3 - ايدىڭ 30 - كۇنى، ۇرىمجىدە قالىڭ قار جاۋدى. باتىس دۇڭدالياڭ كوشەسى بايشين شيڭفۋيۋان 3 - قارارىنىڭ اۋلاسىندا، قالا تۇرعىندارى قارلى اۋا رايىندا جولعا شىقتى. سۋرەتتى تيانشان تورى - شينجياڭ گازەتىنىڭ ءتىلشىسى جاڭ شينجۇن تۇسىرگەن
تيانشان تورى - شينجياڭ گازەتىنىڭ حابارى (ءتىلشى يۇي مىڭفان حابارلايدى). «حۋاڭدي ىشكى رەتسەپتەرى» كىتابىندا: ”جەل الۋان ءتۇرلى اۋرۋدىڭ باستاماسى“ دەلىنگەن، كونەلەر: ”جەلدەن ىقتاۋ جەبەدەن تاسالانعانداي“ دەگەن، ياعني جەل قارىستىرماۋ وقتاي بوراعان جەبەدەن قاشقانداي دەگەن ماعىنادا. جەل تيگىزبەۋدە ەڭ ماڭىزدىسى باستى جىلى ۇستاپ، ماڭدايعا سۋىق تيگىزبەۋ كەرەك. اسىرەسە قارتتار ءۇشىن، باس كيىمدى الۋ ءالى ەرتە، قىس ماۋسىمىندا كيەتىن ماقتالى باس كيىمدى جالاڭ باس كيىمگە اۋىستىرۋعا بولادى.
بۇگىن (3 - ايدىڭ 30 - كۇنى) سولتۇستىك شينجياڭنىڭ كوپ وڭىرلەرى مەن قاشقار ايماعىنىڭ وڭتۇستىگى، حوتان ايماعى مەن اقسۋ ايماعىنىڭ سولتۇستىگى جانە شىعىسى، بايىنعولين موڭعۇل اۆتونوميالى وبلىسى، تۇرپان قالاسى، قۇمىل قالاسىنىڭ سولتۇستىگى سىندى جەرلەردىڭ ءىشىنارا وڭىرلەرىندە سەبەزگى، از جاڭبىر جاۋادى نەمەسە قار ارالاس جاڭبىر جاۋىپ بارىپ قارعا اينالادى، مۇنىڭ ىشىندە ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى، تارباعاتاي ايماعى، التاي ايماعىنىڭ سولتۇستىگى، شىحىزى قالاسى، سانجى حۇيزۋ اۆتونوميالى وبلىسى، قاشقار ايماعىنىڭ وڭتۇستىگىندەگى تاۋلى ءوڭىر، بايىنعولين وبلىسىنىڭ سولتۇستىگى، تۇرپان قالاسىنىڭ سولتۇستىگىندەگى تاۋلى ءوڭىر، قۇمىل قالاسىنىڭ سولتۇستىگى سىندى جەرلەردىڭ ءىشىنارا وڭىرلەرىندە ورتاشا جاڭبىر جاۋىپ بارىپ نوسەرگە اينالادى نەمەسە قار جاۋادى، تاۋلى ءوڭىردىڭ كەيبىر جەرىندە قالىڭ قار تۇسەدى؛ سولتۇستىك شينجياڭنىڭ كوپ وڭىرلەرى مەن تۇرپان قالاسىندا، قۇمىل قالاسىندا 6 بال شاماسىندا باتىس سولتۇستىك جەلى سوعادى، جەل وتىندە 11 بال، ۇيتقىما جەل 12 دە 13 بال ارالىعىندا بولادى، ءىشىنارا وڭىرلەردە از ۋاقىت بوز بوران نەمەسە قۇمدى بوران سوعادى، وڭتۇستىك شينجياڭداعى تارىم ويپاتىنىڭ ورتا، شىعىس بولىگىندە 5 بال قيىس شىعىس جەلى سوعادى ءارى ۇقساماعان دەڭگەيدەگى قۇمدى بوراندى اۋا رايى بولادى؛ سولتۇستىك شينجياڭنىڭ كوپ وڭىرلەرىندە اۋا تەمپەراتۋراسى 5 ~ 8 سەلتسي گرادۋس شاماسىندا تومەندەيدى.
بۇگىن ءۇرىمجى قالاسىندا، قار ارالاس جاڭبىر جاۋىپ سوڭىندا بۇلتتايدى، ەڭ جوعارى اۋا تەمپەراتۋراسى 4 سەلتسي گرادۋس، ەڭ تومەنگى اۋا تەمپەراتۋراسى نولدەن تومەن 2 سەلتسي گرادۋس، 4 تە 5 بال اينالاسىندا باتىس سولتۇستىك جەلى سوعادى.
بۇگىن G3015 جەلىسىنىڭ دوربىلجىننەن تەمىرتامعا دەيىنگى بولىگى، S201 جەلىسىنىڭ مايتاس جەلدى ءوڭىرى، S221 جەلىسىنىڭ سارعۋسىن جەل ءوتى، S319 مەن S229 جەلىسىنىڭ التاي نوقاي جەل ءوڭىرى بولىگى، G3014 جەلىسىنىڭ قارامايلىدان ورقىعا دەيىنگى بولىگى، G30، G312 جەلىسىنىڭ دابانچىڭنان داحيانعا دەيىنگى بولىگى، شىقتىمنان لياۋدۇنعا دەيىنگى بولىگى سىندى جەرلەردە 10 بال باتىس سولتۇسىتك جەلى سوعادى، كەيبىر جەرلەردە 12 دە 13 بال ۇيتقىما جەل سوعادى.
