انار بۇلت / شينجياڭ گازەتىنىڭ ءتىلشىسى چىن چياڭۋي 3 - ايدىڭ 18 - كۇنى ۇرىمجىدەن حابارلايدى. 3 - ايدىڭ 17 - كۇنى جۇڭگو حۋاديان توبى شەكتى سەرىكتەستىگىنىڭ ۇرىمجىدەگى ءبىر ميلليون كيلوۆاتتىق جەل، جارىق ەلەكترى بازاسى نىسانىنىڭ قۇرىلىسى باستالدى، بۇل شينجياڭداعى تۇڭعىش ”جەل، جارىق، وت ەنەرگيالارىن ساقتاۋ“ بويىنشا كوپ ەنەرگيا ءبىرىن - ءبىرى تولىقتايتىن تازا ەنەرگيا بازاسى نىسانى بولىپ تابىلادى.
وسى نىسان جەل، جارىق ەلەكترىن ساقتاۋ ۇلگىسىنىڭ باسىمدىعىن عىلمي، ءونىمدى ساۋلەلەندىرىپ، ادامنىڭ ەركىندەگى فاكتورلاردىڭ تىزگىندەۋىنە ۇشىرامايتىن جەل، جارىق بايلىعىنىڭ رولىن ەڭ جوعارى دەڭگەيدە ساۋلەلەندىرۋگە مۇمكىندىك بەرەدى. جارىق بولعان نەمەسە جەل بولعان شارت - جاعدايدا، ەڭ الدىمەن جارىق ەنەرگياسى، جەل ەنەرگياسى ارقىلى توك شىعارادى ءارى وت ەلەكترىنىڭ قاۋىرت كەزدى رەتتەۋىمەن ۇشتاستىرىپ، ەلەكتر ەنەرگياسىن ەلەكتر جەلىسىندەگى پايدالانۋشى جاققا جەتكىزەدى. ەلەكتر قۋاتى اسىپ قالعاندا، اسقان ەلەكتر مولشەرى ەنەرگيا ساقتاۋ قۇرىلعىسى ارقىلى ساقتالادى، ەلەكتر جەلىسىندە ەلەكتردەن پايدالانۋدىڭ قاۋىرت كەزى بولعاندا تاعى قويا بەرىپ، تازا ەنەرگيا بويىنشا ەنەرگيادان پايدالانۋ سالىستىرماسىن جوعارىلاتادى.
وسى نىساننىڭ جالپى گەنەراتور اگراگاتتارى سيىمدىلىعى ءبىر ميلليون كيلوۆات، مۇنىڭ ىشىندە جەل ەلەكترى 800 مىڭ كيلوۆات، فوتوۆولتتىق ەنەرگيا 200 مىڭ كيلوۆات. نىسان سالىنىپ بولعاننان كەيىن ءار جىلى 2 ميلليارد 500 ميلليون كيلوۆات ساعات ”جاسىل ەلەكتردى“ جاڭادان كوبەيتىپ، 830 مىڭ توننا ولشەمدى كومىر ۇنەمدەپ، 2 ميلليون 100 مىڭ توننا كومىر قىشقىل گازىنىڭ شىعارىلۋىن ازايتادى. سونىمەن بىرگە نىسان ءۇرىمجى قالاسىنداعى 4 وت ەلەكتر ستانسياسى، 10 گەنەراتور اگراگاتتارى ارقىلى يكەمدى تۇردە دەڭگەيىن جوعارىلاتىپ، قايتا جاڭالاپ، قاۋىرت كەزدە رەتتەۋ تەرەڭدىك دەڭگەيىن كوتەرىپ، جاڭا ەنەرگيانى دامىتۋعا كەڭىستىك شىعارىپ، تازا ەنەرگيامەن ەلەكتر تاراتۋ مولشەرىن ارتتىرىپ، ونى كومىرمەن ەلەكتر تاراتۋ مولشەرىنىڭ ورنىن باستىرتىپ، كومىر جاعۋ شىعىنى مەن كومىر قىشقىل گازىنىڭ شىعارىلۋىن ءونىمدى تومەندەتەدى.
حۋاديان شينجياڭ ەلەكتر تاراتۋ شەكتى سەرىكتەستىگى پارتكومىنىڭ مۇشەسى، ورىنباسار باس ديرەكتور چاڭ جياشيڭنىڭ تانىستىرۋىنشا، وسى نىسان 6 مەگاۆات دارەجەسىندەگى جەل ەلەكتر گەنەراتورىن قولدانعان، بۇل ەل ىشىندەگى قازىرگى ۋاقىتتاعى ەڭ زور قۇرلىقتىق جەل ەلەكتر گەنەراتورى، جوبالاۋ بارىسىندا قۇپيالاپ ورنالاستىرۋ تەحنيكاسىن قولدانىپ، جەر بايلىعىنىڭ پايدالانىلۋ سالىستىرماسىن جوعارىلاتتى. نىسان سالىنىپ بولعاننان كەيىن اۆتونوميالى رايونداعى ەلەكتر جەلىسىنىڭ تازا ەنەرگيا سالىستىرماسىن جوعارىلاتادى، بۇل جاڭا ەنەرگيانى نەگىزگى تۇلعا ەتكەن جاڭاشا ەلەكتر قۋاتى جۇيەسىن سالۋدىڭ ءىس جۇزىندىك شاراسى ەسەپتەلەدى.
