انار بۇلت / شينجياڭ گازەتىنىڭ ءتىلشىسى ما ينيڭ 3 - ايدىڭ 28 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىنشا، بيىل شينجياڭنىڭ ”ورتا، شاعىن كاسىپورىنداردىڭ جاڭالىق اشۋىنا قىزمەت وتەۋ قاعازىن“ ءوتىنىش ەتۋ قىزمەتى باستالعان، قىزمەت وتەۋ قاعازىنىڭ قۇنى 1000 يۋاننان 50 مىڭ يۋانعا دەيىن تۇرلىشە بولادى، 1000 يۋاندىق قۇن بويىنشا دارەجەسىنە قاراي بىرتىندەپ كوبەيەدى ەكەن.
وسى قىزمەت وتەۋ قاعازى اۆتونوميالى رايوننىڭ ورتا، شاعىن كاسپورىنداردى دامىتۋ ارناۋلى قارجىسىنان ورتا، شاعىن كاسىپورىنداردىڭ قىزمەت وتەۋدى ساتىپ الۋىنا كومەك قاراجات بەرۋگە قولدانىلاتىن اقشا ورنىنا جۇرەتىن قۇندى قاعاز، شينجياڭ ورتا، شاعىن كاسىپورىندار الەۋمەتتىك قىزمەت وتەۋ تۇعىرىنىڭ قىزمەت وتەۋ قاعازى جۇيەسىندە ەلەكتروندى قۇندى قاعاز فورماسىندا تاراتىلادى. شينجياڭداعى ورتا، شاعىن كاسىپورىندار قىزمەت وتەۋ قۇرىلىمدارىنان قىزمەت وتەۋ قاعازى نىسانى بويىنشا ءوتىنىش ەتۋ كولەمى ىشىندەگى قىزمەت وتەۋ مازمۇنىن ساتىپ العان كەزدە، قىزمەت وتەۋ قاعازىن ءوتىنىش ەتىپ الىپ ارى ونان پايدالانىپ تاڭداعان قىزمەت وتەۋ قۇرىلىمىنىڭ قىزمەت وتەۋ اقىسىنىڭ ورنىنا دولايلاستىرادى. تاڭدالعان قىزمەت وتەۋ قۇرىلىمى قىزمەت وتەۋ قاعازىن تاپسىرىپ العانىن راستاعاننان كەيىن، كاسىپورىنمەن قىزمەت وتەۋ توقتامىنا قول قويىپ، توقتامداعى قىزمەت وتەۋ مازمۇنىن اياقتاعان سوڭ قىزمەت وتەۋ قاعازى ءتۇرىن ءوتىنىش ەتىپ، ءوتىنىش ەتكەن ماتەريالدارى تەكسەرۋدەن وتكەن سوڭ، ەڭ سوڭىندا قىزمەت وتەۋ قاعازىن ناق اقشاعا اۋىستىرىپ الادى.
وسى رەت قىزمەت وتەۋ قاعازىن ءوتىنىش ەتىپ الاتىن كاسىپورىنداردىڭ كولەمى اۆتونوميالى رايون مويىنداعان، كۇشكە يە ۋاقىت ىشىندەگى ”ارنايىلانعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان“ ورتا، شاعىن كاسىپورىندار مەن باسقا دا ورتا، شاعىن، ۇساق كاسىپورىندار. مۇنىڭ ىشىندە باسقا ورتا، شاعىن، ۇساق كاسىپورىندار مىناداي 5 شارتتى ازىرلەۋى قاجەت: كاسىپ سالاسى ساياساتىنا ۇيلەسۋى؛ 2021 - جىلى 1 - ايدىڭ 1 - كۇنىنەن بۇرىن شينجياڭ ىشىندە ونەركاسىپ - ساۋدا بويىنشا تىركەلىپ، تىزىمگە الدىرۋى؛ دەربەس زاڭدىق تۇلعا تولىمدىلىعى بولۋى؛ تيجارات قيمىلى بارىسىندا ەلەۋلى زاڭعا قايشىلىق جاساۋ ەستەلىگى بولماۋى، ”سەنىمدى جۇڭگو“ سايتىنىڭ زاڭعا قايشى، بەلگىلەمەگە قايشى ارەكەتتەرى بولماعاندىعى جونىندەگى تەكسەرۋ ەستەلىگىن ازىرلەۋى؛ ”بۇكىل ەلدە ءبىر تۇلعالانعان ينتەرنەت جەلىسىندەگى ۇكىمەتتىك قىزمەت وتەۋ تۇعىرىنداعى جۇمىس جۇرگىزۋدى قاداعالاۋعا تىرەك بولىپ قىزمەت وتەۋ قوسالقى تۇعىرىندا“ تىركەلۋى ءارى تالاپ بويىنشا اي سايىن دەر كەزىندە جۇمىس جۇرگىزۋدى قاداعالاۋ ساندى مالىمەتتەرىن جولداپ تۇرۋى كەرەك.
قىزمەت وتەۋ قاعازىن ءوتىنىش ەتىپ الۋدا ءوتىنىش ەتۋ ۋاقىتى بويىنشا ، الدىمەن كەلگەندەر الدىمەن الۋ، الىپ بولعان سوڭ اياقتاۋ پرينسيبى قولدانىلادى، ءوتىنىش ەتىپ الۋ سوماسى قىزمەت وتەۋ توقتامى سوماسىنىڭ ％50ىنە بارابار. 2022 - جىلى 1 - ايدىڭ 1 - كۇنىنەن كەيىن قول قويىلعان قىزمەت وتەۋ توقتامىن دا وسى قىزمەت وتەۋ قاعازىن ءوتىنىش ەتىپ الۋعا قاتىستىرۋعا بولادى، قىزمەت وتەۋ توقتامىنىڭ مازمۇنى 2022 - جىلى 6 - ايدىڭ 15 - كۇنىنەن بۇرىن اياقتالۋى كەرەك. بۇل رەتكى قىزمەت وتەۋ قاعازى ەڭ الدىمەن وڭتۇستىك شينجياڭنىڭ 4 ايماق - وبلىسىنداعى تىركەلىپ، تىزىمگە الدىرعان ورتا، شاعىن، ۇساق كاسىپورىندارعا قولداۋ كورسەتەدى.
ۇعىسۋعا قاراعاندا، ءاربىر ءوتىنىش ەتۋ وبيەكتىسىنىڭ تەك ءبىر رەت عانا قىزمەت وتەۋ قاعازىن ءوتىنىش ەتىپ الۋىنا بولادى، اۆتونوميالى رايون مويىنداعان، كۇشكە يە ۋاقىت ىشىندەگى ”ارنايىلانعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان“ ورتا، شاعىن كاسىپورىنداردىڭ جىلىنا پايدالاناتىن سوماسى 50 مىڭ يۋاننان اسپايدى؛ باسقا ورتا، شاعىن، ۇساق كاسىپورىنداردىڭ جىلىنا پايدالاناتىن سوماسى 20 مىڭ يۋاننان اسپايدى. تاڭدالعان قىزمەت وتەۋ قۇرىلىمى توقتامداعى قىزمەت وتەۋ اياقتاعاننان كەيىن بولىنگەن قاراجاتتى اۋىستىرىپ الادى، ءاربىر قىزمەت وتەۋ قۇرىلىمى كوپتەگەن كاسىپورىنعا قىزمەت وتەي الادى، ءوتىنىش ەتىپ اۋىستىرىپ العان قىزمەت وتەۋ قاعازى جالپى سوماسىنىڭ جوعارعى شەگى 200 مىڭ يۋاننان اسپايدى.
