3 - ايدىڭ 27 - كۇنى ءىزچىلار كىلەم زاۆودىنىڭ قىزمەتكەرلەرى سەحتا كىلەمنىڭ ارتىق جىپتەرىن قىرقىپ جوندەۋدە. اتۇش ونەركاسىپ باقشاسى ۇساق، شاعىن كاسىپ سالاسى باقشاسىنا ورنالاسقان ءىزچىلار كىلەم زاۆودى نەگىزىنەن وتباسىلىق كىلەمدەرى، كۇندەلىكتى تۇتىنىلاتىن توسەنىش، ورنەكتى توسەنىش سىندى توقىماشىلىق ونىمدەرىن وندىرەدى، ونىمدەرى بۇكىل ەلدىڭ جەر - جەرىنە ساتىلىپ، جەرگىلىكتى ورىنداعى 150دەن استام قىستاق تۇرعىنىنىڭ جۇمىستانىپ، كىرىستەرىن ارتتىرۋىنا جەتەكشىلىك ىستەدى.
□ سۋرەتتى انار بۇلت / شينجياڭ گازەتىنىڭ ءتىلشىسى وتكىر نيجات تۇسىرگەن
□ انار بۇلت / شينجياڭ گازەتىنىڭ ءتىلشىسى ليۋ شياڭ
”جاپپاي دوڭگەلەك داۋلەتتى قوعام ورناتۋدا بىردە - ءبىر از ۇلتتى قاعىس قالدىرۋعا بولمايدى“. پارتيا 18 - قۇرىلتايىنان بەرى باس شۋجي شي جينپيڭ تالاي رەت ۇلتتىق وڭىرلەرگە ىشكەرىلەي تەكسەرۋ - زەرتتەۋ جۇرگىزىپ، اۋىلداستارمەن بىرگە كەدەيلىكتەن ارىلىپ بايۋ ۇلى جوسپارىن بىرگە اقىلداسىپ، كەدەيلىكتەن ارىلتۋدىڭ تالاي - تالايلاعان شارالارىن شىعارىپ، ۇلتتىق وڭىرلەردىڭ ءتۇرلى ىستەرىنىڭ تەز قارقىنمەن دامۋىن ىلگەرىلەتتى.
8 جىل ۋاقىتتا از ۇلتتار شوعىرلى قونىستانعان ءوڭىر رەتىندە، شينجياڭ ”بىردە - بىرەۋىن قاعىس قالدىرۋعا بولمايدى“ دەگەن ايبىندى ۋادە بويىنشا ”قامال المايىنشا شەپتەن استە قايتپايمىن“ دەيتىن ايبىندى ۇلى ماقساتپەن ”كەدەيلىك جادىگويىنە، كەدەيلىكتىڭ ءتۇپ تامىرىنا“ تاريحي شەشۋشى سايىس ورىستەتتى. 2020 - جىلدىڭ اياعىندا شينجياڭدا جيىنى 772 مىڭ 500 وتباسىنداعى 3 ميلليون 64 مىڭ 900 ادام كەدەيلىكتەن ارىلىپ، 3666 كەدەي قىستاق كەدەيلىك تىزىمىنەن شىعارىلىپ، مەملەكەت دارەجەلى 32 كەدەي اۋداننىڭ كەدەيلىك قالپاعى الىنىپ، مۇلدەم كەدەيلىك ماسەلەسى تاريحي شەشىم تاپتى.
جوعارى مەن تومەن ءبىر نيەتكە كەلىپ، بار قايراتپەن شايقاسقا اتتاندى
وتانىمىزدىڭ باتىس سولتۇستىك شەكاراسىنا ورنالاسقان شينجياڭ تاريحي سەبەپتەر سالدارىنان كەنجە قالۋ، وڭىرلىك ورىن شەكتەمەسى، قۇرىلعىلارى ءالسىز بولۋ سياقتى فاكتورلاردىڭ شەكتەمەسىنە ۇشىراپ، ەكونوميكالىق، قوعامدىق دامۋى كەزىندە ءبىر مەزگىل توقىراعان ەدى، شينجياڭ، اسىرەسە، وڭتۇستىك شينجياڭ ءوڭىرىنىڭ كەدەيلىك ماسەلەسى بۇرىن ەلىمىزدىڭ كەدەيلىكتەن قامال الۋىنداعى قيىننىڭ قيىنى بولعان ەدى.
