ءدارى - دارمەك فورماسى، ولشەمى ءتىپتى دە كەمەلدەندى
انار بۇلت / شينجياڭ گازەتىنىڭ ءتىلشىسى جاۋ مين 3 - ايدىڭ 25 - كۇنى ۇرىمجىدەن حابارلايدى. 3 - ايدىڭ 25 - كۇنى رايونىمىزدا گۋاڭدۇڭ بىرلەستىگىنەن اموشيلين سياقتى قاجەتتى مولشەرگە قاراي شوعىرلى ساتىپ الاتىن 45 ءدارى - دارمەك تياناقتاندى، ءدارى - دارمەك باعاسى ورتا ەسەپپەن تاعى ％22 تومەندەيدى، ەڭ جوعارى تومەندەۋ مولشەرى ％97.6 بولادى.
گۋاڭدۇڭ بىرلەستىگىنەن شوعىرلى ساتىپ العان وڭىرلەر گۋاڭدۇڭ، سانشي، جياڭشي، حىنان، حۋنان، گۋاڭشي، حاينان، گۇيجوۋ، گانسۋ، چيڭحاي، نيڭشيا، شينجياڭ، شينجياڭ ءوندىرىس - قۇرىلىس بيڭتۋانىن قامتيدى. وسى رەتكى شوعىرلى ساتىپ الىنعان ءدارى - دارمەكتەردىڭ كولەمى مەملەكەتتىڭ 1 -، 3 - توپتاعى 2021 - جىلدىڭ سوڭىندا شوعىرلى ساتىپ الۋ توقتام ۋاقىتى تولعان اموشيلين سياقتى 45 ۇقساس تۇردەگى ءدارى - دارمەكتەردىڭ بارلىق فورماسى مەن ولشەمىن قامتيدى، بۇل ءارى رايونىمىزدىڭ مەملەكەتتىڭ 2 - دۇركىن شوعىرلى ساتىپ الۋدى اتقارعان ۇزدىكسىز مەردىگەر شاقىرۋ ءتۇرى سانالادى.
اۆتونوميالى رايوندىق ەمدەۋدى قامتاماسىزداندىرۋ مەكەمەسى ءدارى - دارمەك باعاسى جانە مەردىگەر شاقىرىپ ساتىپ الۋ باسقارماسىنىڭ قاتىستى جاۋاپتىسى بىلاي دەپ تانىستىردى: بۇل توپتاعى ءدارى - دارمەك تۇرلەرى جوعارى قان قىسىم، اس قورىتۋ جولى اۋرۋى، رۋحاني اۋرۋلار، قاتەرلى وسپە سياقتى ەمدەۋ سالاسىن شارپيدى، ءدارى - دارمەكتەردىڭ باعاسى الدىڭعى مەرزىمدە شوعىرلى ساتىپ الۋ باعاسىنان ورتا ەسەپپەن ％50 تومەن بولۋ نەگىزىندە تاعى دا ورتا ەسەپپەن ％22 تومەندەيدى. مۇنىڭ ىشىندە B تيپتى باۋىر قابىنۋ ۆيرۋسىنا قارسى ءدارى ىنتيكا - ۋيدىڭ ءبىر تالىنىڭ جەكە باعاسى 8.2857 يۋاننان 0.1964 يۋانعا تومەندەدى، تومەندەۋ مولشەرى ％97.6 بولدى، وسى رەتكى شوعىرلى ساتىپ الۋ ساتىپ الۋشى نەگىزگى تۇلعاسى مەن ءدارى ءتۇر - ولشەمىن تولىق قامتىپ، ءدارى - دارمەك باعاسىنىڭ شارپۋ اسەرىنىڭ قاباتتاسۋىن جۇزەگە اسىردى.
ءتىلشىنىڭ ۇعىسۋىنشا، وسى توپتاعى 45 ءدارى - دارمەكتى ساتىپ الۋ مەرزىمى 2 جىل بولىپ، العاشقى جىلداعى ساتىپ الۋ پەريوتى 2022 - جىلى 3 - ايدىڭ 25 - كۇنىنەن باستاپ اتقارىلادى، ساتىپ الۋ پەريوتى ىشىندە ەمدەۋ قۇرىلىمدارى وسى رەت مەردىگەرلىكتە تاڭدالعان ونىمدەردى الدىمەن ساتىپ الادى، پايدالانادى ءارى كەلىسىمدەگى ساتىپ الۋ مولشەرىن ورىنداۋعا شىنايى كەپىلدىك ەتەدى. كەلىسىم بويىنشا ساتىپ الۋ مولشەرىن ورىنداعاننان كەيىن، ەمدەۋ قۇرىلىمدارى (مولشەرىن ءالى مالىمدەمەگەن ۇكىمەتتىك ەمدەۋ قۇرىلىمدارى قامتىلادى) مەردىگەرلىكتە تاڭدالعان ونىمدەردىڭ پايدالانىلۋ مولشەرىنىڭ سالىستىرماسى ارتۋ مولشەرىنىڭ ％70ىنەن تومەن بولمايدى، كەلىسىم بويىنشا ساتىپ الۋ مولشەرىنەن اسقان بولىگىن مەردىگەرلىككە ىلىنگەن كاسىپورىندار مەردىگەرلىكتە تاڭدالعان باعا بويىنشا ساتىپ الۋ پەريوتى تولعانعا دەيىن جالعاستى قامداپ تۇرادى.
سول كۇنى رايونىمىزدا تاعى 5 - توپتاعى مەملەكەت ۇيىمداستىرعان قاجەتتى مولشەرگە قاراي شوعىرلى ساتىپ الاتىن ولشەمى تولىق ەمەس ءدارى - دارمەكتەر اراسىندا مەردىگەرلىكتە تاڭدالعان 5 ءدارى - دارمەكتى، ”N+2“ ولكەلەر ارا بىرلەستىكتىڭ (اۆتونوميالى رايون مەن بيڭتۋان باسقا ولكە، رايوندارمەن بىرلەسىپ ۇيىمداستىرعان ولكەلەر ارا بىرلەستىك) 2 -، 3 - توپتاعى ءدارى - دارمەكتەرىن قاجەتتى مولشەرگە قاراي شوعىرلى ساتىپ الۋدا مەردىگەرلىكتە تاڭدالعان 2 ءدارى - دارمەك تياناقتاندى. سول كۇنى رايونىمىز جالپى شوعىرلى ساتىپ الاتىن 52 ءدارى - دارمەكتى تياناقتاندىردى، سونىمەن ءدارى - دارمەكتەردىڭ فورماسى، ولشەمى اناعۇرلىم تولىق بولدى.
