بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسى سالتاناتپەن وتكىزىلدى
شي جينپيڭ ماڭىزدى ءسوز سويلەدى
لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، ۋاڭ چيشان قاتىناستى، حان جىڭ ماداقتاۋ - سيلاۋ قاۋلىسىن وقىدى
بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسى 4 - ايدىڭ 8 - كۇنى بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسى 4 - ايدىڭ 8 - كۇنى بەيجيڭ حالىق سارايىندا سالتاناتپەن وتكىزىلدى. جينالىستان ىلگەرى شي جينپيڭ قاتارلىلار بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان كوللەكتيۆ ۋاكىلدەرىمەن، كورنەكتى ۇلەس قوسقان جەكەلەرمەن جانە جۇڭگو دەنە تاربيە ۋاكىلدەر ۇيىرمەسىنىڭ مۇشەلەرىمەن كەزدەستى ءارى كوپشىلىكپەن بىرگە ەستەلىك سۋرەتكە ءتۇستى.
□ سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
شينحۋا اگەنتتىگىنىڭ 4 - ايدىڭ 8 - كۇنى بەيجيڭنەن بەرگەن حابارى. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسى 4 - ايدىڭ 8 - كۇنى تۇستەن بۇرىن حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: ۇلى ءىس ۇلى رۋحتى جەتىلدىرەدى، ۇلى رۋح ۇلى ءىستى ىلگەرىلەتەدى. قالىڭ بەيجيڭ قىسقى وليمپيادا سپورت جارىسىنا، مۇگەدەكتەر قىسقى وليمپيادا سپورت جارىسىنا قاتىناسۋشىلار ۇلى ءداۋىر سيلاعان ورايدى قاستەرلەپ، قىسقى وليمپيادا سپورت جارىسىن وتكىزۋگە ءوتىنىش بەرۋ، وتكىزۋگە دايىندالۋ، وتكىزۋ بارىسىندا بەيجيڭ قىسقى وليمپيادا رۋحىن بىرگە جاراتتى. بەيجيڭ قىسقى وليمپيادا رۋحى − كەلەلى جاعدايدى كوكەيدە ساقتاۋ، سەنىمدى دە اشىق بولۋ، قيىندىقتان تايسالماي العا ۇمتىلۋ، ەرەندىككە تالپىنۋ، بولاشاقتى بىرگە اشۋ. ءبىز بەيجيڭ قىسقى وليمپيادا رۋحىن كۇش سالا اسقاقتاتىپ، اناعۇرلىم بەرىك سەنىممەن، اناعۇرلىم باتىل ەرلىكپەن ەكىنشى 100 جىلدىق كۇرەس نىساناسىن جۇزەگە اسىرۋعا قاراي ەرلىكپەن العا باسۋىمىز، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاراي ەرلىكپەن العا باسۋىمىز كەرەك.
لي كىچياڭ جينالىستى باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، ۋاڭ چيشان قاتىناستى، حان جىڭ ماداقتاۋ - سيلاۋ قاۋلىسىن وقىدى.
حالىق سارايىنىڭ ۇلكەن زالى ايبىندى دا دۋماندى بەينەگە شومدى. ءتوراعالار مىنبەسىنىڭ جوعارعى جاعىنا ”بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسى“ دەگەن جينالىس بەلگىسى ىلىنگەن، ارتقى پەردەنىڭ ءدال ورتاسىندا جارقىراعان جۇڭحۋا حالىق رەسپۋبليكاسىنىڭ مەملەكەت گەربى، ەكى جاعىنا 10 قىزىل تۋ ءبولىنىپ قويىلعان. 2 - قاباتتاعى تەكشە ماڭدايشاسىنا ”شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، بەيجيڭ قىسقى وليمپيادا رۋحىن كۇش سالا اسقاقتاتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ىنتىماقتاسا كۇرەس جۇرگىزەيىك!“ دەگەن ۇران جازىلعان كەرمە تۋ ىلىنگەن.
ساعات 10نان 30 مينۋت وتكەندە جينالىس باستالدى. بۇكىل زالداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.
