تيانشان تورى
تيانشان تورى   ›   جاڭالىقتار   ›   شينجياڭ حابارلارى

رەفورما، دامۋ، ورنىقتىلىق قىزمەتتەرىن تىڭعىلىقتى ويداعىداي ىستەيمىز

رايونىمىزداعى ءارقايسى تاراۋلار، ورىندار مەملەكەتتىك ەكى ءماجىلىستىڭ رۋحىن جەتكىزدى، ۇيرەندى، دايەكتىلەندىردى

رەفورما، دامۋ، ورنىقتىلىق قىزمەتتەرىن تىڭعىلىقتى ويداعىداي ىستەيمىز

انار بۇلت / شينجياڭ گازەتىنىڭ تىلشىلەرى

  نەشە كۇننەن بەرى رايونىمىزداعى ءارقايسى تاراۋلار، ورىندار مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ مەملەكەتتىك ەكى ماجىلىستە سويلەگەن ماڭىزدى ءسوزىنىڭ رۋحىن دەر كەزىندە جەتكىزدى، ۇيرەندى. كوپشىلىك جابال مىنالاردى ءبىلدىردى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، نازاردى مەملەكەتتىك ەكى ءماجىلىس ورنالاستىرعان ءتۇيىندى مىندەتتەرگە شوعىرلاندىرا وتىرىپ قىزمەتتەردى جوسپارلاپ ىلگەرىلەتىپ، ۇيرەنۋ جەتىستىكتەرىن ءىس جۇزىندىك ارەكەتكە اينالدىرىپ، اناعۇرلىم بەرىك سەنىممەن، اناعۇرلىم ناقتى ءىس ىستەيتىن ستيلمەن رەفورما، دامۋ، ورنىقتىلىق قىزمەتتەرىن تىڭعىلىقتى، ويداعىداي ىستەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىز.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى:

  ءتۇيىندى قاۋىمدى جۇمىستاندىرۋدى بار كۇشپەن ويداعىداي يگەرەمىز

  جۋىقتا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشىپ، مەملەكەتتىك ەكى ءماجىلىس رۋحىن جەتكىزدى، ۇيرەندى. ءماجىلىس مىنالاردى تالاپ ەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتى تياناقتاندىرىپ، جۇمىستاندىرۋدى ورنىقتىرۋدى ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ ماڭداي الدى ءىرى ءىسى ەتىپ، اۋىل - قىستاقتاعى ەڭبەككۇشتەر، جوعارى مەكتەپ تاۋىسقان وقۋشىلار، جۇمىستانۋى قيىن ادامدار سياقتى ءتۇيىندى قاۋىمنىڭ جۇمىستانۋىن كۇشتى شوعىرلاندىرا وتىرىپ، بار كۇشپەن ويداعىداي يگەرۋ كەرەك. قوعامدىق قامتاماسىزداندىرۋ كولەمىن كەڭەيتىپ، ساپاسىن جوعارىلاتۋ ينجەنەرياسىن ۇزدىكسىز اتقارىپ، قوعامدىق قامتاماسىزداندىرۋ جۇيەسىن جەدەل اقاۋسىزداندىرىپ، ءتۇرلى قوعامدىق قامتاماسىزداندىرۋ مامىلەسىن رەتتەۋ ساياساتىن تياناقتاندىرىپ، ءتۇرلى قوعامدىق قامتاماسىزداندىرۋ مامىلەسىنىڭ ۋاعىندا، جەتكىلىكتى تاراتىلۋىنا شىنايى كەپىلدىك ەتۋ كەرەك. قامتاماسىزداندىرۋعا جاپپاي قاتىناسۋ جوسپارىن ءتارتىپتى اتقارىپ، زاڭدا بەلگىلەنگەن ادامداردىڭ قامتاماسىزداندىرۋعا قاتىناسۋىن جاپپاي قامتۋدى ىلگەرىلەتۋ كەرەك.

