تيانشان تورى
تيانشان تورى   ›   ۇيرەنۋ   ›   شولۋ

دامۋدىڭ ارىنى ءتىپتى دە تەبىندى بولدى

− جاڭا جاعداي اشۋ، وزگەرىسكە نازار سالۋ جەلىلەس شولۋى (4)

  3 - ايدىڭ 11 - كۇنى جەمسارى مەملەكەت دارەجەلى قۇرلىقتىق تاقتاتاس مۇنايىنان ۇلگى كورسەتۋ رايونى شينجياڭ مۇنايلىعى جيچيڭ مۇنايلىعى جۇمىس اۋماعى تاقتاتاس مۇناي قۇدىعى اۋماعىندا، قىزمەتكەرلەر مۇناي قۇبىرى جۇمىسىن جانە قىسىممەن جارىقشاقتاندىرۋ قۇرىلىسىن جۇرگىزۋدە. بۇل ۇلگى كورسەتۋ رايونى ەلىمىزدىڭ العاشقى مەملەكەت دارەجەلى تاقتاتاس مۇنايىنان ۇلگى كورسەتۋ رايونى ءارى شينجياڭ مۇناي الابى سەرىكتەستىگى جاقىنعى جىلداردان بەرى بايقاعان ءبىر ميلليارد توننالىق 2 ءىرى مۇنايلىقتىڭ ءبىرى.

  □ سۋرەتتى جاڭ يۇن تۇسىرگەن

انار بۇلت / شينجياڭ گازەتىنىڭ ءتىلشىسى ليۋ ي

  3 - ايداعى شينجياڭ، بارلىق الاپتان كوكتەم لەبى ەستى. اۆتونوميالى رايوندىق حالىق ۇكىمەتى ورتالىقتىڭ 11 كاسىپورنىمەن نىسان سەلبەستىك كەلىسىمىنە قول قويدى، اۆتونوميالى رايوننىڭ 4467 كەلەلى نىسانى شوعىرلى تۇردە جۇمىسىن قالپىنا كەلتىردى، جۇمىس باستادى... كوپتەگەن ماڭىزدى شارالار تۇتاس جىلداعى ەكونوميكانىڭ، قوعامنىڭ جوعارى ساپالى دامۋىنىڭ شىمىلدىعىن اشتى. تۇتاس رايوندا جەر - جەردىڭ نىساندى يگەرۋ، كاسىپ سالاسىن گۇلدەندىرۋ، دامۋدى جەبەۋدەگى قادامى بەكەم دە ارشىندى بولىپ، دابىل ءۇنى ادام جانىن جەلپىندىردى.

  حالىقتىڭ تىلەگى، ۇكىمەتتىڭ كوزدەگەنى. حالىقتى بايىتىپ شينجياڭدى گۇلدەندىرۋ − شينجياڭداعى ءار ۇلت بۇقاراسىنىڭ ۇزاق مەزگىلدەن بەرگى ارمانى، ونان دا ماڭىزدىسى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ ماڭىزدى مازمۇنى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە، باس شۋجي شي جينپيڭ: دامۋ − شينجياڭنىڭ باياندى تىنىشتىعىنىڭ ماڭىزدى نەگىزى، - دەپ اتاپ كورسەتتى. باس شۋجيدىڭ تاپسىرماسىن ەستە بەرىك ساقتاپ، تۇتاس رايوندا جوعارىدان تومەنگە دەيىن قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جوعارى ساپالى دامۋدى نەگىزگى تاقىرىپ ەتۋگە تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەكونوميكالىق دامۋدىڭ ساپاسى مەن ونىمدىلىگىن ۇزدىكسىز جوعارىلاتتى.

