تيانشان تورى   ›   جاڭالىقتار   ›   سۋرەتتى حابار

سۋ باسقارۋ جۇيەسى مەن باسقارۋ قابىلەتى دەڭگەيىن ونان ارى جوعارىلاتىپ، ءوڭىردىڭ ەكونوميكالىق، قوعامدىق دامۋىنىڭ اناعۇرلىم جوعارى ساپالى، اناعۇرلىم باياندى، اناعۇرلىم حاۋىپسىز بولۋىن ىلگەرىلەتۋ كەرەك

ما شيڭرۇي تارىم وزەنى الابىندا سۋ يگىلىگى قىزمەتىنە تەكسەرۋ - زەرتتەۋ جۇرگىزدى

سۋ باسقارۋ جۇيەسى مەن باسقارۋ قابىلەتى دەڭگەيىن ونان ارى جوعارىلاتىپ، ءوڭىردىڭ ەكونوميكالىق، قوعامدىق دامۋىنىڭ اناعۇرلىم جوعارى ساپالى، اناعۇرلىم باياندى، اناعۇرلىم حاۋىپسىز بولۋىن ىلگەرىلەتۋ كەرەك

ەركىن تۇنياز، لي يفي، حى جۇڭيوۋ جەكە - جەكە تەكسەرۋ - زەرتتەۋ جۇرگىزدى

  3 - ايدىڭ 27 - كۇنى اۆتونوميالى رايوندىق پارتكومنىڭ شۋجيى ما شيڭرۇي چەرچەن اۋدانىنا ورنالاسقان ءچارچان وزەنىنىڭ ءبىرىنشى سۋ ءبولۋ تورابىندا ارىق - توعانداردى كورىپ، سۋ يگىلىگى قۇرىلعىلارىنىڭ قۇرىلىسى سياقتى احۋالداردى ۇعىستى.

  □ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ تىلشىلەرى ۋاڭ شيڭرۇي، لياڭ ليحۋا، ەرىكتى تىلشىلەر جاڭ ياحۇي، ليۋ شينجى، يۋان حايجۇن 3 - ايدىڭ 27 - كۇنى كورلادان حابارلايدى. شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ سۋدى تىزگىندەۋ، سۋ ىستەرىن گۇلدەندىرۋ جونىندەگى ماڭىزدى بايىمداۋلارى مەن شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى مەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ارقاۋ ەتىپ، شينجياڭنىڭ سۋ يگىلىگى قىزمەتىنىڭ جاڭا جاعدايىن قۇلشىنا اشۋ ءۇشىن، 3 - ايدىڭ 26 - كۇنىنەن 27 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ جەكە - جەكە اترەت باستاپ، تارىم وزەنى الابىنىڭ ءارقايسى جەرلەرىنە ىشكەرىلەي بارىپ، الاپتاعى سۋ بايلىعىنىڭ ۇنەمدى، شوعىرلى، ءونىمدى پايدالانىلۋى، ەكولوگيالىق ورتانى قورعاۋ جانە وڭاۋ، سۋ يگىلىگى ىستەرىن تىرەك ەتىپ ەكونوميكانى، قوعامدى جوعارى ساپالى دامىتۋ سياقتى قىزمەتتەرگە تەكسەرۋ - زەرتتەۋ جۇرگىزدى.

