ورتالىق كوميتەت كەڭسەسى پىكىر باسىپ تاراتتى
پارتيا تاريحىن ۇيرەنۋ تاربيەسىنىڭ ۇدايىلانۋىن، ونىمدىلىگىنىڭ باياندى بولۋىن ىلگەرىلەتۋ كەرەك
شينحۋا اگەنتتىگىنىڭ 3 - ايدىڭ 21 - كۇنى بەيجيڭنەن بەرگەن حابارى. جاقىندا جۇڭگو كوممۋنيستىك پارتياسى ورتالىق كوميتەتى كەڭسەسى «پارتيا تاريحىن ۇيرەنۋ تاربيەسىنىڭ ۇدايىلانۋىن، ونىمدىلىگىنىڭ باياندى بولۋىن ىلگەرىلەتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«پارتيا تاريحىن ۇيرەنۋ تاربيەسىنىڭ ۇدايىلانۋىن، ونىمدىلىگىنىڭ باياندى بولۋىن ىلگەرىلەتۋ جونىندەگى پىكىردىڭ» تولىق مازمۇنى تومەندەگىدەي:
بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ 100 جىلدىق پارتيا تاريحىنىڭ جاڭا باستاماسىن تياناق ەتىپ، ىستەردى دامىتۋدىڭ جاڭا جاعدايىن اشۋدى كوزدە ۇستاپ جاساعان كەلەلى ستراتەگيالىق شەشىمى. وسى رەتكى ۇيرەنۋ تاربيەسى تاريحتى ۇيرەنۋ ارقىلى قاعيدانى ءتۇسىنۋ، تاريحتى ۇيرەنۋ ارقىلى سەنىمدى ارتتىرۋ، تاريحتى ۇيرەنۋ ارقىلى ءمورالدى اسقاقتاتۋ، تاريحتى ۇيرەنۋ ارقىلى ۇمتىلا ىستەۋ تالاپتارىن مۇقيات دايەكتىلەندىرىپ، ماڭىزدى ساياسي جەتىستىككە، نازاريالىق جەتىستىككە، امالياتتىق جەتىستىككە، تۇزىمدىك جەتىستىككە قول جەتكىزىپ، قالىڭ پارتيا مۇشەلەرى، كادرلار ءبىر رەت جان - جاقتى دا تەرەڭ ساياسي تاربيەدەن، يدەيالىق شىڭدالۋدان، رۋحاني سىننان ءوتىپ، بۇكىل پارتيانىڭ تاريحي سانالىلىعى، تاريحي سەنىمى بارىنشا كۇشەيىپ، پارتيانىڭ جاسامپازدىق قۋاتى، ۇيىستىرۋ قۋاتى، جاۋىنگەرلىك قۋاتى بارىنشا جوعارىلاپ، پارتيا تاريحىن ۇيرەنۋ، يدەيانى ءتۇسىنۋ، ناقتى ءىس ىستەۋ، جاڭا جاعداي اشۋ ماقساتى ورىندالدى. بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىنىڭ رۋحىن ىشكەرىلەي ۇيرەنۋدى، دايەكتىلەندىرۋدى ونان ارى ىلگەرىلەتىپ، پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، پارتيانىڭ 100 جىلدىق كۇرەسىنىڭ كەلەلى جەتىستىكتەرىنەن جانە تاريحي تاجىريبەلەرىنەن اناعۇرلىم ويداعىداي پايدالانىپ، اقىل - پاراساتتى ارتتىرىپ، ىنتىماقتى نىعايتىپ، سەنىمدى ءوسىرىپ، كۇرەس جىگەرىن كۇشەيتىپ، اناعۇرلىم بەكەم، سانالى تۇردە اۋەلگى ماقساتتى، بورىشتى ەستە بەرىك ساقتاپ، دامۋ جاڭا جاعدايىن اشىپ، جاڭا ەمتيحان تاپسىرۋ جولىندا جاقسى ناتيجەگە يە بولۋ ءۇشىن، پارتيا تاريحىن ۇيرەنۋ تاربيەسىنىڭ ۇدايىلانۋىن، ونىمدىلىگىنىڭ باياندى بولۋىن ىلگەرىلەتۋ جونىندە تومەندەگى پىكىردى ورتاعا قويدىق.
