رايونىمىز 2022 - جىلعى رەفورما تۇيىندەرىن تۇراقتاندىردى
7 ءتۇيىندى سالاداعى 32 جاققا ساياتىن 100دەن استام رەفورما شاراسى ورنالاستىرىلدى
انار بۇلت / شينجياڭ گازەتىنىڭ ءتىلشىسى جاڭ يۇنمەي 4 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق پارتكوم ساياسات زەرتتەۋ كەڭسەسىنەن (رەفورما كەڭسەسى) ۇعىسۋىمىزشا، «اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ 2022 - جىلعى قىزمەت تۇيىندەرى» (تومەندە قىسقاشا «قىزمەت تۇيىندەرى» دەلىنەدى) جۋىقتا باسىپ تاراتىلعان. «قىزمەت تۇيىندەرىندە» جوعارى ساپالى دامۋ، قوعام ورنىقتىلىعى، حالىق تۇرمىسىن قامتاماسىز ەتۋ، ۇگىت - مادەنيەت، بيڭتۋان رەفورماسى، ءتارتىپ تەكسەرۋ، باقىلاۋ - تەكسەرۋ، پارتيا قۇرىلىسى سىندى 7 ءتۇيىندى سالاداعى 32 جاققا ساياتىن 100دەن استام ناقتى رەفورما شاراسى ورنالاستىرىلىپ، رەفورمانى جاپپاي تەرەڭدەتۋدى ىشكەرىلەي ىلگەرىلەتۋ جەبەلدى.
«قىزمەت تۇيىندەرىندە» ورتالىقتىڭ رەفورما قىزمەتى ورنالاستىرۋلارىن جاپپاي تياناقتاندىرۋمەن بىرگە، رايونىمىزدىڭ ءتۇيىندى سالالاردا رەفورما جاساۋدى، جاڭالىق اشۋدى كۇش سالا ىلگەرىلەتەتىندىگى ايقىندالدى.
مۇنىڭ ىشىندە جوعارى ساپالى دامۋ ءتۇزىلىس - مەحانيزمىندە جاڭالىق اشۋ جاعىندا، سيفرلى ۇكىمەت رەفورماسى قۇرىلىسى، فاكتورلاردى بازارلاندىرۋ رەفورماسىن تەرەڭدەتۋ، شارۋاشىلىق - ساۋدا ورتاسى رەفورماسىن ساپالىلاندىرۋ سياقتى ءتۇيىندى مىندەتتەردى ىلگەرىلەتىپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار، اۋىل شارۋاشىلىعى، اۋىل - قىستاق، عىلىم - تەحنيكادا جاڭالىق اشۋ سياقتى ءتۇيىندى سالالارداعى رەفورمالاردى ۇزدىكسىز تەرەڭدەتىپ، اشىق ەكونوميكالىق تۇزىلىستە ۇزدىكسىز جاڭالىق اشىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەل ىلگەرىلەتىپ، رەفورما ارقىلى ەكونوميكانىڭ جوعارى ساپالى دامۋىنا قوزعاۋشى كۇش قوسۋ، ومىرشەڭدىك كۇش ۇستەۋ. قوعامدىق باسقارۋ ءتۇزىلىسى رەفورماسىن تەرەڭدەتۋ جاعىندا لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتىپ، زاڭمەن باسقارىلاتىن شينجياڭ قۇرىلىسىن ىلگەرىلەتىپ، ساياسي - زاڭ سالاسىنداعى رەفورمانى تەرەڭدەتىپ، قوعامدىق باسقارۋ ءتۇزىلىس - مەحانيزمىن اقاۋسىزداندىرىپ، ۇلتتار ىنتىماعىندا، العاباسارلىعىندا وزاتتاردان بولۋ قىزمەتىن تەرەڭدەتىپ، شينجياڭدا ءىسلام ءدىنىن جۇڭگوشالاندىرۋدى ىلگەرىلەتىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ارناسىن قالىپتاستىرۋ. حالىق تۇرمىسىن قامتاماسىز ەتۋ سالاسىنداعى رەفورمانى تەرەڭدەتۋ جاعىندا نازاردى ءار ۇلت بۇقاراسى ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىنە شوعىرلاندىرىپ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتى سالالارداعى رەفورمالاردى ۇزدىكسىز تەرەڭدەتىپ، رەفورما، دامۋ جەتىستىكتەرىنەن ءار ۇلت بۇقاراسىن اناعۇرلىم ويداعىداي يگىلىكتەندىرۋ. ۇگىت - مادەنيەت ءتۇزىلىسى رەفورماسىن تەرەڭدەتۋ جاعىندا شينجياڭدى مادەنيەتپەن نارلەندىرۋ ينجەنەرياسىن كۇش سالا اتقارىپ، مادەنيەت ءتۇزىلىسى رەفورماسىن تەرەڭدەتىپ، يدەولوگيا سالاسىنىڭ حاۋىپسىزدىگىن شىن مانىندە قورعاپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ يدەيالىق نەگىزىن بەكەمدەۋ. بيڭتۋان رەفورماسىن ىشكەرىلەي ىلگەرىلەتۋ جاعىندا بيڭتۋاننىڭ ەرەكشە رولىن ويداعىداي ساۋلەلەندىرىپ، بيڭتۋان مەن جەرگىلىكتى ورىننىڭ توعىسا دامۋىن ىلگەرىلەتۋ. ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن تەرەڭدەتۋ جاعىندا وكىلەتتى قۇرىلىمدار رەفورماسىن تەرەڭدەتىپ، ءتۇرلى باقىلاۋدى ساباقتاستىرۋ، سايكەستىرۋ مەحانيزمىن اقاۋسىزداندىرىپ، ستيل قۇرىلىسىنىڭ ۇزاق ءونىمدى مەحانيزمىن اقاۋسىزداندىرۋ قاتارلىلار. پارتيا قۇرىلىسى ءتۇزىمى رەفورماسىن تەرەڭدەتۋ جاعىندا باسشىلىق القاسى مەن كادرلار قوسىنى قۇرىلىسىن كۇشەيتىپ، دارىندىلاردى دامىتۋ ءتۇزىلىس - مەحانيزمى رەفورماسىن تەرەڭدەتىپ، نەگىزگى ساتىنىڭ نەگىزدىك قۇرىلىسى ءتۇزىمىن اقاۋسىزداندىرىپ، ت.ب، رايونىمىزدىڭ رەفورما، دامۋ، ورنىقتىلىق ىستەرىنە پارمەندى ۇيىمدىق قامتاماسىزدىق ازىرلەۋ.