از ۇلتتاردى كەدەيلىكتەن ارىلتۋ كەدەيلەردى سۇيەمەلدەۋدىڭ جۇڭگوشا جولىنىڭ اشىلعاندىعىن انىق ايگىلەدى. شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭعا ەرەكشە قامقورلىق جاساپ جانە قولداپ - قۋاتتاپ، وڭتۇستىك شينجياڭداعى 4 ايماق - وبلىستى بۇكىل مەملەكەتتەگى ”ءۇش ءوڭىر، ءۇش وبلىس“ قاتارىنداعى اۋىر كەدەي وڭىرلەردىڭ ءبىرى ەتىپ تۇراقتاندىردى. قىرۋار ەرەكشە قازىنا، قارجى قوسۋ، فينانس، دارىندىلار ساياساتىن ارت - ارتىنان وڭتۇستىك شينجياڭعا قاراي بەيىمدەپ، سۇيەمەلدەۋ تەبىنىن بۇرىن - سوڭدى بولماعان دارەجەدە كۇشەيتىپ، بۇكىل ەلدە از ۇشىرايتىن ساياساتتىق تيىمدىلىكتەر جاسادى.
كەدەيلىكتەن ارىلتۋدان قامال الۋ شايقاسىن ويداعىداي جۇرگىزۋدە ۇلتتىق وڭىرلەر نەگىزگى شايقاس مايدانى بولدى. اۆتونوميالى رايوندىق پارتكوم باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ”ەكىدەن تارىقتىرماۋ، ءۇشتى قامتاماسىز ەتۋدەن“ جازباي، ”التى دالمە - ءدالدى“ تياناقتاندىرىپ، ”جەتى ءبىر توپتى“ ىلگەرىلەتىپ، ”ءۇش تەبىندى ارتتىرۋدى“ ورىنداپ، اۆتونوميالى رايون باس جاۋاپكەرشىلىكتى ارقالايتىن، ايماق، اۋداندار تياناقتاندىرۋدى مىقتى يگەرەتىن، اۋىل - قىستاقتار سول جەردە تامىر تارتتىرۋدى مىقتى يگەرەتىن، ايماق، اۋدان، اۋىل، قىستاققا دەيىن تەرەڭدەپ، تاراۋلارعا دەيىن ەندەي ارالاساتىن كەدەيلىكتەن ارىلتۋدان قامال الۋ جاۋاپكەرشىلىك جۇيەسىن ورناتىپ، ءارقايسى جىك ”تىزبەگىن“ بار كۇشپەن ىسكە قوسىپ، ءىستى ءدال بابىنا كەلتىرىپ، نىسانانى ءداپ باسۋعا دايىندالدى.
تۋ جەلبىرەپ، بولەكشە ايبىن تانىتتى. كەدەيلىكتەن ارىلتۋدىڭ ءبىرىنشى شەبىندە بۇكىل رايون ءار جىلى تاڭداپ جىبەرگەن 78 مىڭنان استام كادر 12 مىڭنان استام ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىن قۇراپ، بۇكىل رايونداعى 3666 كەدەي قىستاققا ءبىرىنشى شۋجي جىبەرۋدى جانە ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىمەن تەگىس قامتۋدى جۇزەگە اسىردى.
ارمانى ۇقساس جاندار اراسىندا اسقار تاۋ، الىپ تەڭىز جاتسا دا الىس سەزىنبەيدى. شينجياڭعا باعىتتامالى كومەكتەسۋ، تۇيىندە كومەكتەسۋ - سۇيەمەلدەۋ قيىردان بايلىق جەتكىزۋدىڭ، ۇستانىمدى تاراتۋدىڭ كەرەمەت حيكاياسىن جازدى؛ ”مىڭ كاسىپورىن مىڭ قىستاققا كومەكتەسۋ“، ”ۇلتتار ىنتىماعىنىڭ بەرەكەلى شاڭىراعى“ سياقتى قيمىلدار ءار ۇلت بۇقاراسىنىڭ ەتەنە تۋىستىق، ءوزارا كومەكتەسەتىن تەرەڭ دوستىق سۇيىسپەنشىلىگىن جەتكىزدى... بۇكىل قوعامنىڭ ءار سالاسىنداعى كۇشتەر، ءتۇرلى بايلىقتار كەدەيلىكتەن ارىلتۋدان قامال الۋ شايقاس مايدانىنا شوعىرلاندى.
