اۆتونوميالى رايوندىق پارتكومنىڭ پارتيا قۇرىلىسى قىزمەتى باسشىلىق گرۋپپاسى ءماجىلىس اشتى
پارتيا باسشىلىعىن جالپى بەتتىك كۇشەيتىپ، پارتيا قۇرىلىسىن ىلگەرىلەتۋدە تىڭ ناتيجەگە قول جەتكىزۋ كەرەك
ما شيڭرۇي باسقاردى ءارى ءسوز سويلەدى لي يفي، جاڭ چۇنلين، حى جۇڭيوۋ قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 3 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم پارتيا قۇرىلىسى قىزمەتى باسشىلىق گرۋپپاسىنىڭ باستىعى ما شيڭرۇي 3 - ايدىڭ 28 - كۇنى تۇستەن كەيىن اۆتونوميالى رايوندىق پارتكوم پارتيا قۇرىلىسى قىزمەتى باسشىلىق گرۋپپاسىنىڭ ءماجىلىسىن باسقارىپ اشتى. ول بىلاي دەپ باسا دارىپتەدى: ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ءتورت تانىمدى“ كۇشەيتىپ،” ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، پارتيا باسشىلىعىن جالپى بەتتىك كۇشەيتىپ، شينجياڭنىڭ پارتيا قۇرىلىسى قىزمەتىن ىلگەرىلەتۋدە تىڭ دا اناعۇرلىم زور ناتيجەلەرگە قول جەتكىزىپ، ءىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ قاتارلىلار ماجىلىسكە قاتىناستى.
ماجىلىستە باس شۋجي شي جينپيڭنىڭ پارتيا قۇرىلىسىن كۇشەيتۋ جونىندەگى ماڭىزدى بايىمداۋىنان ۇزىندىلەردى ۇيرەنىپ، «اۆتونوميالى رايوندىق پارتكوم پارتيا قۇرىلىسى قىزمەتى باسشىلىق گرۋپپاسىنىڭ 2022 - جىلعى قىزمەت تۇيىندەرىن»، ت.ب اقىلداستى، قارادى.
ما شيڭرۇي بىلاي دەپ باسا دارىپتەدى: ساياسي تارتىپكە جانە ساياسي قاعيداعا قاتاڭ بويسۇنىپ، ساياسي تارتىپكە باستان - اياق تاباندى بولۋ پارتيامىزدىڭ ەڭ ءتۇبىرلى، ەڭ ماڭىزدى ءتارتىبى، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”ەكىنى تۇراقتاندىرۋدى“ قورعاۋدى، ”ەكىنى قورعاۋدى“ ورىنداۋدى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن قاز - قالپىندا دايەكتىلەندىرۋ ارەكەتىندە ايگىلەۋ كەرەك. پارتيانىڭ جاسامپاز نازارياسىمەن قارۋلانۋدى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ۇيرەنۋدى، دايەكتىلەندىرۋدى ماڭىزدى مازمۇن ەتىپ، شينجياڭ قىزمەتىنىڭ باستان - اياق دۇرىس ساياسي بەتالىستى بويلاپ العا ىلگەرىلەۋىنە شىنايى كەپىلدىك ەتۋ كەرەك. ادال، كىرشىكسىز، جاۋاپكەرشىلىك ارقالايتىن كادر - دارىندىلار قوسىنىن قۇرىپ، جاڭا داۋىردەگى جاقسى كادر ولشەمى مەن ۇلتتىق ءوڭىر كادرلارىنىڭ ساياسي ولشەمىن تياناقتاندىرىپ، كادرلاردىڭ ساياسي ساپاسىن سارالاۋدى ۇدايىلاندىرىپ، ناقتى ناتيجەنى، جاۋاپكەرشىلىكتى كورنەكتىلەندىرىپ، تاربيەلەۋدى، باۋلۋدى جانە قامقورلىق جاساۋدى، شابىتتاندىرۋدى كۇشەيتىپ، ءار ۇلت كادرلارىن جاڭا داۋىردە جاڭا جاۋاپكەرشىلىك ارقالاپ، تىڭ ىسكەرلىك كورسەتۋگە باستاۋ كەرەك. پارتيانىڭ بيلىك جۇرگىزۋ نەگىزىن بەكەمدەپ، نىعايتىپ، نەگىزگى ساتىنى يگەرۋدى، نەگىز قالاۋدى كورنەكتىلەندىرىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ونان ارى كۇشەيتىپ، دارەجەسىن ءوسىرىپ، كەمەلدەندىرىپ، نەگىزگى ساتى پارتيا ۇيىمى قۇرىلىسىن كۇشەيتىپ، پارتياعا مۇشە قابىلداۋ قىزمەتىن ويداعىداي ىستەپ، پارتيا مۇشەلەرىنىڭ اۆانگارد ۇلگىلىك رولىن اناعۇرلىم ويداعىداي ساۋلەلەندىرۋ كەرەك. ستيلى پاك، سالتى دۇرىس ساياسي ەكولوگيا قالىپتاستىرىپ، پارتيا تاريحىن ۇيرەنۋ تاربيەسى جەتىستىكتەرىن بەكەمدەپ، كەڭەيتىپ، شىندىققا جۇگىنىپ، ناقتى ءىس ىستەۋ ستيلىن اسقاقتاتىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ تياناقتاندىرىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تەرەڭدەتىپ، پارتيانى جاپپاي قاتاڭ باسقارۋدى قاجىماس تاباندىلىقپەن ىشكەرىلەي ىلگەرىلەتۋ كەرەك. پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن قاتايتىپ، ءار دارەجەلى پارتكومداردىڭ (پارتيا باسشىلىق گرۋپپاسىنىڭ) نەگىزگى تۇلعالىق جاۋاپكەرشىلىگىن جانە پارتكوم (پارتيا باسشىلىق گرۋپپاسى) شۋجيلەرىنىڭ ءبىرىنشى جاۋاپتى ادامدىق جاۋاپكەرشىلىگىن، ءار دارەجەلى ءتارتىپ تەكسەرۋ كوميتەتىنىڭ، باقىلاۋ كوميتەتىنىڭ باقىلاۋ - تەكسەرۋ جاۋاپكەرشىلىگىن، ءار دارەجەلى پارتيا قۇرىلىسى قىزمەتى باسشىلىق گرۋپپالارىنىڭ ىلگەرىلەتۋ جاۋاپكەرشىلىگىن جانە ءارقايسى نەگىزگى ساتى پارتيا ۇيىمدارىنىڭ تىكە جاۋاپكەرشىلىگىن تياناقتاندىرىپ، پارتيا قۇرىلىسى قىزمەتىنىڭ ساپاسىن ۇزدىكسىز جوعارىلاتۋ كەرەك.
اۆتونوميالى رايوندىق پارتكومنىڭ تۇراقتى مۇشەلەرى جاڭ جۋ، ءزۇمىرات وبۇل، ياڭ فاسىن، قادەن كابەن، اۆتونوميالى رايوندىق پارتكوم پارتيا قۇرىلىسى قىزمەتى باسشىلىق گرۋپپاسىنىڭ مۇشەلەرى قاتارلىلار ماجىلىسكە قاتىناستى.
