− باس شۋجي شي جينپيڭ جاساعان ”بەس ستراتەگيالىق ءتيىمدى شارت - جاعداي“ كەلەلى تۇجىرىمى جۇڭگو اتتى الىپ كەمەنى ورنىقتى، باياندى ىلگەرىلەۋگە باستادى
شينحۋا اگەنتتىگىنىڭ تىلشىلەرى
كەلەلى ستراتەگيالىق تۇجىرىم جالپى جاعدايعا قاتىستى، ۇزاق بولاشاقپەن بايلانىستى.
2022 - جىلى مەملەكەتتىك ەكى ءماجىلىس كەزىندە باس شۋجي شي جينپيڭ ”بەس ءسوزسىز باسىپ وتەتىن جول“ كەلەلى تۇجىرىمىن جاساۋمەن بىرگە، ءداۋىردىڭ دامۋ اۋقىمىن تەرەڭ باعامداپ، تاريحتىڭ دامۋ بەتالىسىن ءداپ باسىپ يگەرىپ، ەلىمىزدىڭ دامۋ ارتىقشىلىعىنا ىشكەرىلەي تالداۋ جاساپ، جۇڭحۋا ۇلتى ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋ دەڭگەيىندە تۇرىپ، ەلىمىز دامۋىنداعى ”بەس ستراتەگيالىق ءتيىمدى شارت - جاعداي“ سىندى كەلەلى تۇجىرىم جاساپ، جاڭا داۋىردەگى جاڭا جورىقتا ەلىمىز ءدوپ كەلگەن ستراتەگيالىق ورايلار مەن كورنەكتى ارتىقشىلىقتارعا ەگجەي - تەگجەيلى قورىتىندى جانە تەرەڭ تۇسىنىك جاسادى.
عىلىمنىڭ نازاريالىق جەتەكشىلىگى ءماندى اشىپ، كۇش - قۋات ۇيىستىرادى.
باس شۋجي شي جينپيڭ جاساعان ”بەس ستراتەگيالىق ءتيىمدى شارت - جاعداي“ سىندى كەلەلى تۇجىرىمنىڭ ايقىن نازاريالىق قاسيەتى مەن امالياتتىق ەرەكشەلىگى بار، جۇڭگو ەكونوميكاسىنىڭ، قوعامىنىڭ ورنىقتى، اقاۋسىز دامۋىن ىلگەرىلەتۋگە ماڭىزدى تانىم نازارياسى مەن ءادىس نازارياسىن ازىرلەدى، جاڭا داۋىردەگى جاڭا جورىقتا پارتيا مەن مەملەكەت ىستەرىنىڭ جاڭا جاعدايىن اشۋعا پارمەندى يدەيالىق كەپىلدىك جانە قۋاتتى رۋحاني كۇش - قۋات ازىرلەدى، جۇڭگونى ”ءسوزسىز باسىپ وتەتىن جولدا“ قامال الىپ، قيىندىقتاردى جەڭىپ، ورنىقتى، باياندى ىلگەرىلەۋگە باستايتىندىعى داۋسىز.
عىلمي، جۇيەلى ستراتەگيالىق يدەيا − ”بەس ستراتەگيالىق ءتيىمدى شارت - جاعدايدى“ ايقىن العا قويىپ، بيىكتە تۇرىپ الىسقا كوز جىبەرەتىن ستراتەگيالىق كوز ايانى، جالپى جاعدايدى جاپپاي مەڭگەرەتىن ستراتەگيالىق اقىل - پاراساتتى ايگىلەدى
ستراتەگيالىق ماسەلە − ءبىر ساياسي پارتيانىڭ، ءبىر مەملەكەتتىڭ ءتۇبىرلى ماسەلەسى.
3 - ايدىڭ 6 - كۇنى تۇستەن كەيىن بەيجيڭ دوستىق قوناق ءۇيىنىڭ جۇييىڭ زالىندا باس شۋجي شي جينپيڭ مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسقان اۋىل شارۋاشىلىعى سالاسىنىڭ، قوعامدىق يگىلىك جانە قوعامدىق قامتاماسىزداندىرۋ سالاسىنىڭ مۇشەلەرىنە امانداسا باردى ءارى بىرلەسكەن گرۋپپا جيىنىنا قاتىناستى.
7 مۇشەنىڭ ءسوزىن تىڭداعاننان كەيىن، باس شۋجي شي جينپيڭ ماڭىزدى ءسوز سويلەپ، ەلىمىزدىڭ دامۋىندا ءالى دە بار ”بەس ستراتەگيالىق ءتيىمدى شارت - جاعدايدى“ العا قويدى ءارى ايقىن ءتۇسىندىردى: ”جۇڭگو كوممۋنيستىك پارتياسىنىڭ پارمەندى باسشىلىعى بار“، ”جۇڭگوشا سوتسياليستىك ءتۇزىمنىڭ كورنەكتى ابزالدىلىعى بار“، ”باياندى، تەز دامۋ قوردالاندىرعان مىعىم نەگىز بار“، ”ۇزاق ۋاقىت ورنىقتى بولعان قوعامدىق ورتا بار“، ”وزىنە سەنۋ، ءوزىن الۋەتتەندىرۋ سىندى رۋحاني كۇش - قۋات بار“.
ستراتەگيالىق سيپات، جالپى تۇلعالىق جالپى جاعدايعا قاتىستى، ءتۇبىرلى ۇزاق بولاشاققا سايادى، ىقپالى توتەنشە شەشۋشى، ساتتىلىك پەن ساتسىزدىكتى بەلگىلەيتىن كەلەلى ماڭىزى بار. ستراتەگيالىق ءتيىمدى شارت - جاعداي ادەتتەگى ءتيىمدى شارت - جاعداي ەمەس، ۋاقىتتىق باسىمدىق ەمەس، قايتا دامۋدىڭ جالپى جاعدايىنا، ۇزاق بولاشاقتىق بەتالىسقا شەشۋشى ىقپالى بار نەگىزگى ءتيىمدى شارت - جاعداي بولىپ تابىلادى.
”بەس ستراتەگيالىق ءتيىمدى شارت - جاعداي“ سىندى كەلەلى تۇجىرىم تەرەڭ تولعانىستى قامتىپ، ءداۋىر شۇعىلاسىن شاشىپ، ”وراي مەن اۋقىم ءبىز جاقتا“ دەيتىن قيسىندى تەرەڭدەي ءتۇسىندىردى.
بۇل ەكى كەلەلى جاعدايدى ءبىر تۇتاس جوسپارلاپ جاسالعان كەلەلى ستراتەگيالىق تۇجىرىم −
باس شۋجي شي جينپيڭ بىلاي دەپ باسا دارىپتەدى: ”ستراتەگيالىق جاقتاعى تۇجىرىم دۇرىس بولسا، ستراتەگيالىق جاقتاعى جوسپار عىلمي بولسا، ستراتەگيالىق جاقتا ىرىقتىلىققا قول جەتسە، پارتيا مەن حالىق ىستەرىندە زور ءۇمىت بولادى“.
پارتيا 18 - قۇرىلتايىنان بەرى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ستراتەگيالىق ارماندى تۇراقتاندىرۋدان ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋگە دەيىن، شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق ويلاۋعا تاباندى بولىپ، ستراتەگيالىق باعداردى ايقىنداپ، ستراتەگيالىق جوبا - جوسپار جاساپ، جاڭا داۋىردەگى پارتيا مەن مەملەكەت ىستەرىنىڭ دامۋى ءۇشىن العا باسۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەدى.
ءدال وسى ساتتە جاڭا ءداۋىر دەڭگەيىندە تۇرعان جۇڭگو، جاڭا تاريحي كەزەڭگە ءدوپ كەلدى:
2022 - جىل جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىنا قادام تاستاعان ماڭىزدى ءبىر جىل، پارتيامىز مەملەكەتتىك 20 - قۇرىلتايىن اشادى.