”جۇڭحۋا ۇلتى ءبىر ۇلكەن وتباسى، ءبىر ءۇيلى جاندار تۇگەلدەي تاماشا تۇرمىس كەشىرۋى كەرەك“. ۇلتتاردىڭ ىنتىماقتاسا قول ۇستاسىپ جاپپاي دوڭگەلەك داۋلەتتى قوعامعا اياق باسۋى، سان ميلليونداعان حالىقتىڭ ورتاق ارمان - تىلەگى بولىپ، جۇڭگوشا سوتسياليستىك ءتۇزىمنىڭ كورنەكتى ارتىقشىلىعىن ايگىلەدى.
ەرەكشەلىكتى كورنەكتىلەندىرىپ، نىساناعا قاراي كۇش سالدى
كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ − ۇلتتىق وڭىرلەردىڭ بۇكىل ەلمەن تەڭ قادامدا جاپپاي دوڭگەلەك داۋلەتتىلىككە قادام تاستاۋىنداعى شەشۋشى شايقاس.
كەدەيلىكتەن ارىلتۋدان قامال الۋدىڭ نىسانا، مىندەتتەرىن ءدال ۋاعىندا، جوعارى ساپامەن ورىنداۋ ءۇشىن، شينجياڭ ولقىلىقتاردى تولىقتاۋ، ءالسىز تۇستاردى كۇشەيتۋ جاعىنا كۇش سالىپ، ”ەكىدەن تارىقتىرماۋ، ءۇشتى قامتاماسىز ەتۋگە“ تۋرالانىپ، كورنەكتى ماسەلەلەردى جانە ءالسىز بۋىنداردى كوزدەي وتىرىپ، ۇزدىكسىز كۇش سالىپ، قامال ىشىندەگى قامالدى الدى.
− ۇلتتىق وڭىرلەردىڭ كەدەيلىكتەن ارىلتۋدان قامال الۋ شايقاسىن ويداعىداي جۇرگىزىپ، ۇلتتىق وڭىرلەردىڭ تابيعي شارت - جاعدايى، بايلىق ارتىقشىلىعى سياقتىلارعا نەگىزدەلە وتىرىپ، جەرگىلىكتى جاعدايعا قاراي ءىس جۇرگىزىپ، جاعدايعا قاراي شارا قولدانىپ، جەرگىلىكتى ورىنداعى ەرەكشە ابزال كاسىپ سالالارىن جەتىلدىردى.
كەريا اۋدانى ويتوعىراق اۋىلى يەسيۇلعىن قىستاعى تاكلاماكان قۇمىنىڭ جيەگىنە ورنالاسقان، جەرى اۋىر دارەجەدە قۇمايتتانعان، قىستاق تۇرعىنى روزى باقى وتباسى كەزىندە 5 مۋ جەرگە عانا سۇيەنىپ كەدەي تۇرمىس كەشىرگەن. 2014 - جىلى شينجياڭ كەريا گۇيمي بيو عىلىم - تەحنيكاسى جارنا شەكتى سەرىكتەستىگى روزا گۇلىنەن ۇلگى كورسەتۋ بازاسىن قۇرعان كەزدە، روزى ۇسىنىس بويىنشا جۇمىسقا قابىلدانىپ، سەرىكتەستىكتەگى ”گۇل ەگەتىن باعبانعا“ اينالىپ، اي سايىنعى 3600 يۋاندىق ورنىقتى كىرىسىنىڭ ارقاسىندا كەدەيلىكتەن ارىلدى.
