ما شيڭرۇي ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
عىلمي، دالمە - ءدال، يكەمدى نولگە تۇسىرۋگە تاباندى بولىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزىپ، تاماشا مەرەكەلىك ورتا جاراتىپ، قوعامنىڭ كەلەلى جاعدايىنىڭ ۇزدىكسىز ورنىقتىلىعىن قورعاۋ كەرەك
ەركىن تۇنياز بىرگە تەكسەرۋ - زەرتتەۋ جۇرگىزدى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 2 - كۇنى ۇرىمجىدەن حابارلايدى. چيڭميڭ دەمالىسى تاياپ قالدى، اۆتونوميالى رايوندىق پارتكومنىڭ شۋجيى ما شيڭرۇي 4 - ايدىڭ 2 - كۇنى ءۇرىمجى قالاسىندا جولاۋشىلار تاسىمالى، تەمىر جول، حالىقتىق اۆياتسيا، اۋرۋدان ساقتانۋ - تىزگىندەۋ، قوعام حاۋىپسىزدىگى، ىندەتتەن ساقتانۋ قاتارلى تاراۋلارعا، مەكەمە - ورىندارعا جانە ءتۇيىندى قاتىناس تورابى ينجەنەريا قۇرىلىس جۇمىس باستارىنا بارىپ، باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ، قوعامنىڭ كەلەلى جاعدايىنىڭ ورنىقتىلىعىن قورعاۋ، تاماشا مەرەكەلىك ورتا جاراتۋ، كەلەلى نىساندار قۇرىلىسىن جوعارى ساپالى ىلگەرىلەتۋ سياقتىلار جونىندە تەكسەرۋ - زەرتتەۋ جۇرگىزدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.
تەكسەرۋ - زەرتتەۋدە ما شيڭرۇي، ەركىن تۇنياز قاتارلىلار پويەز كۇتۋ زالى، ۇشاق كۇتۋ سارايى جانە تەمىر جول ورنالاستىرۋ - قولباسشىلىق ەتۋ ورتالىعى، ءوندىرىس حاۋىپسىزدىگى قولباسشىلىق ورتالىعى جانە قوعام حاۋىپسىزدىگى تاراۋلارىنا بارىپ، جولاۋشى، جۇك تاسىمالىن ۇيىمداستىرۋ، ىندەتتەن ساقتانۋ شارالارىن تياناقتاندىرۋ، حاۋىپسىزدىك، قامتاماسىزدىق سياقتى جاعدايلاردى ەگجەي - تەگجەيلى ۇعىستى، اۋرۋدان ساقتانۋ - تىزگىندەۋ، ىندەتتەن ساقتانۋ تاراۋلارىندا ىندەتتى شۇعىل ءبىر جاقتى ەتۋ جانە ىندەتتەن ساقتانۋ - تىزگىندەۋدى ۇدايىلاندىرۋ قىزمەتى مالىمەتىن تىڭداپ، شۇعىل جاعدايعا توتەپ بەرۋ بويىنشا اتتانىسقا كەلۋ، ەپيدەميولوگيالىق تەكسەرۋ، ىندەتتەن ساقتانۋ زاتتىق ماتەريالدارى زاپاسى سياقتى جاعدايلاردى ناقتى ۇعىستى؛ ءۇرىمجى اۋەجايىن وزگەرتىپ، كەڭەيتىپ سالۋ ينجەنەرياسى قۇرىلىسىنىڭ جۇمىس باسىنا بارىپ، ينجەنەريانىڭ اياق الىسىن كورىپ، نىسان جۇمىسىنىڭ قاتىستى قىزمەتتەرىن اقىلداستى.
