تيانشان تورى
تيانشان تورى   ›   جاڭالىقتار   ›   شينجياڭ حابارلارى

نىسان قۇرىلىسىنىڭ كوكتەم تولقىنى ەكپىندەي كوتەرىلىپ، باسەكەلەسە دامۋ اسقاق ايبىنىن كورسەتتى

  3 - ايدىڭ 17 - كۇنى، حوتان ايماعى حوتان قالاسىنداعى جىلۋ، ەلەكتر بىرىككەن ءوندىرىس كاسىپ سالاسى باقشاسى نىسانىنىڭ قۇرىلىس ورنىندا 2022 - جىلدىڭ ءبىرىنشى ماۋسىمىنداعى كەلەلى نىسانداردىڭ قۇرىلىسىن شوعىرلى قالپىنا كەلتىرۋ، قۇرىلىس باستاۋ سالتىن وتكىزدى. كەزەكتە حوتان ايماعى جالعاستىرىلىپ سالىناتىن 224 نىساننىڭ قۇرىلىس جۇمىسىن جاپپاي قالپىنا كەلتىرىپ، جاڭادان سالىناتىن نىساننىڭ %52ىنىڭ قۇرىلىسىن باستاپ، تۇتاس جىلداعى كەلەلى نىساندار قۇرىلىسىن ءساتتى باستاۋعا بەرىك نەگىز قالادى.

  □ سۋرەتتى شۇي شياۋلۇڭ تۇسىرگەن

  3 - ايدىڭ 17 - كۇنى، ءبىر قۇرىلىس جۇمىسشىسى قارامايلى قالاسىنىڭ 2022 - جىلدىڭ ءبىرىنشى ماۋسىمىنداعى كەلەلى نىسانداردىڭ قۇرىلىسىن شوعىرلى قالپىنا كەلتىرۋ، قۇرىلىسىن باستاۋ سالتى وتكىزىلگەن ورىندا ءوزىن سۋرەتكە تۇسىرۋدە. قارامايلى قالاسى بيىل ءبىرىنشى ماۋسىمدا 112 نىساننىڭ قۇرىلىسىن قالپىنا كەلتىرۋدى، 64 نىساننىڭ قۇرىلىسىن جاڭادان باستاۋدى جوسپارلادى، جوعارىداعى ەكى تۇردەگى نىسانعا جالپى 66 ميلليارد 800 ميلليون يۋان قارجى قوسىلادى.

  □ سۋرەتتى لي حاۋران تۇسىرگەن

  3 - ايدىڭ 17 - كۇنى، ءىرى تۇرپاتتى ماشينالار شينجياڭ جۇڭحى حىجۇڭ جاڭا ماتەريالدار شەكتى سەرىكتەستىگىنىڭ جىلىنا ءبىر ميلليون توننا كاربوكسيل قىشقىلىن جانە تومەنگى بۋىنداعى ونىمدەردى وندىرەتىن ءبىر تۇلعالى نىساننىڭ قۇرىلىس باسىندا قۇرىلىس جۇرگىزۋدە. قۇمىل قالاسى بيىل كەلەلى نىساننان 287سىن اتقارادى، بۇعان جالپى 210 ميلليارد 800 ميلليون يۋان قارجى قوسىلادى، جىلدىق جوسپاردا قوسىلاتىن قارجى 30 ميلليارد 800 ميلليون يۋان بولدى.

   □ سۋرەتتى پولات نياز تۇسىرگەن

  3 - ايدىڭ 17 - كۇنى، جۇمىسشىلار شينجياڭ داشىشيا سۋ يگىلىگى تورابى ينجەنەرياسىنىڭ قۇرىلىس باسىندا جۇمىس جۇرگىزۋدە. بۇل ينجەنەريا ونسۋ اۋدانى مەن ءۇشتۇرپان اۋدانى شەكاراسى ىشىندەگى اقسۋ وزەنىنىڭ ءبىر سالاسى قۇملاق وزەنىنىڭ داشىشيا قىساڭىنداعى بولىگىنە ورنالاسقان، جالپى سيىمدىلىعى ءبىر ميلليارد 174 ميلليون تەكشەمەتر، ەلەكتر ستانسياسىنىڭ گەنەراتور سيىمدىلىعى 750 مىڭ كيلوۆات.

   □ سۋرەتتى ياڭ شو تۇسىرگەن

  3 - ايدىڭ 17 - كۇنى، جۇمىسشىلار قىزىلسۋ وبلىسى رۇنحۋا توقىماشىلىق عىلىم - تەحنيكا شەكتى سەرىكتەستىگىنىڭ توقىماشىلىق باقشاسى نىسانىنىڭ قۇرىلىس باسىندا جۇمىس جۇرگىزۋدە. قىزىلسۋ قىرعىز اۆتونوميالى وبلىسى بيىل ءبىرىنشى ماۋسىمدا 48 نىساننىڭ جۇمىسىن قالپىنا كەلتىرۋدى، جاڭادان 105 نىساننىڭ قۇرىلىسىن باستاۋدى جوسپارلادى، جالپى قوسىلاتىن قارجى 32 ميلليارد 100 ميلليون يۋانعا جەتەدى.