كۇللى الەمگە كوز جىبەرسەك، حالىقارالىق جاعدايدا جاڭا ەلەۋلى وزگەرىستەر تۋىلىپ، بەيبىتشىلىك پەن دامۋ سىندى ءداۋىردىڭ نەگىزگى تاقىرىبى قاتاڭ سىن - سايىستارعا ءدوپ كەلدى، دۇنيە ءجۇزى بەيبىت ەمەس، تىنىش تا ەمەس. 100 جىلدىق وزگەرىس پەن عاسىرلىق ىندەت ءوزارا قاباتتاسىپ، ەكونوميكانىڭ جاھاندانۋى كەرەعارلىققا تاپ بولىپ، ءىرى ەلدەر اراسىنداعى تەكە - تىرەس كۇن سايىن شيەلەنىستى، ۋكراينا جاعدايى اۋمالى - توكپەلى بولىپ، دۇنيە ءجۇزى جاڭا الاساپىران وزگەرىس مەزگىلىنە ءوتتى.
ەل ىشىنە كوز جۇگىرتسەك، رەفورما، دامۋ، ورنىقتىلىق مىندەتى جاپالى دا اۋىر بولىپ، جۇڭگو ەكونوميكاسىنىڭ دامۋى سۇرانىستىڭ تارايۋى، قامداۋدىڭ سوققىسى، مەجەنىڭ السىرەۋى سىندى ءۇش قابات قىسىمعا ءدوپ كەلىپ، ورنىقتى دا اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋ توتەنشە ماڭىزدى بولا ءتۇستى.
نەعۇرلىم شەشۋشى مەزگىلدە، ماڭىزدى تۇيىندە تۇرعان سايىن، سولعۇرلىم ستراتەگيالىق جاقتا دۇرىس تۇجىرىم جاساۋ، عىلمي جوسپار جاساۋ كەرەك.
”ەكونوميكانىڭ ارتۋ جىلدامدىعىنىڭ تومەندەۋى مەن حالىقارالىق جاعدايدىڭ وزگەرىسىنە ىلەسە، قوعامدا ءىشىنارا دەگبىرسىزدىك نىساي جارىققا شىعىپ، ەلىمىز دامۋىنىڭ ستراتەگيالىق وراي مەزگىلى ءوتىپ كەتتى دەپ الاڭداۋدان ساقتانۋ قيىن“. چيڭحۋا داشۋەسى جۇڭگو ەكونوميكا يدەياسى جانە امالياتى زەرتتەۋ ورنىنىڭ باستىعى لي داۋساي بىلاي دەدى: ”بەس ستراتەگيالىق ءتيىمدى شارت - جاعدايدىڭ“ العا قويىلۋى، ءدال مەملەكەت جاعدايىن، دۇنيە ءجۇزى جاعدايىن تياناق ەتىپ، ءىرى ەل دامۋىنىڭ وبيەكتيۆتىك زاڭدىلىعىنا نەگىزدەلىپ جاسالعان كەلەلى تۇجىرىم، ول كەزەكتە جانە بۇدان كەيىنگى ءبىر مەزگىلدە ەلىمىز دامۋىنىڭ ءالى دە ماڭىزدى ستراتەگيالىق وراي مەزگىلىندە تۇراتىندىعىن تولىق اڭعارتتى.
لي داۋساي مىنانى ءبىلدىردى: مۇنداي ستراتەگيالىق وراي مەزگىلى كۇتۋدەن، كوكسەۋدەن كەلگەن جوق، ءاربىر ءىستى تاباندىلىقپەن ويداعىداي ىستەۋدەن، ءبىر - بىرلەپ جاسامپازدىق جاراتۋدان كەلگەن.
”’بەس ستراتەگيالىق ءتيىمدى شارت - جاعداي‘ مىعىم قوعامدىق تاريحي سەزىمدى، باي ديالەكتيكالىق ويدى جانە ەگجەي - تەگجەيلى جۇيەلىك كوزقاراستى قامتىپ، بىزگە عىلمي يدەيالىق ءتاسىل مەن قىزمەت ءتاسىلىن ازىرلەدى“، - دەدى ورتالىق پارتيا تاريحى جانە حۇجات زەرتتەۋ ورنىنىڭ زەرتتەۋشىسى شۇي شيانچۇن.
بۇل تاريحي اۋقىمدى كوزدە ۇستاعان قۋاتتى ستراتەگيالىق سەنىم −
قازىرگى ۋاقىتتا سىرتقى ورتانىڭ اناعۇرلىم كۇردەلى دە قاتاڭ جانە تۇراقسىز بولۋىنا ىلەسە، ءتيىمسىز شارت - جاعدايلار ەلىمىزدىڭ دامۋىنا قات - قابات قىسىم الا كەلدى. جاعداي، ورتا نەعۇرلىم كۇردەلى، بورىش، مىندەت نەعۇرلىم جاپالى بولعان سايىن، ماسەلەلەرگە سولعۇرلىم ستراتەگيالىق تۇرعىدان قاراۋ، ماسەلەلەرگە وي جۇگىرتۋ كەرەك.
”’بەس ستراتەگيالىق ءتيىمدى شارت - جاعداي‘ باسىپ وتكەن جولعا قايىرىلا قاراۋ، باسقالاردىڭ جولىمەن سالىستىرۋ، العا باسۋ جولىنا كوز جىبەرۋ نەگىزىندە قورىتىندىلانعان ماڭىزدى تاريحي تاجىريبە، ول اماليات بارىسىندا ۇزدىكسىز دالەلدەندى جانە بەكەمدەلدى، ەشقانداي قيىندىق، حاۋىپ - بوگەت سالدارىنان اۋىتقىمايدى جانە وزگەرمەيدى“، - دەدى جۇڭگو قوعامدىق عىلىمدار اكادەمياسى ساياسي زەرتتەۋ ورنىنىڭ باستىعى جاڭ شۋحۋا.
ۇلكەن ءىس تىندىرۋ ءۇشىن قوردالى نەگىز بولۋ كەرەك.
جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋدەن، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدەن، ”جۇڭگونىڭ باسقارۋى“ مەن ”باتىستىڭ بىلىعۋى“ اراسىندا ايقىن سالىستىرما بولۋىنا دەيىن؛ ەكونوميكالىق كولەمى زور، مۇمكىندىك ءورىسى كەڭ بولۋدان، قوعامنىڭ ۇزاق ۋاقىت ورنىقتى بولۋى سىندى كەرەمەتتى جالعاستىرا جازۋعا دەيىن؛ جۇڭگو حالقىنىڭ بەلسەندىلىگى، ىرىقتىلىعى، جاسامپازدىعى ونان ارى تاسقىنداۋدان، ەرىك - جىگەرى، قاجىر - قايراتى، سەنىمى بۇرىن بولماعان دەڭگەيدە كۇشەيۋگە دەيىن... ”بەس ستراتەگيالىق ءتيىمدى شارت - جاعدايدىڭ“ ءوزارا ورگانيكالى بىرلىگى سەرگەك ستراتەگيالىق تۇجىرىم بولۋمەن بىرگە، جاڭا داۋىردەگى اماليات جەتىستىگى ارقىلى ستراتەگيالىق سەنىمدى ايگىلەدى.
ستراتەگيالىق ءتيىمدى شارت - جاعداي ۇلكەن اۋقىمدى اڭعارتتى، بىرىككەن كۇش ۇيىستىرۋ كورنەكتى ابزالدىلىققا اينالدى.