ءبىرىنشى، تاريحي سەنىمدى بەكەمدەۋدى كوزدە ۇستاپ، قاجىماس تاباندىلىقپەن پارتيا تاريحىن ۇيرەنۋدى ءسوزسىز وقىتىلاتىن ساباق، ۇنەمى وقىتىلاتىن ساباق ەتۋ. باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن ىشكەرىلەي ۇيرەنىپ، ودان پارتيانىڭ 100 جىلدىق كۇرەسىنىڭ تاريحي قۇنىن جانە پارتيا تاريحىن ۇيرەنۋدىڭ ءتۇبىرلى ماقساتىن، نەگىزگى تالابىن، عىلمي پوزيتسياسىن تەرەڭ ءتۇسىنىپ، پارتيا تاريحىن ۇيرەنۋدىڭ، پارتيا تاريحىن قولدانۋدىڭ يدەيالىق سانالىلىعى مەن ارەكەت سانالىلىعىن ىشكەرىلەي كۇشەيتۋ كەرەك. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى ءتۇيىن ەتىپ، پارتيا تاريحىن قورىتىندىلاۋدى، ۇيرەنۋدى، ول جونىندەگى تاربيەنى، ۇگىتتى تاباندىلىقپەن ىلگەرىلەتىپ، تاريحتى ۇيرەنۋ ارقىلى قاعيدانى ءتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ءمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى ىشكەرىلەي ورىنداۋ كەرەك. پارتيانىڭ ءۇشىنشى تاريحي قارارىن قاز - قالپىندا ۇيرەنىپ، پارتيانىڭ 100 جىلدىق كۇرەسىنىڭ شۇعىلالى بەلەسىن جەتە يگەرىپ، جەتە ءتۇسىنىپ، پارتيانىڭ اۋەلگى ماقساتتان، بورىشتان اينىماعان قايسار كۇرەسىن جەتە ۇيرەنىپ، جەتە ءتۇسىنىپ، پارتيانىڭ 100 جىلدىق كۇرەسىنىڭ تاريحي ماڭىزى مەن تاريحي تاجىريبەسىن جەتە ۇيرەنىپ، جەتە ءتۇسىنىپ، تاريحتى اينا ەتىپ، بولاشاققا جول اشۋ ماڭىزدى تالابىن جەتە ۇيرەنىپ، جەتە ءتۇسىنىپ، اسىرەسە، پارتيا 18 - قۇرىلتايىنان بەرگى پارتيا مەن مەملەكەت ىستەرىندە قول جەتكەن تاريحي تابىستاردى، تۋىلعان تاريحي وزگەرىستەردى تەرەڭدەي ءتۇسىنىپ، جاڭا داۋىردەگى ءتول جاسامپاز يدەيالاردى، بۇرىلىستىق امالياتتى، سەرپىلىستىك ىلگەرىلەۋشىلىكتى، نىشاندىق جەتىستىكتەردى تەرەڭدەي ءتۇسىنىپ، تاريحي ۇردىسكە دەگەن تانىمدى، تاريحي زاڭدىلىقتى يگەرۋدى، تاريحي اقىل - پاراساتتى قولدانۋدى ۇزدىكسىز تەرەڭدەتۋ كەرەك. پارتيانىڭ تاريحي تاجىريبەلەرىن جاعدايعا دۇرىس تۇجىرىم جاساۋداعى، بولاشاقتى عىلمي بولجاۋداعى، تاريحي ىرىقتىلىقتى يگەرۋدەگى ماڭىزدى يدەيالىق قارۋ ەتۋگە، ماسەلەگە وي جۇگىرتۋدەگى، شەشىم جاساۋداعى، ءىس ىستەۋدەگى ماڭىزدى بويسۇنۋ ولشەمى ەتۋگە، كەلەلى ساياسي دۇرىس پەن بۇرىسقا تۇجىرىم جاساۋداعى ماڭىزدى دايەك ەتۋگە، پارتيالىلىق جەتىلىمدى كۇشەيتۋدەگى ماڭىزدى جەتەكشىلىك ەتۋگە تاباندى بولۋ كەرەك. تاريحي تانىمدى كۇشەيتىپ، دۇرىس پارتيا تاريحى كوزقاراسىن اناعۇرلىم ىشكەرىلەي، اناعۇرلىم كەڭ كولەمدە ورناتۋدى ىلگەرىلەتىپ، دۇرىس تاريحتى بۇكىل پارتيانىڭ، بۇكىل قوعامنىڭ ورتاق تانىمىنا اينالدىرىپ، قالىڭ پارتيا مۇشەلەرىن، كادرلاردى جانە جالپى حالىقتى، اسىرەسە، قالىڭ جاستاردى پارتيانىڭ 100 جىلدىق كۇرەسىنەن ءبىزدىڭ بۇرىن نەلىكتەن تابىسقا جەتە العانىمىزدى ايقىن كورىپ، بولاشاقتا ءبىزدىڭ قايتكەندە عانا ۇزدىكسىز تابىسقا جەتە الاتىندىعىمىزدى ايقىن ءتۇسىنىپ، پارتيانىڭ تاريحي دامۋىنىڭ نەگىزگى تاقىرىبىن، نەگىزگى جەلىسىن، نەگىزگى ءمانىن اناعۇرلىم ويداعىداي يگەرىپ، تاريحي سەنىمدى بەكەمدەپ، تاريحي ەستەلىكتى بەرىك ورناتىپ، نىق سەنىممەن العا ىلگەرىلەۋگە تاربيەلەۋ كەرەك. پارتكوم (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ باستاماشىلدىق رولىن ساۋلەلەندىرىپ، پارتيا تاريحىن ۇيرەنۋدى ۇدايىلاندىرىلاتىن مازمۇن رەتىندە وعان ءسىڭىرىپ، ارناۋلى تاقىرىپتىق ۇيرەنۋدى، ارناۋلى تاقىرىپتىق زەرتتەۋ - تالقىنى ۇدايى ورىستەتىپ، باسشىلىق القانىڭ، باسشى كادرلاردىڭ پارتيا تاريحىن باستاماشىلدىقپەن ۇيرەنۋىن، پارتيا تاريحىن ۇنەمى ۇيرەنۋىن ىلگەرىلەتۋ كەرەك. كادرلاردى تاربيەلەۋ، باۋلۋ مەحانيزمىنىڭ رولىن ساۋلەلەندىرىپ، اسىرەسە، جاس كادرلاردىڭ ەسەيۋ كەشىرمەلەرىمەن جانە يدەيالىق ءىس جۇزىندىگىمەن ۇشتاستىرىپ، پارتيا تاريحى تاربيەسى ساباقتارىن ىشكەرىلەي تولىقتىرۋ، پارتيا تاريحى تاربيەسىنىڭ فورماسىن بايىتۋ، پارتيا تاريحى وقىتۋىنىڭ ساپاسىن جوعارىلاتۋ كەرەك. مەكتەپتەردەگى يدەيا - ساياسي ساباق سىندى ارنادان ويداعىداي پايدالانىپ، پارتيا تاريحىنىڭ وقىتۋ ماتەريالدارىنا، ساباقحاناعا اناعۇرلىم ويداعىداي كىرۋىن، وي - ساناعا ۇيالاۋىن ىلگەرىلەتىپ، پارتيا تاريحىنىڭ ونەگە كورسەتىپ ادام تاربيەلەۋدەي ماڭىزدى رولىن ويداعىداي ساۋلەلەندىرۋ كەرەك. پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى ۇگىت - تاربيەسىن ۇزدىكسىز ويداعىداي يگەرىپ، بۇقارالىق مادەنيەت قيمىلدارى مەن رۋحاني وركەنيەتتى ورىن قۇرۋعا ءسىڭىرىپ، جاڭا ءداۋىر وركەنيەتى اماليات ورتالىعى، اۋدان دارەجەلى توعىسپالى اقپارات قۇرالى ورتالىعى سياقتى تۇعىرلاردان ويداعىداي پايدالانىپ، نەگىزگى ساتىنىڭ ءىس جۇزىندىگىنە ۇيلەسەتىن ۇيرەنۋ تاربيەسى قيمىلدارىن ورىستەتىپ، بۇكىل قوعامدى تاريحتى اناعۇرلىم ويداعىداي ءبىلىپ، پارتيانى سۇيۋگە، تاريحتى اناعۇرلىم ءبىلىپ، وتاندى سۇيۋگە جەتەكتەۋ كەرەك. پارتيا تاريحى ۇگىتىن كەلەلى نەگىزگى تاقىرىپتىق ۇگىتتەرگە ءسىڭىرىپ، بەتالىستى دۇرىس، ساپاسى سىننان وتكەن، فورماسى جاندى پارتيا تاريحى تاقىرىبىنداعى تۋىندىلاردى ۇزدىكسىز شىعارىپ، باۋرامدىلىعى كۇشتى، اسەرلەندىرۋ كۇشى مىعىم توعىسپالى اقپارات قۇرالى ونىمدەرىن جاسامپازدىقپەن جاساپ شىعۋ كەرەك. پارتيا تاريحىن زەرتتەۋدى تەرەڭدەتىپ، پارتيا تاريحى ءپان قۇرىلىسىن كۇشەيتىپ، كاسىبي زەرتتەۋ قۇرىلىمدارىنىڭ، زەرتتەۋ كۇشتەرىنىڭ رولىن ساۋلەلەندىرىپ، جوعارى ساپالى زەرتتەۋ جەتىستىكتەرىن ۇزدىكسىز شىعارىپ، پارتيا تاريحىن ۇيرەنۋ تاربيەسىنىڭ ۇدايىلانۋىن، ونىمدىلىگىنىڭ باياندى بولۋىن ىلگەرىلەتۋگە پارمەندى عىلمي قاعيدا تىرەگىن ازىرلەۋ.
ەكىنشى، نازاريالىق سانالىلىقتى كۇشەيتۋدى كوزدە ۇستاپ، قاجىماس تاباندىلىقپەن شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋ. پارتيا تاريحىن ۇيرەنىپ، يدەيانى ءتۇسىنۋ نەگىزگى تالابىن ىشكەرىلەي دايەكتىلەندىرىپ، ماركسيزمدى جۇڭگوشالاندىرۋدىڭ 100 جىلدىق بەلەسىنەن يدەيانىڭ ۇلى كۇشىن تەرەڭ ۇعىنىپ، جۇڭگو كوممۋنيستىك پارتياسى نە ءۇشىن ىسكەر، جۇڭگوشا سوتسياليزم نە ءۇشىن جاقسى، تۇپتەپ كەلگەندە، ماركسيزمنىڭ جارامدى بولعاندىعىندا؛ ماركسيزمنىڭ جارامدى بولاتىندىعى پارتيانىڭ ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتكەندىگىندە ءارى ونى قولدانىپ امالياتقا جەتەكشىلىك ەتكەندىگىندە ەكەندىگىن جەتە تانۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى