شينحۋا اگەنتتىگىنىڭ 3 - ايدىڭ 26 - كۇنى بەيجيڭنەن بەرگەن حابارى. ەكونوميكا گازەتى باسپاسىندا باسپادان شىققان ”شي جينپيڭنىڭ ەكونوميكا يدەياسىن ۇيرەنۋ، وي جۇگىرتۋ، امالياتتا ايگىلەۋ، ءتۇسىنۋ جەلىلەس كىتاپتارى“ − «شي جينپيڭنىڭ ەكونوميكا يدەياسى جونىندەگى زەرتتەۋ ماقالالار جيناعى (2021)»، «شي جينپيڭنىڭ ەكونوميكا يدەياسىن امالياتتا ايگىلەۋ جونىندەگى تەكسەرۋ - زەرتتەۋ ماقالالار جيناعى (2021)» تاياۋدا بۇكىل ەلدە تاراتىلدى.
ءداۋىر تاقىرىبى − نازاريادا جاڭالىق اشۋعا دەم بەرەتىن كۇش، ال نازاريادا جاڭالىق اشۋ ءداۋىر تاقىرىبىنا جاۋاپ بەرۋگە ءتىپتى دە كەڭ كوز ايا مەن ۇتىمدى جول اشادى. 2021 - جىلى ەكونوميكا گازەتى شي جينپيڭنىڭ ەكونوميكا يدەياسىن زەرتتەۋ تۋرالى ماقالالار قابىلداۋ قيمىلىن باستاپ، شي جينپيڭنىڭ ەكونوميكا يدەياسىن امالياتتا ايگىلەۋ جونىندەگى تەكسەرۋ - زەرتتەۋ ارەكەتىن ورىستەتىپ، عىلمي قاعيدانى زەرتتەۋ جانە امالياتتىق ىزدەنىس سىندى ەكى جاقتان شي جينپيڭنىڭ ەكونوميكا يدەياسىنىڭ نازاريالىق قۇنى مەن امالياتتىق ۇلى كۇشىن جان - جاقتى ايگىلەدى. نازاريالىق جەتىستىك پەن تەكسەرۋ - زەرتتەۋ حابارلارى ەكونوميكا گازەتىندە ىركەس - تىركەس شىعىپ، قوعامنىڭ ءار سالاسىنىڭ جاپپاي نازارىن اۋداردى.
«شي جينپيڭنىڭ ەكونوميكا يدەياسى جونىندەگى زەرتتەۋ ماقالالار جيناعىندا (2021)» ەكونوميكا گازەتىنىڭ 2021 - جىلى جاريالانعان ەل ءىشى - سىرتىنداعى مامان - وقىمىستىلاردىڭ شي جينپيڭنىڭ ەكونوميكا يدەياسىن ۇگىتتەگەن، تۇسىندىرگەن نازاريالىق ماقالالارى جيناقتالعان؛ «شي جينپيڭنىڭ ەكونوميكا يدەياسىن امالياتتا ايگىلەۋ جونىندەگى تەكسەرۋ - زەرتتەۋ ماقالالار جيناعىندا (2021)» ەكونوميكا گازەتىندە 2021 - جىلى باسىلعان شي جينپيڭنىڭ ەكونوميكا يدەياسىن امالياتتا ايگىلەۋ جونىندەگى تەرەڭ تەكسەرۋ - زەرتتەۋ حابارلارى جيناقتالىپ، جەر - جەردىڭ شي جينپيڭنىڭ ەكونوميكا يدەياسىن ۇيرەنۋدەگى، دايەكتىلەندىرۋدەگى امالياتتىق ىزدەنىستەرى جاندى ايگىلەنگەن.
