جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى
جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا تالداۋ جاساپ، ىندەتتەن ساقتانۋ - تىزگىندەۋ قىزمەتىن قاتاڭ، ويداعىداي يگەرۋ جونىندە ورنالاستىرۋ جاسادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 3 - ايدىڭ 17 - كۇنى ءماجىلىس اشىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا تالداۋ جاساپ، ىندەتتەن ساقتانۋ - تىزگىندەۋ قىزمەتىن قاتاڭ، ويداعىداي يگەرۋ جونىندە ورنالاستىرۋ جاسادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: ىندەتتەن ساقتانۋ - تىزگىندەۋدى ۇدايىلاندىرعاننان بەرى ءبىز ”سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا“ تاباندى بولىپ، وڭىرگە، دارەجەگە بولە وتىرىپ پارىقتى، دالمە - ءدال ساقتانۋ - تىزگىندەۋ دەڭگەيىن ۇزدىكسىز جوعارىلاتىپ، ءىشىنارا وڭىرلەردەگى توپتالۋ سيپاتتى ىندەت جاعدايىن جەدەل، ءونىمدى ءبىر جاقتى ەتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىن ەڭ جوعارى شەكتە قورعادىق، ەلىمىزدىڭ ەكونوميكالىق دامۋى مەن ىندەتتەن ساقتانۋ - تىزگىندەۋى دۇنيە ءجۇزى بويىنشا الدىڭعى ورىندى ساقتاپ، ەلىمىزدىڭ ىندەتتەن ساقتانۋ - تىزگىندەۋدەگى مىعىم كۇشى مەن قۋاتتى قابىلەتىن تولىق ايگىلەدى، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ كورنەكتى ابزالدىلىعىن تولىق كورسەتتى.
شي جينپيڭ بىلاي دەپ باسا دارىپتەدى: تاباندىلىقتىڭ ءوزى جەڭىس. وڭىرلەر، تاراۋلار، تاراپتار كەزەكتەگى ەل ءىشى - سىرتىنداعى ىندەتتەن ساقتانۋ - تىزگىندەۋدىڭ كۇردەلىلىگىن، جاپالىلىعىن، قايتالامالىلىعىن جەتە تانىپ، ونان ارى اتتانىسقا كەلىپ، يدەيانى بىرلىككە كەلتىرىپ، سەنىمدى بەكەمدەپ، قاجىماي - تالماي تاباندىلىق كورسەتىپ، ىندەتتىڭ الدىن الۋ قىزمەتتەرىن ەگجەي - تەگجەيلى، ناقتى يگەرۋ كەرەك. باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، عىلمي، دالمە - ءدال بولۋعا، يكەمدى تۇردە نولگە تۇسىرۋگە تاباندى بولىپ، ىندەتتىڭ تارالۋ، ءورشۋ بەتالىسىن تەز ارادا تىزگىندەۋ كەرەك. عىلمي، دالمە - ءدال ساقتانۋ - تىزگىندەۋ دەڭگەيىن جوعارىلاتىپ، ىندەتتەن ساقتانۋ - تىزگىندەۋ شارالارىن ۇزدىكسىز ساپالىلاندىرىپ، ۆاكسينا، جەدەل تەكسەرۋ - ولشەۋ سىنامالارى جانە ءدارى - دارمەك زەرتتەۋ - اشۋ سياقتى جاقتاردا عىلىم - تەحنيكالىق قامال الۋدى كۇشەيتىپ، ساقتانۋ - تىزگىندەۋ قىزمەتىن اناعۇرلىم باعىتتامالى ەتۋ كەرەك. ستراتەگيالىق تاباندىلىقتى ساقتاپ، ورنىقتىلىق بارىسىندا ىلگەرىلەۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ويداعىداي ءبىر تۇتاس جوسپارلاپ، اناعۇرلىم ءونىمدى شارالار قولدانىپ، ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە جەتۋگە كۇش سالىپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن بارىنشا ازايتۋ كەرەك.