بارىنەن ماڭىزدى ورىنعا قويۋعا تاباندى بولىپ، قالىڭ پارتيا مۇشەلەرىن، كادرلاردى وسى ماڭىزدى يدەيانىڭ ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋعا تاباندى بولعاندىعىن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولعاندىعىن، ونىڭ زامانىمىزداعى جۇڭگو ماركسيزمى، 21 - عاسىر ماركسيزمى ەكەندىگىن، جۇڭحۋا مادەنيەتى مەن جۇڭگو رۋحىنىڭ ءداۋىر جاۋھارى ەكەندىگىن، ماركسيزمنىڭ جۇڭگوشالانۋىنىڭ تىڭ شارىقتاۋىن جۇزەگە اسىرعاندىعىن جەتە تانۋعا؛ وسى ماڭىزدى يدەيانىڭ جۇڭگو ساۋالىنا، دۇنيە ءجۇزى ساۋالىنا، حالىق ساۋالىنا، ءداۋىر ساۋالىنا عىلمي جاۋاپ بەرگەندىگىن جەتە تانۋعا؛ وسى ماڭىزدى يدەيانىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ءبىر تۇتاس باسشىلىق ەتۋ رولىن، جۇڭگو ۇلگىسىندەگى وسىزامانداندىرۋ جولىمەن ويداعىداي جۇرۋگە جەتەكشىلىك ەتۋ رولىن، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قۇرۋعا جەتەكشىلىك رولىن جەتە ۇعىنۋعا جەتەكتەۋ كەرەك. ءتۇپ نۇسقانى وقۋعا، اۋەلگى ماتىننەن ۇيرەنۋگە، قاعيداسىن تۇسىنۋگە، اسىلگى ءمانىن بىلۋگە تاباندى بولىپ، جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىندا كۇش سالۋعا تاباندى بولىپ، يدەيالىق ءىس جۇزىندىكپەن، قىزمەت ءىس جۇزىندىگىمەن بايلانىستىرۋعا تاباندى بولىپ، باس شۋجي شي جينپيڭنىڭ ماڭىزدى شىعارمالارىن ىشكەرىلەي ۇيرەنىپ، باس شۋجي شي جينپيڭنىڭ ەڭ جاڭا ماڭىزدى سوزدەرىنىڭ رۋحىن ىلەسىپ ۇيرەنىپ، جالپى تۇلعالىق جاقتان جۇيەلى يگەرۋگە ءمان بەرۋمەن بىرگە، ارناۋلى تاقىرىپقا، سالاعا ءبولىپ ىشكەرىلەي ءتۇسىنىپ، شىنايى دا تەرەڭ سەنۋدى، جەتە ءتۇسىنىپ قولدانۋدى، تالىقپاي ارەكەتتە اتقارۋدى ورىنداۋ كەرەك. يدەيانى ازات ەتۋگە، شىندىقتى ءىس جۇزىنەن ىزدەۋگە، تۋراشىلدىقتى ساقتاپ جاڭالىق اشۋعا تاباندى بولىپ، پارتيا مەن مەملەكەت ىستەرى دامۋىنىڭ جالپى جاعدايىنا ساياتىن ستراتەگيالىق ماسەلەلەردى ىشكەرىلەي زەرتتەپ، ءتۇسىندىرىپ، تەرەڭ قاتپارلى يدەيالىق، تانىمدىق ماسەلەلەرگە، ەلەۋلى رەال ماسەلەلەرگە، قوعامداعى قولامتالى، قيىن ءتۇيىندى ماسەلەلەرگە ۇزدىكسىز جاۋاپ بەرىپ، اناعۇرلىم كوپ قۇندى زەرتتەۋ جەتىستىكتەرىن قالىپتاستىرىپ، تياناقتى نازاريالىق زەرتتەۋدى نازاريامەن قارۋلانۋعا تىرەك ەتۋ كەرەك. وبيەكتىلەنگەن، قابىلداۋشىعا بولىنگەن نازاريالىق ۇگىتتى كۇشەيتىپ، جاڭا اقپارات قۇرالدارىنان، جاڭا تۇعىرلاردان ويداعىداي پايدالانىپ، اناعۇرلىم كوپ ۇعىنىقتى نازاريالىق وقۋلىقتاردى شىعارىپ، جاڭا داۋىردەگى پارتيانىڭ جاسامپاز نازارياسىنىڭ عىلمي قاعيداسىن، فيلوسوفيالىق قاعيداسىن، جول - جوسىنىن، ءجون - جوسىعىن ويداعىداي بايانداۋ كەرەك. باسشى كادرلاردىڭ باستاماشىلدىقپەن ۇيرەنۋىن، قالىڭ پارتيا مۇشەلەرىنىڭ ىلەسىپ ۇيرەنۋىن، تۇتاس قوعامنىڭ كەڭىنەن ۇيرەنۋىن ىلگەرىلەتىپ، بۇكىل پارتيانىڭ ماركسيزم نازارياسى ساپاسىن ۇزدىكسىز جوعارىلاتىپ، قالىڭ كادرلاردىڭ، بۇقارانىڭ يدەيالىق ساناسىن جوعارىلاتىپ، پارتيانىڭ جاسامپاز نازارياسىمەن بۇكىل پارتيانى ويداعىداي قارۋلاندىرىپ، حالىقتى ۇيىستىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ مىندەتتەرىن تياناقتاندىرۋ كەرەك.
