شينحۋا اگەنتتىگىنىڭ 3 - ايدىڭ 20 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «عىلىم - تەحنيكا ەتيكاسىن باسقارۋدى كۇشەيتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ وڭىرلەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار اتاپ كورسەتىلدى: عىلىم - تەحنيكا ەتيكاسى − عىلمي زەرتتەۋ، تەحنيكالىق اشۋ سياقتى عىلىم - تەحنيكا قيمىلدارىن ورىستەتۋدە بويسۇنۋعا ءتيىستى قۇن ۇستانىمى مەن ارەكەت ولشەمى، عىلىم - تەحنيكا ىستەرىنىڭ اقاۋسىز دامۋىن جەبەۋدىڭ ماڭىزدى كەپىلى.
«پىكىردە» العا قويىلعان باسقارۋ تالابى: ەتيكانى الدىڭعى ورىنعا قويۋ، زاڭ، بەلگىلەمە بويىنشا ىستەۋ، يكەمدى باسقارۋ، مەملەكەت جاعدايىن تياناق ەتۋ، اشىق سەلبەسۋ.
«پىكىر» عىلىم - تەحنيكا ەتيكاسىنىڭ پرينسيبىن ايقىندادى، ول مىنالاردى قامتيدى: ادامزاتتىڭ قۇت - ىرىسىن ارتتىرۋ، ءومىر ءسۇرۋ ۇقىعىنا قۇرمەت ەتۋ، ادىلدىككە، تۋراشىلدىققا تاباندى بولۋ، حاۋىپ - قاتەرلەردى ۇيلەسىمدى تىزگىندەۋ، اشىق، جاريا بولۋدى ساقتاۋ.
«پىكىر» عىلىم - تەحنيكا ەتيكاسىن باسقارۋ ءتۇزىلىسىن اقاۋسىزداندىرۋدى تالاپ ەتتى، ول مىنالاردى قامتيدى: ۇكىمەتتىڭ عىلىم - تەحنيكا ەتيكاسىن باسقارۋ ءتۇزىلىسىن كەمەلدەندىرۋ، جاڭالىق اشۋ تۇلعالارىنىڭ عىلىم - تەحنيكا ەتيكاسىن باسقارۋداعى تۇلعالىق جاۋاپكەرشىلىگىن قاتايتۋ، عىلىم - تەحنيكا تۇرىندەگى قوعامدىق ۇيىمداردىڭ رولىن ساۋلەلەندىرۋ، عىلىم - تەحنيكا قىزمەتكەرلەرىن عىلىم - تەحنيكا ەتيكاسى تالاپتارىنا سانالىلىقپەن بويسۇنۋعا جەتەكتەۋ.
«پىكىر» عىلىم - تەحنيكا ەتيكاسىن باسقارۋدى تۇزىمدىك جاقتان قامتاماسىزداندىرۋدى كۇشەيتۋدى باسا دارىپتەدى، ول مىنالاردى قامتيدى: عىلىم - تەحنيكا ەتيكاسى جۇيەسى مەن ولشەمىن جاساۋ، كەمەلدەندىرۋ، عىلىم - تەحنيكا ەتيكاسىن تەكسەرۋ جانە باقىلاۋ - باسقارۋ ءتۇزىمىن ورناتۋ، عىلىم - تەحنيكا ەتيكاسىن باسقارۋدىڭ زاڭمەن باسقارىلۋ ورەسىن جوعارىلاتۋ، عىلىم - تەحنيكا ەتيكاسىن نازاريالىق جاقتان زەرتتەۋدى كۇشەيتۋ.
«پىكىر» عىلىم - تەحنيكا ەتيكاسىن تەكسەرۋ مەن باقىلاۋ - باسقارۋدى كۇشەيتۋدى ايقىندادى، ول مىنالاردى قامتيدى: عىلىم - تەحنيكا ەتيكاسىن تەكسەرۋدى قاتايتۋ، عىلىم - تەحنيكا ەتيكاسىن باقىلاۋ - باسقارۋدى كۇشەيتۋ، عىلىم - تەحنيكا ەتيكاسى حاۋىپ - قاتەرىن قاداعالاۋ، ساقتاندىرۋ، عىلىم - تەحنيكا ەتيكاسى جاعىنداعى زاڭعا قايشى، بەلگىلەمەگە قايشى ارەكەتتەردى قاتاڭ تەكسەرىپ ءبىر جايلى ەتۋ.
«پىكىر» تاعى عىلىم - تەحنيكا ەتيكاسى تاربيەسى مەن ۇگىتىن ىشكەرىلەي ورىستەتۋ جونىندە تالاپ قويدى، ول مىنالاردى قامتيدى: عىلىم - تەحنيكا ەتيكاسى تاربيەسىنە ءمان بەرۋ، عىلىم - تەحنيكا ەتيكاسى بويىنشا باۋلۋدىڭ مەحانيزمدەنۋىن ىلگەرىلەتۋ، عىلىم - تەحنيكا ەتيكاسى ۇگىتىن ويداعىداي يگەرۋ.