بيىل رايونىمىز ايماق، وبلىس، قالالار مەن بيڭتۋاندا ءبىر توپ كەلەلى رەفورما سىناق تۇيىندەرىن ىلگەرىلەتەدى. ايماق، وبلىس، قالالار باياندى تىنىشتىققا ساياتىن نەگىزدىك قىزمەتتەردى ارقاۋ ەتىپ، ەڭ شۇعىل قاجەتتى، ەڭ كەلەلى بىرنەشەۋىن رەفورما سىناق ءتۇيىنى رەتىندە تاڭداپ الىپ، تىڭعىلىقتى تۇردە ماسەلەلەردى شەشىپ، قيىن تۇيىندەردى شەشىپ، سىناق تۇيىندەرىندە الدىمەن جۇرگىزۋ، الدىمەن سىناق ەتۋ ارقىلى بۇكىل رايوننىڭ رەفورماسىنا كوشىرىپ قولدانۋعا بولاتىن، جالپىلاستىرۋعا بولاتىن تاجىريبە، ادىستەر ازىرلەۋگە قۇلشىنادى.
مۇنىڭ ىشىندە، ىلە قازاق اۆتونوميالى وبلىسىندا ساياحاتتىڭ قامداۋ جاعىنداعى قۇرىلىمدىق جالپىلىق رەفورماسىن تەرەڭدەتۋ سىناق ءتۇيىنى ورىستەتىلەدى، قورعاس قالاسىندا سىرتقا ەسىك اشۋ ءتۇزىلىس - مەحانيزمىندە جاڭالىق اشۋدىڭ ارناۋلى رەفورما سىناق ءتۇيىنى ورىستەتىلەدى، ت. ب؛ قارامايلى قالاسىندا شينجياڭدى مادەنيەتپەن نارلەندىرۋ جالپىلىق رەفورماسىن تەرەڭدەتۋ سىناق ءتۇيىنى، ”سيفرلى قارامايلى“ ارناۋلى رەفورماسىن تەرەڭدەتۋ سىناق ءتۇيىنى، مەملەكەت دارەجەلى بايلىق توپتالعان ءوڭىر بويىنشا تيبىن وزگەرتىپ جاڭالىق اشۋ تاجىريبە ءوڭىرىن قۇرۋ ارناۋلى رەفورما سىناق ءتۇيىنى قاتارلىلار ورىستەتىلەدى؛ سانجى حۇيزۋ اۆتونوميالى وبلىسىندا جۇندۇڭ ەكونوميكالىق تەحنيكالىق اشۋ رايونى جوعارى ساپالى دامۋ جالپىلىق رەفورما سىناق ءتۇيىنى قاتارلىلار ورىستەتىلەدى؛ ءۇرىمجى قالاسىندا بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرۋ جالپىلىق رەفورما سىناق ءتۇيىنى، سيفرلانعان قالا قۇرىلىسىن ىلگەرىلەتۋ ارناۋلى رەفورما سىناق ءتۇيىنى قاتارلىلار ورىستەتىلەدى؛ قۇمىل قالاسىندا ەنەرگيادان جان - جاقتى پايدالانۋ جالپىلىق رەفورماسىن تەرەڭدەتۋ سىناق ءتۇيىنى، اقپارات قۇرالدارىنىڭ تەرەڭ توعىسا دامۋىن ىلگەرىلەتۋ ارناۋلى رەفورما سىناق ءتۇيىنى قاتارلىلار ورىستەتىلەدى؛ قاشقار ايماعىندا قاشقار ەكونوميكالىق اشۋ رايونىنىڭ جوعارى ساپالى دامۋ ارناۋلى رەفورما سىناق ءتۇيىنى قاتارلىلار ورىستەتىلەدى؛ حوتان ايماعىندا قىستاق (الەۋمەتتىك اۋماق) ىستەرى بويىنشا كىرۋگە رۇقسات ەتۋ ءتۇزىمى ارناۋلى رەفورما سىناق ءتۇيىنى قاتارلىلار ورىستەتىلەدى.
ءتۇرلى رەفورما شارالارىنىڭ ناقتى تياناقتانۋىنا شىنايى كەپىلدىك ەتۋ ءۇشىن، اۆتونوميالى رايون ءماجىلىس ءتۇزىمىن كەمەلدەندىرىپ، رەفورما جاۋاپكەرشىلىگىن قاتايتىپ، رەفورمانى قۋزاۋ - تەكسەرۋدى كۇشەيتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن قۇلشىنا كۇشەيتەدى.