ءۇشىنشى، ساياسي قابىلەتتى جوعارىلاتۋدى كوزدە ۇستاپ، ”ەكىنى تۇراقتاندىرۋدىڭ“ شەشۋشى ماڭىزىن قاجىماس تاباندىلىقپەن ءتۇسىنۋ، ”ەكىنى قورعاۋ“ وسكەلەڭ سانالىلىعىن باتىل ورىنداۋ. پارتيا تاريحىن ۇيرەنۋدى ۇدايىلاندىرۋ، ونىمدىلىگىنىڭ باياندى ەتۋ بارىسىن ساياسي تانىمدى كۇشەيتۋ، پارتيالىلىق شىڭدالۋدى كۇشەيتۋ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ بارىسى ەتىپ، قالىڭ پارتيا مۇشەلەرىن، كادرلاردى تۋى ايقىن تۇردە ساياسيدى دارىپتەۋ − پارتيامىزدىڭ ماركسيزمدىك ساياسي پارتيا رەتىندەگى ءتۇبىرلى تالابى، پارتيانىڭ ىنتىماعىنا، بىرلىگىنە كەپىلدىك ەتۋ − پارتيانىڭ جانى ەكەندىگىن تەرەڭ تانۋعا؛ پارتيا 18 - قۇرىلتايىنان بەرى پارتيا مەن مەملەكەت ىستەرىندە تاريحي سيپاتتى تابىسقا قول جەتكىزۋى، تاريحي وزگەرىس تۋىلۋى، تۇپتەپ كەلگەندە، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە رول ۇستاپ، جول باستاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى ەكەندىگىن تەرەڭ تانۋعا جەتەكتەۋ كەرەك. ءار دارەجەلى پارتيا ۇيىمدارىنىڭ پارتيانىڭ ىشكى ساياسي تۇرمىسىنىڭ ساپاسىن ۇزدىكسىز جوعارىلاتۋىن ىلگەرىلەتىپ، دەموكراتيالىق تۇرمىس جيىنى، ۇيىمدىق تۇرمىس جيىنى، ”ءۇش جيىن، ءبىر ساباق“، نەگىزگى تاقىرىپتىق پارتيا كۇنى، پارتياعا كىرۋ سەرتىن قايتا پىسىقتاۋ، ”ساياسي تۋعان كۇن“ وتكىزۋ سياقتىلار ارقىلى قالىڭ پارتيا مۇشەلەرىن، كادرلاردى پارتيا تانىمىن، پارتيا مۇشەسى تانىمىن كۇشەيتىپ، پارتيانىڭ جالپى بەتتىك باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ ءبىزدىڭ ءتۇبىرلى ساياسي ابزالدىعىمىز ەكەندىگىن تەرەڭ تانىپ، ”ەكىنى تۇراقتاندىرۋدىڭ“ شەشۋشى ماڭىزىن اناعۇرلىم ءتۇسىنىپ، باستان - اياق ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا جەتەكتەۋ كەرەك. پارتياعا ادال بولۋ تاربيەسىن كۇشەيتىپ، پارتياعا ادال بولۋدى، ”ەكىنى قورعاۋدى“ ورىنداۋدى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ ارەكەتىندە ايگىلەپ، مىندەت وتەپ، جاۋاپكەرشىلىكتى ادا ەتۋدىڭ، ءوز مىندەتىندەگى قىزمەتتى ويداعىداي ىستەۋدىڭ ناقتى ونىمدىلىگى جاعىندا، پارتيا مۇشەلەرىنىڭ، كادرلاردىڭ كۇندەلىكتى ءسوز - ارەكەتىندە ايگىلەپ، پارتيانىڭ نازارياسى مەن لۋشيان، باعىت - ساياساتتارى بويىنشا سانالى تۇردە ولشەمگە، ۇلگىگە تۋرالانىپ، اعاتتىقتاردى دەر كەزىندە دۇرىستاپ، پارتيا ورتالىق كوميتەتى جاساعان ستراتەگيالىق شەشىمدەردى، ءسوز جوق، باتىل اتقارىپ، باعداردان اۋىتقىماۋعا، ءتۇسىن تۇرلەندىرمەۋگە، فورماسىن وزگەرتپەۋگە شىنايى كەپىلدىك ەتۋ كەرەك. ساياسي قابىلەتتى جەتىلدىرۋدى جانە ساياسي امالياتقا توسەلۋدى كۇشەيتىپ، ساياسي جاقتان جاعدايدى تۇجىرىمداۋعا، ماسەلەگە تالداۋ جاساۋعا شەبەر بولىپ، ”مەملەكەتتىڭ زور ءىسىن“ ەستە بەرىك ساقتاپ، بارلىعىن كەلەلى جاعداي تۇرعىسىنان ويلانىپ، بارلىعىندا كەلەلى جاعداي استىندا ارەكەتتەنىپ، قىزمەت ىستەۋ، ناقتى ءىس تىندىرۋ ءىس جۇزىندىك ارەكەتى ارقىلى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ قابىلەتى مەن دەڭگەيىن جوعارىلاتۋ كەرەك.