ءماجىلىس مىنالاردى اتاپ كورسەتتى: تاياۋدا بۇكىل ەلدە جەرگىلىكتى توپتالۋ سيپاتىنداعى ىندەت جاعدايىندا تارالۋ ءتۇيىنى كوپ، اۋقىمى كەڭ بولۋ، ءجيى تۋىلۋ ەرەكشەلىگى كورىنىس بەردى. قاراستى جەر، تاراۋ، ورىن، جەكە ادام سىندى ءتورت جاقتىڭ جاۋاپكەرشىلىگىن قاتايتىپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ تالابىن تياناقتاندىرىپ، ساقتانۋ - تىزگىندەۋ قىزمەتىن قاتاڭ، ناقتى ورىستەتىپ، ىندەت جاعدايى بويىنشا ءتۇيىندى وڭىرلەردەگى ساقتانۋ - تىزگىندەۋگە جەتەكشىلىك ەتۋدى كۇشەيتىپ، ءىشىنارا اۋماقتارداعى توپتالۋ سيپاتتى ىندەتتى جەدەل تىزگىندەۋ كەرەك.
ءماجىلىس مىنالاردى باسا دارىپتەدى: بۇقارانىڭ قالىپتى ءوندىرىس، تۇرمىسىنىڭ ورنىقتى، ءتارتىپتى بولۋىن ساقتاپ، تۇرمىستىق قاجەتتى بۇيىمداردى ءوندىرۋدى، قامداۋدى ويداعىداي ىستەپ، بۇقارانىڭ اۋرۋ كورسەتۋ قاجەتىن ويداعىداي قامتاماسىز ەتۋ كەرەك. اۋرۋدىڭ الدىن الۋ جانە ونى تىزگىندەۋ جۇيەسى رەفورماسىن جەدەلدەتىپ، ءتۇيىندى ادامدار شوعىرىن قاداعالاۋ قامتىمىن كەڭەيتىپ، كوپ ارنادا قاداعالاۋ، الدىن الا ساقتاندىرۋ مەحانيزمىن كەمەلدەندىرىپ، ىندەت جاعدايىن قاداعالاۋ، الدىن الا ساقتاندىرۋ جانە شۇعىل توتەپ بەرۋ قابىلەتىن جاپپاي جوعارىلاتۋ كەرەك. شەكارا وتكەلى وڭىرلەرىنىڭ ساقتانۋ - تىزگىندەۋ جاۋاپكەرشىلىگىن قاتايتىپ، شەكارا وتكەلدەرىندەگى ساقتانۋ - تىزگىندەۋ كۇشتەرىن نىعايتىپ، ۇدايىلانعان ساقتانۋ - تىزگىندەۋ مەحانيزمىن اقاۋسىزداندىرىپ، ولقىلىقتاردى، ءالسىز تۇستاردى تولىقتاپ، سىرتتان كىرۋدەن ساقتانۋدىڭ قورعانىس شەبىن بەكەمدەۋ كەرەك. مەكتەپ سياقتى ءتۇيىندى ورىنداردا ساقتانۋ - تىزگىندەۋدى ۇدايىلاندىرۋدى كۇشەيتىپ، تۇلعالىق جاۋاپكەرشىلىكتى قاتايتىپ، ساقتانۋ - تىزگىندەۋ شارالارى مەن شۇعىل جاعدايعا توتەپ بەرۋ دايىندىق جوباسىن ناقتى، ەگجەي - تەگجەيلى جاساۋ كەرەك. قالىڭ كادرلار مەن بۇقارانى ىندەتتىڭ الدىن الۋ قىزمەتىنىڭ ماڭىزدىلىعىن جەتە تانۋعا، ىندەتتەن ساقتانۋ بىلىمدەرىن يگەرۋگە، ىندەتتەن ساقتانۋ تالاپتارىنا سانالى بويسۇنۋعا، ءوزىن قورعاۋدى كۇشەيتۋگە، پارتيا مەن