حان جىڭ «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان كوللەكتيۆتەر مەن كورنەكتى ۇلەس قوسقان جەكەلەردى ماداقتاۋ - سيلاۋ جونىندەگى قاۋلىسىن» وقىدى. قاۋلىدا مىنالار اتاپ كورسەتىلدى: وزات تيپتەردى سالتاناتتى تۇردە ماداقتاپ - سيلاپ، بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان مەملەكەت قۇرۋ جولىندا قۇلشىنا كۇرەس جۇرگىزۋگە شابىتتاندىرۋ ءۇشىن، پارتيا ورتالىق كوميتەتى، مەملەكەتتىك كەڭەس مەملەكەتتىك تەز سىرعاناۋ سارايى الاڭ - ساراي جۇمىس ۇجىمى سياقتى 148 كوللەكتيۆكە ”بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان كوللەكتيۆ“ اتاعىن بەرۋدى؛ سۋ يميڭ قاتارلى 147 جولداسقا، دىڭ شياۋلان جولداسقا ”بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان جەكە“ اتاعىن بەرۋدى، تولىقتاپ بەرۋدى ۇيعاردى.
ويناقى مۋزيكا ءۇنى ىشىندە شي جينپيڭ قاتارلىلار ماداقتالىپ - سيلانعان جەكەلەر مەن كوللەكتيۆتەردىڭ ۋاكىلدەرىنە سيلىق تاراتتى.
تۇتاس زالدى كەرنەگەن قىزۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: 7 جىلدىق جاپالى قۇلشىنىستى باستان كەشىرىپ، بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى جەڭىسپەن وتكىزىلدى، بۇعان بۇكىل ەل نازار اۋدارىپ، كۇللى دۇنيە كوز تىكتى. جۇڭگو حالقى ءار ەل حالقىمەن بىرگە ءتۇرلى قيىنشىلىقتار مەن سىن - سايىستاردى جەڭىپ، تاريح پاراعىنا جازىلعان وليمپيادا سالتاناتتى جينالىسىن تاعى ءبىر كەزەك بىرگە وتكىزىپ، وليمپيادا داڭقىنا تاعى ءبىر مارتە بىرگە كەنەلدى.
شي جينپيڭ مىنالاردى باسا دارىپتەدى: بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ ۋاعىندا، حاۋىپسىز، ءساتتى وتكىزىلۋىنە شىنايى كەپىلدىك ەتۋ، ”ەكى وليمپيادا سپورت جارىسىنىڭ“ دا تارتىمدى وتكىزىلۋىنە شىنايى كەپىلدىك ەتۋ − جۇڭگو حالقىنىڭ حالىقارالىق قوعامعا بەرگەن ايبىندى ۋادەسى. 7 جىلدان بەرى پارتيا ورتالىق كوميتەتىنىڭ پارمەندى باسشىلىعىندا، قاتىستى تاراۋلار، ءارقايسى ولكە، اۆتونوميالى رايون، توتە قاراستى قالا ىنتىماقتاسا سەلبەسىپ، قيىندىقتاردان قامال الدى، بەيجيڭ جاڭجياكوۋمەن بىرلەسىپ وتكىزۋشى قالا رەتىندە بار قايراتپەن شايقاسقا اتتانىپ، كۇش سالا ات سالىسىپ، حالىقارالىق وليمپيادا كوميتەتى، حالىقارالىق مۇگەدەكتەر وليمپيادا كوميتەتى سياقتى حالىقارالىق دەنە تاربيە ۇيىمدارىمەن تىعىز سەلبەسىپ، جاڭا تيپتى ايدارشا ۆيرۋس وكپە قابىنۋ ىندەتى قاتارلى ءتۇرلى قيىنشىلىقتار مەن سىن - سايىستاردى