انار بۇلت / شينجياڭ گازەتىنىڭ ءتىلشىسى ۋاڭ يايۇن 3 - ايدىڭ 26 - كۇنى ۇرىمجىدەن حابارلايدى. 3 - ايدىڭ 26 - كۇنى ساعات 11دە ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسى العاشقى توپتاعى 23 ارىز - ارمان ءىسىن شينجياڭنىڭ بىتىرۋىنە وتكىزدى. مۇنىڭ ىشىندە اۆتونوميالى رايونعا 18 ءىس، شينجياڭ ءوندىرىس - قۇرىلىس بيڭتۋانىنا 5 ءىس وتكىزىلدى.
اۆتونوميالى رايونعا بىتىرۋگە وتكىزىلگەن العاشقى توپتاعى ارىز - ارمان ىستەرىن وڭىرلەرگە ءبولىپ قاراعاندا، 14 ءىس ءۇرىمجى قالاسىنا، ءبىر ءىس التاي ايماعىنا، 2 ءىس قۇمىل قالاسىنا، ءبىر ءىس تۇرپان قالاسىنا سايعان. لاستانۋ تۇرلەرىنە ءبولىپ قاراعاندا، 5 ءىس اتموسفەرانىڭ لاستانۋىمەن، 4 ءىس توپىراقتىڭ لاستانۋىمەن، 3 ءىس ەكولوگيانىڭ لاستانۋىمەن، 3 ءىس شۋىلدان لاستانۋمەن، 2 ءىس سۋدىڭ لاستانۋىمەن، ءبىر ءىس باسقا لاستانۋمەن قاتىستى بولعان. بارلىق ارىز - ارمان ىستەر سول كۇنى قاتىستى ايماق، وبلىس، قالالاردىڭ بىتىرۋىنە تاپسىرىلدى.
ۇعىسۋىمىزشا، ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسىنىڭ تالابى بويىنشا، ارىز - ارمان ىستەرىن ءبىتىرۋ جاعدايى 10 كۇن ىشىندە قۋزاۋ - تەكسەرۋ گرۋپپاسىنا اڭىس ەتىلۋى، رەتتەۋ - تۇزەتۋ جانە ءبىر جاقتى ەتۋ جاعدايى دەر كەزىندە قوعامعا اشىق جاريالانۋى ءتيىس ەكەن.
قىزمەت ورنالاستىرۋى بويىنشا، ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسى قۋزاۋ - تەكسەرۋ بويىنشا جايعاسقان مەزگىلدەگى (3 - ايدىڭ 25 - كۇنىنەن 4 - ايدىڭ 25 - كۇنىنە دەيىن) ارنايى كەزەكشى تەلەفون ءنومىرى: 6072038 − 0991، قابىلداۋ ۋاقىتى ءار كۇنى ساعات 00: 10 − 00: 22. ارنايى پوچتا حات ساندىعى: شينجياڭ ۇيعۇر اۆتونوميالى رايونى ءۇرىمجى قالاسى A161 پوچتا حات ساندىعى. مۇندا باستىسى اۆتونوميالى رايون مەن شينجياڭ ءوندىرىس - قۇرىلىس بيڭتۋانىنىڭ ەكولوگيالىق ورتانى قورعاۋ جاعىنداعى حات ارقىلى، تەلەفون ارقىلى، ارىز - ارمان ارقىلى كەلگەن اشكەرەلەۋلەر قابىلدانادى.
