ما شيڭرۇي شينجياڭ اسكەري رايونى بەلگىلى قىزىل ارميا شىسىندا توڭكەرىستىك قۇربانداردى ساعىنا ەسكە الىپ، ەكسكۋرسيالاۋدا، ۇيرەنۋدە بولعاندا بىلاي دەپ باسا دارىپتەدى
قىزىل گەندى قانعا ءسىڭىرىپ، جاڭا داۋىردەگى ۇزاق جورىقتى ويداعىداي باسۋ كەرەك
ەركىن تۇنياز، لي يفي، جاڭ چۇنلين، حى جۇڭيوۋ قاتارلىلار قيمىلعا قاتىناستى
4 - ايدىڭ 5 - كۇنى چيڭميڭ، سول كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتارلىلار شينجياڭ اسكەري رايونى بەلگىلى قىزىل ارميا شىسىنىڭ ارميا تاريحى سارايىنا كەلىپ تانىستىرۋدى مۇقيات تىڭداپ، اسكەري بولىمدەگى وفيتسەر - اسكەرلەرمەن بىرگە توڭكەرىستىك قۇربانداردى ساعىنا ەسكە الىپ، قىزىل گەندى جالعاستىردى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 5 - كۇنى ۇرىمجىدەن حابارلايدى. 4 - ايدىڭ 5 - كۇنى چيڭميڭ، بۇكىل شينجياڭنىڭ جەر - جەرى تۇرلىشە فورمالارمەن قاھارمان قۇرباندارعا ازا ءبىلدىردى. تۇستەن بۇرىن اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ قاتارلىلار شينجياڭ اسكەري رايونىنىڭ بەلگىلى قىزىل ارميا شىسىنا كەلىپ، اسكەري بولىمدەگى وفيتسەر - اسكەرلەرمەن بىرگە توڭكەرىستىك قۇربانداردى ساعىنا ەسكە الىپ، قىزىل گەندى جالعاستىرىپ، كوممۋنيستەردىڭ رۋحاني قان تامىرىن ۇزدىكسىز جالعاستىرىپ، مۇرات - سەنىمدى ونان ارى بەكەمدەپ، تولىق سەنىممەن جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوستى.
بيىل قىزىل ارميا شىسى قۇرىلعاندىعىنىڭ 90 جىلدىعى. بۇل ليۋ جىدان، شيە زىچاڭ، شي جۇڭشۇن قاتارلى اعا بۋىن پرولەتاريات توڭكەرىسشىلەرى قۇرعان قىزىل ارميا قوسىنى، توتەنشە تەرەڭ قىزىل گەن جانە توڭكەرىستىك داستۇرگە يە. ما شيڭرۇي، ەركىن تۇنياز قاتارلىلار ارميا تاريحى سارايىنا كىرىپ، اسكەري ءبولىمنىڭ توڭكەرىستىك كۇرەس بارىسى جانە جاڭا داۋىردەگى قۇرىلىس، دامۋ جاعدايى جونىندەگى تانىستىرۋدى مۇقيات تىڭدادى، ناقتى زاتتار، سۋرەتتەر الدىندا ءالسىن - ءالى كىدىرىپ، ەگجەي - تەگجەيلى سۇراپ ۇعىسىپ، اعا بۋىن پرولەتاريات توڭكەرىسشىلەرىنىڭ قان كەشە شايقاس جۇرگىزىپ جاساعان وشپەس ەڭبەك، سۇبەلى تابىستارىن تەرەڭ ءتۇيسىنىپ، توڭكەرىستىك قۇربانداردىڭ الدىڭعىلاردىڭ ءىزىن كەيىنگىلەر باسا وتىرىپ جانىن پيدا ەتىپ، ىستىق قاندارىن توككەن اسەرلى ىزگى ىستەرىن تەرەڭ سەزىنىپ، ونداعى توڭكەرىستىك ءداستۇر مەن قىزىل گەندى ىشكەرىلەي ۇيرەندى، ۇعىندى. ما شيڭرۇي بىلاي دەدى: توڭكەرىستىك سوعىس جىلدارىندا كوممۋنيستەر ءاردايىم ءولىم مەن ءومىر سىناعىنا ءدوپ كەلىپ وتىردى، ولاردىڭ ءولىمدى ەلەڭ قۇرلى