  جالپى مولشەرى ارتىپ، ناتيجە كورنەكتىلەنىپ، ادامدى ىلگەرىلەۋگە جىگەرلەندىردى

  بيىل جىل باسىنان بەرى شينجياڭ ەكونوميكاسىنىڭ دامۋ ارىنى جۇرت نازارىن اۋدارىپ، ادامداردى ەكپىندەي ىلگەرىلەۋگە جەبەدى. اۆتونوميالى رايون جوعارى دەڭگەيدە ىلگەرىلەتۋگە تاباندى بولدى، ءارقايسى ايماق، وبلىس، قالالاردىڭ بەلسەندىلىگى قاۋىرت ارتىپ، شارۋاشىلىق، ساۋدا ورتاسىن ساپالىلاندىرۋ، ساۋداگەر شاقىرىپ قارجى ەنگىزۋدى جەبەۋ سياقتى جاقتاردا تەڭ قادامدا كۇش سالىپ، ەكونوميكالىق دامۋدىڭ ”شۋاقتى كوكتەمىن“ بىرگە قالىپتاستىردى.

  ءبىر توپ ەكونوميكالىق ساندى مالىمەتتەر كوزگە ەرەكشە ءتۇستى. بيىل 1 - ايدا تۇتاس رايونداعى مەملەكەت مەنشىگىندەگى كاسىپورىنداردىڭ تيجارات كىرىسىنىڭ، پايداسىنىڭ جالپى سوماسى سايكەس مەزگىلدەگىدەن جەكە - جەكە %22.9 جانە %19.6 ارتتى؛ بۇكىل شينجياڭنىڭ 3 ايداعى تىكەلەي ايىرباسقا سالعان ەلەكتر مولشەرى، جيىنى 3 ميلليارد 780 ميلليون كيلوۆات ساعاتقا جەتىپ، سايكەس مەزگىلدەگىدەن %62.8 ارتىپ، شينجياڭ ىشىندەگى بازار تۇلعالارىنىڭ تىكەلەي ايىرباسقا ات سالىسۋ بەلسەندىلىگى ايرىقشا كۇشتى بولدى؛ 1 - ايدان 2 - ايعا دەيىن، اۆتونوميالى رايوننىڭ ادەتتەگى الەۋمەتتىك مەجە ەسەپ كىرىسى جالپى 33 ميلليارد 40 ميلليون يۋان بولىپ، سايكەس مەزگىلدەگىدەن %50.4 ارتقان، جالپى مولشەرى مەن ارتۋ قارقىنى تۇگەلدەي تاريحتاعى ۇقساس مەزگىلدەگىدەن جوعارى بولعان، تۇتاس رايوننىڭ تۇراقتى مۇلىككە قوسقان جالپى قارجى سوماسى وتكەن جىلعى سايكەس مەزگىلمەن سالىستىرعاندا %17.9 ارتىپ، بىلتىر تۇتاس رايوننىڭ تۇراقتى مۇلىككە قوسقان جالپى قارجى سوماسىنىڭ %15تىك ارتۋ سالىستىرماسىنان جوعارى بولعان.

  وسى ناتيجەلەردىڭ قولعا كەلۋى تۇتاس رايوننىڭ جاڭا دامۋ ۇستانىمىن بۇلجىماستان دايەكتىلەندىرگەندىگىنىڭ پارمەندى دالەلى. تۇتاس رايون استىق ءوندىرىسىن ورنىقتىرۋدى، ماقتانى ساپالىلاندىرۋدى، جەمىس - جيدەك شارۋاشىلىعىن كۇشەيتۋدى، مال شارۋاشىلىعىن گۇلدەندىرۋدى، ەرەكشە كاسىپ سالالارىن جەبەۋدى ىشكەرىلەي ىلگەرىلەتىپ، استىق سياقتى ماڭىزدى اۋىل شارۋاشىلىعى ونىمدەرىمەن قامداۋمەن قامتاماسىز ەتۋ قۋاتى ۇزدىكسىز جوعارىلادى. كاسىپ سالاسىن دامىتۋ جوباسىن عىلمي جاساپ، تىزبەكتى كەڭەيتۋ، تىزبەكتى تولىقتاۋ، تىزبەكتى ۇزارتۋ، تىزبەكتى كۇشەيتۋگە كۇش سالىپ، ءتۇيىندى كاسىپ سالاسىن ارقاۋ ەتە وتىرىپ، ونەركاسىپتىڭ جوعارى ساپالى دامۋىن ىلگەرىلەتتى. ساياحات كاسىبىن ماڭىزدى ءتۇيىن ەتكەن قىزمەت وتەۋ كاسىبىن دامىتۋدى جەدەلدەتىپ، ءبىر توپ مەملەكەتتىك 5A دارەجەلى ساياحات كورىنىس ءوڭىرى مەن اۆتونوميالى رايون دارەجەلى ساياحات سەيىل - سەرۋەن كوشە اۋماعىن، اۋىل - قىستاق ساياحاتىنداعى ءتۇيىندى قىستاق سياقتىلاردى قۇرىپ، ەكونوميكانىڭ دامۋ ومىرشەڭ كۇشى ۇزدىكسىز ايگىلەنىپ، ەكونوميكا جوعارى ساپالى دامۋعا بەرىك قادام تاستادى.