  اۆتونوميالى رايوندىق وقۋ - اعارتۋ مەڭگەرمەسى:

  اناعۇرلىم ءادىل، اناعۇرلىم جوعارى ساپالى وقۋ - اعارتۋدى دامىتۋ كەرەك

  اۆتونوميالى رايوندىق وقۋ - اعارتۋ مەڭگەرمەسى جۋىقتا مەڭگەرمە پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن وتكىزىپ، مىنالاردى باسا دارىپتەدى: مەملەكەتتىك ەكى ءماجىلىس رۋحىنىڭ ناقتى ءمانى مەن باي مازمۇنىن تەرەڭ ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن رۋحتى سومداپ، ادام تاربيەلەۋگە تاباندى بولىپ، پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتۋگە تاباندى بولىپ، ءمورال ارقىلى ادام تاربيەلەۋ ءتۇبىرلى مىندەتىن تياناقتاندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى ارقاۋ ەتىپ، مەكتەپكە دەيىنگى تاربيە، مىندەتتى وقۋ - اعارتۋ، ورتا مەكتەپ وقۋ - اعارتۋى، كاسىپتىك وقۋ - اعارتۋ، جوعارى دارەجەلى وقۋ - اعارتۋدىڭ سايكەستى دامۋىن ءبىر تۇتاس جوسپارلاپ ىلگەرىلەتىپ، جاڭا داۋىردەگى وقىتۋشىلار قوسىنى قۇرىلىسىن ۇزدىكسىز كۇشەيتىپ، وقۋ - اعارتۋ سالاسىنداعى جالپىلىق رەفورمانى ۇزدىكسىز تەرەڭدەتىپ، جوعارى ساپالى وقۋ - اعارتۋ جۇيەسىن جەدەل قۇرىپ، اناعۇرلىم ءادىل، اناعۇرلىم جوعارى ساپالى وقۋ - اعارتۋدى قۇلشىنا دامىتۋ كەرەك.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتى:

  سالاماتتى شينجياڭ قيمىلىن ىشكەرىلەي ىلگەرىلەتەمىز

  اۆتونوميالى رايوندىق دەنساۋلىق ساقتاۋ، سالاماتتىق كوميتەتى مەملەكەتتىك ەكى ءماجىلىس رۋحىن دەر كەزىندە جەتكىزىپ، ۇيرەنىپ، مىنالاردى تالاپ ەتتى: بۇكىل رايوننىڭ دەنساۋلىق ساقتاۋ، سالاماتتىق جۇيەسى شىن مانىندە مەملەكەتتىك ەكى ءماجىلىس رۋحىمەن يدەيانى بىرلىككە كەلتىرىپ، ارەكەتتى بىرلىككە كەلتىرىپ، ىندەتتەن ساقتانۋ - تىزگىندەۋدى تيتتەي دە بوساڭسىتپاي مىقتى يگەرىپ، وڭاي - وسپاق قولعا كەلمەگەن ىندەتتەن ساقتانۋ - تىزگىندەۋ جەتىستىگىن بەكەمدەۋ كەرەك. ەمدەۋ، سالاماتتىق قىزمەت وتەۋ قۋاتىن ۇزدىكسىز جوعارىلاتىپ، مەملەكەتتىك وڭىرلىك ەمدەۋ ورتالىعى جانە اۆتونوميالى رايوننىڭ وڭىرلىك ەمدەۋ ورتالىعى قۇرىلىسىن جەدەل ىلگەرىلەتۋمەن بىرگە، ساپالى بايلىقتى تومەنگە جەتكىزۋگە جەتەكشىلىك ەتۋ كەرەك. ەمدەۋ رەفورماسىن ۇزدىكسىز تەرەڭدەتىپ، ەمدەۋ - دەنساۋلىق ساقتاۋ قىزمەت وتەۋ قابىلەتىن جوعارىلاتىپ، سالاماتتى شينجياڭ قيمىلىن ىشكەرىلەي ىلگەرىلەتۋ كەرەك.

