بيڭتۋان مەملەكەتتىك ەكى ءماجىلىستىڭ رۋحىن جەتكىزدى، ۇيرەندى، دايەكتىلەندىردى، تياناقتاندىردى
پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، تامىر تارتۋىن ىلگەرىلەتۋ كەرەك
انار بۇلت/ شينجياڭ گازەتىنىڭ ءتىلشىسى ميھىرگۇل عوپۇر 3 - ايدىڭ 17 - كۇنى ۇرىمجىدەن حابارلايدى. 3 - ايدىڭ 15 - كۇنى تۇستەن كەيىن بيڭتۋان مەملەكەتتىك ەكى ءماجىلىستىڭ رۋحىن جەتكىزۋ، ۇيرەنۋ، دايەكتىلەندىرۋ، تياناقتاندىرۋ جونىندە تەلەۆيزور - تەلەفون ءماجىلىسىن اشتى، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: بيىلعى مەملەكەتتىك ەكى ءماجىلىس ەلىمىز جاپپاي سوتسياليستىك وسىزاماندانعان مەملەكەت قۇرۋعا قادام باسىپ، ەكىنشى 100 جىلدىق كۇرەس نىساناسىنىڭ جاڭا جورىعىنا شەرۋ تارتقان ماڭىزدى ساتتە اشىلعان ءبىر رەتكى ماڭىزدى ءماجىلىس بولدى. باس شۋجي شي جينپيڭ ءماجىلىس كەزىندە ءبىر قىدىرۋ ماڭىزدى ءسوز سويلەپ، ءبىزدىڭ قىزمەتتى جاقسى ىستەۋىمىزگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. بيڭتۋانداعى ءار دارەجەلى تاراۋلار ”ەكىنى تۇراقتاندىرۋدىڭ“ شەشۋشى ماڭىزىن ىشكەرىلەي ءتۇسىنىپ، ىشكەرىلەگەن تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ،” ەكىنى قورعاۋدى“ ورىنداپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن اناعۇرلىم سانالى تۇردە بىرلىككە كەلتىرىپ، بيڭتۋاننىڭ ”ءۇش ۇلكەن فۋنكتسياسىن“ اناعۇرلىم ويداعىداي اتقارىپ، ”ءتورت ۇلكەن رولىن“ ساۋلەلەندىرىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.
ءماجىلىس مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، مەملەكەتتىك ەكى ءماجىلىس رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جاپپاي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا داۋىردەگى بيڭتۋاننىڭ مىندەت جاۋاپكەرشىلىگىن، بورىشىن مىقتاپ يگەرىپ، پارتيا قۇرۋ ۇلى رۋحىن اسقاقتاتىپ، بيڭتۋان رۋحى مەن توراڭعى رۋحىن اسقاقتاتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ بيڭتۋاندا تياناقتانىپ تامىر تارتۋىن، گۇل اشىپ، جەمىس بەرۋىن ىلگەرىلەتۋ كەرەك. ورنىقتىلىقتى قورعاۋ، شەكارانى كۇزەتۋ مىندەت جاۋاپكەرشىلىگىن، بورىشىن بۇلجىماستان اتقارىپ، ورنىقتىلىقتى قورعاۋ، شەكارانى كۇزەتۋ قابىلەتىن جوعارىلاتىپ، قوعامدىق كەلەلى جاعدايدىڭ باياندى ورنىقتىلىعىنا، ۇزاق ۋاقىت ورنىقتىلىعىنا بار كۇشپەن شىنايى كەپىلدىك ەتۋ كەرەك. بيڭتۋاننىڭ وڭتۇستىككە قاراي دامۋىن تاباندىلىقپەن ىلگەرىلەتۋ كەرەك. رەفورمانى بۇلجىماستان جاپپاي تەرەڭدەتىپ، ءتۇيىندى سالالاردىڭ جانە شەشۋشى بۋىنداردىڭ رەفورماسىن تىڭعىلىقتى ىلگەرىلەتۋ كەرەك. جوعارى ساپالى دامۋدى بۇلجىماستان ىلگەرىلەتىپ، جاڭا داۋىردەگى بيڭتۋان ىستەرىنىڭ ۇيىستىرۋ قۋاتى مەن باۋراۋ قۋاتىن اناعۇرلىم كۇشەيتىپ، بيڭتۋاننىڭ جالپىلىق قۋاتىن زورايتۋ كەرەك. حالىق تۇرمىسىن بۇلجىماستان قامتاماسىز ەتىپ جانە جاقسارتىپ، حالىقتى وزەك ەتكەن دامۋ يدەياسىنا تاباندى بولىپ، جۇمىسشى - قىزمەتكەرلەر قاۋىمىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. شينجياڭدى مادەنيەتپەن نارلەندىرۋدى بۇلجىماستان ىلگەرىلەتىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ۇلتتاردىڭ ارالاسۋىن، ىشتەسۋىن، توعىسۋىن ىلگەرىلەتىپ، ءار ۇلتتىڭ ورتاق رۋحاني مەكەنىن قۇرۋ كەرەك. پارتيانى جاپپاي قاتاڭ جونگە سالۋدى بۇلجىماستان ىلگەرىلەتىپ، پارتيانىڭ ساياسي قۇرىلىسىن باسشىلىققا الىپ، پارتيانىڭ ءتۇرلى قۇرىلىسىن ۇزدىكسىز ىلگەرىلەتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
ءماجىلىس مىنالاردى باسا دارىپتەدى: بيڭتۋاننىڭ ءار دارەجەلى پارتيا ۇيىمدارى مەن قالىڭ پارتيالى كادرلار مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى ماڭىزدى ساياسي مىندەت ەتىپ، ىشكەرىلەي ۇيرەنىپ، رۋحىن ۇعىنىپ، كەڭ كولەمدە ۇگىتتەپ، جالىندى بەينە قالىپتاستىرىپ، تياناقتاندىرۋدى مىقتى يگەرىپ، قىزمەتتى ىلگەرىلەتۋگە كۇش سالىپ، دەرەۋ قىزۋ ورلەۋ كوتەرىپ، ۇيرەنۋدى، ۇگىتتەۋدى، دايەكتىلەندىرۋدى ۇزدىكسىز تەرەڭدەتۋ، ناقتىلاندىرۋ كەرەك.