شاڭحاي قوعامدىق عىلىمدار اكادەمياسى پارتكومىنىڭ شۋجيى چۋان حىڭ مىنانى ءبىلدىردى: ستراتەگيالىق ءتيىمدى شارت - جاعدايدان ويداعىداي پايدالانساق تاريحتىڭ العا ىلگەرىلەۋ لوگيكاسى بارىسىندا العا ىلگەرىلەپ، ءداۋىر دامۋىنىڭ اعىنىندا دامىپ، كۇردەلى جاعدايعا ءونىمدى توتەپ بەرىپ جانە ونى مەڭگەرىپ، داعدارىس بارىسىندا ۇتىمدى وراي جەتىلدىرىپ، وزگەرىس بارىسىندا جاڭا جاعداي اشىپ، دامۋدىڭ ىرىقتىلىق ۇقىعىن مىقتاپ يگەرە الامىز.
باس شۋجي شي جينپيڭ مىنانى باسا دارىپتەپ، اتاپ كورسەتتى: ”قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، دەگەنمەن، وراي مەن اۋقىم ءبىز جاقتا تۇر، بۇل تاباندىلىعىمىز بەن قايراتىمىزدىڭ تياناعى، سونداي - اق بەكىمىمىز بەن سەنىمىمىزدىڭ تياناعى“.
بۇل ءسوزسىز باسىپ وتەتىن جولدى ويداعىداي باسۋدىڭ ماڭىزدى ستراتەگيالىق تىرەگى −
3 - ايدىڭ 5 - كۇنى باس شۋجي شي جينپيڭ 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، جاڭا داۋىردەگى پارتيا مەن حالىقتىڭ ەكپىندەي ىلگەرىلەۋ بارىسىن ەسكە الىپ، پارتيانىڭ جالپى بەتتىك باسشىلىعىنا تاباندى بولۋدى، جۇڭگوشا سوتسياليزمدى، ىنتىماقتاسا كۇرەس جاساۋدى، جاڭا دامۋ ۇستانىمىن دايەكتىلەندىرۋدى، پارتيانى جاپپاي قاتاڭ جونگە سالۋدى ارقاۋ ەتىپ، ”بەس ءسوزسىز باسىپ وتەتىن جول“ سىندى ماڭىزدى تۇجىرىمدى العا قويدى.
ەكى كەلەلى تۇجىرىمنىڭ العا قويىلۋىنىڭ اراسى تەك ءبىر كۇن عانا بولدى. يدەيالىق لوگيكا مەن امالياتتىق لوگيكادان الىپ قاراعاندا، ”بەس ءسوزسىز باسىپ وتەتىن جول“ مەن ”بەس ستراتەگيالىق ءتيىمدى شارت - جاعداي“ كەمەلدى نازاريالىق جۇلگە قالىپتاستىرىپ، قانداي تۋ ۇستاۋ، قانداي جولمەن ءجۇرۋ، نەگە سۇيەنىپ العا باسۋ سىندى ءتۇبىرلى ماسەلەلەرگە جۇيەلى جاۋاپ بەردى.
”’بەس ستراتەگيالىق ءتيىمدى شارت - جاعداي‘ تاريحتى، قازىرگىنى جانە بولاشاقتى بايلانىستىرىپ، جۇڭگونىڭ دامۋىنىڭ تەرەڭ قاتپارلى زاڭدىلىعىن اشىپ كورسەتتى. اماليات بارىسىندا وسى ءتيىمدى شارت - جاعدايلاردان ويداعىداي پايدالانساق، ستراتەگيالىق ىرىقتىلىقتى يەلەپ، قولايلى جاعدايدان ۇتىمدى پايدالانىپ، قامال الىپ، قيىندىقتاردى جەڭىپ، تاعى دا تىڭ تاراۋ جازا الامىز“، - دەدى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانىنىڭ) پروفەسسورى لي حايچيڭ.
ۇزاق ۋاقىتقا ساياتىن ستراتەگيالىق جوسپار − ”بەس ستراتەگيالىق ءتيىمدى شارت - جاعدايدى“ دۇرىس يگەرىپ، ستراتەگيالىق ويلاۋدى قولدانىپ اۋقىمدى باعامداپ، ءىرى ءىستى جوسپارلاپ، بولاشاقتاعى دامۋدىڭ ىرىقتىلىق ۇقىعىنا قول جەتكىزدى
باس شۋجي شي جينپيڭ بىلاي دەپ اتاپ كورسەتتى: ”ءبىز ءىرى پارتيامىز، ءىرى ەلگە باسشىلىق ەتىپ وتىرمىز، ۇلى ءىس ىستەپ وتىرمىز، ستراتەگيالىق ويلاۋعا شەبەر بولۋ، ماسەلەگە ستراتەگيالىق جاقتان قاراۋعا، وي جۇگىرتۋگە شەبەر بولۋ كەرەك“.
”بەس ستراتەگيالىق ءتيىمدى شارت - جاعداي“ ستراتەگيالىق تۇجىرىم بولۋمەن بىرگە، ستراتەگيالىق جوسپار، ول ساياسي، ەكونوميكا، مادەنيەت سياقتى سالالارداعى ەلەۋلى ماسەلەلەرگە سايادى؛ جاڭا داۋىردە ءبىزدىڭ نەلىكتەن تابىسقا جەتكەندىگىمىزگە جاۋاپ بەرۋمەن بىرگە، بولاشاقتا ءبىزدىڭ قالاي ۇزدىكسىز تابىسقا جەتەتىندىگىمىزدى دە ءتۇسىندىرىپ، عىلمي نازاريالىق جەتەكشىلىك جانە امالياتتىق باعدارلاما ازىرلەدى؛ ءبىرىن - ءبىرى تولىقتاۋمەن بىرگە، ورگانيكالى بىرلىككە دە يە، ونى تۇتاس تۇلعالىق جاقتان دۇرىس تانۋ، جۇيەلى يگەرۋ كەرەك.
پارمەندى باسشىلىق ۇيتقى ارقىلى ەكپىندەي ىلگەرىلەۋدىڭ ۇلى كۇشىن ۇيىستىردى −
بوران - شاشىننان تايسالماي، اساۋ اعىندا مىزعىماس تىرەك بولدى.
”بەس ستراتەگيالىق ءتيىمدى شارت - جاعداي“ سىندى كەلەلى تۇجىرىمدا، باس شۋجي شي جينپيڭ ايقىن تۋ ۇستاي وتىرىپ بىلاي دەپ اتاپ كورسەتتى: ”جۇڭگو كوممۋنيستىك پارتياسىنىڭ پارمەندى باسشىلىعى، جالپى جاعدايدى مەڭگەرىپ، ءار جاقتى سايكەستىرىپ، ءار ءتۇرلى ەلەۋلى حاۋىپ - قاتەرلەر مەن سىن - سايىستارعا بايسالدىلىقپەن توتەپ بەرۋگە ءتۇبىرلى ساياسي كەپىلدىك ازىرلەدى“.
3 - ايدىڭ 17 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا تالداۋ جاساپ، ىندەتتەن ساقتانۋ - تىزگىندەۋ قىزمەتىن قاتاڭ، ويداعىداي يگەرۋ تۋرالى ورنالاستىرۋ جاسادى.
”ستراتەگيالىق تاباندىلىقتى ساقتاپ، ورنىقتىلىق بارىسىندا ىلگەرىلەۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ويداعىداي ءبىر تۇتاس جوسپارلاپ، اناعۇرلىم ءونىمدى شارالار قولدانىپ، ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە قول جەتكىزۋگە قۇلشىنىپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن بارىنشا ازايتۋ كەرەك“، - دەپ باسا دارىپتەدى باس شۋجي شي جينپيڭ.
تاباندىلىق دەگەنىمىزدىڭ ءوزى جەڭىس! پارتيانىڭ پارمەندى باسشىلىعى بولعاندىقتان، ءسوز جوق، جەڭىسكە جەتە الامىز!
