حوۋ حۇي
ۇستىنەن تاراتۋ، بولجالدى رەالدىق، جاساندى زەردە، الىستان مەڭگەرۋ... 3 - ايدىڭ 17 - كۇنى 2022 - جىلدىڭ ءبىرىنشى ماۋسىمىندا اۆتونوميالى رايوننىڭ كەلەلى نىساندارىنىڭ جۇمىسىن شوعىرلى قالپىنا كەلتىرۋ، جۇمىس باستاۋ سالتىندا جانە بۇكىل رايوننىڭ كەلەلى نىساندارىن ورنالاستىرۋ ماجىلىسىندە ”5G + بۇلتتىق كەسكىن حابار + زەردەلى جۇمىس باسى“ جالپىلىق ورنالاستىرۋ تۇعىرىندا شينجياڭداعى 14 ايماق، وبلىس، قالانىڭ جۇمىستى شوعىرلى قالپىنا كەلتىرۋ، جۇمىس باستاۋى سول جەردىڭ وزىندە دەر كەزىندە بۇلتتىق تەرمينال ارقىلى بايلانىس ورناتتى. سيفرلى ينفورماتسيا تەحنيكاسى اكەلگەن عىلىم - تەحنيكالىق وزگەرىس كىسىنى قۋانتادى، ايتسە دە سونىمەن قاتار ءار دارەجەلى باسشى كادرلارعا اناعۇرلىم جوعارى تالاپ تا قويدى، باسشى كادرلار تەك ۇيرەنۋگە ىنتالى، ۇيرەنۋگە شەبەر بولعاندا عانا، ەكونوميكانىڭ، قوعامنىڭ جوعارى ساپالى دامۋ تالابىنا ءتىپتى جاقسى ۇيلەسە الاتىن بولادى.
عىلىم - تەحنيكالىق تۇيسىنۋگە تولى وسى ”زەردەلى جۇمىس باسى“ جونىنەن قاتىستى باسشى كادرلاردىڭ تەك بىرنەشە اتاۋمەن نەمەسە ۇعىممەن ءوزىن ”ارلەپ كورسەتۋىنە“ بولمايدى، قايتا ونىڭ نەگىزگى قاعيداسى، ماڭىزدى ءمانى، سونداي - اق دامۋ بەتالىسى سياقتىلاردى ىشكەرىلەي ۇيرەنۋى، ءتۇسىنۋى ءتيىس، سوندا عانا ”كاسىپتەن بەيحابار بۇيرىق“ تۇسىرۋدەن، ”ورىنسىز شارانى“ العا قويۋدان اۋلاق بولا الادى. ءىس جۇزىندە، ەلەۋلى نىسان قۇرىلىستارى عانا ەمەس، جوعارى ساپالى دامۋدى ىلگەرىلەتۋ ەكونوميكانىڭ، قوعامنىڭ بارلىق جاعىنا سايادى، بۇل بارىس ءارى باسشى كادرلاردىڭ ءبىلىم دەڭگەيى، قابىلەت ساپاسى جونىنەن سىناق سانالادى. باس شۋجي شي جينپيڭ بىلاي دەپ باسا دارىپتەگەن: ”باسشى كادرلاردا جاۋاپكەرشىلىك ارقالايتىن قابىلەت بولۋدان تىس، ءىس تىندىرا الاتىن ناعىز ونەر بولۋ كەرەك“. ناعىز ونەر سومداۋداعى كەزەك كۇتتىرمەيتىن مىندەت ۇيرەنۋگە ىنتالى، ۇيرەنۋگە شەبەر بولۋ، ويتكەنى ىستەگەن ءىس ءونىمدى بولۋى ءۇشىن، ءسوز جوق، ۇيرەنۋ تابىستى بولۋ كەرەك.
شينجياڭنىڭ ەكونوميكانى جوعارى ساپالى دامىتۋ ماڭىزدى ستراتەگيالىق وراي مەزگىلىندە ءبىز ءدوپ كەلەتىن حاۋىپ - قاتەر، سىن - سايىستار كۇن سايىن ارتۋدا، جاڭا ىستەر، جاڭا ماسەلەلەر ءتىپتى ىركەس - تىركەس جارىققا شىعۋدا. ءار دارەجەلى باسشى كادرلاردا ەگەر دە جەتكىلىكتى ءبىلىم قورى بولماسا، كوز اياسى تار، كوزقاراسى مەشەۋ، وي جەلىسى قاتىپ - سەمگەن بولادى دا، ”جاڭا ءادىستى قولدانا الماۋ، كونە ءادىس كادەگە جاراماۋ، ۇتىمدى ءادىستى قولدانۋعا باتىلى بارماۋ، دارمەنسىز ءادىس تاتىمسىز بولۋ“ سىندى قيىنشىلىق تىعىرىعىندا قالادى، اۋەلى، تورىعۋشىلىق بارىسىندا قاتە شەشىم جاساپ، ەڭ اقىرى ورنى تولماس زيان تۋدىرادى.
