اۆتونوميالى رايوندىق پارتكومنىڭ تۇراقتى كوميتەتى كەڭەيتىلگەن ءماجىلىس اشتى
باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە ءتوراعا ۋاڭ ياڭنىڭ شينجياڭدا تەكسەرۋ - زەرتتەۋ جۇرگىزگەندەگى ءسوزىنىڭ رۋحىن، سونداي - اق ورتالىقتىڭ اۋىل - قىستاق قۇرىلىسى ارەكەتى جونىندەگى ورنالاستىرۋلارىن، تالاپتارىن جەتكىزدى، دايەكتىلەندىردى
ما شيڭرۇي ءماجىلىستى باسقاردى
انار بۇلت / شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 3 - ايدىڭ 24 - كۇنى تۇستەن بۇرىن كەڭەيتىلگەن ءماجىلىس اشىپ، باس شۋجي شي جينپيڭنىڭ شىعىس اۆياتسيا سەرىكتەستىگىنىڭ جولاۋشىلار ۇشاعى قۇلاۋى جونىندەگى ماڭىزدى نۇسقاۋىنىڭ رۋحىن جانە ءتوراعا ۋاڭ ياڭنىڭ شينجياڭدا تەكسەرۋ - زەرتتەۋ جۇرگىزگەندەگى ءسوزىنىڭ رۋحىن جەتكىزدى، دايەكتىلەندىردى، ورتالىقتىڭ اۋىل - قىستاق قۇرىلىسى ارەكەتى جونىندەگى ورنالاستىرۋلارىن، تالاپتارىن جەتكىزدى، دايەكتىلەندىردى، رايونىمىزدىڭ كەلەلى نىساندارى سياقتى قۇرىلىس تىزىمدىگى، كەشەندى ستەرەولدى قاتىناس بويىنشا بىرلەسە قيمىلداۋ قۇرىلىسى، جاڭا ەنەرگيا باعا مەحانيزمىن كەمەلدەندىرۋ سياقتى قىزمەتتەردى اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: شىنايى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، حالىقتى وزەك ەتكەن دامۋ يدەياسىن بەرىك ورناتىپ، حالىقتىق اۆياتسيا سالاسىنداعى حاۋىپسىزدىك كومەسكى كىناراتتارىن ءبىر - بىرلەپ تەكسەرۋدى كۇشەيتىپ، پارمەندى شارالار قولدانىپ حالىقتىق اۆياتسيانىڭ حاۋىپسىزدىگىن باسقارۋدى كۇشەيتىپ، اۆياتسيانىڭ تاسىمالىنىڭ مۇلدە حاۋىپسىز بولۋىنا شىنايى كەپىلدىك ەتۋ، حالىقتىڭ ءومىرىنىڭ مۇلدە حاۋىپسىز بولۋىنا شىنايى كەپىلدىك ەتۋ كەرەك. حاۋىپسىز دامۋ تانىمىن اناعۇرلىم كۇشەيتىپ، ءوندىرىس حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرىپ، ماسەلەنى باعدار ەتۋدەن جازباي، ءتۇيىندى سالالاردى ءجىتى قاداعالاي وتىرىپ حاۋىپ - قاتەرلەردى، كومەسكى كىناراتتاردى ءبىر - بىرلەپ تەكسەرىپ، جاپپاي، تۇبەگەيلى رەتتەپ - تۇزەتىپ، ءوندىرىس حاۋىپسىزدىگى شارالارىن تياناقتاندىرۋدى ناقتى، ەگجەي - تەگجەيلى يگەرىپ، ءتۇيىندى سالالارداعى حاۋىپسىزدىكتى باقىلاۋ - باسقارۋدى شىنايى كۇشەيتىپ، شۇعىل جاعدايعا توتەپ بەرۋ جانە ونى ءبىر جاقتى ەتۋ قابىلەتىن جوعارىلاتىپ، اۋىر، ەرەكشە، ءىرى ءوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانۋ جانە ونى تەجەۋ كەرەك.
ءماجىلىس مىنالاردى باسا دارىپتەدى: جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭنىڭ شينجياڭعا كەلىپ تەكسەرۋ - زەرتتەۋ جۇرگىزۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرەتىندىگىن جانە شينجياڭداعى ءار ۇلت كادر - بۇقاراسىنا دەگەن ىقىلاستى قامقورلىعىن تولىق ايگىلەدى. ۋاڭ ياڭ جولداس: جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ شارالارىن كوبىرەك قولدانىپ، باياندى تىنىشتىققا ساياتىن تەرەڭ قاتپارلى قايشىلىقتار مەن ماسەلەلەردى كوبىرەك شەشىپ، شينجياڭ قىزمەتىنىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك، - دەپ باسا دارىپتەدى. ءبىز باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ۋاڭ ياڭ جولداستىڭ ءسوزىنىڭ تالابىنا ساي، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال ءتۇسىنىپ جانە جاپپاي دايەكتىلەندىرىپ، تياناقتاندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، پارتيانىڭ ورتالىقتانعان ءبىر تۇتاس باسشىلىعىن كۇشەيتىپ، لاڭكەستىككە قارسى تۇرۋدىڭ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتىپ، ەكونوميكانىڭ جوعارى ساپالى دامۋىن ۇزدىكسىز ىلگەرىلەتىپ، دامۋ جەتىستىكتەرىن حالىق تۇرمىسىن جاقسارتۋ، ىنتىماقتى نىعايتۋ، جۇرت تىلەگىن ۇيىستىرۋ جاعىندا تياناقتاندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى فورمالارمەن، سۇيىسپەنشىلىكپەن، ءونىمدى ادىسپەن ويداعىداي ىستەپ، شينجياڭدا ءىسلام ءدىنىن جۇڭگوشالاندىرۋدى ىشكەرىلەي ىلگەرىلەتىپ، بيڭتۋاننىڭ رەفورمانى تەرەڭدەتۋىن جانە وڭتۇستىككە قاراي دامۋىن مىزعىماس تاباندىلىقپەن ىلگەرىلەتىپ، شىندىققا جۇگىنىپ، ناقتى ىستەپ، شىنايى يگەرىپ، ىسكەرلىك كورسەتىپ، شينجياڭنىڭ رەفورما، دامۋ، ورنىقتىلىق ىستەرىنىڭ جاڭا جاعدايىن قۇلشىنا اشۋىمىز كەرەك.