عاسىرلىق ىندەتتىڭ سوققىسى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بيىكتە تۇرىپ الىسقا كوز جىبەرىپ، جوسپار جوبا جاساپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋعا تاباندى بولىپ، ىندەتكە قارسى اتتانۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ دابىلىن قاقتى. ىندەتتەن ساقتانۋ - تىزگىندەۋدى ۇدايىلاندىرعاننان بەرى ءىشىنارا وڭىرلەردەگى شوعىرلى ىندەت تەز قارقىنمەن ءونىمدى ءبىر جاقتى ەتىلدى، ەلىمىزدىڭ ەكونوميكالىق دامۋى مەن ىندەتتەن ساقتانۋ - تىزگىندەۋى الەمدە الدىڭعى ورىندى ساقتاپ، پارتيا ورتالىق كوميتەتىنىڭ پارمەندى باسشىلىعىنىڭ ”شەشۋشى تىرەكتىك“ رولى تولىق ايگىلەندى.
بۇرىن بولىپ كورمەگەن ەرلىكپەن ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، شياڭگاڭ جاعدايىندا بىلىقپالىقتان وڭالۋعا دەيىنگى كەلەلى بۇرىلىستى جۇزەگە اسىرۋدى ىلگەرىلەتىپ، زورەكەرلىك ارەكەتتى باتىل بەينەمەن تەجەپ، مەملەكەت پەن حالىقتىڭ ءتۇبىرلى مۇددەسىن قورعادى... پارتيا 18 - قۇرىلتايىنان بەرى مەيلى قانداي اساۋ تولقىندارعا كەزدەسسەك تە، شي جينپيڭ جولداستى ۇيتقى ەتكەن پارتيا ورتالىق كوميتەتى بارلىعىنا بايسالدىلىقپەن توتەپ بەرىپ، باتىل شەشىم جاساپ، اسا قۋاتتى بىرىككەن كۇشپەن، قۇدىرەتتى جۇمىلدىرۋ كۇشىمەن جانە جوعارى ءونىمدى اتقارۋ قابىلەتىمەن، تالاي - تالاي ”مۇمكىنسىزدىكتى“ ”ءسوزسىز مۇمكىندىككە“ اينالدىردى.
”تالاي رەتكى ءىرى شايقاستار مەن ءىرى سىناقتار ادامدارعا جۇڭگو كوممۋنيستىك پارتياسىنىڭ تەڭدەسسىز پارمەندى باسشىلىق قۋاتىن، بۇل ءبىزدىڭ جورىقتا ەكپىندەي ىلگەرىلەۋدەگى ەڭ تياناقتى ورنىقتىرعىشىمىز ەكەندىگىن، بوران - شاشىن كەلگەن كەزدە جۇڭگو حالقىنىڭ ەڭ سەنىمدى تىرەگى ەكەندىگىن تەرەڭ سەزىندىردى“. ساياسي كەڭەستىڭ بىرلەسكەن گرۋپپا جيىنىندا باس شۋجي شي جينپيڭنىڭ ماڭىزدى ءسوزىن سول جەردە تىڭداعان مەملەكەتتىك ساياسي كەڭەستىڭ مۇشەسى، حاينان ولكەسى بايشا ليزۋ اۆتونوميالى اۋدانى دا - ان قالاشىعىنىڭ كادرى ياڭ فىڭجي ەرەكشە تەبىرەندى.
كورنەكتى تۇزىمدىك ابزالدىلىقپەن دامۋدى، العا باسۋدى قامتاماسىز ەتتى −
تۇزىمدىك ابزالدىلىق ءبىر مەملەكەتتىڭ ەڭ زور ابزالدىلىعى، تۇزىمدىك باسەكە مەملەكەتتەر اراسىنداعى ەڭ ءتۇبىرلى باسەكە.
”بەس ستراتەگيالىق ءتيىمدى شارت - جاعداي“ سىندى كەلەلى تۇجىرىمدا باس شۋجي شي جينپيڭ بىلاي دەپ باسا دارىپتەدى: جۇڭگوشا سوتسياليستىك ءتۇزىمىنىڭ كورنەكتى ابزالدىلىعى بار، ەلىمىزدىڭ ساياسي ءتۇزىمى مەن باسقارۋ جۇيەسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋ سياقتى امالياتتاردا كورنەكتى ابزالدىلىعىن ونان ارى ايگىلەدى، ”جۇڭگونىڭ باسقارۋى“ مەن ”باتىستىڭ بىلىعۋى“ اراسىندا اناعۇرلىم ايقىن سالىستىرما قالىپتاستىردى.
سوتسياليستىك نەگىزگى ەكونوميكالىق ءتۇزىمدى، نەگىزگى ساياسي ءتۇزىمدى ۇزدىكسىز كەمەلدەندىرۋدەن، تۇرلىشە سالاداعى جاسامپازدىققا، تىرەكتىككە يە ماڭىزدى تۇزىمدەردى كۇن سايىن مولايتۋعا دەيىن... پارتيا 18 - قۇرىلتايىنان بەرى جۇڭگوشا سوتسياليستىك ءتۇزىم جۇيەسىنىڭ ساتىلارى ايقىندالىپ، جۇيەسى كەمەلدەنىپ، ءتۇرلى تۇزىمدەر اناعۇرلىم تولىسىپ، اناعۇرلىم تۇلعالانىپ، دەموكراتيالىق ورتالىقتاندىرۋ ءتۇزىمى اناعۇرلىم اقاۋسىزدانىپ، مەملەكەتتى جاپپاي زاڭمەن باسقارۋ بارىسىندا ىشكەرىلەي ىلگەرىلەپ، مەملەكەتتى باسقارۋ بارىسىندا وراسان زور تۇزىمدىك ونىمدىلىك كۇن سايىن ايگىلەندى.
”جۇڭگو ەكونوميكاسى الەمدە ەڭ الدىمەن وڭ ارتۋدى جۇزەگە اسىرىپ، كەدەيلىكتەن ارىلتۋدان قامال الۋ شايقاسى ۇلى جەڭىسكە قول جەتكىزىپ، جاپپاي دوڭگەلەك داۋلەتتىلىكتىڭ مىڭ جىلدىق ارمانى جۇزەگە استى“، ”دۇرىس ءىس سىننان وتپەي قويمايدى، ۇلى تابىس، ۇلى وزگەرىس’جۇڭگونىڭ باسقارۋىنىڭ‘ كورنەكتى ابزالدىلىعىن جالپى بەتتىك ايگىلەدى“... بيىلعى مەملەكەتتىك ەكى ماجىلىستەگى باياندامانى قاراۋدا، تالقىلاۋدا، 100 جىلدىق وزگەرىس پەن عاسىرلىق ىندەتتىڭ كۇردەلى سىن - سايىسى الدىندا قول جەتكەن ءبىر قىدىرۋ تاريحقا ايشىقتاپ جازىلاتىن كەرەمەتتەردى ۋاكىلدەر، مۇشەلەر قىزۋ تالقىلاپ، شىنايى سەزىندى.
ميلليارد حالىق بۇقاراسى شىن جۇرەكتەن پارتيانىڭ باسشىلىعىن قولداپ، سوتسياليستىك ءتۇزىمنىڭ ابزالدىلىعىن اناعۇرلىم تەرەڭ سەزىنىپ، ۇلى وتاندى شىن جۇرەكتەن اناعۇرلىم ماقتانىش ەتتى.