  اۆتونوميالى رايوندىق قازىنا مەڭگەرمەسى مەملەكەت قازىناسى باسقارماسىنىڭ ورىنباسار باستىعى باي دۇڭدۇڭ ايتقانداي: ادەتتەگى مەجە ەسەپ كىرىسىنىڭ ارتۋى زور كولەمدە سالىقتى ازايتىپ، اقىنى تومەندەتۋ شارتىندا قولعا كەلگەن، وسىنىڭ بارلىعى رايونىمىز ەكونوميكاسىنىڭ جاندانۋدان جاقسارۋعا قاراي بەت العان جاعدايعا الدەقاشان وتكەندىگىن جانە ونى ۇزدىكسىز ساقتايتىندىعىن بىلدىرەدى.

  نەگىزدى بەكەمدەپ، ونىمدىلىكتى ارتتىردى، نەگىزى بەرىك، ەرەكشەلىگى جەتكىلىكتى بولدى

  كاسىپ سالاسى دامۋدىڭ نەگىزى، ەرەكشەلىككە، باسىمدىققا يە كاسىپ سالاسىن ءدال تاپقاندا جانە ونى ويداعىداي دامىتقاندا عانا، ەكونوميكانىڭ دامۋ نەگىزى بەرىك بولادى، جوعارى ساپالى دامۋ نىسانالى تۇردە ىستەلەدى.

  شينجياڭنىڭ مۇناي، تابيعي گاز، كومىر سياقتى بايلىقتارىنىڭ زاپاس قورى مول، بايلىقتى تياناق ەتىپ، كاسىپ سالاسىنىڭ ورنالاسۋىن ۇزدىكسىز ساپالىلاندىرۋ، كاسىپ سالاسىنىڭ قۇرىلمىن رەتتەۋ، بايلىقتى اشۋ مەن جىنتىكتەي مانەرلەۋگە قاراي دامۋ − رايونىمىزدىڭ ەرەكشە كاسىپ سالاسىن دامىتىۋدىڭ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدىڭ جانە تيبىن جاڭالاپ، دارەجەسىن ءوسىرۋدىڭ جاندى امالياتى.

  بيىل جىل باسىنان بەرى رايونىمىز باسىمدىققا يە كاسىپ سالاسىن جەتىلدىرۋدى، زورايتۋدى جەدەلدەتىپ، شينجياڭ ەرەكشەلىگىنە يە، ءار ۇلت بۇقاراسىنا تيىمدىلىك جاسايتىن، جوعارى ساپالى دامۋعا تىرەك بولاتىن وسى زامانعى كاسىپ سالاسى جۇيەسىن قۇرۋدى جەدەلدەتتى. جەر - جەر ءتۇيىندى كاسىپ سالاسىن، نىساندى، كاسىپورىنداردى ارقاۋ ەتە وتىرىپ، ەرەكشەلىككە، باسىمدىققا يە كاسىپ سالاسىنىڭ ماكرولىق ەكونوميكانىڭ دامۋىن ورنىقتىرۋداعى نەگىزگى قوسىندىق رولىن تولىق ساۋلەلەندىرىپ، نىسان قۇرىلىسى ارقىلى ءونىمدى قارجى قوسۋدى كەڭەيتىپ، مەجەگە جەتەكشىلىك ەتۋدى كۇشەيتۋ، دامۋ جونىنەن سەنىمدى سەرپىلتۋ ارقىلى ەكونوميكانىڭ جوعارى ساپالى دامۋ نەگىزىن نىعايتتى.