ۇكىمەتتىڭ قىزمەتتى ويداعىداي ىستەۋىنە سايكەسۋگە تاربيەلەۋ، جەتەكتەۋ كەرەك. ۆاكسينا ەگۋ جونىندەگى عىلىم جالپىلاستىرۋ ۇگىتىن كۇشەيتىپ، يممۋنيتەتتى كۇشەيتۋ ۆاكسيناسىن ەگۋدى ىلگەرىلەتىپ، ۆاكسينا ەگۋ مولشەرىن ونان ارى جوعارىلاتىپ، بۇقارالىق ساقتانۋ، بۇقارالىق تىزگىندەۋ قورعانىس شەبىن بەكەمدەۋ كەرەك. ينفورماتسيا جاريالاۋ مەن ۇگىتتەۋ، جەتەكشىلىك ەتۋدى ءبىر تۇتاس جوسپارلاپ ويداعىداي ىستەپ، ىندەتتىڭ جاعدايى مەن ساقتانۋ - تىزگىندەۋ قىزمەتىنىڭ اياق الىسىن قوعامعا دەر كەزىندە حابارلاپ، قوعام نازار اۋدارىپ وتىرعان ماسەلەلەرگە ىرىقتىلىقپەن جاۋاپ قايتارۋ كەرەك.
ءماجىلىس مىنالاردى تالاپ ەتتى: وڭىرلەر، تاراۋلار، تاراپتار يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، پارتيا مەن ۇكىمەت تەڭ جاۋاپكەرشىلىك ارقالاپ، قاتار يگەرىپ، بىرگە باسقارىپ، اركىم ءوز جاۋاپكەرشىلىگىن ءبىلىپ، اركىم ءوز جاۋاپكەرشىلىگىن ادا ەتىپ، ىندەتتەن ساقتانۋ قابىلەتىن جوعارىلاتۋ كەرەك. ۇيىمدىق باسشىلىقتى كۇشەيتىپ، سالعىرتسۋ يدەياسىن، شايقاستان جالىعۋ نىسايىن، باق سىناۋ ويىن، بوساڭسۋ پيعىلىن جەڭىپ، ۋاقىت كۇتىپ تۇرمايدى دەيتىن رۋحپەن ىندەتتەن ساقتانۋ - تىزگىندەۋ قىزمەتتەرىن ناقتى، ەگجەي - تەگجەيلى يگەرۋ كەرەك. ىندەت جاعدايى ءبىرشاما اۋىر جەرلەردە پارتيا، ۇكىمەت ورىندارىنىڭ نەگىزگى باسشىلارى مەن ءار دارەجەلى باسشى كادرلار ىندەتتەن ساقتانۋ قىزمەتىن ءبىرىنشى ورىنعا قويىپ، سايلاۋىت كۇشپەن شايقاسقا اتتانىپ، شەشۋشى شايقاس جۇرگىزىپ، شەشۋشى جەڭىسكە قول جەتكىزۋ كەرەك. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار رولىن بەلسەنە ساۋلەلەندىرىپ، ساقتانۋ - تىزگىندەۋدىڭ ءبىرىنشى شەبىنە، بۇقارا اراسىنا بارىپ، بۇقارانىڭ مۇڭ - مۇقتاجىن شەشۋگە بەلسەنە كومەكتەسۋ كەرەك. قۋزاۋ - تەكسەرۋدى، جاۋاپقا تارتۋدى كۇشەيتىپ، مىندەتىن اتقارماي، جاۋاپكەرسىزدىك ىستەپ، ىندەتتىڭ تيداۋسىز كەتۋىنە مۇرىندىق بولعانداردى دەرەۋ ءتارتىپ بويىنشا، ەرەجە بويىنشا تەكسەرىپ ءبىر جاقتى ەتىپ، قاتاڭ جاۋاپقا تارتۋ كەرەك.
ءماجىلىس باسقا دا ىستەردى اقىلداستى.
