تيانشان تورى   ›   جاڭالىقتار   ›   ەل ءىشى حابارى

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «ارىز - ارمان قىزمەتى ەرەجەسىن» باسىپ تاراتتى

  شينحۋا اگەنتتىگىنىڭ 4 - ايدىڭ 7 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «ارىز - ارمان قىزمەتى ەرەجەسىن» (تومەندە قىسقاشا «ەرەجە» دەلىنەدى) باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.

  حابارلاندىرۋدا مىنالار اتاپ كورسەتىلدى: ارىز - ارمان قىزمەتى − پارتيانىڭ بۇقارالىق قىزمەتىنىڭ ماڭىزدى قۇرامداس بولىگى، قوعام جاعدايىن، حالىق رايىن ۇعىسۋدىڭ ماڭىزدى تەرەزەسى. «ەرەجە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ حالىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، پارتيانىڭ ۇزاق ۋاقىتتان بەرى ارىز - ارمان قىزمەتىنە باسشىلىق ەتۋ جانە ورىستەتۋ تاجىريبەسىن، اسىرەسە، پارتيا 18 - قۇرىلتايىنان بەرى ارىز - ارمان قىزمەتى ءتۇزىمى رەفورماسىنىڭ جەتىستىگىن قورىتىندىلاعان، پارتيانىڭ ارىز - ارمان قىزمەتىنە بولعان جالپى بەتتىك باسشىلىعىنا تاباندى بولىپ جانە ونى كۇشەيتىپ، ارىز - ارمان قىزمەتى ءتۇزىلىسىن، مەحانيزمىن رەتتەگەن، جاڭا داۋىردەگى ارىز - ارمان قىزمەتىنىڭ نەگىزگى بويسۇنۋ ولشەمى.

  حابارلاندىرۋدا مىنالار تالاپ ەتىلدى: وڭىرلەر، تاراۋلار جاڭا داۋىردەگى ارىز - ارمان قىزمەتىنىڭ پرينسيبى مەن تالابىن يگەرىپ، حالىقتى وزەك ەتكەن دامۋ يدەياسىن امالياتتا ايگىلەپ، ارىز - ارمان قىزمەتى جاۋاپكەرشىلىگى جۇيەسىن كەمەلدەندىرىپ، پارتيا ورتالىق كوميتەتىنىڭ ارىز - ارمان قىزمەتى جونىندەگى باعىت - ساياساتتارىن جانە شەشىمدەرىن، ورنالاستىرۋلارىن ناقتى تياناقتاندىرۋ كەرەك. «ەرەجەنى» اتقارۋ جانە مەملەكەتتىك كەڭەستىڭ «ارىز - ارمان ەرەجەسىن» زاڭدا بەلگىلەنگەن ءتارتىپ بويىنشا كۇشىنەن قالدىرۋدان بۇرىنعى قاتىستى قىزمەتتەردى ۇشتاستىرۋدى ويداعىداي ىستەپ، ىركىلىسسىز، ورنىقتى وتكەرىلۋىنە شىنايى كەپىلدىك ەتۋ كەرەك. «ەرەجەنى» ۇيرەنۋ، باۋلۋ جانە ۇگىتتەۋ، ءتۇسىندىرۋ جانە تياناقتاندىرۋ جاعدايىن قۋزاپ - تەكسەرۋدى ويداعىداي ىستەپ، تۇتاس قوعامدا زاڭ بويىنشا جۇمىس بىتىرەتىن، جۇمىس بولسا زاڭعا جۇگىنەتىن، ماسەلەنى شەشۋدە زاڭنان پايدالاناتىن، قايشىلىقتى شەشۋدە زاڭعا سۇيەنەتىن تاماشا ورتا قالىپتاستىرۋ كەرەك. ارىز - ارمان قىزمەتى بىرلەسكەن ءماجىلىسى، ارىز - ارمان تاراۋلارى قىزمەت جاۋاپكەرشىلىگىن، بورىشىن ەستە بەرىك ساقتاپ، حالىقتى بارىنەن جوعارى قويۋعا تاباندى بولىپ، ماسەلەنى باعدار ەتۋدى كۇشەيتىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، قىزمەت قابىلەتى مەن دەڭگەيىن ۇزدىكسىز جوعارىلاتۋ كەرەك. وڭىرلەر، تاراۋلار «ەرەجەنى» اتقارۋ بارىسىنداعى ماڭىزدى جاعدايلار مەن ۇسىنىستاردى پارتيا ورتالىق كوميتەتىنە، مەملەكەتتىك كەڭەسكە دەر كەزىندە مالىمدەۋ كەرەك.

  «ەرەجە» جالپى 6 تاراۋ، 50 تارماق، 2022 - جىلى 5 - ايدىڭ 1 - كۇنىنەن باستاپ اتقارىلادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.