انار بۇلت / شينجياڭ گازەتىنىڭ ءتىلشىسى ۋي حۇڭپيڭ 3 - ايدىڭ 16 - كۇنى ۇرىمجىدەن حابارلايدى. جالپى حالىقتىق توپتىڭ يممۋنيتەتتىك قورعانىس تورىن قالىپتاستىرۋدى جەدەلدەتۋ ءۇشىن، رايونىمىز قارتتار قاۋىمىنا جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەگۋدى جەدەل ىلگەرىلەتتى. جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ 60 جاستان جوعارعى قارتتاردى قورعاۋ ءونىمى قانداي؟ 3 - ايدىڭ 16 - كۇنى ءتىلشى اۆتونوميالى رايوندىق اۋرۋدىڭ الدىن الۋ جانە تىزگىندەۋ ورتالىعى يممۋنيتەتتىك جوبالاۋ ورنىنىڭ مەڭگەرۋشىسى قايسار وسمانمەن سۇحباتتاستى.
”قازىرگە دەيىن ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ شەكارا ءىشى - سىرتىنداعى 60 جاستان جوعارى قارتتارعا ەگىلۋ مولشەرى 500 ميلليون رەتتەن اسىپ، ەگىلۋ بارىسىندا تاماشا حاۋىپسىزدىكتى كورسەتتى“، - دەدى قايسار.
2 جىلدان بەرى جاڭا تيپتى ايدارشا ۆيرۋستى زەرتتەۋ ارقىلى قارتتار جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرگەننەن كەيىن بەيتاراپ انتيدەنە دەڭگەيىنىڭ جاستاردان تومەن بولعاندىعى، ونىڭ ۇستىنە بارلىق ادام جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرگەننەن كەيىن، ۋاقىتتىڭ وتۋىمەن بەيتاراپ انتيدەنەنىڭ دەڭگەيى بەلگىلى دارەجەدە تومەندەگەندىگى دە بايقالدى. ”ءبىز قارتتار قاۋىمىن جەدەل ۆاكسينا ەكتىرۋگە ۇندەپ قانا قالماستان، قارتتاردى كۇشەيتىلگەن ۆاكسينا ەكتىرۋگە دە ۇندەۋىمىز كەرەك“. قايسار بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ يممۋنيتەتتى كۇشەيتۋى اۋميكروننىڭ وزگەرگەن شتاممىنىڭ قارسىلىق قۋاتتى بۇزۋ سيپاتتى جۇعىمداۋىن تەجەپ، اۋميكروننىڭ قايتا تارالۋ كۇشىن تومەندەتەدى. ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى اۋميكرون جونىنەن ءونىمدى، يممۋنيتەتتى كۇشەيتۋ ونىمدىلىگى اناعۇرلىم كورنەكتى.
قايسار تانىستىرىپ بىلاي دەدى: سوزىلمالى ناۋقاسقا شالدىققان قارتتاردىڭ دەنساۋلىق جاعدايى تۇراقتى، ءدارى - دارمەكپەن تىزگىندەۋى جاقسى بولسا بولعانى، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋىنە بولادى. قارتتار جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋدەن ىلگەرى ءوزىنىڭ نەگىزگى اۋرۋلارىنىڭ ويداعىداي تىزگىندەلگەن - تىزگىندەلمەگەندىگىن تۇراقتاندىرۋى ءارى تۇراقتى مەرزىمدە تۇرعان بولۋى كەرەك، ەگەر ءوزىنىڭ تۇراقتى مەرزىمدە تۇرعان - تۇرماعاندىعىنا ءجىپ تاعا الماسا، شيپاگەردەن كەڭەس سۇراۋىنا بولادى، ءدارى - دارمەكپەن تىزگىندەۋى جاقسى، اۋرۋ جاعدايى ورنىقتى بولعان جاعدايدا، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋىنە بولادى.
ەكتىرگەن كەزدە قارتتار ۆاكسينا ەگۋ ورنىنداعى شيپاگەرلەرگە ءوزىنىڭ ناقتى دەنساۋلىق جاعدايىن، تاياۋدان بەرى ءىشىپ جۇرگەن دارىلەرىنىڭ ينفورماتسياسىن ىرىقتىلىقپەن مالىمدەۋى ءارى جاعدايدان حابارلى بولۋ ماقۇلدىق حاتىن شىنايى تولتىرۋى كەرەك.
ەكتىرگەننەن كەيىن قارتتار ەگۋ ورنىندا 30 مينۋت قالىپ جاعدايىن بايقاۋى قاجەت. ەكتىرگەن كۇنى ۋكول سالعان ورىندى قۇرعاق ۇستاۋى ءارى جەكە تازالىعىنا كوڭىل ءبولۋى كەرەك. ەكتىرگەننەن كەيىن ءبىر اپتا ىشىندە ىلگەرىدە رەاكسيا بەرەتىن زاتتارعا جانە ۇنەمى كەزدەسەتىن رەاكسيا قاينارىنا جولاماۋى، مۇمكىندىكتىڭ بارىنشا اراق ىشپەۋى، اششى - تۇششى، تىتىركەندىرەتىن نەمەسە تەڭىز ونىمدەرى سياقتى ازىقتىقتاردى جەمەۋى، جەڭىل ازىقتانىپ، كوبىرەك سۋ ءىشىپ، ۇيلەسىمدى دەمالعانى ءجون.
