ما شيڭرۇي ءبىر ءبولىم پارتيا ورگاندارىندا، بۇقارالىق ۇيىمداردا ارالاپ تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
باسىمدىلىقتى اناعۇرلىم ويداعىداي ساۋلەلەندىرىپ، جۇرت تىلەگىن ۇيىستىرىپ، بىرىككەن كۇش قالىپتاستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ ۇلەس قوسۋ كەرەك
حى جۇڭيوۋ تەكسەرۋ - زەرتتەۋدە بىرگە بولدى
اۆتونوميالى رايوندىق پارتكومنىڭ شۋجيى ما شيڭرۇي 4 - ايدىڭ 8 - كۇنى ىلگەرىندى - كەيىندى اۆتونوميالى رايوندىق باس جۇمىسشى ۇيىمىنا، وداق كوميتەتىنە، ايەلدەر بىرلەستىگىنە جانە ساقتىق تاربيەسى ورتالىعىنا، اۆتونوميالى رايوندىق پارتكوم پارتيا مەكتەبىنە، اۆتونوميالى رايوندىق پارتكوم ينتەرنەت ينفورماتسياسى كەڭسەسىنە بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي ساقتىق تاربيەسى ورتالىعىندا پارتيا ستيلى، پاكتىك قۇرىلىسى تاربيەسى كورمەسىن كوردى، تۇتاس رايونىمىزدا كادرلارعا ساقتىق تاربيەسىن ورىستەتۋ، پارتيا ستيلى، پاكتىك قۇرىلىسى قاتارلى جاعدايلار جونىندەگى مالىمەتتى تىڭدادى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 4 - ايدىڭ 8 - كۇنى ىلگەرىندى - كەيىندى اۆتونوميالى رايوندىق باس جۇمىسشى ۇيىمىنا، وداق كوميتەتىنە، ايەلدەر بىرلەستىگىنە جانە ساقتىق تاربيەسى ورتالىعىنا، اۆتونوميالى رايوندىق پارتكوم پارتيا مەكتەبىنە، اۆتونوميالى رايوندىق پارتكوم ينتەرنەت ينفورماتسياسى كەڭسەسىنە بارىپ تەكسەرۋ - زەرتتەۋ جۇرگىزىپ، بۇقارالىق ۇيىمداردىڭ باسىمدىلىق رولىن ساۋلەلەندىرۋ، پاكتىك تاربيەسى، پارتيالى كادرلاردى باۋلۋ، ينتەرنەت ينفورماتسياسى حاۋىپسىزدىگىن قامتاماسىز ەتۋ سياقتى قىزمەت جاعدايلارىن ۇعىسىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا مۇشەلەرى مەن بۇقارالىق قىزمەتتى تىڭعىلىقتى ويداعىداي ىستەپ، باسىمدىلىقتى اناعۇرلىم ويداعىداي ساۋلەلەندىرىپ، جۇرت تىلەگىن ۇيىستىرىپ، بىرىككەن كۇش قالىپتاستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ ۇلەس قوسۋ كەرەكتىگىن باسا دارىپتەدى.
اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ارالاپ تەكسەرۋ - زەرتتەۋدە بىرگە بولدى.
اۆتونوميالى رايوندىق باس جۇمىسشى ۇيىمىندا ما شيڭرۇي جۇمىسشى ۇيىمىنىڭ قامتۋ جاعدايى، جۇمىسشى - قىزمەتشىلەردىڭ يگىلىگى مەن ۇقىق - مۇددەسىن قامتاماسىز ەتۋ سياقتى جاعدايلار جونىندەگى تانىستىرۋدى تىڭدادى، ەڭبەك ەرلەرى، ءىرى ەل شەبەرلەرى ۋاكىلدەرى سياقتىلارمەن ىشكەرىلەي اڭگىمەلەسىپ، حالىقتى وزەك ەتۋگە تاباندى بولىپ، ءار ۇلت ەڭبەكشىلەرىنىڭ زاڭدى ۇقىق - مۇددەسىن زاڭ بويىنشا قورعاپ، ءونىمدى قامتاماسىزداندىرىپ، ەڭبەك ەرى رۋحىن، ەڭبەك رۋحىن، شەبەرلەر رۋحىن بارىنشا ساۋلەلەندىرىپ، ءار ۇلت بۇقاراسىنا جەتەكشىلىك ەتىپ، جاڭا داۋىردە ەكپىندەي ىلگەرىلەۋدى باسا دارىپتەدى. اۆتونوميالى رايوندىق وداق كوميتەتىندە ما شيڭرۇي جاستار مەن ورەندەردى ىنتىماقتاستىرىپ، ولارعا قىزمەت وتەۋ، داشۋە وقۋشىلارىنىڭ ەرىكتى قىزمەت وتەۋى سياقتى جاعدايلاردى ۇعىسىپ مىنالاردى باسا دارىپتەدى: ءار ۇلت جاستارى مەن ورەندەرىنىڭ ارالاسۋىن، ىشتەسۋىن، توعىسۋىن كۇشەيتۋدى ماڭىزدى تابان تىرەر تياناق ەتىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەۋ؛ باتىس بولىك جوسپارى ەرىكتىلەرىن نەگىزگى ساتىدا جانە حالىق