ءتورتىنشى، باس ماقسات تانىمىن كۇشەيتۋدى كوزدە ۇستاپ، قاجىماس تاباندىلىقپەن بۇقارا ءۇشىن ناقتى ءىس تىندىرۋ، يگى ءىس ىستەۋ. حالىقتى وزەك ەتكەن دامۋ يدەياسىن ىشكەرىلەي امالياتتا ايگىلەپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلدارىنىڭ جەتىستىگىن بەكەمدەپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرۋ كەرەك. نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن جانە پارتيا مۇشەلەرىنىڭ اۋانگاردتىق، ۇلگىلىك رولىن ساۋلەلەندىرىپ، بۇقارانى مازالاعان ىستەردى، الاڭداتقان ىستەردى، ۋايىمداتقان ىستەردى زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ شەشىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك. حالىق تۇرمىسى نىساندارى ءتىزىمىن تياناقتاندىرۋ، ساياسات - شارالاردى ناقتىلاندىرۋ نەگىزىندە قىزمەت ءتارتىبىن ارناعا ءتۇسىرۋدى، جاسامپاز ادىستەردى تۇزىمدەندىرۋدى، كەمەلدى تاجىريبەلەردى مەحانيزمدەندىرۋدى ىلگەرىلەتىپ، حالىق تۇرمىسى ماسەلەلەرىن شەشۋ ءتۇزىلىسىن، مەحانيزمىن كەمەلەندىرۋ كەرەك. ولكەلىك، قالالىق، اۋداندىق پارتكومدار مەن ۇكىمەتتەردىڭ باسشىلىق القاسى ءىس جۇزىندىكتى تياناق ەتىپ، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى، اۋىل - قىستاقتى گۇلدەندىرۋدى جاپپاي ىلگەرىلەتۋدى ارقاۋ ەتىپ، قالا، اۋىلداردىڭ الەۋمەتتىك قىزمەت وتەۋىن كۇشەيتۋدى، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن شەشۋدى ارقاۋ ەتىپ، قيىنشىلىعى بار بۇقارانىڭ ءىس جۇزىندىك ماسەلەسىن شەشۋدى ارقاۋ ەتىپ، حالىق تۇرمىسى ناقتى ىستەرىنىڭ جىلدىق جوسپارىن جاساۋ ءارى تياناقتانۋىن قاداعالاي ويداعىداي يگەرۋ كەرەك. اۋدان، باسقارما دارەجەلىدەن جوعارى پارتيا، ۇكىمەت ورىندارىنىڭ باسشىلىق القا مۇشەلەرى نەگىزگى ساتى بايلانىس ءتۇيىنىن ورناتىپ، نەگىزگى ساتىنى مەرزىم سايىن ىشكەرىلەي ارالاپ قوعامدىق جاعدايدى، حالىق رايىن ۇعىسۋ، ءىس جۇزىندىك قيىنشىلىقتاردى شەشۋ كەرەك. ءار دارەجەلى پارتيا ۇيىمدارى ەرىكتى قىزمەت وتەۋدى بەلسەنە ۇيىمداستىرىپ، ورىستەتىپ، پارتيا مۇشەلەرىن، كادرلاردى قىزمەت ورنىنا نەمەسە تۇرعان جەرىنە بارىپ، تاسقىنداعان ىنتامەن بۇقارا ءۇشىن ناقتى ءىس تىندىرۋعا، قيىن ىستەردى شەشۋگە شابىتتاندىرىپ جانە جەتەكتەپ، حالىقتى باقىتقا كەنەلتۋ بارىسىندا بۇقارانىڭ پارتيا مۇشەلەرىنىڭ، كادرلاردىڭ ستيلىندەگى تىڭ جاڭارۋدى، بەت - بەينەسىندەگى جاڭا وزگەرىستى كورە الۋىنا مۇمكىندىك جاساۋ كەرەك. فورماشىلدىققا، تورەشىلدىككە باتىل قارسى تۇرىپ، قۇرعاق ۋادە بەرمەي، نەگىزگى ساتىنىڭ اۋىرتپالىعىن ارتتىرماي، ”سايقالدىق ىستەۋدەن“، ”تۇبەكتىك كورىنىس جاساۋدان“ ساقتانىپ، حالىق ءۇشىن بولاتىن، حالىققا پايدالى بولاتىن، حالىققا تيىمدىلىك جاسايتىن ناقتى ناتيجەگە كوبىرەك جەتۋ كەرەك.
بەسىنشى، اسقاق ەرىك - جىگەردى تاسقىنداتۋدى كوزدە ۇستاپ، پارتيا قۇرۋ ۇلى رۋحىن قاجىماس تاباندىلىقپەن اسقاقتاتۋ. پارتيا قۇرۋ ۇلى رۋحىن اسقاقتاتۋدى پارتيا تاريحىن ۇيرەنۋ تاربيەسىنىڭ ۇدايىلانۋىن، ونىمدىلىگىنىڭ باياندى بولۋىن ىلگەرىلەتۋدەگى ماڭىزدى مىندەت ەتۋگە، پارتيانىڭ ىشكى ساياسي مادەنيەتىن جەتىلدىرۋدەگى ماڭىزدى مازمۇن ەتۋگە، سوتسياليستىك وزەكتى قۇن كوزقاراسىن امالياتتا ايگىلەۋدەگى ماڭىزدى تۇتقا ەتۋگە تاباندى بولىپ، پارتيا مۇشەلەرىنىڭ، كادرلاردىڭ ۇيرەنۋ تاربيەسىنىڭ كۇندەلىكتى جاعدايىمەن توعىستىرىپ، ءىس تىندىرىپ، ناتيجە شىعارۋدىڭ جايشىلىقتاعى جاعدايىندا ايگىلەپ، ادامعا كوز جەتكىزۋدى، ىسكە كوز جەتكىزۋدى، رۋحتى ايگىلەۋدى ورىنداۋ كەرەك. توڭكەرىستىك ءداستۇر تاربيەسىن كۇشەيتىپ، جۇڭگو كوممۋنيستىك پارتياسى تاريحى كورمەسى سىندى وسى رۋحاني سارايدان ويداعىداي پايدالانىپ، توڭكەرىستىك ەسكى جۇرت، دەرەك، ەسكەرتكىش ساراي، مۇراجاي سياقتى قىزىل بايلىقتان