− ۇلتتىق وڭىرلەردىڭ كەدەيلىكتەن ارىلتۋدان قامال الۋ شايقاسىن ويداعىداي جۇرگىزىپ، قىزمەت تاسىلىندە، امالىندا جاڭالىق اشۋعا وي جۇگىرتىپ، جەرگىلىكتى تۇرعىنداردىڭ ارتىقشىلىعىمەن ۇشتاستىرىپ، جۇمىستاندىرۋ ارقىلى كەدەيلەردى سۇيەمەلدەۋ تەبىنىن ارتتىردى.
قىرعىز ايەلدەرى دەرلىكتەي كەستە تىگە الادى، ولار بالا كەزىنەن كەستەشىلىك ونەردەن سۋسىنداعان. 2015 - جىلى ۇلىقشات اۋدانى تەرەك اۋىلى تەرەك قىستاعىنىڭ تۇرعىنى الماقان نۇرالي ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ كومەگىمەن كەستە كۋرسىنا قاتىناسادى، بۇرىننان نەگىزى بار ول وسى زامانعى كەستەشىلىك ونەرىن تەز يگەرەدى، ارتىنان وزگە 9 قىستاق تۇرعىنىمەن بىرگە ءبىر كەستەشىلىك سەلبەستىك كووپەراتيۆىن قۇرىپ، جىل سايىنعى تازا كىرىسى 100 مىڭ يۋاننان اسادى.
− ۇلتتىق وڭىرلەردىڭ كەدەيلىكتەن ارىلتۋدان قامال الۋ شايقاسىن ويداعىداي جۇرگىزىپ، ۇلتتار ىنتىماعىن اناعۇرلىم كۇشەيتۋ جاعىندا ناقتى شارا قولدانىپ، ۇلتتىق وڭىرلەردەگى كەدەي بۇقارانىڭ كەدەيلىكتەن ارىلىپ، بايۋىنداعى ىشكى قوزعاۋشى كۇشىن كۇشەيتتى.
5 جىلدىڭ الدىندا، حوتان قالاسى يلچى اۋىلى شولاق قىستاعىنىڭ تۇرعىنى يسامدين اسەن جۇپ قۇراپ، تۋىس بولعان كادردىڭ جىگەرلەندىرۋىندە، ونىڭ تۇرعان مەكەمەسى ۇيىمداستىرىپ وتكىزگەن توكشىلىك، ەلەكترمەن دانەكەرلەۋ كۋرسىنا قاتىناسىپ، ەرەكشە قىزمەت كاسىبى بويىنشا جۇمىس جۇرگىزۋ كۋالىگىن الدى. قازىر يسامدين ىسىلعان ەلەكترمەن دانەكەرلەۋشى بولىپ جەتىلىپ، ايىنا 6000 يۋاننان استام كىرىس تاۋىپ وتىر. ول جولىققان ادامدارعا تۋىسىنىڭ كومەگىنىڭ ارقاسىندا، تۇرمىسىم بارعان سايىن جاقساردى دەپ ايتاتىن بولدى.
ەرەكشەلىگى ايقىن نىساناعا ءدال تيەتىن شارالار ماشاقاتتى قيىن تۇيىندەردى بىرتە - بىرتە شەشىپ، كەدەيلىكتىڭ كارتا كولەمىن بارعان سايىن كىشىرەيتىپ، شينجياڭنىڭ كەدەي جان سانىنىڭ ۇزدىكسىز كۇرت ازايىپ، نولگە تۇسۋىنە شىنايى كەپىلدىك ەتتى.
تەرەڭ وزگەرىس ۇزاق بولاشاققا ىقپال جاسادى
كەدەيلىكتەن ارىلتۋدان قامال الۋ تاريح بەتىندە قالارلىقتاي ءومىر كەرەمەتتەرىن جاراتىپ، شينجياڭنىڭ بايتاق دالاسىنا تەرەڭ وزگەرىستەر اكەلدى.
” ۇيقىدان سەزبەپپىن اتقانىن تاڭنىڭ، ءانشى قۇس تەربەدى جۇرەگىن بارشانىڭ...“ ماكىت اۋدانى يانتاق اۋىلى سەنترلى بالاباقشادا 5 جاستاعى رايسا قاسىم جۇزدەن استام ەسكىشە ولەڭدى جانە بالالار ءانىن ۇيرەنىپ العان ول ۇيىنە قايتقان سوڭ اكە - شەشەسىنىڭ كىشكەنتاي اۋدارماشىسى بولا ءبىلدى.
