تيانشان تورى   ›   جاڭالىقتار   ›   ماڭىزدى حابارلار

ىزدەۋدى، قۇتقارۋدى بار كۇشپەن ۇيىمداستىرىپ، سوڭعى جۇمىستاردى ۇيلەسىمدى ءبىر جاقتى ەتىپ، حالىقتىق اۆياتسيا حاۋىپسىزدىگىندەگى كومەسكى كىناراتتاردى ءبىر - بىرلەپ تەكسەرۋدى كۇشەيتىپ، اۆياتسيا تاسىمالىنىڭ مۇلدە حاۋىپسىز بولۋىنا شىنايى كەپىلدىك ەتۋدى تالاپ ەتتى

شي جينپيڭ شىعىس اۆياتسيا سەرىكتەستىگى جولاۋشىلار ۇشاعىنىڭ قۇلاپ تۇسكەندىگى جونىندە ماڭىزدى نۇسقاۋ بەردى

ىزدەۋدى، قۇتقارۋدى بار كۇشپەن ۇيىمداستىرىپ، سوڭعى جۇمىستاردى ۇيلەسىمدى ءبىر جاقتى ەتىپ، حالىقتىق اۆياتسيا حاۋىپسىزدىگىندەگى كومەسكى كىناراتتاردى ءبىر - بىرلەپ تەكسەرۋدى كۇشەيتىپ، اۆياتسيا تاسىمالىنىڭ مۇلدە حاۋىپسىز بولۋىنا شىناي-ى كەپىلدىك ەتۋدى تالاپ ەتتى

لي كىچياڭ بەكىتۋ جاسادى

  شينحۋا اگەنتتىگىنىڭ 3 - ايدىڭ 21 - كۇنى بەيجيڭنەن بەرگەن حابارى. 3 - ايدىڭ 21 - كۇنى مولشەرمەن ساعات 14تەن 38 مينۋت وتكەندە، شىعىس اۆياتسيا سەرىكتەستىگىنىڭ MU5735 كەزەكشى ۇشاعى كۇنميڭنەن گۋاڭجوۋعا قاتىناۋ مىندەتىن وتەۋ بارىسىندا، گۋاڭشيدىڭ ۋجوۋ قالاسىنىڭ كەڭىستىگىندە حابارسىز كەتتى ءارى قۇلاپ ءتۇستى. ۇشاقتا 123 جولاۋشى، 9 ۇشاق قىزمەتكەرى بار.

  شىرعالاڭ تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ دەرەۋ ماڭىزدى نۇسقاۋ بەردى: شىعىس اۆياتسيا سەرىكتەستىگى MU5735 كەزەكشى ۇشاعىنىڭ شىرعالاڭعا ۇشىراعانىنان سۋىت حابار تاپتىم، شۇعىل جاعدايعا توتەپ بەرۋ مەحانيزمىن دەرەۋ ىسكە قوسىپ، ىزدەۋدى، قۇتقارۋدى بار كۇشپەن ۇيىمداستىرىپ، سوڭعى جۇمىستاردى ۇيلەسىمدى ءبىر جاقتى ەتۋ كەرەك. مەملەكەتتىك كەڭەس باسشى جولداستاردى سول ورىنعا سايكەستىرىپ ءبىر جايلى ەتۋگە جىبەرىپ، شىرعالاڭ سەبەبىن تەز ارادا تەكسەرىپ انىقتاپ، ءبىرى ارقىلى وزگەسىن تۇسپالداپ، حالىقتىق اۆياتسيا سالاسىنداعى حاۋىپسىزدىك كومەسكى كىناراتتارىن ءبىر - بىرلەپ تەكسەرۋدى كۇشەيتىپ، جاۋاپكەرشىلىكتى تياناقتاندىرۋدى مىقتاپ يگەرىپ، اۆياتسيا تاسىمالىنىڭ مۇلدە حاۋىپسىز بولۋىنا شىنايى كەپىلدىك ەتۋ، حالىقتىڭ ءومىرىنىڭ مۇلدە حاۋىپسىز بولۋىنا شىنايى كەپىلدىك ەتۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جاساپ، امان قالعانداردى بار كۇشپەن ىزدەستىرىپ، جارالانعانداردى مۇمكىندىكتىڭ بارىنشا قۇتقارىپ، ەمدەپ، سوڭعى جۇمىستاردى ۇيلەسىمدى ءبىر جاقتى ەتىپ، قازا بولعانداردىڭ وتباسىنداعىلاردى جۇباتۋ جانە ولارعا قىزمەت وتەۋدى ويداعىداي ىستەپ، شىندىقتى ءىس جۇزىنەن ىزدەپ، ينفورماتسيالاردى دەر كەزىندە، دۇرىس جاريالاپ، شىرعالاڭ سەبەبىن مۇقيات، قاتاڭ تەكسەرىپ انىقتاپ، پارمەندى شارالاردى قولدانىپ حالىقتىق اۆياتسيانىڭ حاۋپىسىزدىگىن باسقارۋدى كۇشەيتۋ كەرەكتىگىن تالاپ ەتتى.

  شي جينپيڭنىڭ نۇسقاۋى مەن لي كىچياڭنىڭ تالابى بويىنشا جۇڭگو حالىقتىق اۆياتسيا مەكەمەسى، شۇعىل جاعدايعا توتەپ بەرۋ، باسقارۋ مينيسترلىگى سياقتى قاتىستى تاراۋلار قىزمەت گرۋپپاسىن شىرعالاڭ تۋىلعان جەرگە جەتەكشىلىك ەتىپ، ءبىر جايلى ەتۋگە جىبەردى ءارى گۋاڭشي، گۋاڭدۇڭ سىندى ەكى جەردىڭ قۇتقارۋ كۇشتەرىن شىرعالاڭ تۋىلعان جەرگە قۇتقارۋعا ات سالىسۋعا جىبەردى. كەزەكتە شىرعالاڭ تۋىلعان جەردەگى قۇتقارۋ، سوڭعى جۇمىستاردى ءبىر جاقتى ەتۋ جانە شىرعالاڭ سەبەبىن تەكسەرۋ سياقتى قىزمەتتەر جۇرگىزىلۋدە.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.