  اۆتونوميالى رايوندىق حالىق ىستەرى مەڭگەرمەسى:

  قوعامدىق قۇتقارۋ - كومەكتەسۋ جۇيەسىن ساپالىلاندىرامىز، اقاۋسىزداندىرامىز، كەمەلدەندىرەمىز

  نەشە كۇننەن بەرى بۇكىل رايوننىڭ حالىق ىستەرى جۇيەسى مەملەكەتتىك ەكى ءماجىلىس رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ جوعارى ورلەۋىن جەدەل كوتەردى. مەڭگەرمە پارتيا باسشىلىق گرۋپپاسىنىڭ مۇشەلەرى باس بولىپ مەملەكەتتىك ەكى ءماجىلىس رۋحىن ۇيرەنىپ، ۇگىتتەپ، دايەكتىلەندىرىپ، قوسىنعا جەتەكشىلىك ەتىپ حالىق ىستەرى سالاسىنىڭ زاڭ بويىنشا اكىمشىلىك جۇرگىزۋىنە تەكسەرۋ - زەرتتەۋ جۇرگىزۋدى ىشكەرىلەي ورىستەتتى جانە جوعارى ساپالى تەكسەرۋ - زەرتتەۋ مالىمەتىن قالىپتاستىردى. سونىمەن بىرگە قوعامدىق قۇتقارۋ - كومەكتەسۋ جۇيەسىن ساپالىلاندىرۋ، اقاۋسىزداندىرۋ، كەمەلدەندىرۋ سياقتى جاقتاردا ناقتى شارالار بەلگىلەدى ءارى ءتۇرلى قىزمەت شارالارىنىڭ تياناقتانۋىن كۇشەيتىپ، رايونىمىزدىڭ حالىق ىستەرى جۇمىسىن جوعارى ساپالى دامىتۋدى بەلسەنە ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋدى تالاپ ەتتى.

  اۆتونوميالى رايوندىق مادەنيەت جانە ساياحات مەڭگەرمەسى:

  مادەنيەت، ساياحات كاسىبىن جوعارى ساپالى دامىتۋدى جەدەل ىلگەرىلەتەمىز

  3 - ايدىڭ 15 - كۇنى، اۆتونوميالى رايوندىق مادەنيەت جانە ساياحات مەڭگەرمەسى، اۆتونوميالى رايوندىق مادەنيەت - مۇراجاي مەكەمەسى نازاريا ۇيرەنۋ وزەكتى گرۋپپاسىنىڭ (كەڭەيتىلگەن) ءماجىلىسىن اشىپ، ءىس جۇزىندىككە بىرلەستىرە وتىرىپ، مەملەكەتتىك ەكى ءماجىلىس رۋحىن مادەنيەت جانە ساياحات قىزمەتىن جوعارى ساپالى دامىتۋدىڭ ءارقايسى جاقتارىنا دەيىن دايەكتىلەندىرۋدى، تياناقتاندىرۋدى تالاپ ەتتى. شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، جۇرت تىلەگىن ۇيىستىرىپ، جۇڭحۋا ۇلتى ورتاق تۇلعا تانىمىن بەكەمدەۋ كەرەك؛ ساياحات ارقىلى شينجياڭدى گۇلدەندىرۋ ستراتەگياسىن زور كۇشپەن اتقارىپ، مادەنيەت جانە ساياحات كاسىبىنىڭ جوعارى ساپالى دامۋىن جەدەل ىلگەرىلەتۋ كەرەك. مادەنيەت، ساياحات كاسىپورىندارىنىڭ دامۋىنا قولداۋ كورسەتىپ، بازار نەگىزگى تۇلعاسىنىڭ جانە كاسىپپەن شۇعىلدانۋشىلاردىڭ قيىنشىلىعىن شەشۋىنە كۇش سالۋ كەرەك. ماركا قۇرىلىسىن كۇشەيتىپ، ءبىر توپ A دارەجەلى كورىنىس اۋماعى، تۇتاس وڭىرلىك ساياحاتتان ۇلگى كورسەتۋ رايونى، اۋىل - قىستاق ساياحاتى ءتۇيىندى قىستاعى، قار شاڭعى ساياحاتى دەمالىس ورنى سياقتى ساياحات ماركالارىن جەتىلدىرىپ، مادەنيەت، ساياحات كاسىبىندە جاڭالىق اشىپ، ساپاسىن جوعارىلاتىپ، دارەجەسىن ءوسىرۋدى ىلگەرىلەتۋ كەرەك.

  (ءتىلشى جاۋ شييا، قاتىناسقان تىلشىلەر لي لين، سۋ لۋپيڭ، رىن حۋا، دۇڭ لياڭ، ياۋگاڭ)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.