اراسىندا اماليات بارىسىندا شىڭدالىپ، قابىلەتتەرىن ءوسىرىپ، شينجياڭعا تامىر تارتىپ، جاستىق ورالدارىن نۇر شاشتىرىپ، ەڭبەك سىڭىرۋگە، ۇلەس قوسۋعا شابىتتاندىرۋ كەرەك. اۆتونوميالى رايوندىق ايەلدەر بىرلەستىگىندە ما شيڭرۇي وتباسى ستيلى قۇرىلىسى، ارىز - ارمان قابىلداۋ، ايەلدەر مەن بالالار ءىسىنىڭ دامۋى سياقتى جاعدايلاردى ۇعىسىپ، تاسىلدە، دانەكەردە جاڭالىق اشىپ، باسقارۋدى، قىزمەت وتەۋدى ساپالىلاندىرىپ، ايەلدەر مەن بالالاردىڭ ۇقىق - مۇددەسىن قورعاپ، ايەلدەر مەن بالالاردىڭ ىرىس - قۇتىن ارتتىرىپ، ءار ۇلت ايەلدەرىنىڭ قوعامعا جاۋاپتى بولاتىن، وتباسىنا ۇلەس قوساتىن جاڭا ءداۋىر ايەلدەرى بولۋعا جەتەكشىلىك ەتۋدى اتاپ كورسەتتى. ما شيڭرۇي مىنالاردى باسا دارىپتەدى: بۇقارالىق توپتار مەن ۇيىمدار − پارتيا مەن ۇكىمەتتىڭ بۇقارامەن بايلانىس جاسايتىن دانەكەر كوپىرى. ءار دارەجەلى پارتكومدار مەن ۇكىمەتتەر بۇقارالىق توپتار مەن ۇيىمدارعا باسشىلىق ەتۋدى ونان ارى نىعايتىپ، بۇقارالىق توپتار مەن ۇيىمداردىڭ قىزمەت ورىستەتۋىنە ءتيىمدى شارت - جاعداي ازىرلەۋى كەرەك. ءار دارەجەلى بۇقارالىق توپتار مەن ۇيىمدار ساياسيلىق، العاباسارلىق، بۇقارالىق سيپاتتارىن ۇزدىكسىز كۇشەيتىپ، دانەكەر كوپىرلىك رولدارىن اناعۇرلىم ويداعىداي ساۋلەلەندىرىپ، ءار ۇلت بۇقاراسىن پارتيانىڭ توڭىرەگىنە ەڭ كەڭ كولەمدە، ەڭ تىعىز ىنتىماقتاستىرىپ، جۇرت تىلەگىن ونان ارى ويداعىداي ۇيىستىرىپ، ىنتىماقتى نىعايتۋ كەرەك.
ما شيڭرۇي ساقتىق تاربيەسى ورتالىعىنا بارىپ، پارتيا ستيلى، پاكتىك قۇرىلىسى تاربيەسى كورمەسىن كوردى، تۇتاس رايونىمىزدا كادرلارعا ساقتىق تاربيەسىن ورىستەتۋ، پارتيا ستيلى، پاكتىك قۇرىلىسى قاتارلى جاعدايلار جونىنەن بەرىلگەن مالىمەتتى تىڭداپ، مىنالاردى باسا دارىپتەدى: پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ۇزدىكسىز تەرەڭدەتىپ، تۇعىردان، دانەكەردەن تولىق ويداعىداي پايدالانىپ، نازاردى ”شەشۋشى ازشىلىققا“ شوعىرلاندىرىپ، ۇنامدى جاقتان ۇلگى كورسەتىپ جەتەكشىلىك ەتۋ مەن ۇنامسىز جاقتان ساقتاندىرىپ تاربيە بەرۋدى ءونىمدى ورىستەتىپ، ءار ۇلت پارتيا مۇشەلەرى مەن كادرلارىن يمەنە بىلۋگە، سەسكەنۋدى كوكەيىنە تۇيۋگە، تومەنگى شەكتى ساقتاۋعا، اۋەلگى ماقساتتى ۇمىتپاۋعا، بورىشتى ەستە بەرىك ساقتاۋعا جەتەكشىلىك ەتىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن ۇزدىكسىز بەكەمدەۋ، كەڭەيتۋ كەرەك. فورماشىلدىققا، تورەشىلدىككە باتىل قارسى تۇرىپ، ”ءتورت بۇرىس ستيلدى“ تۇزەتىپ، جاڭا سالت ورناتۋعا قاجىماي - تالماي تاباندى بولىپ، ورتالىقتىڭ 8 ءتۇرلى بەلگىلەمەسىن جانە ونى اتقارۋدىڭ ەگجەي - تەگجەيلى ەرەجەلەرىنىڭ رۋحىن قاتاڭ تياناقتاندىرىپ، ءار ۇلت كادرلارىن جاۋاپكەرشىلىك ارقالاپ، ءىس تىندىرۋعا جىگەرلەندىرىپ، ستيلى پاك، سالتى دۇرىس شارۋاشىلىق قۇرۋ ورتاسىن قالىپتاستىرۋ كەرەك. ءار دارەجەلى پارتكومداردىڭ (پارتيا باسشىلىق گرۋپپالارى) تۇلعالىق جاۋاپكەرشىلىگى مەن ءار دارەجەلى ءتارتىپ تەكسەرۋ، باقىلاۋ - تەكسەرۋ كوميتەتتەرىنىڭ باقىلاۋ جاۋاپكەرشىلىگىن جاپپاي تياناقتاندىرىپ، ءتارتىپ تەكسەرۋ، باقىلاۋ - تەكسەرۋ جۇيەسىنىڭ وزىندىك قۇرىلىسىن ۇزدىكسىز كۇشەيتىپ، شىرىكتەسۋگە قارسى قۇرۋ قىزمەتىن ولشەمدەندىرۋدى، زاڭمەن باسقارۋدى، جۇيەلىلەندىرۋدى ىلگەرىلەتۋ كەرەك.
