تيانشان تورى   ›   جاڭالىقتار   ›   شينجياڭ حابارلارى

مەملەكەت 700 ميلليون يۋاننان استام قارجىمەن رايونىمىزدىڭ ساپالى ماقتا جانە سويا بۇرشاق ءوندىرىسى بازاسى قۇرىلىسىنا قولداۋ كورسەتتى

  انار بۇلت / شينجياڭ گازەتىنىڭ ءتىلشىسى شى شين 4 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، جۋىقتا مەملەكەتتىك دامۋ جانە رەفورما كوميتەتى رايونىمىزعا ورتالىقتىڭ مەجە ەسەبىنەن 706 ميلليون يۋان قارجى شىعارىپ، رايونىمىزدىڭ ساپالى ماقتا بازاسىنا، سويا بۇرشاق ءوندىرىسى بازاسى قۇرىلىسىنا قولداۋ كورسەتىپ، رايونىمىزدىڭ ەگىستىك جەر ساپاسى مەن اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋدى ىلگەرىلەتكەن.

  ۇعىسۋىمىزشا، جوعارىداعى قارجى رايونىمىزدىڭ ساپالى ماقتا بازاسىنان 600 مىڭ مۋ، سويا بۇرشاق ءوندىرىسى بازاسىنان 50 مىڭ مۋ جەرگە قولداۋ كورسەتەدى ەكەن. اۆتونوميالى رايوندىق دامۋ جانە رەفورما كوميتەتى «استىق القاپتارىن قورعاۋ، ەگىستىك جەر بايلىعىنان ۇيلەسىمدى، ويداعىداي پايدالانۋ بويىنشا ورتالىقتىڭ مەجە ەسەبىنەن قارجى قوسۋدى ارناۋلى باسقارۋ ادىسىنە» ساي قارجى قوسۋ جوباسىن تەز ارادا ءبولىپ، ءتۇسىرىپ، نىساننىڭ قۇرىلىس باستاۋىن ىلگەرىلەتىپ، نىسان قۇرىلىسىنىڭ ساپاسى مەن ونىمدىلىگىن جوعارىلاتادى؛ «شينجياڭ ساپالى ماقتا بازاسى قۇرىلىسى جوباسىنا (2021 −2025)» ساي رايونىمىزدىڭ ماقتا ءوندىرىسىنىڭ ورنالاسۋىن ساپالىلاندىرىپ، ماقتانىڭ جالپىلىق ءوندىرىس قۋاتىن جوعارىلاتىپ، ماقتانىڭ ساپاسىن ءوسىرىپ، ونىمدىلىگىن ارتتىرۋدى جەبەپ، مەملەكەتتىڭ ماقتا حاۋىپسىزدىگىن قامتاماسىزداندىرادى؛ شينجياڭنىڭ سويا بۇرشاق ءوندىرىسى بازاسى قۇرىلىسىن اتقارۋدى باستاپ، سويا بۇرشاق وندىرۋدەگى باسىمدىققا يە ءوندىرىس رايونىنىڭ ءوندىرىس دەڭگەيىن جوعارىلاتۋدى ىلگەرىلەتەدى.

  سونىمەن بىرگە جەر - جەردى ورتالىقتىڭ مەجە ەسەبى ىشىنەن قارجى قوسۋعا بەلسەنە قول جەتكىزۋ نەگىزىندە قارجى قوسۋ، قارجى قۇراۋ ءتۇزىلىس - مەحانيزمىندە جاڭالىق اشىپ، ءتۇرلى قوعامدىق كاپيتالداردىڭ ساپالى ماقتا بازاسى مەن سويا بۇرشاق ءوندىرىس بازاسى قۇرىلىسى جانە باپتاۋعا ات سالىسۋعا باۋراپ، قارجى قوسۋ قۇرىلىسى ولشەمىن جوعارىلاتىپ، ماقتا مەن سويا بۇرشاق كاسىپ سالاسىنىڭ ۇزدىكسىز اقاۋسىز دامۋىن جەبەپ، اۋىل شارۋاشىلىعىنىڭ جوعارى ساپالى دامۋىنا دەم بەرۋگە ىنتالاندىرادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.