  تيانشان الابىنا ورنالاسقان مۇناي، گاز الاپتارىنان قۋانىشتى حابار ارت - ارتىنان تارادى. 1 - ايدا جۇڭگو مۇنايى تارىم مۇناي الابى سەرىكتەستىگىنىڭ مۇناي - تابيعي گاز ءونىم مولشەرى ەكۆيۆالەنتى 3 ميلليون 140 مىڭ تونناعا جەتىپ، جوسپارداعىدان 100 مىڭ توننا اسىردى، بۇل سايكەس مەزگىلدەگىدەن 130 مىڭ توننا مولايىپ، بۇرىنعى جىلدارداعى سايكەس مەزگىلدەگى ەڭ جوعارى دەڭگەيگە جەتتى. جۇڭگو مۇنايى شينجياڭ مۇناي الابى سەرىكتەستىگى بىرتىندەپ ازايۋ سالىستىرماسىن مەڭگەرۋ جانە الۋ سالىستىرماسىن جوعارىلاتۋ سىندى ەكى نەگىزگى جەلىنى ارقاۋ ەتتى، 1 - ايدا جيىنى ءبىر ميلليون 200 مىڭ 100 توننا شيكى مۇناي، 343 ميلليون تەكشەمەتر تابيعي گاز ءوندىرىپ، سايكەس مەزگىلدەگىدەن جەكە - جەكە 48 مىڭ 500 توننا، 61 ميلليون تەكشەمەتر ارتتى.

  ەكونوميكانىڭ جوعارى ساپالى دامۋىن ىلگەرىلەتۋ استە ءبىر مەزەتتىك شارۋا ەمەس، ۇزدىكسىز كۇش سالىپ، تاباندىلىقپەن ەڭبەك ەتۋدى قاجەت ەتەدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ باستىعى نيجات سىمايىل مىنالاردى ءبىلدىردى: بيىل رايونىمىز مۇناي، كومىر سياقتى بايلىق، ەنەرگيا باسىمدىعىن تولىق ساۋلەلەندىرىپ، ءتۇرلى ەرەكشەلىككە يە جاسىل، تومەن كومىر قىشقىل گازدى اينالمالى ەكونوميكا كاسىپ سالالارى شوعىرىن قالىپتاستىرادى. ستراتەگيالىق جاڭادان گۇلدەنگەن كاسىپ سالاسىنىڭ جاڭالىق اشا دامۋىن ىلگەرىلەتىپ، كرەمني نەگىزىندەگى جاڭا ماتەريالدى دامىتۋدى ءتۇيىندى ىلگەرىلەتەدى. سونداي - اق ءىرى كاسىپورىنداردىڭ، ءىرى توپتاردىڭ باستاماشىلدىق رولىن كۇش سالا ساۋلەلەندىرىپ، تىزبەكتى كەڭەيتۋ، تىزبەكتى تولىقتاۋ، تىزبەكتى ۇزارتۋ، تىزبەكتى كۇشەيتۋ نىساندارىن تياناقتاندىرۋعا باۋراپ، ءبىر توپ مۇناي حيميا، كومىر حيميا ونەركاسىپتەرىن ۋاكىل ەتكەن كاسىپ سالالارى شوعىرىن قالىپتاستىرىپ، تۇتاس رايون ەكونوميكاسىنىڭ باياندى، ورنىقتى ارتۋىنىڭ بەرىك نەگىزىن بەكەمدەيمىز.

