىپورىنداردىڭ زاڭدى ۇقىق - مۇددەسىن زاڭ بويىنشا قورعاپ، ءتۇزىمدى ۇزدىكسىز كەمەلدەندىرىپ، قىزمەت وتەۋدى كۇشەيتىپ، ونىمدىلىكتى جوعارىلاتىپ، شينجياڭداعى كاسىپورىنداردىڭ دامۋىنا، زورايۋىنا دەم بەرىپ، شينجياڭنىڭ جوعارى ساپالى دامۋى ءۇشىن تىڭ ۇلەس قوسۋ كەرەك.
اۆتونوميالى رايون باسشىلارىنان چىن ۋيجۇن، ءيۇسۇپجان مامەت، ەلزات احمەتجان قاتارلىلار ماجىلىسكە قاتىناستى.
