تيانشان تورى
تيانشان تورى   ›   جاڭالىقتار   ›   سۋرەتتى حابار

شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك

ما شيڭرۇي بۇراتالا موڭعۇل اۆتونوميالى وبلىسىندا، سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك

  4 - ايدىڭ 3 - كۇنىنەن 4 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي چيڭميڭ دەمالىس ۋاقىتىنان پايدالانىپ، بۇراتالا موڭعۇل اۆتونوميالى وبلىسىنا، سانجى حۇيزۋ اۆتونوميالى وبلىسىنا ىشكەرىلەي بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي ماناس مەملەكەتتىك سازدىق باقشاسىندا سازدىق فۋنكتسياسىنىڭ قالپىنا كەلتىرىلۋى سياقتى احۋالداردى ۇعىستى.

  □سۋرەتتى شين زۇڭ تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 4 - كۇنى ماناستان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 4 - ايدىڭ 3 - كۇنىنەن 4- كۇنىنە دەيىن چيڭميڭ دەمالىس ۋاقىتىنان پايدالانىپ، بۇراتالا موڭعۇل اۆتونوميالى وبلىسىنداعى، سانجى حۇيزۋ اۆتونوميالى وبلىسىنداعى وزەندەر، كولدەر، ورمان - توعايلار، سازدىق، سيرەك كەزدەسەتىن باعالى حايۋاناتتار مەكەنى، قالا باقشالارى سياقتىلاردى ىشكەرىلەي ارالاپ، شي جينپيڭنىڭ ەكولوگيالىق وركەنيەت يدەياسىن دايەكتىلەندىرۋ، تياناقتاندىرۋ، وزەن - كول باستىعى ءتۇزىمىنىڭ ءتۇرلى مىندەتتەرىن ويداعىداي تياناقتاندىرۋ، ەكولوگيالىق ورتانى قورعاۋدى قۋزاۋ - تەكسەرۋدى، رەتتەۋ - تۇزەتۋدى كۇشەيتۋ، شينجياڭنىڭ ەكولوگيالىق ورتا ساپاسىنىڭ ۇزدىكسىز جاقسارۋىن ىلگەرىلەتۋ جونىندە تەكسەرۋ - زەرتتەۋ جۇرگىزدى.

  2 كۇندە ما شيڭرۇي جەكە - جەكە سايرام كولىنە، ەبنۇر كولىنە، بۇراتالا وزەنى اڭعارى ورمانىنا، ماناس مەملەكەتتىك سازدىق باقشاسىنا، سيرەك كەزدەسەتىن باعالى حايۋاناتتار قورىعى جانە سۋىق سۋ بالىقتارى، سۋ ونىمدەرى باعىمشىلىعى بازاسىنا، بۇراتالا قالاسىنداعى 10 مىڭ مۋلىق ەكولوگيالىق تاس الما باقشاسىنا بارىپ، وزەندەردىڭ سۋ مولشەرى، سۋ ساپاسى، كول اۋماعى ەكولوگياسىن جونگە سالۋ، سيرەك كەزدەسەتىن باعالى تۇرلەردى قورعاۋ، ورمانمەن، وسىمدىك جامىلعىلارىمەن كومكەرۋ، سۋ ونىمدەرى بايلىعىن اشۋ، سازدىقتاردىڭ فۋنكتسياسىن قالپىنا كەلتىرۋ سياقتى جاعدايلاردى تەكسەرىپ كورىپ، ۇزاق جىل نەگىزگى ساتىنىڭ ءبىرىنشى شەبىنە تامىر تارتىپ، عىلمي زەرتتەۋمەن، گيدرولوگيالىق تەكسەرۋمەن، قورشاعان ورتانى باقىلاۋمەن، ەكولوگيانى قالپىنا كەلتىرۋمەن، ەرىكتىلەر قىزمەت وتەۋىمەن شۇعىلداناتىن ءار ۇلت عالىمدارىمەن، قىزمەتكەرلەرىمەن، قورعاۋشىلارىمەن، تەحنيكتەرىمەن، ەرىكتىلەرىمەن ىشكەرىلەي پىكىرلەسىپ، جاعدايدى باسى - قاسىندا ۇعىسىپ، پىكىر - ۇسىنىستاردى تىڭدادى ءارى كوپشىلىككە العىس ايتتى جانە قۇرمەت ءبىلدىردى.