جەڭىپ، دۇنيە جۇزىنە ءبىر رەتكى ۇنەمشىل، حاۋىپسىز، تارتىمدى وليمپيادا سالتاناتتى جينالىسىن ۇسىنىپ، حالىقارالىق قوعامعا بەرگەن ايبىندى ۋادەسىن تولىق ورىندادى، بەيجيڭ الەمدەگى تۇڭعىش ”قوس وليمپيادا قالاسىنا“ اينالىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇدىرەتتى كۇشىن ۇيىستىردى. قىسقى وليمپيادا سپورت جارىسىندا تارتىمدى ساتتەر بىرىنەن سوڭ ءبىرى كورىنىس بەرىپ، وتانشىلدىق ىنتا - سۇيىسپەنشىلىك تولىق ايگىلەندى، ”300 ميلليون ادامنىڭ قار - مۇز سپورتىنا قاتىناسۋى“ رەالدىققا اينالىپ، قىسقى وليمپيادا سپورت جارىسى مۇرالار جەتىستىكتەرى مول بولدى، وليمپيادا سپورت جارىسىن ءساتتى وتكىزۋ مەن وڭىرلىك دامۋدا بىردەي تابىسقا جەتۋ جۇزەگە استى، ىندەتتەن ساقتانۋ - تىزگىندەۋ دالمە - ءدال، ءونىمدى بولدى، ىنتىماقتاسا سەلبەسىپ بولاشاققا بەت الىپ، بۇكىل الەمنىڭ ىنتىماقتى، سەلبەستىكتى ىلگەرىلەتىپ، ۋاقىتشا قيىنشىلىقتى بىرگە جەڭۋىن ىلگەرىلەتۋدە ماڭىزدى رول اتقاردى، سونداي - اق اۋمالى - توكپەلى دۇنيەگە سەنىم مەن ءۇمىت سيلاپ، دۇنيە جۇزىنە ”بولاشاققا بىرگە اتتانايىق“ دەگەن ءداۋىردىڭ قۋاتتى ءۇنىن تاراتتى.
شي جينپيڭ بىلاي دەپ اتاپ كورسەتتى: قىسقى وليمپيادا سپورت جارىسىنىڭ 7 جىلدىق جاپالى بارىسى، كۇرەسى شۇعىلالى ناتيجە جاراتتى. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندالۋ، وتكىزۋ ەرەكشە قيىن جاعدايدا ىلگەرىلەتىلدى، بارلىق قاتىناسۋشىلار ”ءبىر ءسات تە ايالداۋعا بولمايدى، ءبىر قادامدى دا قاتە باسۋعا بولمايدى، ءبىر كۇن دە كەشەۋىلدەتۋگە بولمايدى“ دەگەنگە تاباندى بولىپ، اسا جاپالى دا كەرەمەت قۇلشىنىستار جاسادى. ەلىمىزدىڭ قالىڭ سپورتشىلارى، جاتتىقتىرۋشىلارى پارتيا مەن حالىقتىڭ تاپسىرماسىن ەستە بەرىك ساقتاپ، باتىلدىقپەن سايىسىپ، وزدەرىنىڭ ەڭ زور مۇمكىندىكتەرىن ساۋلەلەندىرىپ، ەلىمىزدىڭ قىسقى وليمپيادا سپورت جارىسىنا، مۇگەدەكتەر قىسقى وليمپيادا سپورت جارىسىنا قاتىناسۋ تاريحىندا ەڭ تاماشا ناتيجە جاراتىپ، پارتيا مەن حالىققا داڭق اپەردى. قالىڭ قىسقى وليمپيادا سپورت جارىسىنا، مۇگەدەكتەر قىسقى وليمپيادا سپورت جارىسىنا قاتىناسۋشىلار قاجىرلى ەڭبەك، قاجىماس قايسارلىق، ەرەسەن ەرلىك ارقىلى كۇشتى جاۋاپكەرشىلىك سەزىممەن، بورىشتىلىق سەزىممەن، داڭق سەزىمىمەن ءتۇرلى قىزمەت مىندەتتەرىن تابىستى ورىنداپ، وتاننىڭ ۇمىتىنەن شىققان، حالىقتىڭ ۇمىتىنەن شىققان، ءداۋىردىڭ ۇمىتىنەن شىققان شۇعىلالى ناتيجەلەر جاراتتى.