  ولقىلىقتاردى تولىقتاپ، رەفورما جاساپ، ەسىك اشۋعا تاعى دا اتتاندى

  مەملەكەت تەرريتورياسىنىڭ التىدان ءبىرىن يەلەيتىن شينجياڭدا ەكونوميكانىڭ دامۋى تاماشا وڭىرلىك باسىمدىققا سۇيەنۋمەن بىرگە، نەگىزدىك قۇرىلعىلار مەشەۋ بولۋداي وسى ولقىلىقتىڭ بوگەت بولۋىنا دا ءدوپ كەلىپ وتىر. ەگەردە ەكونوميكادا جوعارى ساپالى دامۋدى ىسكە اسىرامىن دەيدى ەكەن، نەگىزدىك قۇرىلعىلاردىڭ تىرەكتىك رولىن كۇشەيتۋدى، ءسوزسىز، ورىنداۋ كەرەك.

  باس شۋجي شي جينپيڭ: ”شينجياڭنىڭ وڭىرلىك باسىمدىعىن ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعاۋشى كۇش ەتىپ، شينجياڭنىڭ وزىندىك وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا ەنگىزىپ، سىرتقا ەسىك اشۋ دانەكەرىن مولايتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، ىشكى قۇرلىقتىق ەسىك اشۋدىڭ جانە شەكارالىق ەسىك اشۋدىڭ بيىك بەلەسىن تۇلعالاۋ كەرەك“، - دەپ اتاپ كورسەتتى.

  وسىنداي بيىك بەلەسكە شىعۋ كورەگەندىلىكتى قاجەت ەتۋدەن سىرت، تىڭعىلىقتى بولۋعا دا مۇقتاج. بۇكىل رايون تاس جول، تەمىر جول، اۋەجاي، سۋ يگىلىگى جانە ەنەرگيا قاتارلى نىسان قۇرىلىستارىن جەدەلدەتىپ، ولقىلىقتاردى تولىقتاپ، دامۋ نەگىزىن بەكەمدەدى. ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ“ نىساناسىن ارقاۋ ەتىپ، شينجياڭنىڭ ستەرەولدى قاتىناس جۇيەسى ۇزدىكسىز كەمەلدەندى. شينجياڭعا كىرەتىن - شىعاتىن، وڭتۇستىك، سولتۇستىك شينجياڭ جوعارى جىلدامدىقتى تاس جول ءىرى وتكەلى نەگىزىنەن قالىپتاسىپ، ”نەگىزگى جەلى تارماق جەلىگە تۇتاستىرىلعان، تارماق جەلىلەر ءبىر - بىرىنە تۇتاستىرىلعان، تۇتاس تور جەلىسى تۇتاستىرىلعان“ اۆياتسيا تورى تاسىمال جۇيەسى العاشقى ادىمدا كولەم قالىپتاستىرىپ، تەمىر جول بارلىق ايماققا (وبلىس، قالا) جەتكىزىلىپ، بۇكىل رايونداعى اۋدان دارەجەلى اكىمشىلىك رايونداردىڭ %80تەن استامىن قامتىپ، شىعىسپەن بىرلەسىپ باتىسقا شىعارۋ وتكەلىنىڭ رولى كۇن سايىن كورنەكتىلەنىپ، جوعارى ساپالى دامۋدىڭ نەگىزى مەن تەبىنىن بەكەمدەدى جانە كۇشەيتتى.

  ولقىلىقتاردى تولىقتاپ، ارتىقشىلىقتاردى شىڭدادى. رايونىمىز ءوزىنىڭ وڭىرلىك ەسىك اشۋ ستراتەگياسىن مەملەكەتتىڭ جىبەك جولى ەكونوميكالىق بەلدەۋى قۇرىلىسى مەن باتىسقا ەسىك اشۋ جالپى تۇلعالىق ورنالاستىرۋىنا ەنگىزىپ، ”ءبىر پورت، ەكى رايون، بەس ۇلكەن ورتالىق، شەكارا وتكەل ەكونوميكالىق بەلدەۋى“ قىزمەت جەلىسىن ارقاۋ ەتىپ، وزەكتى رايون قۇرىلىسىندا ماڭىزدى ىلگەرىلەۋشىلىككە قول جەتكىزۋدى ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋعا شينجياڭ امالياتىن ازىرلەدى.

