انار بۇلت / شينجياڭ گازەتىنىڭ ءتىلشىسى ميھىرگۇل عوپۇر 3 - ايدىڭ 22 - كۇنى ۇرىمجىدەن حابارلايدى. شينجياڭ ءوندىرىس - قۇرىلىس بيڭتۋانى اقپارات كەڭسەسى اشقان 2021 - جىلعى بيڭتۋاننىڭ ەكونوميكالىق اينالىم احۋالى جونىندەگى اقپار جاريالاۋ ماجىلىسىنەن ۇعىسۋىمىزشا، 2021 - جىلى بيڭتۋاننىڭ ءوندىرىس جالپى ءونىم قۇنى 339 ميلليارد 561 ميلليون يۋان بولىپ، سالىستىرمالى باعا بويىنشا ەسەپتەگەندە الدىڭعى جىلداعىدان ％8 ارتىپ، 2 جىلدا ورتا ەسەپپەن ％6.2 ارتقان.
بيڭتۋان ساناق مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى لي ۋانماۋ مىنانى ءبىلدىردى: 2021 - جىلى بيڭتۋاننىڭ ەكونوميكالىق اينالىمى جالپى جاقتان ورنىقتى بولدى، جاقساردى، باستى دامۋ كورسەتكىشتەرىنىڭ ورىندالۋ احۋالى جاقسى بولىپ، ”14 - بەسجىلدىقتىڭ“ جاقسى باستاماسىن جۇزەگە اسىردى.
2021 - جىلى بيڭتۋاننىڭ اۋىل شارۋاشىلىق جالپى ءونىم قۇنى 172 ميلليارد 867 ميلليون يۋان بولىپ، الدىڭعى جىلداعىدان ％8 ارتتى؛ استىقتىڭ جالپى ءونىم مولشەرى 2 ميلليون 808 مىڭ 800 توننا بولىپ، الدىڭعى جىلداعىدان 394 مىڭ 400 توننا ارتىپ، ءونىم مولشەرى ％16.3 ارتتى؛ شوشقا، سيىر، قوي، قۇس ەتىنىڭ ءونىم مولشەرى 590 مىڭ 800 توننا بولىپ، الدىڭعى جىلداعىدان ％20.9 ارتتى؛ ماقتانىڭ جالپى ءونىم مولشەرى 2 ميلليون 83 مىڭ 200 توننا بولىپ، نەگىزىنەن تاريحتاعى جوعارى ورەنى ساقتادى؛ كولەمنەن جوعارى ونەركاسىپ كاسىپورىندارىنىڭ ارتقان قۇنى الدىڭعى جىلداعىدان ％11.3 ارتىپ، ارتۋ قارقىنى 4 پايىز جەدەلدەپ، سوڭعى 5 جىلداعى ەڭ جوعارى دەڭگەيگە جەتتى.
لي ۋانماۋ بىلاي دەپ تانىستىردى: 2021 - جىلى بيڭتۋاننىڭ تۇراقتى مۇلىككە قوسقان قارجىسى الدىڭعى جىلداعىدان ％16.2 ارتىپ، 2 جىلداعى ورتاشا ارتۋ جىلدامدىعى ％19.3كە جەتتى. قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 81 ميلليارد 708 ميلليون يۋان بولىپ، الدىڭعى جىلداعىدان ％17 ارتىپ، 2 جىلدا ％2.2 ارتتى. قالا - قالاشىق تۇرعىندارىنىڭ جان باسىندىق قولداعى تابىسى 43 مىڭ 226 يۋان بولىپ، الدىڭعى جىلداعىدان ％5.6 ارتتى؛ ليان - دۇي تۇرعىندارىنىڭ جان باسىندىق قولداعى تابىسى 27 مىڭ 384 يۋان بولىپ، الدىڭعى جىلداعىدان 11.7% ارتتى.
بيىل جىل باسىنان بەرى بيڭتۋانداعى كولەمنەن جوعارى ونەركاسىپ ءوندىرىسى ورنىقتى ارتىپ، تۇراقتى مۇلىككە قوسقان قارجىسى ءبىرشاما جوعارى ارتۋ قارقىنىن ساقتادى، نورمادان جوعارى قوعامدىق تۇتىنۋ بۇيىمدارىنىڭ بولشەك ساتىلۋى نەگىزىنەن قالىپتى كۇيگە ورالدى. 1 -، 2 - ايلاردا بيڭتۋانداعى نىسانداردىڭ جۇمىستى قالپىنا كەلتىرۋ احۋالى جاقسى بولىپ، 268 نىسان جۇرگىزىلىپ، سايكەس مەزگىلدەگىدەن 118 كوبەيىپ، ％78.7 ارتتى.
بيىل بيڭتۋان قارجى قوسۋدى كۇشەيتۋ، كاسىپ سالالارىن گۇلدەندىرۋ، قۇرىلىمدى رەتتەۋ، ساياساتتى جانداندىرۋ، قامتاماسىزداندىرۋدى ساپالىلاندىرۋ، حالىق تۇرمىسىنا تيىمدىلىك جەتكىزۋ، حاۋىپ - قاتەردەن ساقتانۋ قىزمەتتەرىن كۇش سالا ويداعىداي ىستەپ، بيڭتۋاننىڭ جالپى قۋاتىن ۇزدىكسىز زورايتىپ، ەكونوميكالىق اينالىمنىڭ ۇيلەسىمدى ارالىقتا بولۋىنا شىنايى كەپىلدىك ەتىپ، جوعارى ساپالى دامۋ بارىسىندا بىرگە بايۋدى جەبەيدى.