  تارىم وزەنى − ەلىمىزدەگى ەڭ ۇزىن ىشكى قۇرلىقتىق وزەن، الابىنىڭ اۋماعى ءبىر ميلليون 20 مىڭ شارشى كيلومەتر، وڭتۇستىك شينجياڭداعى 5 ايماق - وبلىستىڭ 40 نەشە اۋدان - قالاسى مەن بيڭتۋاننىڭ ءبىرتالاي شى - قالا، تۋان - الاڭدارىن قامتيدى، وڭتۇستىك شينجياڭ وڭىرىندەگى نەگىزگى سۋ قاينارى ءوڭىرى، جاسىل القاپتى ءوڭىرى، ەكونوميكانى دامىتۋ ءوڭىرى. 2 كۇن ۋاقىت ىشىندە ما شيڭرۇي بايىنعولين موڭعۇل اۆتونوميالى وبلىسىنا بارىپ، تارىم وزەنىنىڭ نەگىزگى اعىندارى، تەتىما كولى، ءچارچان وزەنى، بيڭتۋان 2 - شىسىنىڭ 37 - تۋانى سياقتى جەرلەردە ناقپا - ناق تەكسەرۋ - زەرتتەۋ جۇرگىزدى، ەركىن تۇنياز ىلگەرىندى - كەيىندى قاشقار ايماعى مەن اقسۋ ايماعىنا كەلىپ، ياركەن وزەنىنىڭ، اقسۋ وزەنىنىڭ ءتۇيىندى وزەن بولىكتەرى مەن سۋ يگىلىگى توراپتارى، اۋىل شارۋاشىلىق سۋارمالى اۋماقتارى سياقتىلارعا تەكسەرۋ - زەرتتەۋ جۇرگىزدى، لي يفي حوتان ايماعىندا قاراقاش وزەنى، يۇرۇڭقاش سۋ يگىلىگى تورابى ينجەنەرياسى جانە ۇلىعاتا سۋ يگىلىگى تورابى ينجەنەرياسى سياقتىلارعا تەكسەرۋ - زەرتتەۋ جۇرگىزدى، حى جۇڭيوۋ اقسۋ ايماعى مەن بايىنعولين موڭعۇل اۆتونوميالى وبلىسىندا حوتان وزەنى، ياركەن وزەنى، اقسۋ وزەنىنىڭ قۇيارى جانە وگەن وزەنى سۋارمالى اۋماعى، بيڭتۋان 1 - شىسىنىڭ ارال قالاسى سياقتىلارعا تەكسەرۋ - زەرتتەۋ جۇرگىزدى. تەكسەرۋ - زەرتتەۋ كەزىندە ما شيڭرۇي، ەركىن تۇنياز قاتارلى اۆتونوميالى رايون باسشىلارى الاپتىڭ سۋ بايلىعىن اشۋ، پايدالانۋ احۋالىن ەگجەي - تەگجەيلى ۇعىسىپ، سۋ يگىلىگى ىستەرىنىڭ دامۋى، ەكولوگيالىق ورتانى قورعاۋ، ت . ب جونىندەگى قىزمەت مالىمەتىن تىڭدادى؛ سۋ يگىلىگى ينجەنەرياسى، سۋ قويماسى، ارىق - توعان سياقتىلاردى كورىپ، سۋ يگىلىگى قۇرىلعىلار قۇرىلىسى، سۋ بايلىعىن تەڭگەرۋ جانە ۇلەستىرۋ سياقتى احۋالداردى ۇعىستى؛ سازدى جەرلەر مەن وزەن قايراڭدارى، وزەن قۇيار كولدەر، بوراننان ساقتانىپ، قۇمدى بەكەمدەۋ ەكولوگيالىق ينجەنەرياسى سياقتىلارعا بارىپ، ەكولوگيالىق سۋ جىبەرۋ، ەكولوگيالىق قالپىنا كەلتىرۋ، وڭاۋ سياقتىلاردىڭ اياق الىسىن ۇعىستى؛ اۋىل شارۋاشىلىق سۋارمالى اۋماقتارى، سۋ ۇنەمدەۋدەن ۇلگى كورسەتۋ نىسانى سياقتىلارعا بارىپ، اۋىل شارۋاشىلىعىنا پايدالانىلاتىن سۋ، ونەركاسىپكە پايدالانىلاتىن سۋ، قالا - قالاشىققا پايدالانىلاتىن سۋ، ەكولوگياعا پايدالانىلاتىن سۋ سياقتىلاردىڭ قامتاماسىزداندىرىلۋ احۋالىن ۇعىستى.