وقۋ - اعارتۋ ارقىلى كەدەيلەردى سۇيەمەلدەۋدى ۇزدىكسىز كۇشەيتىپ، وقيتىن مەكتەبى بولۋدى جۇزەگە اسىرىپ، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ از ۇلت بالالارىنىڭ ”بولۋعا ءتيىستى قابىلەتىنە“ اينالدى، بىردە - ءبىر بالا كەدەيلىك سەبەبىنەن ەندىگارى وقۋدان قول ۇزبەيتىن، وقي الماي قالمايتىن بولدى. وقۋ - اعارتۋ كەدەيلىكتىڭ ۇرپاقتان - ۇرپاققا جالعاسۋ تامىرىن ۇزەتىن ەڭ ءونىمدى تاسىلگە اينالدى.
جالپى حالىقتىڭ سالاماتتىلىعى بولمايىنشا، جاپپاي دوڭگەلەك داۋلەتتىلىك تە بولمايدى. حوتان اۋدانى جاڭا اۋات اۋىلى باشجاعىلىق قىستاعىنىڭ تۇرعىنى ماردان ابدۇشكۇردىڭ 3 جىلدىڭ الدىندا جۇرەك اۋرۋى بار ەكەنى انىقتالادى، شينجياڭدا اتقارىلعان سالاماتتىق جاعىنان كەدەيلەردى سۇيەمەلدەۋ ساياساتىنىڭ ارقاسىندا، ماردان كوپ ءتۇرلى ەمدەۋ قامتاماسىزدىعىنان يگىلىكتەنىپ، ەسەپتەن ۇستەمەلەپ كوتەرۋ سالىستىرماسى ％95تەن جوعارى بولدى. سالاماتتىق جاعىنان كەدەيلەردى سۇيەمەلدەۋ كەدەي بۇقارانىڭ كەدەيلىكتەن ارىلۋ جولىنداعى ”دەم بەرۋشىسىنە“ جانە ”قورعاۋشىسىنا“ اينالىپ، ناۋقاس سەبەبىنەن قايتالاي كەدەيلەسۋ جايتىنىڭ تۋىلۋىنىڭ الدىن الىپ، كەدەيلىكتەن ارىلتۋ جەتىستىگىن بەكەمدەدى.
كەدەيلىكتەن ارىلتۋدان قامال الۋ ءبىر رەتكى تەرەڭ ماتەريالدىق توڭكەرىس بولىپ قانا قويماي، تەرەڭ يدەيالىق توڭكەرىس سانالادى.
شايار اۋدانى نۇرباع اۋىلى سۇگاتتوعاي قىستاعىنىڭ كوكونىس ۇلكەن قالتقىسىندا قىستاق تۇرعىنى مامەت ازەز قالتقىعا كىرىپ - شىعىپ قاربالاستاپ ءجۇر. ”بىرنەشە جىلدان بەرى مەن مەملەكەت قارجىسىنىڭ قولداۋىمەن كەدەيلەردى سۇيەمەلدەۋ ءۇشىن بەرىلگەن قوي، اۋلا شارۋاشىلىعى سىندى كەدەيلەردى سۇيەمەلدەۋ نىساندارىنان يگىلىكتەندىم، وسىدان قىرۋار پايداعا كەنەلدىم، بولاشاققا سەنىممەن قاراۋىما مۇمكىندىك جاسالدى، مەن جالعاستى قوس قولىما سۇيەنىپ اناعۇرلىم باقىتتى تۇرمىس جاراتامىن“، - دەدى مامەت.
كەدەيلىكتەن ارىلتۋدان قامال العان 8 جىل − كەدەي بۇقارانىڭ تابىس سەزىمى، باقىت سەزىمى، ناتيجە سەزىمى ەڭ كۇشتى بولعان 8 جىل بولدى.
