− باس شۋجي شي جينپيڭنىڭ ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزى رايونىمىزدىڭ ىندەتتەن عىلمي، دالمە - ءدال ساقتانۋ - تىزگىندەۋىنە پارمەندى جەتەكشىلىك ەتتى
انار بۇلت / شينجياڭ گازەتىنىڭ تىلشىلەرى
3 - ايدىڭ 17 - كۇنى باس شۋجي شي جينپيڭنىڭ ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزى رايونىمىزدىڭ ىندەتتەن عىلمي، دالمە - ءدال ساقتانۋ - تىزگىندەۋىنە پارمەندى جەتەكشىلىك ەتتى. تۇتاس رايونداعى ءار ۇلت پارتيا مۇشەلەرى، كادرلار، بۇقارا مىنالاردى ءبىلدىردى: ىشكەرىلەي ۇيرەنىپ، ۇعىنىپ، باس شۋجي شي جينپيڭنىڭ ماڭىزدى ءسوزىنىڭ رۋحىن ءىس جۇزىندىك ارەكەتىمىزبەن ۇيرەنىپ، دايەكتىلەندىرىپ، تياناقتاندىرىپ، ىندەتتەن ساقتانۋ قىزمەتتەرىن ەگجەي - تەگجەيلى، ناقتى يگەرىپ، عىلمي، دالمە - ءدال ساقتانۋ - تىزگىندەۋ دەڭگەيىن جوعارىلاتىپ، ىندەتتەن ساقتانۋ - تىزگىندەۋ شارالارىن ۇزدىكسىز ساپالىلاندىرامىز.
اقسۋ ايماقتىق دەنساۋلىق ساقتاۋ - سالاماتتىق كوميتەتى پارتكومىنىڭ ورىنباسار شۋجيى، مەڭگەرۋشىسى ارزىگۇل مامۇت مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، كەزەكتەگى ەل ءىشى - سىرتىنىڭ ىندەتتەن ساقتانۋ - تىزگىندەۋ جاعدايىنىڭ كۇردەلىلىگىن، جاپالىلىعىن، قايتالامالىلىعىن تەرەڭ تانىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا باستان - اياق تاباندى بولىپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن تيتتەي دە بوساڭسىتپاي مىقتى يگەرىپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ تالاپتارىن قاتاڭ تياناقتاندىرىپ، ىندەتتەن ساقتانۋ - تىزگىندەۋدىڭ جەتىستىگىن ۇزدىكسىز بەكەمدەپ، حالىق بۇقاراسىنىڭ ءومىرىن، سالاماتتىعىن جانە ەكونوميكالىق، قوعامدىق دامۋدى پارمەندى، ءونىمدى قامتاماسىز ەتەمىز.
”ءبىز باس شۋجيدىڭ ماڭىزدى ءسوزىنىڭ رۋحىن ەستە بەرىك ساقتاپ، ’سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ‘ جالپى تاكتيكاسى مەن ’يكەمدى تۇردە نولگە ءتۇسىرۋ‘ جالپى باعىتىنا مىزعىماي، بوساڭسىماي تاباندى بولىپ، ساقتانۋ - تىزگىندەۋ جوبالارى مەن شۇعىل جاعدايعا توتەپ بەرۋ دايىندىق جوبالارىن ۇزدىكسىز ساپالىلاندىرىپ، ەگجەي - تەگجەيلىلەندىرىپ، شۇعىل جاعدايعا توتەپ بەرۋ جاتتىعۋىن بەلسەندى ۇيىمداستىرىپ، ورىستەتىپ، دەنساۋلىق ساقتاۋ - سالاماتتىق جۇيەسىندە ىندەتتەن ساقتانۋ - تىزگىندەۋ قىزمەتىندەگى ولقىلىقتاردى، ساڭلاۋلاردى اداقتاپ تەكسەرۋدى ورىستەتەمىز. جاتتىعۋ جانە اداقتاپ تەكسەرۋ ارقىلى قىزمەتتەگى ولقىلىقتاردى تولىقتاپ، اينالىم مەحانيزمىن كەمەلدەندىرىپ، شينجياڭنىڭ شىعىس قاقپاسىن باتىل كۇزەتىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىن مۇمكىندىكتىڭ بارىنشا قورعايمىز“، - دەدى قۇمىل قالالىق دەنساۋلىق ساقتاۋ - سالاماتتىق كوميتەتىنىڭ ورىنباسار مەڭگەرۋشىسى ياڭ جىگۋاڭ.