شي جينپيڭ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، ماداقتالىپ - سيلانعان كورنەكتى ۇلەس قوسقان كوللەكتيۆتەر مەن كورنەكتى ۇلەس قوسقان جەكەلەردى قىزۋ قۇتتىقتادى، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق جاساۋدا، وتكىزۋدە كورنەكتى ۇلەس قوسقان بارلىق قۇرىلىسشىلارعا، قىزمەتكەرلەرگە، ەرىكتىلەرگە، قالىڭ سپورتشىلارعا، جاتتىقتىرۋشىلارعا، حالىق ازاتتىق ارمياسى كوماندير - جاۋىنگەرلەرىنە، قارۋلى ساقشى ءبولىمى وفيتسەر - جاۋىنگەرلەرىنە، قوعام حاۋىپسىزدىگى كادر - ساقشىلارىنا جانە ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قوسىنى كوماندير - جاۋىنگەرلەرىنە وسكەلەڭ قۇرمەت ءبىلدىردى، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ىستىق ىقىلاسپەن قولداعان قالىڭ شياڭگاڭدىق باۋىرلاستارعا، اۋمىندىق باۋىرلاستارعا، تايۋاندىق باۋىرلاستارعا جانە شەتەلدەگى حۋاچياۋلارعا، حۋارىندارعا شىن جۇرەكتەن العىس ايتتى.
شي جينپيڭ بىلاي دەپ اتاپ كورسەتتى: وتكىزۋگە دايىندالۋ، وتكىزۋ بارىسىندا حالىقارالىق وليمپيادا كوميتەتى، حالىقارالىق مۇگەدەكتەر وليمپيادا كوميتەتى، سونداي - اق وليمپيادا ۇلكەن شاڭىراعىنىڭ، مۇگەدەكتەر وليمپيادا ۇلكەن شاڭىراعىنىڭ مۇشەلەرى ءبىزدىڭ قىزمەتىمىزگە بەلسەندى كومەك كورسەتتى، ءار ەل ۇكىمەتى مەن حالقى، حالىقاراداعى دوس قايراتكەرلەر زور كۇشپەن قولداۋ كورسەتتى. دۇنيە ءجۇزىنىڭ جەر - جەرىنەن كەلگەن دەنە تاربيە ساڭلاقتارى جارىس الاڭىندا ءبىرىن - ءبىرى قۇرمەتتەپ، ءوزارا جىگەرلەندىرىپ، شىرقاۋ شەكتى بۇزىپ ءوتىپ، اسەرلى سەزىمگە تولى جارىستا ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋ“ سىندى وليمپيادا ناقىلى مەن ”باتىلدىق، بەكىم، ىنتالىلىق، تەڭدىك“ سىندى مۇگەدەكتەر وليمپياداسىنىڭ قۇن كوزقاراسىن مۇلتىكسىز ورىندادى. شي جينپيڭ جۇڭگو ۇكىمەتى جانە ءبىر ميلليارد 400 ميلليوننان استام جۇڭگو حالقى اتىنان حالىقارالىق وليمپيادا كوميتەتىنە، حالىقارالىق مۇگەدەكتەر وليمپيادا كوميتەتىنە، سونداي - اق وليمپيادا ۇلكەن شاڭىراعىنىڭ، مۇگەدەكتەر وليمپيادا ۇلكەن شاڭىراعىنىڭ مۇشەلەرىنە، دۇنيە جۇزىندەگى ءار ەلدەگى، وڭىرلەردەگى دوستارعا شىن جۇرەكتەن العىس ايتتى، بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا ەرلىكپەن العا ۇمتىلعان ءار ەل دەنە تاربيە ساڭلاقتارىنا وسكەلەڭ قۇرمەت ءبىلدىردى.