كورمەي، توڭكەرىستى سوڭىنا دەيىن جۇرگىزۋىنە بەرىك مۇرات - سەنىم تىرەك بولدى. ءار جولى توڭكەرىستىك قۇربانداردى ساعىنا ەسكە العاندا، يدەيا جاڭارۋدان ءوتىپ، كوڭىلدە تولقىن - تەبىرەنىس تۋادى. قىزىل ارميا شىسى داڭقتى داستۇرگە جانە قىزىل گەنگە يە، ەرەن ەڭبەك سىڭىرگەن قاھارمان قوسىن، ادامدى سۇيىندىرەدى، ءبىزدى العان بەتتەن قايتپاي العا باسۋعا شابىتتاندىرادى. ءتوراعا شي جينپيڭنىڭ قامقورلىعى مەن تاپسىرماسىن ەستە بەرىك ساقتاپ، پارتيا قۇرۋ ۇلى رۋحىن اسقاقتاتىپ، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەپ، كۇش - قۋاتتى ۇيىستىرىپ، پارتيا تاريحىن ۇيرەنۋ تاربيەسىنىڭ جەتىستىكتەرىن ۇزدىكسىز بەكەمدەپ، كەڭەيتىپ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، قىزىل گەندى وفيتسەر - اسكەرلەردىڭ قان تامىرىنا ءسىڭىرىپ، قىزىل گەندى ۇرپاقتان - ۇرپاققا جالعاستىرىپ، جاڭا داۋىردەگى ۇزاق جورىقتى ويداعىداي باسىپ، توڭكەرىستىك قۇرباندار كۇرەس جۇرگىزگەن، قۇربان بەرگەن ۇلى ىستەردى قۇلشىنا العا ىلگەرىلەتۋ كەرەك.
ءتوراعا حيكايالارى باقشاسىندا ما شيڭرۇي، ەركىن تۇنياز قاتارلىلار سۋرەتتى، ءماتىندى تانىستىرۋلاردى كورىپ، ەگجەي - تەگجەيلى تۇسىندىرمەنى تىڭداپ، ءار ۇلت وفيتسەر - اسكەرلەرىمەن بىرگە شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەندى. ما شيڭرۇي ءار ۇلت وفيتسەر - اسكەرلەرىن ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ ارمياعا شارتسىز باسشىلىعى سىندى ءتۇبىرلى پرينسيپتى جانە ءتۇزىمدى باتىل قورعاپ، وفيتسەر - اسكەرلەردىڭ پارتيانىڭ قولباسشىلىعىنا بويسۇنۋىنىڭ، بورىشىن اتقارۋىنىڭ يدەيالىق - ساياسي نەگىزىن ۇزدىكسىز بەكەمدەۋگە، نازاردى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، بورىش - مىندەتتى اتقارۋ قابىلەتىن جاپپاي جوعارىلاتىپ، مەملەكەتتىڭ تۇتاستىعىن قورعاۋعا، شينجياڭنىڭ حاۋىپسىزدىگى مەن ورنىقتىلىعىن جانە قۇرىلىسىن، دامۋىن ىلگەرىلەتۋگە تىڭ دا اناعۇرلىم زور ۇلەس قوسۋعا ىنتالاندىردى. ما شيڭرۇي بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر مەملەكەت قورعانىسى مەن ارميا قۇرىلىسىن زور كۇشپەن قولداپ، ارميا مەن ۇكىمەتتىڭ، ارميا مەن حالىقتىڭ ىنتىماعىن ونان ارى بەكەمدەپ، بۇكىل قوعام مەملەكەت قورعانىسىنا كوڭىل بولەتىن، مەملەكەت قورعانىسىنا قولداۋ كورسەتەتىن، مەملەكەت قورعانىسىنا ات سالىساتىن قويۋ راي قالىپتاستىرۋ كەرەك.
اۆتونوميالى رايوننىڭ جانە شينجياڭ اسكەري رايونىنىڭ باسشىلارىنان ياڭ چىڭ، قادەن كابەن، ما باۋچۋان قاتارلىلار قيمىلعا قاتىناستى.