  ما شيڭرۇي بىلاي دەپ باسا دارىپتەدى: ەكولوگيالىق ورتانىڭ ورنىن ەشتەڭە باسا المايدى، ودان پايدالانىپ وتىرعاندا سەزبەيسىز، قولدان كەتكەننەن كەيىن ورنىن تولتىرۋ قيىن. شينجياڭنىڭ ەكولوگيالىق ورتاسىن قورعاۋ دامۋدىڭ ساپاسىنا جانە باياندى دامۋعا سايادى. شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ ۇستانىمىن مىزعىماس تاباندىلىقپەن دايەكتىلەندىرىپ، ەكولوگيانى الدىمەن ويلاستىرۋ، جاسىل دامۋ جولىمەن بۇلجىماي ءجۇرىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ەكولوگيانى قورعاۋدىڭ قىزىل سىزىعىن باتىل ساقتاپ، قۇمدى تىزگىندەۋ، سۋدى تىزگىندەۋ جانە ورمان - توعايدى، جايلىمدى قورعاۋ قىزمەتىن ءبىر تۇتاس جوسپارلاپ ورىستەتىپ، ەگىستىككە اينالعان ورماندى، جايلىمدى قالپىنا كەلتىرۋدى قاجىماي - تالماي تاباندىلىقپەن ورىستەتىپ، مەملەكەت جەر بايلىعى كەڭىستىگىن اشۋ جۇيەسىن ساپالىلاندىرىپ، وڭىرلىك كاسىپ سالاسىنىڭ ورنالاسىمىن رەتتەپ، تازا ءوندىرىستى دامىتىپ، جاسىل دامۋدى ىلگەرىلەتىپ، ەكولوگيالىق ورتانى كوز قاراشىعىمىزدى ايالاعانداي قورعاپ، ەكولوگيالىق ورتاعا ومىرگە مامىلە جاساعانداي مامىلە جاساپ، ەكولوگيالىق ورتانىڭ ساپاسىن ۇزدىكسىز جاقسارتىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك. وزەن - كول باستىعى ءتۇزىمىنىڭ جاپپاي ناقتاپ تياناقتانۋىن كۇش سالا ىلگەرىلەتىپ، سۋ ورتاسىن جونگە سالۋدى ماڭداي الدى مىندەت ەتىپ، سۋ بايلىعىنىڭ بۇلجىماس تەجەمىن كۇشەيتىپ، وزەننىڭ، كولدىڭ سۋ بايلىعىن قاتاڭ قورعاپ، وزەن، كول سۋىنىڭ ەكولوگياسىن جەدەل قالپىنا كەلتىرىپ، توراپتىق ينجەنەريالار، سۋ باستاۋ، سۋ جەتكىزۋ، وزەن ارنالارىن رەتتەۋ - جونگە سالۋ جانە ءىرى، ورتاشا سۋارمالى وڭىرلەر سياقتى سۋ يگىلىگى قۇرىلعىلارى قۇرىلىسىن ءبىر تۇتاس جوسپارلاپ ويلاستىرىپ، سازدىق ەكولوگياسىن قورعاۋدى، قالپىنا كەلتىرۋدى جانە سۋ - توپىراقتىڭ شايىلۋىن تىزگىندەۋدى كۇشەيتىپ، وزەن - كولدەردى باسقارۋ، قورعاۋ دەڭگەيىن شىنايى جوعارىلاتۋ كەرەك. ورتالىقتىڭ قورشاعان ورتانى قورعاۋدى قۋزاۋ - تەكسەرۋ قىزمەتىنە ايرىقشا ءمان بەرىپ، ىرىقتىلىقپەن سايكەسىپ، قۋزاۋ - تەكسەرۋ گرۋپپاسى تابىستاعان ماسەلەلەردى ءتىزىم بويىنشا تۇگەلدەي تاپسىرىپ الىپ، تاباندا ىسكە كىرىسىپ، تاباندا تۇزەتىپ، ءار ماسەلەنىڭ تياناعى بولۋعا، تۇگەلدەي تىڭعىلىقتى رەتتەلىپ - تۇزەتىلۋگە شىنايى كەپىلدىك ەتۋ كەرەك. ەكولوگيالىق ورتانى قورعاعاندىق وندىرگىش كۇشتى قورعاعاندىق، ەكولوگيالىق ورتانى جاقسارتقاندىق وندىرگىش كۇشتى دامىتقاندىق دەگەنگە تاباندى بولىپ، كاسىپ سالاسىنىڭ ەكولوگيالانۋى مەن ەكولوگيانىڭ كاسىپ سالالانۋىن نەگىزگى تۇلعا ەتكەن ەكولوگيالىق ەكونوميكالىق جۇيە ورناتىپ، ەكولوگيالىق باسىمدىقتىڭ ەكونوميكالىق ارتىقشىلىققا اينالۋىن جەبەپ، ءبىر تۇلعا بولىپ تۇتاسقان، جاراسىمدى، ءبىر تۇتاس قاتىناس قالىپتاستىرۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، عىلمي، دالمە - ءدال بولۋعا، يكەمدى نولگە تۇسىرۋگە تاباندى بولىپ، ىندەتتىڭ كولەمدى تۇردە قايتا بەلەڭ بەرمەۋ تومەنگى شەگىن باتىل ساقتاپ، ادام اعىنىنىڭ، زات اينالىمىنىڭ حاۋىپسىز، ءتارتىپتى، ىركىلىسسىز بولۋىن ساقتاپ، ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ، جويىمپاز شايقاسىنىڭ جەڭىسىنە قول جەتكىزۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.