شي جينپيڭ بىلاي دەپ باسا دارىپتەدى: تابىس كۇرەستەن باستاۋ الادى، جەڭىس وڭايلىقپەن كەلمەيدى. 7 جىلدان بەرگى وزگەشە وتكىزۋگە دايىندالۋ، وتكىزۋ بارىسىنا قايىرىلا قاراساق، ءبىز كۇرەس بارىسىندا تابىسقا جەتۋدىڭ قۋانىشىنا بولەنىپ قانا قويماي، كۇرەس بارىسىندا مول رۋحاني بايلىققا دا يە بولدىق، ەڭ قىمباتتى تاجىريبەگە دە قول جەتكىزدىك، بۇل ءبىزدىڭ بارىنشا قاستەرلەۋىمىزگە، ساۋلەلەندىرە تۇسۋىمىزگە تاتيدى. ءسوز جوق، پارتيانىڭ ورتالىقتانعان ءبىر تۇتاس باسشىلىعىنا تاباندى بولۋ كەرەك، جۇڭگو كوممۋنيستىك پارتياسى ءبىزدىڭ ۇلى ءىستى ناتيجەلى ورىنداۋىمىزداعى ەڭ سەنىمدى تىرەگىمىز، پارتيانىڭ باسشىلىعىنا باستان - اياق مىزعىماي تاباندى بولعاندا عانا العا باسۋ جولىنداعى ءارقانداي ماشاقاتتى، قيىندىقتى، قاتەردى، كەدەرگىنى، ءسوز جوق، جەڭە الامىز، ورىنداۋدى ويعا العان ءارقانداي ءىسىمىزدى، ءسوز جوق، ورىنداي الامىز. ءسوز جوق، كۇشتى شوعىرلاندىرىپ، ۇلكەن ءىس تىندىرۋعا تاباندى بولۋ كەرەك، ەلىمىزدىڭ سوتسياليستىك ءتۇزىمىنىڭ ەرەكشە ۇيىمداستىرۋ، جۇمىلدىرۋ قۋاتى، ءبىر تۇتاس جوسپارلاپ، سايكەستىرۋ قۋاتى، دايەكتى اتقارۋ قۋاتى، ەلىمىزدىڭ مىعىم ەكونوميكالىق ناقتى قۋاتى، عىلىم - تەحنيكالىق ناقتى قۋاتى، جالپىلىق مەملەكەت قۋاتى وليمپيادانى تابىستى وتكىزۋگە پارمەندى سەنىم جانە ەڭ بەرىك قامتاماسىزدىق ازىرلەدى. ءسوز جوق، ءتۇرلى حاۋىپ - قاتەردەن، سىن - سايىستان ىرىقتىلىقپەن ساقتانۋعا جانە وعان توتەپ بەرۋگە تاباندى بولىپ، تومەنگى شەكتە ويلاۋعا، ماسەلەنى باعدار ەتۋگە تاباندى بولىپ، تاۋقىمەت تانىمىن كۇشەيتىپ، حاۋىپ - قاتەردەن، سىن - سايىستان ساقتانۋدى جانە ونى جويۋدى كورنەكتى ورىنعا قويىپ، تۇڭعىش قادامدى جاقسى باسۋ، ىرىقتىلىق شايقاسىن ويداعىداي جۇرگىزۋ كەرەك. ءسوز جوق، جارىس وتكىزۋدى جانە حالىققا قىزمەت وتەۋدى، دامۋدى جەبەۋدى ءوزارا ۇشتاستىرۋعا تاباندى بولىپ، قىسقى وليمپيادا جەتىستىگىنەن حالىقتىڭ بىرگە يگىلىكتەنۋىنە تاباندى بولىپ، حالىقتىڭ دەنساۋلىعىنىڭ، پسيحيكالىق اقاۋسىزدىعىنىڭ اناعۇرلىم سالاماتتى بولۋىنا، جۇمىستانۋىنىڭ اناعۇرلىم جەتكىلىكتى بولۋىنا، تۇرمىسىنىڭ اناعۇرلىم تاماشا بولۋىنا مۇمكىندىك جاساپ، بىرگە ات سالىسۋدى، بىرگە كۇش سالۋدى، بىرگە يگىلىكتەنۋدى جۇزەگە اسىرۋ كەرەك.