اۆتونوميالى رايوندىق پارتكوم پارتيا مەكتەبىندە ما شيڭرۇي وقىتۋدى ورىستەتۋ، كادرلاردى باۋلۋ سياقتى جاعدايلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: پارتيا مەكتەبىنىڭ پارتيالىلىق سيپاتى ءتۇبىرلى پرينسيبىنە اۋىتقىماي تاباندى بولىپ، جاڭا داۋىردەگى پارتيا قۇرىلىسى جالپى تالابىن تياناقتاندىرىپ، تۋى ايقىن تۇردە ساياسيدى دارىپتەۋدى پارتيا مەكتەبى قىزمەتىنىڭ جالپى بارىسىنا جانە بارلىق جاقتارىنا ءسىڭىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى وزەكتى مازمۇن جانە ماڭداي الدى مىندەت ەتىپ، باس شۋجي شي جينپيڭنىڭ ورتالىق پارتيا مەكتەبىندە سويلەگەن جەلىلەس ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، قىزمەتتى عىلميلاندىرۋ، تۇزىمدەندىرۋ، ولشەمدەندىرۋ دەڭگەيىن ۇزدىكسىز جوعارىلاتىپ، كادرلاردى باۋلۋ، يدەيا ارقىلى جەتەكشىلىك ەتۋ، نازاريالىق قۇرىلىس، شەشىم جاساۋ، اقىل - كەڭەس بەرۋ رولىن اناعۇرلىم ويداعىداي ساۋلەلەندىرىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان كادرلار قوسىنىن باۋلۋعا، جەتىلدىرۋگە قۇلشىنۋ كەرەك.
اۆتونوميالى رايوندىق پارتكوم ينتەرنەت ينفورماتسياسى كەڭسەسىندە ما شيڭرۇي كادرلارمەن، جۇمىسشى - قىزمەتشىلەرمەن ىشكەرىلەي اۋىس - كۇيىس جاساپ، ينتەرنەت ينفورماتسياسى حاۋىپسىزدىگى، قوعامدىق پىكىر ارقىلى جەتەكشىلىك ەتۋ، ينتەرنەتتى باسقارۋ، ينتەرنەتتى جونگە سالۋ سياقتى جاعدايلاردى ۇعىستى. ول مىنانى باسا دارىپتەدى: باس شۋجي شي جينپيڭنىڭ ينتەرنەتتە قۇدىرەتتى ەل بولۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، دۇرىس ساياسي بەتالىسقا، قوعامدىق پىكىر بەتالىسىنا، قۇن بەتالىسىنا تاباندى بولىپ، پارتيانىڭ 20 - قۇرىلتايىن قارسى الۋ، ۇگىتتەۋ، دايەكتىلەندىرۋ سىندى وسى نەگىزگى جەلىنى مىقتاپ ارقاۋ ەتىپ، ينتەرنەتتەگى نەگىزگى اعىمدىق يدەيانى، قوعامدىق پىكىردى ۇلعايتىپ، الۋەتتەندىرىپ، ينتەرنەتتى جاپپاي جونگە سالۋ قابىلەتىن جوعارىلاتىپ، ينتەرنەت حاۋىپسىزدىگى تومەنگى شەگىن باتىل ويداعىداي ساقتاپ، ينتەرنەت حاۋىپسىزدىگى مەن ينفورماتسيالاندىرۋ قىزمەتىنىڭ دەڭگەيىن ۇزدىكسىز جوعارىلاتۋ كەرەك.
اۆتونوميالى رايون باسشىلارىنان جاڭ جۋ، تيان شياڭلي، ەلزات احمەتجان، قادەن كابەن قاتارلىلار ارالاپ تەكسەرۋ - زەرتتەۋگە قاتىناستى.
