ۋاڭ ياڭ شينجياڭدا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، ءبىر نيەتپەن جۇمىلا كۇش بىرىكتىرىپ، شينجياڭنىڭ كوركەم بولاشاعىن اشۋ كەرەك
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ 3 - ايدىڭ 18 - كۇنىنەن 22 - كۇنىنە دەيىن شينجياڭدا تەكسەرۋ - زەرتتەۋ جۇرگىزدى. سۋرەتتە: 3 - ايدىڭ 19 - كۇنى ۋاڭ ياڭ شينجياڭ شىفان داشۋەسىندە جۇڭحۋا ۇلتى ورتاق تۇلعاسىن زەرتتەۋدى ىلگەرىلەتۋ، جۇڭحۋا ۇلتى ورتاق تۇلعا تانىمىن بەرىك ورناتۋ جونىندە تەكسەرۋ - زەرتتەۋ جۇرگىزدى.
□ سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
شينحۋا اگەنتتىگىنىڭ 3 - ايدىڭ 22 - كۇنى ۇرىمجىدەن بەرگەن حابارى (ءتىلشى لين حۇي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جۋىقتا شينجياڭدا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال ءتۇسىنىپ جانە جاپپاي دايەكتىلەندىرىپ، تياناقتاندىرىپ، پارتيانىڭ ورتالىقتانعان ءبىر تۇتاس باسشىلىعىن كۇشەيتىپ، شينجياڭ قىزمەتىن ستراتەگيالىق جاقتان باعامداۋعا جانە جوسپارلاۋعا تاباندى بولىپ، شينجياڭنىڭ دامۋىنىڭ ۇلكەن اۋقىمىن جىعا تانىپ، شينجياڭ قىزمەتىنىڭ باس نىساناسىن جۇزەگە اسىرۋدىڭ ۇزاق ۋاقىتتىلىعىن، جاپالىلىعىن، كۇردەلىلىگىن جىعا تانىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، الدىمەن قۇرىپ، ودان كەيىن كۇشىنەن قالدىرۋعا، جوسپاردى ەگجەي - تەگجەيلى جاساعاننان كەيىن ارەكەتكە كىرىسۋگە، قاجىرلىلىقپەن ەڭبەك ەتۋگە تاباندى بولىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ شارالارىن كوبىرەك قولدانىپ، باياندى تىنىشتىققا ساياتىن تەرەڭ قاتپارلى قايشىلىقتار مەن ماسەلەلەردى كوبىرەك شەشىپ، شينجياڭ قىزمەتىنىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك.
3 - ايدىڭ 18 - كۇنىنەن 22 - كۇنىنە دەيىن ۋاڭ ياڭ تەكسەرۋ - زەرتتەۋ گرۋپپاسىن باستاپ ءۇرىمجى، قاشقار، حوتان سياقتى جەرلەرگە بارىپ، اۋىل - قىستاقتاردى، الەۋمەتتىك اۋماقتاردى، مەكتەپتەردى، كاسىپورىنداردى، مەشىتتەردى ارالاپ تەكسەرۋ - زەرتتەۋ جۇرگىزىپ، پارتيا، ۇكىمەت كادرلارىمەن جانە قاتىستى قىزمەتكەرلەرمەن سىرلاستى، اڭگىمەلەستى ءارى اڭگىمە ءماجىلىس باسقارىپ اشىپ، قاتىستى جاقتاردىڭ پىكىر - ۇسىنىستارىن تىڭدادى. ول بىلاي دەپ اتاپ كورسەتتى: تاياۋ جىلداردان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم ءار ۇلت كادرلارى مەن بۇقاراسىن ىنتىماقتاستىرىپ، باستاپ، عاسىرلىق ىندەت پەن 100 جىلدىق وزگەرىستىڭ قاباتتاسقان ىقپالىن ەڭسەرىپ، شينجياڭ قىزمەتىن ىلگەرىلەتۋدە كەلەلى ناتيجەگە قول جەتكىزدى، ءۇرتىس 5 جىلدان استام ۋاقىت زورلىقتى كۇش لاڭكەستىك دەلوسى تۋىلمادى، كەدەيلىكتەن ارىلتۋدان قامال الۋ شايقاسىنىڭ جەڭىسىنە مەجەلى مەرزىمدە قول جەتكىزىپ، بۇكىل ەلمەن بىرگە جاپپاي دوڭگەلەك داۋلەتتى قوعام ورناتتى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، شينجياڭ قوعامدىق كەلەلى جاعداي ورنىقتى، ۇلت، ءدىن جاراسىمدى، حالىق تىنىش ءومىر، شات - شادىمان تىرشىلىك كەشكەن تاماشا جاعدايدى ساقتادى. بۇل ناتيجە وڭاي - وسپاق قولعا كەلگەن جوق، ونى، ءسوز جوق، بارىنشا قاستەرلەۋ كەرەك.