”باس شۋجي شي جينپيڭنىڭ ماڭىزدى ءسوزى ءبىزدىڭ كەزەكتەگى ىندەتتەن ساقتانۋ - تىزگىندەۋ قىزمەتىن ويداعىداي ىستەۋىمىزگە ايقىن بەتالىس كورسەتتى“. التاي ايماقتىق دەنساۋلىق ساقتاۋ قىزمەت كوميتەتىنىڭ شۋجيى، دەنساۋلىق ساقتاۋ - سالاماتتىق كوميتەتى پارتيا باسشىلىق گرۋپپاسىنىڭ شۋجيى چيان جىجياڭ بىلاي دەدى: ”ءبىز بەيعامدىققا سالىنۋ يدەياسىن، شايقاستان جالىعۋ پيعىلىن، باق سىناۋ كوڭىل كۇيىن جانە بوساڭسۋ نىسايىن باتىل جويىپ، قالىڭ كادر - بۇقارانى ىندەتتەن ساقتانۋ قىزمەتىنىڭ ماڭىزدىلىعىن تولىق تانىپ، ىندەتتەن ساقتانۋ بىلىمدەرىن يگەرىپ، ىندەتتەن ساقتانۋ تالاپتارىنا سانالىلىقپەن بويسۇنىپ، ءوزىن قورعاۋدى كۇشەيتىپ، ىندەتتەن ساقتانۋ قىزمەتىنە سايكەسۋگە تاربيەلەيمىز، جەتەكتەيمىز، سونىمەن بىرگە ۆاكسينا ەگۋ بويىنشا عىلىم جالپىلاستىرۋ ۇگىتىن كۇشەيتىپ، يممۋنيتەتتى كۇشەيتۋ بويىنشا ۆاكسينا ەگۋدى ىلگەرىلەتەمىز. ىندەتتەن ساقتانۋ - تىزگىندەۋ شارالارىن قاتاڭ، جەدەل تياناقتاندىرىپ، ەڭ از بوداۋ بەرۋ ارقىلى ساقتانۋ - تىزگىندەۋدىڭ ەڭ ۇلكەن ونىمدىلىگىنە قول جەتكىزۋگە قۇلشىنامىز“.
”الەۋمەتتىك اۋماق كادرى رەتىندە، قىزمەت ورنىندا بەرىك تۇرىپ، تۇرعىنداردىڭ كۇي - جايىن كوكەيدە ساقتاپ، سالعىرتتىققا سالىنباي، بوساڭسىماي، ىندەتتەن ساقتانۋ - تىزگىندەۋدىڭ نەگىزگى ساتىداعى جاقسى ’كۇزەتشىسى‘ بولامىن“. قاشقار قالاسى قۇمداربازا ءمالىسى حالىق باتىس جولى الەۋمەتتىك اۋماعى پارتيا ياچەيكاسىنىڭ ورىنباسار شۋجيى ميناۋار ابىلەت بىلاي دەدى: ”ىندەتتەن ساقتانۋ قىزمەتتەرىن ەگجەي - تەگجەيلى، ناقتى يگەرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتاپ تياناقتاندىرىپ، تۇرعىنداردىڭ ءومىرىنىڭ اقاۋسىزدىعىن، حاۋىپسىزدىعىن بار كۇشپەن ويداعىداي قورعايمىز“.
(ءتىلشى شيا چيڭ، قاتىناسقان تىلشىلەر حان چين - يان، جاڭ تيڭ، ەرىكتى تىلشىلەر رىن لييۇڭ، ياڭ ۋيشۋان، ۋ جىپيڭ)