ويداعىداي پايدالانىپ، توڭكەرىستىك قاھارمان قۇربانداردىڭ، ءداۋىر ونەگەلىلەرىنىڭ ۇلگىلىك، جەتەكشىلىك رولىن ساۋلەلەندىرىپ، ەلەۋلى مەرەكەلەردى جانە ەسكە ءتۇسىرۋ كۇندەرىن وراي ەتە نەگىزگى تاقىرىپتىق قيمىل ورىستەتىپ، قالىڭ پارتيا مۇشەلەرىن، كادرلاردى جۇڭگو كوممۋنيستەرىنىڭ رۋحاني شەجىرەسىنىڭ باي مازمۇنى مەن داۋىرلىك ءمانىن تەرەڭ ءتۇسىنىپ، قىزىل گەندى جالعاستىرۋعا، قىزىل قان تامىردى ۇلاستىرۋعا جەتەكتەۋ كەرەك. پارتيانىڭ داڭقتى ءداستۇرى مەن تاڭداۋلى ستيلى تاربيەسىن كۇشەيتىپ، ستيل قۇرىلىسىنىڭ باياندى مەحانيزمىن كەمەلدەندىرىپ، تاماشا ءداستۇردى جاڭا ساپارعا ەنگىزىپ، تاماشا ستيلدى جاڭا داۋىردە اسقاقتاتۋ كەرەك. جاعداي، ساياسات تاربيەسىن كۇشەيتىپ، ارناۋلى تاقىرىپتىق باۋلۋ، شوعىرلى ۇگىت لەكسيا، اقپارات قۇرالدارىندا تاراتۋ سياقتى كوپ ءتۇرلى فورمالاردان پايدالانىپ، حالىقارا، ەل ءىشى جاعدايىن دەر كەزىندە تەرەڭدەي ءتۇسىندىرىپ، پارتيا مەن ۇكىمەتتىڭ ساياساتتىق شارالارىن ءتۇسىندىرىپ، قالىڭ پارتيا مۇشەلەرىن، كادرلاردى ەلىمىزدىڭ قوعامدىق باستى قايشىلىعى مەن وزەكتى مىندەتىن دۇرىس تانۋعا جانە يگەرۋگە جەتەكتەپ، يدەيانى پارتيا ورتالىق كوميتەتىنىڭ عىلمي تۇجىرىمىمەن بىرلىككە كەلتىرىپ، ۇزدىكسىز العا باسۋ سەنىمىن ارتتىرۋ كەرەك. كۇرەس رۋحى تاربيەسىن كۇشەيتىپ، پارتيا تاريحىنان حاۋىپ - قاتەردى، سىن - سايىستى جەڭەتىن اقىل - پاراسات پەن كۇش - قۋات قابىلداۋعا باسا ءمان بەرىپ، جاڭا داۋىردەگى ۇلى اماليات بارىسىندا كۇرەس جاساۋ رۋحى مەن كۇرەس جاساۋ قابىلەتىن ۇزدىكسىز شىڭداپ، قالىڭ پارتيا مۇشەلەرىن، كادرلاردى تاريحي ىرىقتىلىق رۋحىن ساۋلەلەندىرىپ، قايشىلىققا، ماسەلەگە جانە قيىندىققا، سىن - سايىسقا باتىل توتە بەتپە - بەت كەلىپ، بەلسەندى تۇردە مىندەت وتەپ، جاۋاپكەرشىلىكتى ادا ەتىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، قايراتتانا ۇمتىلاتىن، ەنجارلىققا سالىنباي شىنايى اتقاراتىن باتىل ەرىك - جىگەردى ساقتاپ، پارتيا مەن حالىق ىستەرى ءۇشىن ادالدىقپەن ۇلەس قوسۋعا شابىتتاندىرۋ كەرەك.
التىنشى، اۋەلگى ماقساتتى، بورىشتى ماڭگى ساقتاۋدى كوزدە ۇستاپ، وزىنە ءوزى توڭكەرىس جاساۋدى قاجىماس تاباندىلىقپەن ىلگەرىلەتۋ. پارتيا تاريحىن ۇيرەنۋدى ۇدايىلاندىرۋدى، ونىمدىلىگىنىڭ باياندى بولۋىن اۋەلگى ماقساتتى، بورىشتى ۇزدىكسىز شىڭداۋدىڭ ماڭىزدى جولى، پارتيانىڭ وزىنە ءوزى توڭكەرىس جاساۋىن ىلگەرىلەتۋدىڭ ماڭىزدى تالابى ەتىپ، قالىڭ پارتيا مۇشەلەرىن، كادرلاردى جۇرەكتىلىكپەن وزىنە ءوزى توڭكەرىس جاساۋ − پارتيامىزدى باسقا ساياسي پارتيالاردان پارىقتاندىراتىن ايقىن بەلگىسى، پارتيامىزدىڭ تاريح پەريودىنان قالاي اتتاپ وتكەندىگىنە بەرىلگەن ءداۋىر جاۋابى ەكەندىگىن تەرەڭ تانۋعا جەتەكتەۋ كەرەك. جاڭا داۋىردەگى پارتيا قۇرىلىسىنىڭ باس تالابىن جالپى بەتتىك دايەكتىلەندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، ءتۇزىم قۇرىلىسىن مۇنىمەن ساباقتاستىرىپ، شىرىكتەسۋگە قارسى كۇرەستى ىشكەرىلەي ىلگەرىلەتىپ، پارتيانىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭارتۋ، ءوزىن جوعارىلاتۋ قابىلەتىن ۇزدىكسىز كۇشەيتۋ كەرەك. پارتيانىڭ وزىنە ءوزى توڭكەرىس جاساۋدى ىلگەرىلەتۋدەگى قۇندى تاجىريبەلەرىنەن ويداعىداي پايدالانىپ، ماركسيزمدىك ساياسي پارتيانىڭ قاسيەتىن ماڭگى ساقتاۋ امالياتتىق تالابىن مۇقيات امالياتتا ايگىلەپ، بيلىكتى كىم ءۇشىن جۇرگىزۋ، ۇقىقتى كىم