شي جينپيڭ كەلەلى جاعدايدى كوكەيدە ساقتاۋ، سەنىمدى دە اشىق بولۋ، قيىندىقتان تايسالماي العا ۇمتىلۋ، ەرەندىككە تالپىنۋ، بولاشاقتى بىرگە اشۋ سىندى بەيجيڭ قىسقى وليمپيادا رۋحىن باياندادى. كەلەلى جاعدايدى كوكەيدە ساقتاۋ دەگەنىمىز وتاندى كوڭىل بايلاۋى ەتىپ، بيىك مۇراتقا تالپىنىپ، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندالۋدى، وتكىزۋدى ”مەملەكەتتىڭ زور ءىسى“ ەتىپ، مەملەكەتكە داڭق اپەرۋدى ءوز مىندەتى ساناپ، وتان ءۇشىن ەسە قوسۋدى داڭق دەپ ءبىلىپ، باتىلدىقپەن بورىش، جاۋاپكەرشىلىك ارقالاپ، وتان مەن حالىق ءۇشىن ءبىر نيەتپەن ىنتىماقتاسۋ، قۇلشىنا سايىسۋ. سەنىمدى دە اشىق بولۋ دەگەنىمىز بايسالدى دا كەڭ پەيىل، اشىق، سيىسىمدى بولىپ، جۇڭگوشا سوتسياليزم جول سەنىمىنە، نازاريا سەنىمىنە، ءتۇزىم سەنىمىنە، مادەنيەت سەنىمىنە تاباندى بولىپ، جاسامپازدىقپەن كادەگە جاراتۋ، جاڭالىق اشا دامىتۋ ارقىلى تەرەڭ مادەنيەت مايەگىن جەتكىزىپ، ۇلى قاعيدانىڭ ەرەك قاراپايىمدىعى ارقىلى تاريحى ۇزاق وركەنيەت ۇستانىمىن ايگىلەپ، قىزۋ ىنتالى قوناعۋارلىق ارقىلى جۇڭگو حالقىنىڭ شىنايى دوستىق سيلاستىعىن كورسەتىپ، وركەنيەتتەردىڭ اۋىس - كۇيىسى ارقىلى دۇنيە جۇزىندەگى ءار ەل حالىقتارىنىڭ ءوزارا ءتۇسىنىسۋىن جانە دوستىعىن جەبەۋ. قيىندىقتان تايسالماي العا ۇمتىلۋ دەگەنىمىز قاجىرلىلىقپەن ناقتى ىستەپ، قايسارلىقپەن مويىماي، ءىستىڭ سالماعىن بىلەتىن، اۋىرىن ارقالايتىن، سىن - سايىسقا قاسقايا توتەپ بەرەتىن اسقاقتاعان كۇرەس جىگەرىن ساقتاپ، قاجىماي - تالماي قيىنشىلىقتى جەڭىپ، حاۋىپ - قاتەردى جەڭىپ، جەڭىس ءۇشىن ەرلىكپەن العا ىلگەرىلەۋ. ەرەندىككە تالپىنۋ دەگەنىمىز قايسارلىقپەن دەن قويىپ، توتەنشە قۇنتتىلىقپەن ىستەپ، ەڭ جوعارى ولشەمگە، ەڭ قاتاڭ تالاپقا تاباندى بولىپ، زەر سالا جوسپارلاپ، جوبالاپ، زەر سالا ورنەكتەپ وڭدەپ، زەر سالا ۇيلەسىپ ماشىقتانىپ، بۇرىنعىدان ۇزدىكسىز اسىپ ءتۇسۋ جانە كەرەمەتتەر جاراتۋ. بولاشاقتى بىرگە اشۋ دەگەنىمىز سايكەسىپ قوسىلا ارەكەت ەتىپ، بەرىك قول ۇستاسىپ، ”بولاشاققا بىرگە اتتانۋدىڭ“ جانە ”اناعۇرلىم ىنتىماقتى بولۋدىڭ“ ءوزارا ۇندەستىگىنە تاباندى بولىپ، جۇڭگو دامۋىنىڭ بولاشاعىن بەتكە الىپ، ادامزات دامۋىنىڭ بولاشاعىن بەتكە الىپ، دۇنيە جۇزىنە ادامزاتتىڭ تاعدىرلاس ورتاق تۇلعاسىن قول ۇستاسا قۇرۋدىڭ ىقىلاستى ۇندەۋىن جاريالاۋ.