  □ سۋرەتتى انار بۇلت / شينجياڭ گازەتىنىڭ ءتىلشىسى وتكىر نيجات تۇسىرگەن

  3 - ايدىڭ 17 - كۇنى، جۇمىسشىلار شينجياڭ جۇندۇڭ ەكونوميكالىق، تەحنيكالىق اشۋ رايونىنا ورنالاسقان شينجياڭ شيەشين جاڭا ەنەرگيا ماتەريالدارى عىلىم - تەحنيكا شەكتى سەرىكتەستىگىنىڭ جىلىنا 200 مىڭ توننا ونەركاسىپتىك كرەمني وندىرەتىن نىساننىڭ قۇرىلىس باسىندا جۇمىس جۇرگىزۋدە. بيىل سانجى حۇيزۋ اۆتونوميالى وبلىسى 5 ميلليون يۋاننان جوعارى 704 نىساندى اتقارماقشى.

  □ سۋرەتتى حى لۇڭ تۇسىرگەن

□ انار بۇلت / شينجياڭ گازەتىنىڭ ءتىلشىسى شى شين

  ەڭبەكشىلگە كوكتەم ەرتە كەلەدى، كوپ كاسىپ كوركەيۋدە.

  جۇمىستى قالپىنا كەلتىرۋ، جۇمىستى باستاۋ دابىلىنىڭ قاعىلۋىنا مەڭزەس، دامۋ بارىسىندا كۇش جيناعان شينجياڭ جاپپاي قاۋىرت كوتەرىلۋدى تاعى قارسى الدى.

  3 - ايدىڭ 17 - كۇنى بۇكىل رايونداعى 2022 - جىلى 1 - ماۋسىمىنداعى 3 دارەجەلى كەلەلى 4467 نىساننىڭ قۇرىلىسى شوعىرلى تۇردە جالعاستىرىلدى، باستالدى. التىن تاۋ، كۇمىس وزەننەن ءۇستىرت مەرۋەرتىنە دەيىن، تۇرپان - قۇمىل ويپاتىنان ىلە وزەنى اڭعارىنا دەيىن كەلەلى نىساندار قۇرىلىسى بۇكىل رايون ەكونوميكاسىنىڭ ۇزدىكسىز، ورنىقتى ارتۋىنا سونى قۋات، جاڭا ومىرشەڭدىك، تىڭ تىرەك ءتۇيىنىن جانە ارتۋ ءتۇيىنىن ۇستەدى.

  ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ... كەلەلى نىساندار ەكونوميكانىڭ ورنىقتى ارتۋىن ىلگەرىلەتۋدىڭ ماڭىزدى تىرەگى، جوعارى ساپالى دامۋدى ىلگەرىلەتۋدىڭ ماڭىزدى تۇتقاسى سانالادى.

  وسى كوكتەمدە اۆتونوميالى رايون مەملەكەتتىڭ كاسىپ سالاسى ساياساتى مەن قارجى قوسۋ باعدارىن كوزدەپ، بۇكىل رايوننىڭ ەكونوميكالىق، قوعامدىق دامۋىنىڭ ۇزاق بولاشاقتىق قاجەتىن نازارعا الىپ، ءوزىنىڭ باسىمدىعى مەن كاسىپ سالاسى نەگىزىن تياناق ەتىپ، ءونىمدى قارجى قوسۋدىڭ ارتۋدى ورنىقتىراتىن شەشۋشى رولىن شىنايى ساۋلەلەندىرىپ، مەجەگە جەتەكشىلىك ەتۋدى كۇشەيتۋ، دامۋ سەنىمىن سەرپىلتۋ ارقىلى ەكونوميكانىڭ جوعارى ساپالى دامۋ نەگىزىن نىعايتتى. سونىمەن قاتار قاتارىنان 2 جىل مەملەكەتتىك دامۋ جانە رەفورما كوميتەتىنىڭ قارجى قوسۋدا قولداۋ كورسەتىلەتىندەر، ىنتالاندىرىلاتىندار تىزىمىنە قوسىلۋ باسىمدىعىن بەكەمدەپ، ساۋلەلەندىرىپ، نىسان قۇرىلىسىن جەدەلدەتۋدىڭ، ءونىمدى قارجى قوسۋدى كەڭەيتۋدىڭ ”10 ۇلكەن مەحانيزمىن“ ۇزدىكسىز كەمەلدەندىرىپ، كەلەلى نىساندارعا قورعانىش، سۇيەنىش بولادى.

  بۇگىنگى نىسان قۇرىلىسى ەرتەڭگى كاسىپ سالاسىنىڭ جاڭا قوزعاۋشى ەنەرگياسى، تيپ وزگەرتۋدىڭ، دارەجە جوعارىلاتۋدىڭ جاڭا تىرەگى، جوعارى ساپالى دامۋدىڭ جاڭا ارتۋ ءتۇيىنى بولادى. ”ءبىر توبىن سالىپ، ءبىر توبىنىڭ قۇرىلىسىن باستاپ، ءبىر توبىن زاپاسقا دايىندادى“، وسىنداي ۇتىمدى اينالىمدى نەگىز ەتىپ، نىسان قۇرىلىسى ارقىلى ءونىمدى قارجى قوسۋدى كەڭەيتىپ، ءونىمدى قارجى قوسۋ ارقىلى ەكونوميكانىڭ جوعارى ساپالى دامۋىنا دەم بەرىلسە، ەڭ سوڭىندا، ءار ۇلت بۇقاراسىنا تيىمدىلىك جەتكىزىلىپ، شينجياڭنىڭ ەرتەڭى اناعۇرلىم جارقىن بولادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.