پىشاقتى قايراماسا تات باسادى، ادام ۇيرەنبەسە مەشەۋ قالادى. ۇيرەنۋگە شەبەر بولۋ باسشى كادرلاردىڭ قابىلەتىنىڭ قۇلدىراۋىنان ساقتانۋداعى تابيعي جولى. باسشى كادرلار تەك ۇيرەنۋگە شەبەر بولعاندا عانا، تايازدىق سالدارىنان باعداردان جازاتىن، بىلىمسىزدىك سالدارىنان قارابايىرلىق ىستەيتىن، ناداندىق سالدارىنان بەيپىل كەتەتىن تىعىرىققا ءتۇسىپ قالۋدان ساقتانۋىنا بولادى؛ جاڭا ىستەر، جاڭا ماسەلەلەر الدىندا بايسالدىلىقپەن توتەپ بەرۋگە، ىرىقتىلىققا قول جەتكىزۋگە بولادى. باسشى كادرلار تەك شەبەرلىكپەن ۇيرەنگەندە عانا، ناعىز ونەرگە توسەلىپ، زور وزگەرىسكە، قاۋىرت دامۋعا يە جاڭا داۋىردە ۇلكەن مىندەت ارقالاپ، ىسكەرلىك كورسەتە الاتىن بولادى.
ۇيرەنۋ قابىلەتى باسىم كوپ دارەجەدە باسشى كادرلاردىڭ باسقارۋ قابىلەتىن بەلگىلەيدى. ۇيرەنۋدىڭ ماقساتى قولدانۋ، ءبىلىمدى قابىلەتكە اينالدىرۋ ءارى ەڭ سوڭىندا ماسەلەنى شەشىپ، قيىنشىلىقتان قامال الۋ. سوندىقتان تەكسەرۋگە توتەپ بەرۋ ءۇشىن نەمەسە ءبىلىمدى كىسىمسۋ ءۇشىن ۇيرەنۋ ەمەس، قايتا نىسانا بەلگىلەپ، سۇراۋدى بەتكە الىپ ۇيرەنۋ كەرەك. ءار دارەجەلى باسشى كادرلار ۇيرەنۋ بارىسىندا ءوز قىزمەتىنە قاتىستى جاڭا بىلىمدەردى، جاڭا شەبەرلىكتەردى يگەرۋدەن تىس، ەكونوميكا، ساياسي، زاڭ، مادەنيەت، قوعام، باسقارۋ، ەكولوگيا، حالىقارا سياقتى جاقتارداعى نەگىزدىك بىلىمدەردى ۇيرەنىپ، مىندەت اتقارۋعا قاجەتتى ءبىلىم جۇيەسىن ۇزدىكسىز كەمەلدەندىرۋ كەرەك. ەڭ نەگىزگى مىنا ءبىر ءتۇيىندى، ءسوز جوق، تانىپ جەتۋ كەرەك، ياعني ۇيرەنۋ ءوزىنىڭ ءىسى عانا ەمەس، ەكونوميكالىق، قوعامدىق دامۋعا ساياتىن ءىرى ءىس، كەزەك كۇتتىرمەيتىن مىندەت شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋدى، جەتە ءتۇسىنۋدى، شىنايى تياناقتاندىرۋدى ماڭداي الدى مىندەت ساناپ، تاباندىلىقپەن جۇرگىزىپ، ىشكەرىلەي ۇيرەنىپ، بار زەيىنىن سالىپ اتقارىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، امالياتقا جەتەكشىلىك ەتۋ قاجەت.
كەزەكتە قوعام تەز قارقىنمەن دامىپ، عىلىم - تەحنيكا كۇن سايىن جاڭالانىپ، اي سايىن تۇلەجىپ، بازار قاس قاعىمدا سان قۇبىلۋدا. ءار دارەجەلى باسشى كادرلار ۇيرەنۋگە شەبەر بولۋدى ەرەك ونەر ەتىپ، ۇيرەنۋ بارىسىندا كوز ايانى كەڭەيتىپ، قابىلەتتەرىن ۇشتاپ، توتەپ بەرۋ قابىلەتىن، شەشىم جاساۋ قابىلەتىن، سونداي - اق سايكەستىرۋ قابىلەتىن جوعارىلاتىپ، قابىلەتى جەتپەۋ، قابىلەتى كەنجە قالۋ، قابىلەت داعدارىسى ماسەلەسىن جەڭىپ، ءىس تىندىرىپ ناتيجە جاراتۋداعى”سەركەگە“، جان - جاقتى دامىعان ”بەساسپاپ مايتالمانعا“ اينالىپ، ەكونوميكانىڭ جوعارى ساپالى دامۋىن ىلگەرىلەتۋدە شەشۋشى ازشىلىقتىڭ شەشۋشى رولىن ساۋلەلەندىرۋ كەرەك.
