جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «پىكىر» باسىپ تاراتتى
قوعامدىق سەنىمدىلىك جۇيەسى قۇرىلىسىنىڭ جوعارى ساپالى دامۋىن ىلگەرىلەتىپ، جاڭا دامۋ ارناسىن قالىپتاستىرۋدى جەبەۋ كەرەك
شينحۋا اگەنتتىگىنىڭ 3 - ايدىڭ 29 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «قوعامدىق سەنىمدىلىك جۇيەسى قۇرىلىسىنىڭ جوعارى ساپالى دامۋىن ىلگەرىلەتىپ، جاڭا دامۋ ارناسىن قالىپتاستىرۋدى جەبەۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، جەر - جەردىڭ، تاراۋلاردىڭ ءىس جۇزىندىك جاعدايمەن بىرلەستىرىپ، مۇقيات دايەكتىلەندىرۋىن، تياناقتاندىرۋىن تالاپ ەتتى.
«پىكىردە» مىنالار اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، جۇيە كوزقاراسىنا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، سەنىمدىلىك ۇستانىمىنىڭ، سەنىمدىلىك ءتۇزىمىنىڭ، سەنىمدىلىك شاراسىنىڭ حالىق شارۋاشىلىعى جۇيەسىنىڭ ءارقايسى جاقتارىمەن، ءارقايسى بۋىندارىمەن ىشكەرىلەي توعىسۋىن تىڭعىلىقتى ىلگەرىلەتىپ، سەنىمدىلىكتىڭ بايلىقتى جايعاستىرۋداعى ونىمدىلىگىن جوعارىلاتۋ، تۇزىمدىك ساۋدا وزىندىك قۇنىن تومەندەتۋ، حاۋىپ - قاتەردەن ساقتانۋ جانە ونى جويۋداعى ماڭىزدى رولىن اناعۇرلىم ساۋلەلەندىرىپ، حالىق شارۋاشىلىعى جۇيەسىنىڭ جالپىلىق ونىمدىلىگىن جوعارىلاتىپ، جاڭا دامۋ ارناسىن قالىپتاستىرۋدى جەبەۋگە تىرەكتىك قامتاماسىزدىق ازىرلەۋ كەرەك.
«پىكىردە» مىنالار تالاپ ەتىلدى: ەكونوميكالىق، قوعامدىق دامۋدىڭ جالپى جاعدايىن تياناق ەتىپ، جالپى جاقتان جايعاستىرىپ، ماڭىزدى ءتۇيىندى كورنەكتىلەندىرىپ، جەر - جەردىڭ، كاسىپتەردىڭ، سالالاردىڭ سەنىمدىلىك قۇرىلىسىن ءتارتىپتى ىلگەرىلەتۋ كەرەك. بەلسەندى ىزدەنىس جاساپ، جاڭالىق اشىپ، سەنىمدىلىك ۇستانىمى جانە ءتاسىلى ارقىلى ەكونوميكالىق، قوعامدىق اينالىمدى تەجەيتىن قيىندىقتاردى، بوگەتتەردى، كەسىرلى ءتۇيىندى ماسەلەلەردى شەشۋ كەرەك. قوعامدىق سەنىمدىلىك جۇيەسى قۇرىلىسىن جالپى بەتتىك زاڭمەن باسقارۋ ارناسىنا ەنگىزىپ، ءارقايسى سالاداعى، ءارقايسى بۋىنداعى سەنىمدىلىك شارالارىن جۇيەلىلەندىرىپ، كەمەلدەندىرىپ، ءتۇرلى نەگىزگى تۇلعالاردىڭ زاڭدى ۇقىق - مۇددەسىن شىنايى قورعاۋ كەرەك. ءتۇرلى نەگىزگى تۇلعالاردىڭ بەلسەندىلىگىن، جاسامپازدىعىن تولىق جۇمىلدىرىپ، سەنىمدىلىك بازارىنىڭ بەلسەندى رولىن ساۋلەلەندىرىپ، ۇكىمەتتىڭ ۇيىمداستىرۋ، سايكەستىرۋ، ۇلگى كورسەتىپ جەتەكشىلىك ەتۋ، باقىلاۋ - باسقارۋ رولىن اناعۇرلىم ويداعىداي ساۋلەلەندىرىپ، قوعامدىق سەنىمدىلىك جۇيەسى قۇرىلىسىنىڭ جوعارى ساپالى دامۋىن ىلگەرىلەتۋدىڭ بىرىككەن كۇشىن قالىپتاستىرۋ كەرەك.
«پىكىردە» مىنالار ايقىندالدى: اقاۋسىز سەنىمدىلىك مەحانيزمى ارقىلى ەل ءىشى ۇلكەن اينالىمىن ىركىلىسسىزدەندىرىپ، تاماشا سەنىمدىلىك ورتاسى ارقىلى ەل ءىشى، حالىقارا سىندى قوس اينالىمنىڭ ءبىرىن - ءبىرى جەبەۋىنە تىرەك بولىپ، بەرىك سەنىمدىلىك نەگىزى ارقىلى فينانستىڭ ناقتى ەكونوميكاعا قىزمەت وتەۋىن جەبەپ، ءونىمدى سەنىمدىلىك باقىلاۋ - باسقارۋى جانە سەنىمدىلىك قىزمەت وتەۋى ارقىلى تۇتاس قوعامنىڭ سەنىمدىلىك دەڭگەيىن جوعارىلاتۋ كەرەك.
