شينحۋا اگەنتتىگى كولەمدى شولۋ جاريالادى
«”باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولدى“ − باس شۋجي شي جينپيڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ شايقاسىن ويداعىداي جۇرگىزۋگە قولباسشىلىق ەتكەندىگى جونىندە شولۋ»
شينحۋا اگەنتتىگىنىڭ 3 - ايدىڭ 28 - كۇنى بەيجيڭنەن بەرگەن حابارى. شينحۋا اگەنتتىگى 3 - ايدىڭ 28 - كۇنى «”باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولدى“ − باس شۋجي شي جينپيڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ شايقاسىن ويداعىداي جۇرگىزۋگە قولباسشىلىق ەتكەندىگى جونىندە شولۋ» اتتى كولەمدى شولۋ جاريالادى.
ماقالادا بىلاي دەلىندى: كۇشتى جۇقپالى وميكرون شتاممى ەلىمىزدىڭ 28 ولكەسىنە جەدەل تارالدى. 3 - ايدىڭ باسىنان بەرى جەرگىلىكتى جۇعىمدالۋشىلاردىڭ جالپى سانى 70 مىڭنان اسىپ، ورتا، جوعارى حاۋىپتى وڭىرلەر ءبىر مەزگىل 600دەن استى... ەلىمىزدىڭ ىندەتتەن ساقتانۋ، ىندەتكە قارسى اتتانۋ قىزمەتى قاتاڭ سىن - سايىسقا ءدوپ كەلدى.
داۋىلدى تولقىندارعا بەتپە - بەت كەلدى، رولدى مەڭگەرىپ جول باستادى.
3 - ايدىڭ 17 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا تالداۋ جاساپ، ىندەتتەن ساقتانۋ - تىزگىندەۋ قىزمەتىن قاتاڭ، ويداعىداي يگەرۋ جونىندە ورنالاستىرۋ جاسادى. باس شۋجي شي جينپيڭ بىلاي دەپ اتاپ كورسەتتى: ”باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، عىلمي، دالمە - ءدال بولۋعا، يكەمدى تۇردە نولگە تۇسىرۋگە تاباندى بولىپ، ىندەتتىڭ تارالۋ، ءورشۋ بەتالىسىن تەز ارادا تىزگىندەۋ كەرەك“، ”ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ويداعىداي ءبىر تۇتاس جوسپارلاپ، اناعۇرلىم ءونىمدى شارالار قولدانىپ، ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە جەتۋگە كۇش سالىپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن بارىنشا ازايتۋ كەرەك“.
ماقالادا مىنالار اتاپ كورسەتىلدى: عاسىرلىق ىندەتتىڭ دامىلسىز قايتالانۋى الدىندا باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، عىلمي شارا ارقىلى ەرەكشە قيىنشىلىققا توتەپ بەرىپ، دامۋ مەن حاۋىپسىزدىك سىندى ەكى ءىرى ءىستى ويداعىداي ىستەۋ سىندى كەرەمەت اماليات ارقىلى 100 ميلليونداعان حالىقتى ىنتىماقتاستىرىپ جانە باستاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ شايقاسىن ويداعىداي جۇرگىزدى.
ماقالا 4 بولىككە بولىنگەن: قاتاڭ، مىقتى يگەردى − ”ىندەتتەن ساقتانۋ - تىزگىندەۋ سىندى ارقاۋدى باستان - اياق مىقتاپ شيراتتى“؛ دالمە - ءدال ساقتانىپ - تىزگىندەدى − ”ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىن جۇزەگە اسىرۋعا قۇلشىندى“؛ ءبىر تۇتاس جوسپارلاپ، تەگىس ءمان بەردى − ”ىندەتتىڭ ەكونوميكالىق، قوعامدىق دامۋعا ىقپالىن ەڭ جوعارى شەكتە ازايتتى“؛ ۋاقىتتىق قيىنشىلىقتى بىرگە جەڭدى − ”تەك ءبىز قيىندىقتى بىلەك بىرىكتىرە جەڭىپ، ءبىر - بىرىمىزگە قارايلاسساق، ىندەتتى تۇبەگەيلى جەڭىپ، ادامزات دامۋىنىڭ اناعۇرلىم كوركەم كەلەشەگىن قارسى الاتىن بولامىز“.
ماقالادا مىنالار اتاپ كورسەتىلدى: ىندەت تۋىلعاننان بەرى باس شۋجي شي جينپيڭ ىلگەرىندى - كەيىندى ”ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن“ قۇرۋ، ”الەمدىك دامۋ تاعدىرلاس ورتاق تۇلعاسىن“ قۇرۋ سىندى ەكى ءىرى قۋاتتامانى العا قويدى. ءبىر - بىرىمەن ۇندەسكەن ەكى ”ورتاق تۇلعا“ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋداعى جۇڭگو ۇستانىمىنىڭ دۇنيە جۇزىندە بەينەلەنۋى، سونداي - اق ادامزاتتىڭ تاعدىرلاس ورتاق تۇلعاسىنىڭ ىندەت جاعدايىنداعى جاندى بەينەسى بولىپ تابىلادى.
”تەڭىزگە جوڭكىلگەن ۇلى داريا ۇنەمى كەرى اعىنعا ۇشىراپ جاتادى، دەسەدە ءارقانداي كەرى اعىن شىعىسقا بەت العان ۇلى داريانى بوگەي المايدى“.
بولاشاققا كوز جىبەرسەك، ادامزاتتىڭ تاعدىرلاس ورتاق تۇلعاسى ۇستانىمىنىڭ جەتەكشىلىگىندە، جۇڭگو حالقى ءار ەل حالقىمەن بىرگە سەنىمدى بەكەمدەپ، ىنتىماقتاسا كۇرەس جاسايدى، ىندەت تۇبىندە ءوتىپ كەتەدى، جەڭىس، ءسوز جوق، جەتىپ كەلەدى!