ۇزدىكسىز تەز قارقىندى دامۋ ارقىلى دامۋ نەگىزىن بەكەمدەدى −
ىشكى ءوندىرىس جالپى ءونىم قۇنى 114 تريلليون يۋانعا جەتىپ، ％8.1 ارتتى؛ بۇكىل ەلدىڭ قازىنالىق كىرىسى 20 تريلليون يۋاننان اسىپ، ％10.7 ارتتى؛ قالا - قالاشىقتاردا جاڭادان 12 ميلليون 690 مىڭ ادام جۇمىستاندى؛ استىق ءونىم مولشەرى ءبىر تريلليون 370 ميلليارد جىڭ بولىپ، تاريحتاعى جاڭا ورە جاراتىلدى... بيىلعى ۇكىمەت قىزمەتىنەن بايانداماداعى سان - سيفرلار، 2021 - جىلداعى وزگەشە كەرەمەتتەردىڭ جاندى تۇسىندىرمەسى بولدى.
”ناتيجەگە قول جەتكىزۋ، شىنىندا، وڭاي - وسپاق بولعان جوق“. چيڭحۋا داشۋەسى ەكونوميكا باسقارۋ شۋەيۋانىنىڭ باستىعى باي جۇڭىن بىلاي دەدى: حالىق شارۋاشىلىعىنىڭ ۇزدىكسىز قالپىنا كەلىپ، ەكونوميكانىڭ ارتۋ قارقىنى بۇكىل الەمدە الدىڭعى ورىندا تۇرۋى، حالىق تۇرمىسىنىڭ پارمەندى، ءونىمدى قامتاماسىزداندىرىلۋى، جاڭا جورىقتا جوعارى ساپالى دامۋعا جالعاستى قادام تاستاۋعا پارمەندى قامتاماسىزدىق ازىرلەدى.
2021 - جىلى جۇڭگونىڭ ىشكى ءوندىرىس جالپى ءونىم قۇنى ءبىر جىلدا 13 تريلليون يۋان ناق ارتتى، بۇل جۇڭحۋا ۇلتى تاريحىندا ءبىرىنشى رەت بولىپ وتىر.
”بۇل جۇڭگو ەكونوميكاسىنىڭ دامۋ تەبىنى كۇشتى، سەرپىمدىلىگى كۇشتى، بازار تۇلعالارىنىڭ ومىرشەڭدىك كۇشى مەن حاۋىپ - قاتەرگە قارسى تۇرۋ قۋاتى تۇگەلدەي كۇشتى ەكەنىن تۇسىندىرەدى، بۇل ەكونوميكانى ارتتىرۋدىڭ مەجەلى نىساناسىن جۇزەگە اسىرۋدىڭ سەنىمى مەن نەگىزى“، - دەدى مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ.
«نيۋ - يورك ۋاقىت گازەتى» ماقالاسىندا بىلاي دەدى: جۇڭگو ەكونوميكانى ％5.5 شاماسىندا ارتتىرۋ نىساناسى بۇرىنعى كەزبەن سالىستىرعاندا ءبىراز تومەندەتىلگەنمەن، ءالى دە باسىم كوپ مەملەكەتتەردىكىنەن جوعارى، بۇل الەمنىڭ تۇراقسىزدىق جاعدايىندا سەنىمدى سەرپىلتەدى.
باس شۋجي شي جينپيڭ بىلاي دەپ اتاپ كورسەتتى: ەلىمىزدىڭ ەكونوميكالىق ناقتى قۋاتى، عىلىم - تەحنيكالىق ناقتى قۋاتى، مەملەكەت قورعانىس ناقتى قۋاتى، كەشەندى مەملەكەت قۋاتى كورنەكتى ارتتى، ەكونوميكانىڭ كولەمى زور، مۇمكىندىكتەرى كەڭ، ونىڭ ۇستىنە ەرەكشە زور كولەمدى بازارى بار، ۇزاق ۋاقىت جاقسارۋ سىندى نەگىزگى جاعى وزگەرمەيدى، كۇشتى سەرپىمدىلىككە جانە ومىرشەڭدىككە يە.
ورنىقتى قوعامدىق ورتا ارقىلى دامۋدىڭ حاۋىپسىزدىگىن قامتاماسىز ەتتى −
قوعامنىڭ ورنىقتى بولۋى ۇلتتى گۇلدەندىرۋدىڭ ىرگە تاسى، حالىق تۇرمىسىنىڭ ىرىس - قۇتىنىڭ تياناعى.
باس شۋجي شي جينپيڭ ”بەس ستراتەگيالىق ءتيىمدى شارت - جاعداي“ سىندى كەلەلى تۇجىرىمىندا بىلاي دەپ اتاپ كورسەتتى: ”حالىقتىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيىپ، قوعامدىق باسقارۋ دەڭگەيى ۇزدىكسىز جوعارىلاپ، قوعامنىڭ ۇزاق ۋاقىت ورنىقتى بولۋ كەرەمەتىن ۇزدىكسىز جارىققا شىعاردى“.
جاڭا جۇڭگو قۇرىلعان 70 نەشە جىلدان بەرى پارتيا حالىققا باسشىلىق ەتىپ قاجىماي - تالماي كۇرەس جۇرگىزىپ، ۇزدىكسىز العا باسىپ، ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتى بولۋى سىندى ەكى كەرەمەتتى جاراتتى. بۇگىنگى تاڭدا جۇڭحۋا ۇلتى دۇنيە جۇزىنە كۇن سايىن كوركەيىپ - گۇلدەنگەن بەينەسىن كورسەتىپ وتىر.
قۋاتتى وتان، حاۋىپسىز ورتا ميلليارد حۋاشيا پەرزەنتتەرىنىڭ ماڭگىلىك سۇيەنىشى. 3 - ايدىڭ 5 - كۇنىنەن 19 - كۇنىنە دەيىن، ۋكراينادان شەگىنىپ شىققان جۇڭگو ازاماتتارىن الىپ قايتقان جالپى 17 ۋاقىتشا كەزەكشى ۇشاق ەلگە امان - ەسەن ورالدى.
پارتيا 18 - قۇرىلتايىنان بەرى ءبىر قىدىرۋ ارناۋلى سوققى بەرۋ، وڭاۋ ارەكەتى مەن جوعارى ساپالى قىزمەت وتەۋ شارالارىنىڭ ناقتى تياناقتانۋى بۇقارانى اناعۇرلىم كوپ، اناعۇرلىم تىكە، اناعۇرلىم ناقتى تابىس سەزىمىنە، باقىت سەزىمىنە، حاۋىپسىزدىك سەزىمىنە بولەدى. 2020 - جىلى بۇكىل مەملەكەتتە قىلمىستىق ىستەر دەلو تۇرعىزۋ جالپى مولشەرى ءۇرتىس 5 جىل تومەندەدى، 8 تۇردەگى نەگىزگى قىلمىستىق ىستەر دەلوسى مەن تەكسەرىپ ءبىر جايلى ەتىلگەن اماندىق قورعاۋ دەلو سانى ءۇرتىس 6 جىل تومەندەدى. كەزەكتە ەلىمىز ءولىم دەلوسىنىڭ تۋىلۋ سالىستىرماسى، قىلمىستىق ىستەر قىلمىستارىنىڭ تۋىلۋ سالىستىرماسى ەڭ تومەن مەملەكەتتەردىڭ ءبىرى بولدى.
مەملەكەتتىك ساناق مەكەمەسىنىڭ تەكسەرۋى، جۋىق جىلداردان بەرى بۇكىل ەلدەگى بۇقارانىڭ حاۋىپسىزدىك سەزىمىنىڭ جىل سايىن جوعارىلاپ، 2020 - جىلى ％98.4كە، 2021 - جىلدىڭ الدىڭعى جارتى جىلىندا ％98.56 جەتكەندىگىن كورسەتتى. امەريكانىڭ حالىق رايىن تەكسەرۋ قۇرىلىمى گاللۇپتىڭ وتكەن جىلى جاريالاعان الەمدىك زاڭ جانە ءتارتىپ كورسەتكىشىندە، ەلىمىز 2 - ورىندا تۇرىپ، 2020 - جىلمەن سالىستىرعاندا تاعى ءبىر ورىن جوعارىلاعان.