  ءبىر وتكەل اشىلسا بارلىق جەر ىركىلىسسىز بولادى. بيىل جىل باسىنان بەرى الاتاۋ ساعاسى، قورعاس تەمىر جول شەكارا وتكەلى ارقىلى شەكارادان كىرىپ - شىققان جۇڭگو − ەۆروپا كەزەكشى پويەزدارى تاسىمالدىڭ قاۋىرت مەزگىلىن قارسى الدى. 1 - ايدا بۇكىل رايوننىڭ مەملەكەت، ولكە نەگىزگى جەلى تاس جولى تورىندا جولاۋشى، جۇك اۆتوكولىك قاتىناسىنىڭ كۇندىك ورتاشا اعىنى 974 مىڭ 400 رەتكە جەتىپ، سايكەس مەزگىلدەگىدەن %37 ارتتى. شينجياڭ اۋەجاي توبى ءساتتى باستاما كوتەرىپ، قابىلداعان - جونەلتكەن ساياحاتشى مولشەرى سايكەس مەزگىلدەگىدەن %13.9، قابىلداعان - جونەلتكەن زات، پوچتا مولشەرى سايكەس مەزگىلدەگىدەن %11 ارتىپ، جوعارى ساپالى تاسىمال قىزمەت وتەۋى ”كەڭىستىكتەگى جىبەك جولىنىڭ“ مۇنان دا ىركىلىسسىز، مۇنان دا جوعارى ءونىمدى بولۋىنا مۇمكىندىك جاسادى.

  سونىمەن بىرگە، بۇكىل رايون رەفورمانىڭ قامال الۋ جانە جەتەكشىلىك ەتۋ رولىن شىن مانىندە ساۋلەلەندىرىپ، جوعارى ساپالى رەفورمانىڭ جوعارى ساپالى دامۋعا ءتىپتى دە ويداعىداي قىزمەت وتەۋىنە مۇمكىندىك جاساپ، ءتۇرلى بازار تۇلعالارىنىڭ سەنىمى كورنەكتى ارتتى. بىلتىر قىستان بيىل كوكتەمگە دەيىن، بۇكىل رايوننىڭ ساۋداگەر شاقىرىپ قارجى ەنگىزۋ قىزمەتىندە قۋانىشتى حابارلار تارالىپ جاتتى. بيىل 1 - ايدىڭ سوڭىنا دەيىن، رايونىمىز 255 قارجى قوسۋ نىسانىنا قول قويىپ، كەلىسىلگەن قارجى سوماسى 110 ميلليارد يۋان بولدى. رايونىمىزدىڭ بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن جەدەل تۇلعالاۋ قۇلشىنىستارىنىڭ مۇنان دا كوپ بازار تۇلعالارىن شينجياڭعا كەلىپ قارجى قوسىپ، شارۋاشىلىعىن شالقىتۋعا باۋرايتىندىعىن، مۇنان دا قۋاتتى دامۋ قوزعاۋشى قۋاتىن توپتايتىندىعىن بولجاۋعا بولادى.

  تابيعات باياعى قالپى، شينجياڭ جاڭالاندى! كەزەكتە شينجياڭ جوعارى ساپالى دامۋدىڭ ماڭىزدى وراي مەزگىلىن قارسى الدى، تۇتاس رايوندا جوعارىدان تومەنگە دەيىن، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋ قىزمەتتەرىن تەز قارقىنمەن، ورنىقتى قاداممەن ىلگەرىلەتىپ، ەكونوميكانىڭ جالپى مولشەرىن بار كۇشپەن كەڭەيتىپ، كاسىپ سالاسى دامۋ دەڭگەيىن جوعارىلاتىپ، حالىق تۇرمىسىنىڭ قۇت - ىرىسىن ارتتىردى. كوكتەم كەلدى، قۇلشىنعانعا قۇت ءۇيىر. جاندى دا جالىندى، ۇمىتكە تولى شينجياڭ تۇتاس رايونداعى 25 ميلليوننان استام ءار ۇلت بۇقاراسىن اسقاق جىگەرمەن قايراتتانا ۇمتىلۋعا، مۇنان دا كوركەم بولاشاققا ارشىنداي قادام تاستاپ ىلگەرىلەۋگە ۇندەۋدە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.