ۋاڭ ياڭ بىلاي دەپ باسا دارىپتەدى: قازىر شينجياڭنىڭ دامۋى بۇرىن بولماعان ماڭىزدى ورايعا ءدوپ كەلىپ وتىر، وڭىرلىك باسىمدىق پەن بايلىق باسىمدىعىن ساۋلەلەندىرىپ، ورنىقتىلىقتىڭ پايداسى مەن ساياساتتىڭ پايداسىنان ويداعىداي پايدالانىپ، بولاشاقتى بەتكە الا وتىرىپ دامۋدى كوزدەپ، رەفورما جاساۋعا، ەسىك اشۋعا بۇلجىماي تاباندى بولىپ، جاڭا دامۋ ارناسىنا قىزمەت وتەۋ مەن توعىسۋدىڭ كىرىسۋ ءتۇيىنى مەن كۇش سالۋ ءتۇيىنىن ءدال تاۋىپ، شينجياڭنىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا جانە بىرگە بايۋعا قادام تاستاۋدا كوشتەن قالماۋىنا، قاتاردان قالماۋىنا مۇمكىندىك جاساپ، دامۋ جەتىستىكتەرىن حالىق تۇرمىسىن جاقسارتۋ، ىنتىماقتى نىعايتۋ، جۇرت تىلەگىن ۇيىستىرۋ جاعىندا تياناقتاندىرىپ، دامۋ بارىسىندا باياندى تىنىشتىقتى جۇزەگە اسىرۋدىڭ زاتتىق نەگىزىن بەرىك قالاپ، جاۋ كۇشتەردىڭ وسەك - اياڭ تاراتىپ، جالا جابۋىنا جانە شابۋىل جاساپ، كۇيە جاعۋىنا ءار ۇلت بۇقاراسىنىڭ باقىتتى تۇرمىس كەشىرگەن شىندىق ارقىلى تويتارىس بەرۋ كەرەك. ورنىقتىلىق − ءار ۇلت بۇقاراسىنىڭ ورتاق تىلەگى جانە باياندى تىنىشتىقتىڭ العى شارتى، جاعدايعا عىلمي تۇجىرىم جاساپ، تومەنگى شەكتە ويلاۋعا تاباندى بولىپ، لاڭكەستىككە قارسى تۇرۋ، ورنىقتىلىقتى قورعاۋ قىزمەتىن زاڭ بويىنشا، ەرەجە بويىنشا ويداعىداي ىستەپ، قاتىستى شارالاردى جەرگىلىكتى جاعدايعا قاراي ساپالىلاندىرىپ، حالىق بۇقاراسىنىڭ ىنتىماق پەن جاراسىمدىلىقتى قورعاۋداعى بەلسەندىلىگىن، ىرىقتىلىعىن تولىق جۇمىلدىرىپ، قوعامدىق كەلەلى جاعدايدىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن ساقتاۋ كەرەك. ورتالىقتىڭ ۇلت قىزمەتى ءماجىلىسىنىڭ رۋحىن دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى فورمالارمەن، سۇيىسپەنشىلىكپەن، ءونىمدى ادىسپەن ويداعىداي ىستەپ، ءار ۇلت بۇقاراسىنىڭ ۇلى وتانعا جانە جۇڭحۋا ۇلتىنا دەگەن سەزىم دانەكەرىن اناعۇرلىم بەكەمدەپ، ۇلتتار ىنتىماعىنىڭ يدەيالىق نەگىزىن اناعۇرلىم نىعايتۋ كەرەك. ءدىن قىزمەتى جونىندەگى مەملەكەتتىك ءماجىلىستىڭ رۋحىن تياناقتاندىرىپ، پارتيا، ۇكىمەت كادرلارىنىڭ ءدىننىڭ ءمانى جانە ءدىن قىزمەتىنىڭ زاڭدىلىعى جونىندەگى تانىمىن تەرەڭدەتىپ، ءدىن ىستەرىن زاڭ بويىنشا باسقارىپ، شينجياڭدا ءىسلام ءدىنىن جۇڭگوشالاندىرۋدى ىشكەرىلەي ىلگەرىلەتىپ، ءدىن سالاسىنىڭ اقاۋسىز، ءتارتىپتى، جاراسىمدى، ورنىقتى بولۋىنا شىنايى كەپىلدىك ەتۋ كەرەك. بيڭتۋاننىڭ رەفورمانى تەرەڭدەتۋىن جانە وڭتۇستىككە قاراي دامۋىن مىزعىماس تاباندىلىقپەن ىلگەرىلەتىپ، بيڭتۋان مەن جەرگىلىكتى ورىننىڭ توعىسۋىن تەرەڭدەتىپ، بيڭتۋاننىڭ ەرەكشە رولىن اناعۇرلىم ويداعىداي ساۋلەلەندىرۋ كەرەك.
يوۋ چۋان تەكسەرۋ - زەرتتەۋدە بىرگە بولدى.
ما شيڭرۇي، ەركىن تۇنياز، لي يفي قاتارلىلار جوعارىدا اتالعان قيمىلدارعا قاتىناستى.