”حالىقتى وزەك ەتكەن دامۋ يدەياسىنا تاباندى بولىپ، ميلليارد حالىقتىڭ كۇش - قۋاتىن ۇيىستىرىپ، كوپشىلىك جۇدىرىقتاي جۇمىلىپ، ىنتىماقتاسا ەكپىندەي ىلگەرىلەپ، قاجىماي - تالماي كۇرەس جاساساق، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرا الامىز“، - دەدى مەملەكەتتىك حالىق قۇرىلتايىنىڭ ۋاكىلى، حىبەي ولكەسى شاحى قالاسى بايتا قالاشىعى لۋانشيە قىستاعى پارتيا باس ياچەيكاسىنىڭ شۋجيى لي چاڭگىڭ.
قۋاتتى رۋحاني كۇش ارقىلى العا باسۋ سەنىمىن بەكەمدەدى −
ادامدا رۋح بولماسا ەڭسەسىن كوتەرىپ تۇرا المايدى، مەملەكەتتە رۋح بولماسا قۇدىرەتتەنە المايدى.
”بەس ستراتەگيالىق ءتيىمدى شارت - جاعداي“ كەلەلى تۇجىرىمىندا، باس شۋجي شي جينپيڭ بىلاي دەپ باسا دارىپتەدى: جۇڭگو حالقىنىڭ بەلسەندىلىگى، ىرىقتىلىعى، جاسامپازدىعى ونان ارى تاسقىنداپ، ەرىك - جىگەرى، قاجىر - قايراتى، سەنىمى بۇرىن بولماعان دەڭگەيدە كۇشەيدى، پارتيانىڭ بەكىمى، ارميانىڭ بەكىمى، حالىقتىڭ تىلەگى اسقاقتاي ءتۇستى.
جاپپاي دوڭگەلەك داۋلەتتى قوعامدى ءدال ۋاعىندا ورناتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاپ، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزدى... جاڭا داۋىرگە كوز جىبەرگەندە، جۇڭحۋا ۇلتىنىڭ ۇلى گۇلدەنۋى بۇرىن بولماعان شۇعىلالى بولاشاعىن ايگىلەپ، جۇڭحۋا ۇلتىنىڭ رۋحاني ساۋلەسى شار تاراپقا نۇرىن توكتى.
جاڭا باستامادا جۇڭگو حالقى سەنىمىن اناعۇرلىم بەكەمدەدى. سان - ساناقسىز ەڭبەكشى جۇڭگودا جاساۋدىڭ، جۇڭگودا قۇرۋدىڭ داڭقىن اسقاقتاتتى، قىستاقتا تۇرعان سان - ساناقسىز كادر اۋىل - قىستاقتى گۇلدەندىرۋدىڭ بولاشاعىن ارقالادى، سان - ساناقسىز وقۋ - اعارتۋ قىزمەتكەرى بىلىمدەرى ارقىلى بالالاردىڭ ارمانىن نۇرلاندىردى، سان - ساناقسىز جەدەل جولداما جەتكىزەتىن جىگىتتەر جولداردا ارلى - بەرلى قايشالىسىپ اسا ءىرى بازارعا قىزمەت وتەدى...
”بۇگىنگى دۇنيە جۇزىندە قايسى ساياسي پارتيا، قايسى مەملەكەت، قايسى ۇلت سەنىمدى دەسەك، ول جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭحۋا ۇلتى ەڭ سەنىمدى دەۋگە سەبەبىمىز بار“. باس شۋجي شي جينپيڭنىڭ ءسوزى اسقاق تا جالىندى، ارىندى دا تەبىندى بولدى.
بۇل سەنىم ءداۋىردىڭ اعىمىنا ۇيلەسكەن سانالىلىق، سان وزگەرىستى باستان كەشىرگەننەن كەيىن قورىتىندىلاعان ءتۇبىرلى ورتاق تانىم، ”بەس ستراتەگيالىق ءتيىمدى شارت - جاعدايدان“ ويداعىداي پايدالانۋدىڭ ەڭ قۋاتتى كۇشى.
ىنتىماقتاسا كۇرەس جۇرگىزۋدەگى ستراتەگيالىق تاباندىلىق − ”بەس ستراتەگيالىق ءتيىمدى شارت - جاعدايدى“ يگەرىپ، ويداعىداي پايدالانىپ، زەيىن - زەردەنى، كۇش - قۋاتتى ۇيىستىرىپ، ىرىقتىلىقتى مەڭگەرىپ، جاڭا دا اناعۇرلىم زور كەرەمەتتەردى جالعاستى جاراتتى
ستراتەگيالىق ءتيىمدى شارت - جاعداي − ءبىزدىڭ قۋاتتى سەنىمىمىزدىڭ تىرەگى، ارىنىمىزدىڭ تىرەگى، ونىڭ تەتىگى دۇرىس تاكتيكادان پايدالانىپ يگەرۋدە، ويداعىداي پايدالانۋدا، ناقتى تياناقتاندىرۋدا.
باس شۋجي شي جينپيڭ بىلاي دەپ اتاپ كورسەتتى: ”ستراتەگيا مەن تاكتيكا ديالەكتيكالىق بىرلىك قاتىناستا بولادى، ستراتەگيانىڭ تۇراقتىلىعى مەن تاكتيكانىڭ يكەمدىلىگىن ۇشتاستىرۋ كەرەك. وڭىرلەر، تاراۋلار قىزمەت وي جەلىسىن، قىزمەت ورنالاستىرۋىن، ساياساتتىق - شارالاردى تۇراقتاندىرعاندا، سانالى تۇردە پارتيانىڭ نازارياسىنا جانە لۋشيان، باعىت - ساياساتىنا تۋرالانىپ، اعاتتىقتاردى دەر كەزىندە دۇرىستاۋ، پارتيا ورتالىق كوميتەتى جاساعان ستراتەگيالىق شەشىمدى، ءسوز جوق، شارتسىز اتقارىپ، باعداردان اۋىتقىماۋعا، ءتۇسىن تۇرلەندىرمەۋگە، فورماسىن وزگەرتپەۋگە شىنايى كەپىلدىك ەتۋ كەرەك.
ستراتەگيالىق ءتيىمدى شارت - جاعدايدان ويداعىداي پايدالانۋدا باسىمدىقتى تانىپ جەتىپ، سەنىمدى بەكەمدەپ، تاريحي ىرىقتىلىق ۇقىقتى باستان - اياق مىقتاپ يگەرۋ كەرەك −
ستراتەگيالىق ءتيىمدى شارت - جاعداي ۇزاق ۋاقىت جاقسارۋعا بەت الۋداعى وراسان زور باسىمدىق، ءبىزدىڭ تاريحي ىرىقتىلىقتى مەڭگەرىپ، ءورىس اشا ىلگەرىلەۋىمىزدەگى ماڭىزدى اسىلىمىز.
”’بەس ستراتەگيالىق ءتيىمدى شارت - جاعداي‘ − جۇڭگو كەرەمەتىن وقىپ ءتۇسىنۋدىڭ شەشۋشى قۇپيا سيفرى، ونان دا ماڭىزدىسى، ءبىزدىڭ نۇرلى بولاشاققا قادام تاستاۋىمىزداعى عىلمي جەتەكشى“، - دەدى جاڭ شۋحۋا.
نەگىزگى ءوندىرىس سۇرانىس كورسەتكىشى قايتا جوعارىلاپ، جۇمىستانۋ، زات باعاسى جالپى جاقتان ورنىقتى بولىپ، ەكونوميكالىق قۇرىلىم ۇزدىكسىز ساپالىلاندى... بيىل جىل باسىنان بەرى كۇردەلى دە قاتاڭ حالىقارالىق ورتا مەن ەل ىشىندە ىندەتتىڭ بىتىراندى تارالۋى سىندى كوپتەگەن سىناق الدىندا، جۇڭگو ەكونوميكاسىنىڭ قالپىنا كەلۋى مەجەدەگىدەن جاقسى بولىپ، قويۋ جالىندى تىنىس اڭعارتتى.