شي جينپيڭ بىلاي دەپ اتاپ كورسەتتى: 7 جىلدىق شىڭدالۋ ارقىلى قايراتتانا تاعى اتتاندىق. ءبىز بەلسەنە جوسپارلاپ، ۇزدىكسىز كۇرەس جاساپ، بەيجيڭ قىسقى وليمپياداسىنىڭ مۇراسىن ويداعىداي باسقارۋىمىز، ويداعىداي پايدالانۋىمىز كەرەك. بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا الاڭ - ساراي قۇرىلعىلارى سياقتى زاتتىق مۇرا دا بار، مادەنيەت جانە دارىندىلار مۇراسى دا بار، وسىلاردىڭ بارلىعى قىمباتتى بايلىق، تولىق ويداعىداي پايدالانۋ كەرەك. قار - مۇز سپورتىن جالپىلاستىرۋدى، دامىتۋدى ۇزدىكسىز ىلگەرىلەتىپ، ستراتەگيالىق جوبالاردىڭ ورنالاسۋىن كۇشەيتىپ، بۇقارانىڭ قار - مۇز سپورتى ىنتاسىن سۋىتپاۋ كەرەك. بەيجيڭ قىسقى وليمپيادا مادەنيەت بايلىعىن تولىق كادەگە جاراتىپ، پايدالانىپ، مادەنيەت سەنىمىن بەكەمدەپ، اناعۇرلىم سەنىمدى، بايىپتى تۇردە جۇڭگو ءۇنىن جەتكىزۋ، جۇڭگو حيكاياسىن ويداعىداي بايانداۋ كەرەك. ادامگەرشىلىك رۋحتى اساقتاتىپ، ادامدىق ۇقىققا قۇرمەت ەتىپ جانە ونى قامتاماسىزداندىرىپ، مۇگەدەكتەر ءىسىنىڭ جاپپاي دامۋىن جەبەۋ كەرەك. تۇتاس قوعامدا ۇلەس قوسۋ، سۇيىسپەنشىلىك، ءوزارا كومەكتەسۋ، العا باسۋ سىندى ەرىكتىلەر رۋحىن كەڭ كولەمدە اسقاقتاتىپ، ەرىكتى قىزمەت وتەۋدىڭ بەلسەندى رولىن اناعۇرلىم ويداعىداي ساۋلەلەندىرىپ، قوعامدىق وركەنيەتتىڭ العا باسۋىن جەبەۋ كەرەك. وليمپيادا رۋحىن اسقاقتاتىپ، وليمپيادانىڭ ادامزاتتىڭ بەيبىت دامۋىن جەبەۋدەگى ماڭىزدى رولىن ساۋلەلەندىرىپ، ادامزات وركەنيەتىنىڭ العا باسۋى ءۇشىن اناعۇرلىم كوپ جۇڭگو اقىل - پاراساتىن جانە جۇڭگو كۇشىن ارناۋ كەرەك. دەنە تاربيەنىڭ ادامنىڭ جاپپاي دامۋىن جەبەۋدەگى ماڭىزدى رولىنا ايرىقشا ءمان بەرىپ ءارى ونى تولىق ساۋلەلەندىرىپ، دەنە تاربيە رەفورماسىندا جاڭالىق اشۋدى ۇزدىكسىز ىلگەرىلەتىپ، جالپى حالىقتىڭ دەنە شىنىقتىرۋ جۇيەسىن كەمەلدەندىرىپ، قالىڭ حالىق بۇقاراسىنىڭ، اسىرەسە، جاستار مەن ورەندەردىڭ دەنە تاربيە، دەنە شىنىقتىرۋ تانىمىن كۇشەيتىپ، ەلىمىزدىڭ باسەكەلىك دەنە تاربيەسىنىڭ جالپىلىق ناقتى قۋاتى مەن حالىقارالىق باسەكەلىك قۋاتىن ارتتىرىپ، دەنە تاربيەدە قۋاتتى ەل قۇرۋ اياق الىسىن جەدەلدەتۋ كەرەك.