ءۇشىن ىستەتۋ، مۇددەنى كىم ءۇشىن كوزدەۋ سىندى وسى ءتۇبىرلى ماسەلەدە وي - ساناسى ەرەكشە سەرگەك بولۋ، تۇرعىسى ەرەكشە بەرىك بولۋ كەرەك. ساياسي دەنساۋلىق تەكسەرۋدى ۇنەمىلىك ورىستەتىپ، يدەيالىق، ساياسي شاڭ - توزاڭدى سانالى تۇردە قاعىپ، سىن جانە ءوز - وزىنە سىندى بەلسەنە ورىستەتىپ، ساياسي يممۋنيتەتتىك قۋاتتى ۇزدىكسىز ارتتىرۋ كەرەك. ءار دارەجەلى باسشىلىق القاسى جانە باسشى كادرلار پارتيا ۆستاۋىمەن، پارتيا قاعيداسىمەن ۇنەمى سالىستىرىپ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سالىستىرىپ، حالىق بۇقاراسىنىڭ جاڭا تىلەگىمەن سالىستىرىپ، وزاتتارمەن، تيپتەرمەن، ماڭىنداعى ۇلگىلەرمەن سالىستىرىپ، ءوزىنىڭ ساياسي، يدەيا، ۇيىمدىق، ستيل، قابىلەت، پاكتىك سياقتى جاقتاردا ورىن تەۋىپ وتىرعان پارىقتارى مەن جەتەرسىزدىكتەرىن تەكسەرىپ تاۋىپ، تەرەڭ قاداعالاپ، بورشالاپ، رەتتەۋ - تۇزەتۋدى تياناقتاندىرۋدى مۇقيات ويداعىداي يگەرۋ كەرەك. پارتيالى باسشى كادرلاردى پارتيانىڭ ساياسي ءتارتىبى مەن ساياسي قاعيداسىن قاتاڭ ساقتاۋعا، پاك بولۋ، تەجەمدى بولۋ ولشەمىن، پارتيانىڭ ىشكى ساياسي تۇرمىسىنىڭ ءبىرقانشا ولشەمىن قاتاڭ اتقارۋعا، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ تياناقتاندىرۋعا، جاڭا داۋىردەگى پارتيانىڭ ۇيىمدىق لۋشيانىن مۇقيات دايەكتىلەندىرىپ، يمەنۋدى ءبىلىپ، جاسقانۋدى ءبىلىپ، تومەنگى شەكتى ساقتاپ، پارتياعا ادال بولۋ ۇلى ءمورالىن، حالىقتى باقىتقا كەنەلتۋ الەۋمەتتىك ءمورالىن، ءوزىن قاتاڭ تارتىپكە سالاتىن ءمورالدىق قاسيەتتى اسقاقتاتىپ، تىنباي ستيلدى يگەرۋگە، ستيلدى جاقسارتۋعا قۋزاۋ كەرەك.
پارتيا تاريحىن ۇيرەنۋ تاربيەسىنىڭ ۇدايىلانۋىن، ونىمدىلىگىنىڭ باياندى بولۋىن ىلگەرىلەتۋ − ماركسيزمدىك ۇيرەنۋگە قۇلىقتى ساياسي پارتيا قۇرۋدىڭ ۇزاق ۋاقىتتىق ماڭىزدى مىندەتى. ءار دارەجەلى پارتكومدار (پارتيا باسشىلىق گرۋپپاسى) ساياسي دەڭگەيدى جوعارىلاتىپ، تۇلعالىق جاۋاپكەرشىلىكتى تياناقتاندىرىپ، ۇيىمدىق باسشىلىقتى كۇشەيتىپ، ءتۇزىمدى، مەحانيزمدى كەمەلدەندىرىپ، پارتيا تاريحىن ۇيرەنۋ تاربيەسىنىڭ جەتىستىگىن اناعۇرلىم بەكەمدەۋ، كەڭەيتۋ كەرەك. باسشى كادرلار ۇيرەنۋدە الدا بولىپ، ۇلگى كورسەتىپ، پارتياعا تەرەڭ سۇيىسپەنشىلىكتە بولا وتىرىپ پارتيا تاريحىن ۇيرەنىپ، ىسكە كۇشتى جاۋاپكەرشىلىكتە بولا وتىرىپ پارتيا تاريحىن پايدالانىپ، ءبىر دارەجە ءبىر دارەجەنى جەتەكتەيتىن، بۇكىل پارتيا بىرگە ۇيرەنەتىن تاماشا جاعداي قالىپتاستىرۋ كەرەك. تۇرلىشە كاسىپتىڭ، تۇرلىشە سالانىڭ، تۇرلىشە شوعىردىڭ پارتيا تاريحىن ىشكەرىلەي ۇيرەنۋىنە ۇيلەسەتىن ادىستەردى، جولداردى بەلسەنە قاراستىرىپ، ءارى دالمە - ءدال، ءونىمدى قامتىپ، ءارى جالىندى دا جاندى ورىستەتىپ، پارتيا تاريحىن ۇيرەنۋدىڭ، پارتيا تاريحىن ءبىلۋدىڭ، پارتيا تاريحىنان پايدالانۋدىڭ بۇكىل قوعامدا سالتقا اينالۋىنا مۇمكىندىك جاساۋ كەرەك. پارتيا تاريحىن ۇيرەنۋ تاربيەسىنىڭ ۇدايىلانۋىن، ونىمدىلىگىنىڭ باياندى بولۋىن ىلگەرىلەتۋدى وزەكتى قىزمەتتى ويداعىداي ىستەۋمەن ۇشتاستىرىپ، پارتيا تاريحىن ۇيرەنۋ تاربيەسىنىڭ ناتيجەسىن ءىس تىندىرىپ، ناتيجە شىعارۋدىڭ قوزعاۋشى كۇشىنە، شاراسىنا جانە ناتيجەسىنە اينالدىرىپ، كوكىرەك تولى سەنىممەن جاڭا ساپاردا ەكپىندەي ىلگەرىلەپ، جاڭا داۋىردە ەڭبەك ءسىڭىرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الىپ، پارتيا مەن مەملەكەت ىستەرى دامۋىنىڭ جاڭا جاعدايىن ۇزدىكسىز اشۋ كەرەك.