شەتەل اقپارات قۇرالدارى باعالاعانداي، جۇڭگو ەكونوميكاسىنىڭ جىل باسىنداعى ”ناتيجە ءتىزىمى“ وڭاي - وسپاق قولعا كەلمەدى، تۇتاس جىلدىق ارتۋ نىساناسىن جۇزەگە اسىرۋ دۇنيە ءجۇزى ەكونوميكاسىنىڭ ورنىقتى جاندانۋى ءۇشىن قۋاتتى سەنىم مەن قوزعاۋشى كۇش ۇستەدى.
جولدى ايقىن بەلگىلەگەندە عانا دامۋ، العا ىلگەرىلەۋ بارىسىندا جاڭىلمايسىڭ، تايساقتامايسىڭ؛ باسىمدىقتى ايقىن اڭعارعاندا عانا قيىنشىلىق، سىن - سايىس الدىندا ەرلىكپەن العا ىلگەرىلەيسىڭ.
بۇل جۇڭگونىڭ اناعۇرلىم كۇشتى قاۋقارى مەن سەنىمىنىڭ قاينارى: اناعۇرلىم ورنىقتى دامۋ مەجەسى، اناعۇرلىم ايقىن ساياسات باعدارى؛ ايرىقشا ۇلكەن ەكونوميكالىق تۇلعانىڭ مول قۋاتى، ايرىقشا كولەمدى بازار باسىمدىعى جانە الەمدەگى ەڭ تولىق ونەركاسىپ جۇيەسى؛ جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي سيپاتتى شەشىم ەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستادى...
جاڭا جورىقتا ستراتەگيالىق ءتيىمدى شارت - جاعدايدى جوعارى ساپالى دامۋدىڭ ستراتەگيالىق باسىمدىعىنا اينالدىرىپ، جۇڭگو، ءسوز جوق، حاۋىپتى ورايعا اينالدىرىپ، وزگەرىس بارىسىندا ۇزدىكسىز جاڭا جاعداي اشادى.
ستراتەگيالىق ءتيىمدى شارت - جاعدايدان ويداعىداي پايدالانۋدا باسىمدىقتى بەكەمدەپ، قيىندىقتاردان قامال الىپ، تاباندىلىقتى ساقتاپ العا ىلگەرىلەۋ كەرەك −
”’بەس ستراتەگيالىق ءتيىمدى شارت - جاعداي‘ − جۇڭگونىڭ بۇرىنعى ءساتتى تاجىريبەلەرىنىڭ قورىتىندىسى ءارى جۇڭگونىڭ بولاشاقتا اناعۇرلىم زور جەڭىسكە قادام تاستاۋىنىڭ قامتاماسىزدىعى“، - دەدى لي حايچيڭ، - ءبىز ءتيىمدى شارت - جاعدايدى قۇلشىنا بەكەمدەپ، باسىمدىقتى تولىق ساۋلەلەندىرىپ، كەلەسى قادامدا قيىندىقتاردان قامال الۋدىڭ نەگىزىن بەكەمدەپ، كۇش - قۋات ارناۋىمىز كەرەك.
ءارقانداي ىستە ىشەر اس ماسەلەسى ەڭ ماڭىزدى.
3 - ايدىڭ 16 - كۇنى مەملەكەتتىك سورتاڭ جەرگە ءتوزىمدى كۇرىش تەحنيكاسىنان جاڭالىق اشۋ ورتالىعى سانيادا ماڭدايشالىق استى. بۇل ورتالىقتىڭ قۇرىلۋى ەلىمىزدىڭ استىق عىلىم - تەحنيكاسىنان جاڭالىق اشۋ مەن سورتاڭ جەر ەكولوگياسىن قالپىنا كەلتىرۋ قۋاتىن جوعارىلاتۋدى ىلگەرىلەتىپ، ەلىمىزدىڭ ”استىق القاپتارىن قورعاۋ“ كەڭىستىگىن اشىپ، ”ەگىستىك جەر بايلىعىنان عىلمي، ۇيلەسىمدى پايدالانۋ“ زاپاسىن كەڭەيتۋىنە جاڭا جول اشادى.
”استىق حاۋىپسىزدىگى ’مەملەكەتتىڭ زور ءىسى‘“، ”ەگىستىك جەر استىق ءوندىرىسىنىڭ جان تامىرى“، ”ىشەر اس ماسەلەسىن شەشۋدىڭ ءتۇبىرلى شىعار جولى عىلىم - تەحنيكادا“... باس شۋجي شي جينپيڭ ساياسي كەڭەستىڭ بىرىككەن گرۋپپا جيىنىندا ەلىمىزدىڭ استىقتى دامىتۋدا، ءسوز جوق، شۇعىل شەشۋگە ءتيىستى ماڭىزدى ماسەلەنى ءداپ باسىپ كورسەتتى ءارى بولاشاقتا استىق حاۋىپسىزدىگىن قالاي جۇزەگە اسىرۋعا ايقىن باعدار كورسەتتى.
دۇنيە ءجۇزى ەگىستىك جەرىنىڭ ％9ىن، تۇششى سۋ بايلىعىنىڭ ％6ىن يەلەپ، دۇنيە ءجۇزى جان سانىنىڭ بەستەن بىرىنە جۋىعىن باعىپ كەلەدى، استىق ونىمىندە قۋانىشپەن ”ءۇرتىس 18 جىل مول ءونىم الدى“... ناتيجە وڭاي - وسپاق قولعا كەلگەن جوق، باسىمدىقتى بەكەمدەۋدى ءتىپتى دە قاجەت ەتەدى، قولايلى جاعدايدان ويداعىداي پايدالانىپ، استىق حاۋىپسىزدىگىن قورعاۋ شايقاسىن قۇلشىنا ويداعىداي جۇرگىزۋ كەرەك.
كەزەكتە ىندەت سىناعى تاعى ءبىر رەت كەلدى: بۇكىل ەلدە جەرگىلىكتى توپتالۋ سيپاتىنداعى ىندەت جاعدايىندا تارالۋ ءتۇيىنى كوپ، اۋقىمى كەڭ بولۋ، ءجيى تۋىلۋ ەرەكشەلىگى بەلەڭ بەردى، 3 - ايدىڭ 1 - كۇنىنەن 18 - كۇنىنە دەيىن ىندەت 28 ولكەنى شارپىدى.
”باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، عىلمي، دالمە - ءدال بولۋعا، يكەمدى تۇردە نولگە تۇسىرۋگە تاباندى بولىپ، ىندەتتىڭ تارالۋ، ءورشۋ بەتالىسىن تەز ارادا تىزگىندەۋ كەرەك“، - دەپ اتاپ كورسەتتى 3 - ايدىڭ 17 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشقاندا.
مەملەكەتتىك دەنساۋلىق ساقتاۋ، سالاماتتىق كوميتەتىنىڭ قاتىستى جاۋاپتىسى مىنالاردى ءبىلدىردى: ىندەتتەن ساقتانۋ - تىزگىندەۋدىڭ ”جۇڭگو تاجىريبەسى“ ەلىمىز حالىق بۇقاراسىنىڭ ءومىرى مەن سالاماتتىعىن قامتاماسىز ەتتى. كوز الدا اناعۇرلىم ءونىمدى، اناعۇرلىم باعىتتامالى شارالاردى باتىل قولدانىپ، ءىشىنارا وڭىرلەردەگى شوعىرلى ىندەت جاعدايىن جەدەل، ءونىمدى تىزگىندەۋگە كۇش سالىپ، حالىق تۇرمىسى مەن ەكونوميكالىق، قوعامدىق دامۋعا تاماشا ورتا ازىرلەۋ كەرەك.