لي كىچياڭ جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ وراسان زور ناتيجەلەرىن تولىق تۇراقتاندىرىپ، وتكىزۋگە دايىندالعان، جارىسقا دايىندالعان 7 جىلدىق ەرەن بەلەسكە جالپى بەتتىك قايىرىلا قارادى، دايىندالۋدىڭ، وتكىزۋدىڭ قۇندى تاجىريبەلەرىن ىشكەرىلەي قورىتىندىلاپ، بەيجيڭ قىسقى وليمپيادا رۋحىن تەرەڭ باياندادى، قىسقى وليمپيادا مۇراسىنان ويداعىداي پايدالانىپ، جوعارى ساپالى دامۋدى ىلگەرىلەتۋ جونىندە ايقىن تالاپتار قويدى، وتە كۇشتى ساياسيلىق سيپاتقا، يدەيالىق سيپاتقا، جەتەكشىلىك سيپاتقا يە. مۇقيات ۇيرەنۋ، ءتۇسىنۋ، ىشكەرىلەي دايەكتىلەندىرۋ، تياناقتاندىرۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ەكىنى تۇراقتاندىرۋدىڭ“ شەشۋشى ءمانىن جىعا تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، بەيجيڭ قىسقى وليمپيادا رۋحىن اسقاقتاتىپ، قايراتتانا ەكپىندەي ىلگەرىلەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الىپ، جاپپاي سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك.
جينالىستا قىسقى وليمپيادا سپورت جارىسى دەنە تاربيە ۋاكىلدەر ۇيىرمەسىنىڭ ۋاكىلى، مەملەكەتتىك دەنە تاربيە باس مەكەمەسى قىسقى سپورتتى باسقارۋ ورتالىعىنىڭ مەڭگەرۋشىسى ني حۇيجۇڭ، مۇگەدەكتەر قىسقى وليمپيادا سپورت جارىسى دەنە تاربيە ۋاكىلدەر ۇيىرمەسىنىڭ ۋاكىلى، مەملەكەتتىك مۇگەدەكتەر قىسقى وليمپياداسى دالالىق شاڭعى جانە قىسقى ەكى ءتۇر كومانداسىنىڭ سپورتشىسى ياڭ حۇڭچيۇڭ، ەرىكتىلەر ۋاكىلى، حىبەي شىفان داشۋەسى اقپارات تاراتۋ شۋەيۋانىنىڭ وقۋشىسى يۋان ۋيتيڭ، قىسقى وليمپيادا سپورت جارىسىن ۇيىمداستىرۋ كوميسسياسىنىڭ ۋاكىلى، يانچيڭ اينالىم ورتالىعىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى جاڭ سۋجى ءسوز سويلەدى.
جينالىستان ىلگەرى، شي جينپيڭ قاتارلى باسشى جولداستار بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان كوللەكتيۆ ۋاكىلدەرىمەن، كورنەكتى ۇلەس قوسقان جەكەلەرمەن جانە جۇڭگو دەنە تاربيە ۋاكىلدەر ۇيىرمەسىنىڭ مۇشەلەرىمەن ىقىلاسپەن كەزدەستى ءارى كوپشىلىكپەن بىرگە ەستەلىك سۋرەتكە ءتۇستى.
بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەس مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، بەيجيڭدەگى مەملەكەتتىك ساياسي كەڭەستىڭ ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.
ورتالىقتاعى پارتيا، ۇكىمەت، ارميا، بۇقارالىق تاراۋلارىنداعى نەگىزگى جاۋاپتى جولداستار، قىسقى وليمپيادا سپورت جارىسى قىزمەتى باسشىلىق گرۋپپاسىنىڭ مۇشەلەرى، سونداي - اق قاتىستى قىزمەت قۇرىلىمدارىنداعى جاۋاپتى جولداستار، بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسىنداعى جاۋاپتى جولداستار، بەيجيڭ قالاسىنداعى، حىبەي ولكەسىندەگى قاتىستى جاۋاپتى جولداستار، بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى جۇڭگو دەنە تاربيە ۋاكىلدەر ۇيىرمەسىنىڭ مۇشەلەرى، قىزمەتكەرلەردىڭ، اقپارات قۇرالدارىنىڭ جانە ەرىكتىلەردىڭ ۋاكىلدەرى، ت.ب بولىپ 3000داي ادام جينالىسقا قاتىناستى.
