تيانشان تورى
تيانشان تورى   ›   جاڭالىقتار   ›   ەل ءىشى حابارى

جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان كوللەكتيۆتەر مەن كورنەكتى ۇلەس قوسقان جەكەلەردى ماداقتاۋ - سيلاۋ جونىندەگى قاۋلىسى

جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان كوللەكتيۆتەر مەن كورنەكتى ۇلەس قوسقان جەكەلەردى ماداقتاۋ - سيلاۋ جونىندەگى قاۋلىسى

(2022 - جىلى 4 - ايدىڭ 8 - كۇنى)

  بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى ەلىمىز جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، ەكىنشى 100 جىلدىق كۇرەس نىساناسىنا قاراي ارشىندى قادام تاستاعان شەشۋشى كەزەڭدە وتكىزىلگەن كەلەلى نىشاندىق قيمىل، بەلەستىك مانگە يە. باس شۋجي شي جينپيڭ بيىكتە تۇرىپ الىسقا كوز جىبەرىپ، رول ۇستاپ جول باستاپ، ءوزى جوسپارلاپ، ءوزى ورنالاستىرىپ، ءوزى ىلگەرىلەتىپ، ءبىر قىدىرۋ ماڭىزدى نۇسقاۋ بەرىپ، بەكىتۋ جاساپ، قىسقى وليمپيادا سپورت جارىسىنىڭ دايىندىق قىزمەتتەرىن ويداعىداي ىستەۋ ءۇشىن ءتۇبىرلى بويسۇنۋ ولشەمىن ازىرلەدى. ورتالىق پەن مەملەكەت ورگاندارىنىڭ قاتىستى تاراۋلارى، ءارقايسى ولكە، اۆتونوميالى رايون، توتە قاراستى قالا ىنتىماقتاسا سەلبەسىپ، وتكىزۋگە دايىندالعان جانە شايقاسقا دايىندالعان مەكەمە - ورىندار، وتكىزۋشى قالالار جاڭا تيپتى ايدارشا ۆيرۋس وكپە قابىنۋ ىندەتى قاتارلى قيىنشىلىقتاردى، سىن - سايىستاردى جەڭىپ، دەن قويا ۇيىمداستىرىپ، بار كۇشپەن كىرىسىپ، بۇكىل ەلدەگى ءار ۇلت حالقى مەن ەل ءىشى - سىرتىنداعى جۇڭحۋا ۇلاندارى بۇكىل سۇيىسپەنشىلىگىن ارناپ، ىقىلاسپەن ات سالىسىپ، دۇنيە جۇزىنە ۇنەمشىل، حاۋىپسىز، تارتىمدى وليمپيادا سالتاناتتى جينالىسىن سيلاپ، حالىقارالىق قوعامعا بەرگەن ايبىندى ۋادەسىن جاپپاي ورىنداپ، دۇنيە ءجۇزىنىڭ ايرىقشا القاۋىنا يە بولدى.

  بەيجيڭ قىسقى وليمپيادا سپورت جارىسىنا، مۇگەدەكتەر قىسقى وليمپيادا سپورت جارىسىنا دايىندالۋ، وتكىزۋ بارىسىندا ەڭبەگى كورنەكتى ءبىر توپ كوللەكتيۆ جانە جەكە جارىققا شىقتى. وزات تيپتەردى سالتاناتتى تۇردە ماداقتاپ - سيلاپ، بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان مەملەكەت قۇرۋ جولىندا قۇلشىنا كۇرەس جۇرگىزۋگە شابىتتاندىرۋ ءۇشىن، پارتيا ورتالىق كوميتەتى، مەملەكەتتىك كەڭەس مەملەكەتتىك تەز سىرعاناۋ سارايى الاڭ - ساراي جۇمىس ۇجىمى سياقتى 148 كوللەكتيۆكە ”بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان كوللەكتيۆ“ اتاعىن بەرۋدى؛ سۋ يميڭ قاتارلى 147 جولداسقا، دىڭ شياۋلان جولداسقا ”بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان جەكە“ اتاعىن بەرۋدى، تولىقتاپ بەرۋدى ۇيعاردى. ماداقتالىپ - سيلانعان كوللەكتيۆتەر مەن جەكەلەردىڭ داڭقتى قاستەرلەپ، كۇش ۇستىنە كۇش قوسىپ، ۇلگىلىك، باستاماشىلدىق رولىن تولىق ساۋلەلەندىرىپ، پارتيا مەن حالىق ىستەرىنە جاڭا اناعۇرلىم كەسەك ۇلەس قوسۋىن ءۇمىت ەتەمىز.

  ۇلى ءىس ۇلى رۋحتى جەتىلدىرەدى. وسى رەت ماداقتالعان، سيلانعان كوللەكتيۆتەر مەن جەكەلەردىڭ ىزگى ىستەرى كەلەلى جاعدايدى كوكەيدە ساقتاۋ، سەنىمدى دە اشىق بولۋ، قيىندىقتان تايسالماي العا ۇمتىلۋ، ەرەندىككە تالپىنۋ، بولاشاقتى بىرگە اشۋ سىندى بەيجيڭ قىسقى وليمپيادا رۋحىن شوعىرلى بەينەلەدى. بەيجيڭ قىسقى وليمپيادا رۋحى بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزۋ ءۇشىن ماڭىزدى قامتاماسىزدىق ازىرلەۋمەن قاتار، جۇڭحۋا ۇلتىنىڭ ۇلى گۇلدەنۋى ءۇشىن دە قۋاتتى كۇش ۇيىستىردى.

  پارتيا ورتالىق كوميتەتى مىناعان ۇندەدى: بۇكىل پارتيا، بۇكىل ەلدەگى ءار ۇلت حالقى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، ماداقتالىپ - سيلانعان كورنەكتى ۇلەس قوسقان كوللەكتيۆتەر مەن جەكەلەردى ۇلگى ەتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، اسقاق جىگەرمەن قايراتتانا ۇمتىلىپ، بويكۇيەزدىككە سالىنباي شىنايى اتقارىپ، بەيجيڭ قىسقى وليمپيادا رۋحىن اسقاقتاتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك!

  (شينحۋا اگەنتتىگىنىڭ 4 - ايدىڭ 8 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.