ما شيڭرۇي بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، عىلمي، دالمە - ءدال بولۋعا، يكەمدى نولگە تۇسىرۋگە تاباندى بولىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ، جويىمپاز شايقاسىنىڭ جەڭىسىنە قول جەتكىزىپ، رەفورما، دامۋ، ورنىقتىلىق قىزمەتتەرىن تىڭعىلىقتى جاقسى ىستەپ، تاماشا مەرەكەلىك راي جاراتىپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋ كەرەك. ىندەتتەن ساقتانۋ - تىزگىندەۋ قىزمەتىن ىشكەرىلەي زاڭ بويىنشا، عىلمي، دالمە - ءدال جاقسى ىستەپ، ”ءتورت ەرتە بولۋ“ تالابىن تياناقتاندىرىپ، ”ءتورت جاقتىڭ جاۋاپكەرشىلىگىن“ ناقتىلاندىرىپ، ساقتانۋ - تىزگىندەۋ شارالارىن زاڭ بويىنشا تياناقتاندىرىپ، ينفورماتسيا جاريالاۋدى جانە قوعامدىق پىكىرگە دۇرىس جەتەكشىلىك ەتۋدى دەر كەزىندە جاقسى ىستەپ، ىندەتتىڭ كولەمدى قايتا بەلەڭ بەرۋىن بولدىرماۋدىڭ تومەنگى شەگىن باتىل ساقتاپ، ادامداردىڭ ءجۇرىس - تۇرىسىنىڭ، زات اينالىمىنىڭ حاۋىپسىزدىگىن، تارتىپتىلىگىن، ىركىلىسسىزدىگىن ساقتاپ، ەڭ از قوعامدىق وزىندىك قۇنمەن ەڭ زور ساقتانۋ - تىزگىندەۋ ونىمدىلىگىنە قول جەتكىزۋگە قۇلشىنۋ كەرەك. ءوندىرىس حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرىپ، ءتۇيىندى سالالارداعى حاۋىپسىزدىك كومەسكى كىناراتتارىن اداقتاپ تەكسەرۋدى، رەتتەپ جونگە سالۋدى كۇشەيتىپ، سالىنىپ جاتقان ينجەنەريالاردىڭ حاۋىپسىزدىگىن باقىلاۋ - باسقارۋدى كۇشەيتىپ، ءتۇرلى حاۋىپ - قاتەرلەردەن، سىن - سايىستاردان باتىل ساقتانىپ جانە ونى جويىپ، ءار ۇلت بۇقاراسىن ىندەتتەن ساقتانۋ كەزىندە از توپتاسۋعا، وركەنيەتتى ازا بىلدىرۋگە ۇگىتتەپ، جەتەكتەپ، دالادا زاڭعا قايشى، بەلگىلەمەگە قايشى وت جاعۋدى قاتاڭ تەكسەرىپ، قاتاڭ باسقارىپ، حالىق بۇقاراسىنىڭ ءومىرى مەن مال - مۇلكى حاۋىپسىزدىگىن شىنايى قامتاماسىز ەتۋ كەرەك. كەلەلى نەگىزدىك قۇرىلعى ينجەنەريالارىن جوسپارلاۋدى جانە ىلگەرىلەتۋدى كۇشەيتىپ، قارجى، جەر، جۇمىسشى ىستەتۋ سياقتى فاكتورلار قامتاماسىزدىعىن كۇشەيتىپ، عىلمي جوسپارلاپ باسقارۋدى جانە قۇرىلىس جۇرگىزۋدى كۇشەيتىپ، نىساندى سايكەستىرۋ، ءبىتىرىپ ىسكە قوسۋ سياقتىلاردى جالپى جاعداي كوز اياسىمەن ويداعىداي جوسپارلاپ، ەكونوميكالىق، قوعامدىق دامۋعا پارمەندى تىرەك ازىرلەۋ كەرەك. قوعامدىق كەلەلى جاعدايدىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن ساقتاپ، مەملەكەتتى جاپپاي زاڭمەن باسقارۋ تالاپتارىن شينجياڭ قىزمەتىنىڭ ءاربىر سالاسىندا تياناقتاندىرىپ، جاعدايعا عىلمي تۇجىرىم جاساپ، تومەنگى شەكتە ويلاۋعا تاباندى بولىپ، قاتىستى شارالاردى جاقسارتىپ، لاڭكەستىككە قارسى تۇرۋدىڭ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ارناسىن تۇلعالاۋ كەرەك.
اۆتونوميالى رايون باسشىلارىنان چىن ۋيجۇن، ۋاڭ ميڭشان، ياڭ فاسىن، قادەن كابەن قاتارلىلار تەكسەرۋ - زەرتتەۋگە قاتىناستى.