  ما شيڭرۇي بىلاي دەپ باسا دارىپتەدى: سۋ − شينجياڭنىڭ ەكونوميكالىق، قوعامدىق دامۋىنىڭ جان تامىرى. وڭتۇستىك شينجياڭ ءوڭىرىنىڭ سۋ بايلىعى تاپشى ءارى تارالۋى بىركەلكى ەمەس، سۋ يگىلىگى جۇمىستارىن ويداعىداي ىستەۋدىڭ سۋ حاۋىپسىزدىگىن قامتاماسىز ەتۋ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ، ەكولوگيالىق ورنىقتىلىقتى ساقتاۋ سياقتىلاردا ايرىقشا كەلەلى ماڭىزى بار. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ”سۋ ۇنەمدەۋدى الدىمەن ويلاستىراتىن، كەڭىستىك جاعىندا تەڭگەرىمدى، جۇيەلى جونگە سالىناتىن، ەكى جاقتان بىردەي كۇش جۇمسايتىن“ سۋ تىزگىندەۋ باعىتىنا تاباندى بولىپ، جۇيە كوزقاراسىن ورناتىپ، الاپ ءوڭىرىن عىلمي ءبىر تۇتاس جوسپارلاۋعا، قاينارىن مولايتۋ مەن اعىسىن ۇنەمدەۋگە تەڭ ءمان بەرۋگە، قىسقا مەرزىم مەن ۇزاق ۋاقىتقا بىردەي ءمان بەرۋگە تاباندى بولىپ، الاپتىڭ سۋ بايلىعى حاۋىپسىزدىگىن ءونىمدى قامتاماسىزداندىرۋدى، سۋ بايلىعىن جوعارى ءونىمدى پايدالانۋدى، سۋ ەكولوگياسىن كورنەكتى جاقسارتۋدى ىلگەرىلەتۋ؛ وندىرىسكە، تۇرمىسقا، ەكولوگياعا پايدالانىلاتىن سۋدى ءبىر تۇتاس جوسپارلاپ، سۋ بايلىعىمەن قامداۋدى كۇشەيتىپ جانە ساپالىلاندىرىپ، سۋ بايلىعىن ساپالى ورنالاستىرۋ قابىلەتىن جوعارىلاتىپ، سۋ ۇنەمدەۋدى الدىمەن ويلاستىرۋعا تاباندى بولىپ، سۋ بايلىعىنىڭ قاتاڭ تەجەمىن كۇشەيتىپ، كەلەلى سۋ يگىلىگى ينجەنەريا نىساندارى قۇرىلىسىن كۇشەيتىپ، سۋ بايلىعىن ۇنەمدى، شوعىرلى، جوعارى ءونىمدى پايدالانۋدى جەبەۋ؛ تاۋ، سۋ، ورمان، ەگىنجاي، كول، جايلىم، ءشول جۇيەسىن باسقارۋعا تاباندى بولىپ، وزەن، كول ەكولوگيا اعىسىن قامتاماسىزداندىرىپ، وزەن، كول ەكولوگياسىن قورعاۋ، قالپىنا كەلتىرۋ جانە كەشەندى باسقارۋدى جەدەلدەتىپ، قۇمنان ساقتانۋدى، قۇمدى تىزگىندەۋدى ىلگەرىلەتىپ، ەكولوگيالىق كاسىپ سالالارىن دامىتىپ، ەكولوگيالىق ونىمدىلىك پەن ەكونوميكالىق، قوعامدىق ونىمدىلىكتىڭ تۇتاستىعىن جۇزەگە اسىرۋ؛ استىق حاۋىپسىزدىگىن قامتاماسىزداندىرۋدى توڭىرەكتەي وتىرىپ، ەگىنجاي، سۋ يگىلىگى قۇرىلىسىن كۇشەيتىپ، ەگىس اتىزدارىن سۋارۋ نەگىزىن بەكەمدەپ، استىقپەن جانە ماڭىزدى اۋىل شارۋاشىلىق ونىمدەرىمەن قامداۋ قۋاتىن ورنىقتى جوعارىلاتىپ، ونەركاسىپ، قالا - قالاشىق سياقتى سالالاردا سۋدان ۇيلەسىمدى پايدالانۋدى، سۋدان ۇنەمدى پايدالانۋدى زور كۇشپەن ىلگەرىلەتۋ؛ ءار دارەجەلى وزەن، كول باستىقتارىنىڭ جاۋاپكەرشىلىكتەرىن نىعايتىپ، قاتايتىپ، بيڭتۋان مەن جەرگىلىكتى ورىننىڭ سايكەسىپ بىرلەسىپ ارەكەتتەنۋىن، تاراۋلاردىڭ، ورىنداردىڭ تىزە قوسا سەلبەسۋىن كۇشەيتىپ، سۋ يگىلىگى كادر - دارىندىلارى، عىلىم - تەحنيكا نەگىزى سياقتى قۇرىلىستاردى كۇشەيتىپ، سۋ يگىلىگىنىڭ ءوڭىر ەكونوميكاسىنىڭ، قوعامىنىڭ جوعارى ساپالى دامۋىنا تىرەك بولۋ دەڭگەيىن ۇزدىكسىز جوعارىلاتۋ كەرەك.

  اۆتونوميالى رايون جانە بيڭتۋان باسشىلارىنان قادەن كابەن، كۇڭ شيڭلۇڭ قاتارلىلار تەكسەرۋ - زەرتتەۋگە قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.