جيلين قالاسى چاڭ - ي رايونى شيڭحۋا ءمالىسى جۇڭشيڭ الەۋمەتتىك اۋماعى پارتيا باس ياچەيكاسىنىڭ شۋجيى چىن شياۋحۇڭ بىلاي دەدى: قانشالىقتى قيىن بولعان سايىن، سونشالىق تاباندى بولۋ كەرەك، ءار كۇنى قىزمەت وتە اۋىر بولعانىمەن، ىندەتكە قارسى اتتانۋدىڭ ەڭ سوڭعى جەڭىسىنە قول جەتكىزۋگە سەنىمىمىز كامىل.
ستراتەگيالىق ءتيىمدى شارت - جاعدايدان ويداعىداي پايدالانۋدا باسىمدىقتى ساۋلەلەندىرىپ، شىنايى يگەرىپ، ناقتى ىستەپ، ىنتىماقتاسا كۇرەس جۇرگىزىپ، بولاشاققا بەت الۋ كەرەك −
قىستاق جولى كەڭ دە تازا، لانحۋا گۇلىنىڭ حوش ءيىسى اڭقىپ تۇرعان جىجياڭ ولكەسى شاۋشيڭ قالاسى كىچياۋ رايونى ليجۋ قالاشىعى تاڭدي قىستاعىنا بارعاندا كەزىندەگى كەدەي تاۋلى قىستاقتىڭ بۇگىن گۇلمەن بايۋدىڭ ”ينتەرنەت جۇلدىزى قىستاعىنا“ اينالعانىنا تاڭداي قاقپاي تۇرا المايسىز.
قىستاق پارتيا باس ياچەيكاسىنىڭ شۋجيى ليۋ جيانميڭ تاڭدي قىستاعىنىڭ الداعى 5 جىلداعى دامۋ جوباسىن سۋرەتتەدى: جالپى 8 ميلليون 100 مىڭ يۋان قارجى قوسىپ، سيفرلى تەحنيكا ارقىلى لانحۋا كاسىپ سالاسىنا قۋات ۇستەپ، جىجياڭنىڭ ”پاراسات ەسىپ، گۇلدەي قۇلپىرعان“ ولكە دارەجەلى بولاشاق اۋىل - قىستاق ۇلگىسىن، ولكە دارەجەلى بىرگە اۋقاتتانۋدان ۇلگى كورسەتەتىن قىستاقتى تۇلعالايمىز.
ءداستۇرلى ەنەرگيادان تازا پايدالانۋدى تەزدەتۋ، تۋىندايتىن ەنەرگيانى بەلسەندى ورنالاستىرۋ، ەنەرگيا ۇنەمدەپ، جاراقسىز گازداردى شىعارۋدى ازايتۋ جوسپارىن جاساۋ... مەملەكەتتىك ەكى ءماجىلىس جابىلعاننان كەيىن، جەر - جەر، سالالار، قاتىستى كاسىپورىندار بەلسەنە ارەكەتتەنىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ جاڭا ورنالاستىرۋىنىڭ ناقتى تياناقتانۋىن ىلگەرىلەتتى.
”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن ىلگەرىلەتۋدە، ءسوز جوق، بۇكىل ەل ءبىر تۇتاس جۇيە بولۋعا تاباندى بولۋ كەرەك. الدىمەن جاڭاسىن ورناتىپ، سوڭىنان ەسكىسىن جويۋعا تاباندى بولىپ، ورنىقتى ىلگەرىلەتىپ، ۇزدىكسىز كۇش سالىپ، ۇزاق ۋاقىت ەڭبەك ەتۋ كەرەك. ءبىز كومىر قىشقىل گازىنىڭ شىعارىلۋىن شىرقاۋ شەگىنە جەتكىزۋمەن اينالىسپايمىز، كومىر قىشقىل گازىن قوزعالىستى ازايتۋعا دا بوي ۇرمايمىز، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن پارمەندى، ءتارتىپتى، ءونىمدى ىلگەرىلەتەمىز“، - دەدى حى ليفىڭ.
اناعۇرلىم پارمەندى شارا قولدانىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، كوپ تاراۋ سەلبەسىپ كۇش شىعارىپ، قيىنشىلىعى بار بۇقاراعا قامتاماسىزدىق ازىرلەپ، ءبىلىم مەنشىك ۇقىعىن قورعاۋدى كۇشەيتىپ، تۇقىم كاسىبىندە عىلىم - تەحنيكادا جاڭالىق اشۋدى ىلگەرىلەتتى... مەملەكەتتىك ەكى ءماجىلىستىڭ رۋحى اناعۇرلىم دالمە - ءدال، اناعۇرلىم ەگجەي - تەگجەيلى ناقتى ارەكەتتەرگە اينالىپ، جەر - جەردىڭ تاسقىنداعان قايراتى مەن اسقاق جىگەرىندە ۇزدىكسىز ناقتى، ەگجەي - تەگجەيلى تياناقتاندىرىلۋدا.
”100 جىلدىق وزگەرىس پەن عاسىرلىق ىندەت قاباتتاسقان تاريحي كەزەڭدە ’بەس ستراتەگيالىق ءتيىمدى شارت - جاعدايدى‘ يگەرۋ ءبىزدىڭ تاريحي ىرىقتىلىق رۋحىن ساۋلەلەندىرىپ، اناعۇرلىم بەكەم، سەرگەك تاريحي سەنىممەن، تاريحي سانالىلىقپەن ەكپىندەي العا تارتىپ، دامۋدىڭ ىرىقتىلىق ۇقىعىن مىقتاپ يگەرۋىمىزگە ءتيىمدى“، - دەدى شۇي شيانچۇن.
”سەنىمدى، ءوزىن الۋەتتەندىرەتىن رۋحاني كۇش“ − بۇل جۇڭگونىڭ ۇلى دامۋ جەتىستىكتەرىنە قول جەتكىزۋىندەگى قۇپيا سيفرلاردىڭ ءبىرى عانا ەمەس، سونداي - اق جۇڭگو حالقىن ۇزدىكسىز كۇرەس جۇرگىزىپ، اناعۇرلىم زور كەرەمەتتەردى ۇزدىكسىز جاراتۋعا جىگەرلەندىرەتىن قوزعاۋشى كۇشكە اينالادى.
ءتيىمدى شارت - جاعدايدى يگەرىپ، تاريحي ورايدى مىقتى يگەرىپ، دامۋدىڭ ۇتىمدى ورايىنا قول جەتكىزدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىر ميلليارد 400 ميلليوننان استام جۇڭگو حالقى ىنتىماقتاسا كۇرەس جۇرگىزۋ بەينەسىمەن جويقىن كۇش ۇيىستىرىپ، ”ءتيىمدى شارت - جاعدايدان“ ويداعىداي پايدالانىپ، ”ءسوزسىز باسىپ وتەتىن جولدى“ ويداعىداي باسىپ، تاريحي ىرىقتىلىق رۋحىن ساۋلەلەندىرسە، جۇڭحۋا ۇلتىنىڭ ۇلى گۇلدەنۋىن كەرى قايتارۋعا بولمايتىن تاريحي بارىستا، ءسوز جوق، جۇرتتى تاڭ قالدىراتىن تىڭ دا اناعۇرلىم زور كەرەمەتتەردى ۇزدىكسىز جاراتادى.
(تىلشىلەر جاڭ شۇيدۇڭ، جاۋ چاۋ، حان جيە، ديڭ شياۋشي، يۇي جياشين، سۇن شاۋلۇڭ، تان موشياۋ)
(شينحۋا اگەنتتىگىنىڭ 3 - ايدىڭ 20 - كۇنى بەيجيڭنەن بەرگەن حابارى)