ءماجىلىس ورتالىقتىڭ اۋىل - قىستاق قۇرىلىسى ارەكەتى جونىندەگى ورنالاستىرۋلارىن، تالاپتارىن جەتكىزدى، ۇيرەندى. ءماجىلىس مىنالاردى اتاپ كورسەتتى: باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۋىل - قىستاق قۇرىلىسى ارەكەتىن اتقارۋدى تۇتقا ەتىپ، اۋىل - قىستاق قونىس ورتاسىن رەتتەۋ - جونگە سالۋدى ۇزدىكسىز ىلگەرىلەتىپ، اۋىل - قىستاقتاعى جولدار، سۋمەن قامداۋ، ەلەكتردەن پايدالانۋ، ينتەرنەت، تۇرعىن ءۇي سياقتى نەگىزدىك قۇرىلعى قۇرىلىستارىن كۇشەيتىپ، نەگىزگى الەۋمەتتىك قىزمەت وتەۋ دەڭگەيىن جوعارىلاتىپ، نەگىزگى ساتى پارتيا ۇيىمدارى مەن رۋحاني وركەنيەت قۇرىلىسىن كۇشەيتىپ، جەرگىلىكتى جاعدايعا قاراي ىستەۋگە، شىندىقتى ءىس جۇزىنەن ىزدەۋگە ءمان بەرىپ، اۋىل - قىستاقتىڭ ءوندىرىس، تۇرمىس شارت - جاعدايىن ۇزدىكسىز جاقسارتىپ، قونىسقا جايلى، كاسىپكە ىڭعايلى كورىكتى اۋىل - قىستاق قۇرۋ كەرەك.
ءماجىلىس رايونىمىزدىڭ كەلەلى نىساندارى سياقتى قۇرىلىس تىزىمدىگى، كەشەندى ستەرەولدى قاتىناس بويىنشا بىرلەسە قيمىلداۋ قۇرىلىسى، جاڭا ەنەرگيا باعا مەحانيزمىن كەمەلدەندىرۋ سياقتى قىزمەتتەردى اقىلداستى. ءماجىلىس مىنالاردى اتاپ كورسەتتى: جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، كورەگەندىكپەن وي جۇگىرتۋدى، جالپى جاعدايدى جوسپارلاۋدى، ستراتەگيالىق ورنالاستىرۋدى، جالپى تۇلعالىق جاقتان ىلگەرىلەتۋدى كۇشەيتىپ، كەلەلى نىساندار سياقتى تىزىمدىكتىڭ مىندەتتەرىن جۇيەلى جوبالاپ جانە ءبىر تۇتاس جوسپارلاپ ىلگەرىلەتىپ، قاداعالاۋ - باسقارۋ جانە بايلىق كۇشتەرىن ورنالاستىرۋدى كۇشەيتىپ، ساياسات - شارالاردىڭ قولداۋىن، قامتاماسىز ەتۋىن كۇشەيتىپ، قۇرىلىمدى ۇزدىكسىز ساپالىلاندىرىپ، سەرپىندى ارتتىرىپ، باسىمدىق قالىپتاستىرىپ، ەكونوميكانىڭ، قوعامنىڭ جوعارى ساپالى دامۋىنا پارمەندى تىرەك بولۋ كەرەك. جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ءتۇيىندى قىزمەتتەرىمەن تىعىز بايلانىستىرا وتىرىپ، تەمىر جول، تاس جول، اۆياتسيا تورى جانە قۇبىر تاسىمالى، قاتىناس تورابى سياقتى قۇرىلىستاردى جەدەلدەتىپ، عىلمي جوبالاۋدى كۇشەيتىپ، جەلىلىك ورنالاسىمدى ساپالىلاندىرىپ، بىرلەسە قيمىلداپ دامۋدى جەبەپ، وسىزاماندانعان، كەشەندى، ستەرەولدى قاتىناس تورىن كۇش سالا قۇرۋ كەرەك. كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن بەلسەنە، ورنىقتى ىلگەرىلەتىپ، ەلەكتر قۋاتىن بازارلاندىرۋ رەفورماسىن تەرەڭدەتىپ، جاڭا ەنەرگيا باعا مەحانيزمىن كەمەلدەندىرىپ، باعا سيگنالىنىڭ رولىن ءونىمدى ساۋلەلەندىرىپ، جاڭا ەنەرگيانى نەگىزگى تۇلعا ەتكەن جاڭاشا ەلەكتر جۇيەسى قۇرىلىسىن جەبەپ، ەنەرگيانىڭ جاسىل، تومەن كومىر قىشقىل گازدى باعىتقا قاراي تيبىن وزگەرتۋىن جەدەلدەتىپ، جاڭا ەنەرگيا كاسىپ سالاسىنىڭ جوعارى ساپالى دامۋىن ىلگەرىلەتۋ كەرەك.