2020 - جىلدىڭ سوڭىنا دەيىن تۇتاس رايونداعى كەدەي بۇقارانىڭ وقۋ - اعارتۋى، ەمدەۋى جاپپاي قامتاماسىزداندىرىلىپ، تۇرعىن ءۇيى مەن اۋىز سۋى دەرلىك حاۋىپسىزدەندىرىلدى. كەدەي وڭىرلەردىڭ نەگىزدىك شارت - جاعدايى تاريحي جاقسارۋعا قول جەتكىزدى، كەدەيلەردى قونىس جاڭالاپ سۇيەمەلدەۋ مىندەتى جاپپاي ورىندالدى، سۋ - ەلەكتر جولدارى، تابيعي گاز، حابارلاسۋ سىندى نەگىزدىك قۇرىلعىلارى جاپپاي كۇشەيتىلىپ، دامۋدىڭ ومىرشەڭدىك كۇشى ۇزدىكسىز تاسقىندادى. تۇتاس رايونداعى مەملەكەت دارەجەلى 32 كەدەي اۋدانداعى شارۋالاردىڭ جان باسىندىق قولداعى تابىسى 2012 - جىلدىڭ سوڭىنداعى 5986 يۋاننان 12 مىڭ 35 يۋانعا ارتتى، جىلدىق ورتاشا ارتۋى ％12.3 بولدى، تۇتاس رايونداعى كەدەي وتباسىلارىنىڭ جان باسىندىق تازا كىرىسى 1964.21 يۋاننان 11 مىڭ 163 يۋانعا ارتىپ، جىلدىق ورتاشا ارتۋى ％28.17 بولدى.
كەدەيلىكتەن ارىلىپ، دوڭگەلەك داۋلەتتىلىككە ۇمتىلۋدا بىردە - ءبىر ۇلت قاتاردان قالماۋى كەرەك. وسىزامانداندىرۋدى جۇزەگە اسىرۋ، بىرگە بايۋعا بەت الۋدا دا بىردە - ءبىر ۇلت قاتاردان قالماۋى كەرەك. مۇندا 100 جىلدىق ءىرى پارتيانىڭ اۋەلگى ماقساتى مەن بورىشى بەينەلەنگەن.
2021 - جىلدان بەرى شينجياڭ قايتالاي كەدەيلەسۋدەن ساقتانۋدى يكەمدى باقىلاۋ جانە كومەكتەسۋ - سۇيەمەلدەۋ مەحانيزمىن اتقارۋ جوباسىن اناعۇرلىم كەمەلدەندىرىپ، يكەمدى باقىلاۋعا، ءدال ۋاعىندا ساقتاندىرۋعا، كەدەيلەسپەي تۇرىپ الدىمەن ساقتاندىرۋعا، تۇتقيىل كەدەيلەسسە دەرەۋ سۇيەمەلدەۋگە، ۇدايى اداقتاۋعا تاباندى بولدى؛ جەر - جەر ءوزىنىڭ ءىس جۇزىندىگىمەن بىرلەستىرىپ، ءتۇرلى تاسىلدەردەن پايدالانىپ كاسىپ سالاسىن گۇلدەندىرىپ، جۇمىستاندىرۋدى جەبەپ، كەدەيلىكتەن ارىلتۋ نەگىزىنىڭ اناعۇرلىم بەكەم بولۋىنا شىنايى كەپىلدىك ەتىپ، اۋىل - قىستاقتى گۇلدەندىرۋدىڭ جاڭا جاعدايىن اشتى.
ساپار اياقتالماي تۇرىپ، اتتىڭ تىزگىنىن تارتپاۋ كەرەك. ۇلى كۇرەس بارىسىندا شىڭدالعان ”جوعارىدان تومەنگە دەيىن ءبىر نيەتتە بولۋ، ارىنداي شايقاسقا اتتانۋ، دالمە - ءدال، ناقتى بولۋ، ءورىس اشا جاڭالىق اشۋ، قامال الىپ، قيىندىقتاردى جەڭۋ، حالىقتىڭ ءۇمىتىن اقتاۋ“ سىندى كەدەيلىكتەن ارىلتۋدان قامال الۋ رۋحى شينجياڭداعى ءار ۇلت حالقىن ءتىپتى دە اسقاق كۇيمەن جاڭا جورىقتا ەكپىندەي العا ىلگەرىلەۋگە، جاڭا داۋىرگە ۇلەس قوسۋعا ىنتالاندىرۋدا.
