تيانشان تورى
تيانشان تورى   ›   ۇيرەنۋ   ›   شولۋ

بەيجيڭ قىسقى وليمپيادا رۋحىن زور كۇشپەن اسقاقتاتايىق

− باس شۋجي شي جينپيڭنىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  بۇل جۇڭگو حالقىنىڭ تابىسى، بۇل دۇنيە ءجۇزى حالىقتارىنىڭ تابىسى! 7 جىلدىق جاپالى قۇلشىنىستى باستان كەشىرىپ، بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى جەڭىسپەن وتكىزىلدى، جۇڭگو حالقى ءار ەل حالىقتارىمەن تىزە قوسىپ ءتۇرلى قيىنشىلىقتار مەن سىن - سايىستاردى جەڭىپ، تاريح پاراعىنا ايشىقتى جازىلاتىن وليمپيادا سالتاناتتى جينالىسىن تاعى ءبىر رەت بىرگە جاراتىپ، وليمپيادا داڭقىن تاعى ءبىر رەت ءبولىستى.

  4 - ايدىڭ 8 - كۇنى بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسى بەيجيڭدە سالتاناتپەن وتكىزىلدى. باس شۋجي شي جينپيڭ جينالىستا ماڭىزدى ءسوز سويلەپ، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ وراسان زور ناتيجەلەرىن تولىق تۇراقتاندىرىپ، وتكىزۋگە دايىندالعان، جارىسقا دايىندالعان 7 جىلدىق ەرەن بەلەسكە جالپى بەتتىك قايىرىلا قاراپ، دايىندالۋدىڭ، وتكىزۋدىڭ قۇندى تاجىريبەلەرىن ىشكەرىلەي قورىتىندىلاپ، بەيجيڭ قىسقى وليمپيادا رۋحىن تەرەڭ بايانداپ، قىسقى وليمپيادا مۇراسىنان ويداعىداي پايدالانىپ، جوعارى ساپالى دامۋدى ىلگەرىلەتۋگە ايقىن تالاپتار قويدى. باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، كوز اياسى كەڭ، مازمۇنى باي، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە بولىپ، بۇكىل پارتيانى، بۇكىل ەلدەگى ءار ۇلت حالقىن جاڭا جورىقتا ەكپىندەي ىلگەرىلەپ، جاڭا داۋىردە ەسە قوسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ىنتىماقتاسا كۇرەس جاساۋعا شابىتتاندىردى جانە ىنتالاندىردى.

  بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى ەلىمىز جاپپاي دوڭگەلەك داۋلەتتى قوعام ورناتقان، ءبىرىنشى 100 جىلدىق كۇرەس نىساناسىن جۇزەگە اسىرعان، ەكىنشى 100 جىلدىق كۇرەس نىساناسىنا قادام تاستاعان شەشۋشى مەزگىلدە وتكىزىلگەن كەلەلى نىشاندىق قيمىلدار، تاريحي بەلەستىك مانگە يە. بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ ۋاعىندا، حاۋىپسىز، ءساتتى وتكىزىلۋىنە شىنايى كەپىلدىك ەتۋ، ”ەكى وليمپيادا سپورت جارىسىنىڭ“ دا تارتىمدى وتكىزىلۋىنە شىنايى كەپىلدىك ەتۋ − جۇڭگو حالقىنىڭ حالىقارالىق قوعامعا بەرگەن ايبىندى ۋادەسى. باس شۋجي شي جينپيڭ بيىكتە تۇرىپ الىسقا كوز جىبەرىپ، رول ۇستاپ جول باستاپ، ءوزى جوسپارلاپ، ءوزى ورنالاستىرىپ، ءوزى ىلگەرىلەتىپ، ءبىر قىدىرۋ ماڭىزدى نۇسقاۋ بەرىپ، بەكىتپە جاساپ، قىسقى وليمپيادانى وتكىزۋگە دايىندالۋ قىزمەتىن جاقسى ىستەۋگە جانە ءساتتى وتكىزۋگە ءتۇبىرلى بويسۇنۋ ولشەمىن ازىرلەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قاتىستى تاراۋلار، ءارقايسى ولكە، رايون، قالا ىنتىماقتاسا سەلبەسىپ، قيىندىقتاردان قامال الدى، بەيجيڭ جاڭجياكوۋمەن بىرلەسىپ، وتكىزۋشى قالا رەتىندە بار قايراتپەن شايقاسىپ، كۇش سالا ات سالىسىپ، حالىقارالىق وليمپيادا كوميتەتى، حالىقارالىق مۇگەدەكتەر وليمپيادا كوميتەتى سياقتى حالىقارالىق دەنە تاربيە ۇيىمدارىمەن تىعىز سەلبەستىك جاساپ، جاڭا تيپتى ايدارشا ۆيرۋس وكپە قابىنۋ ىندەتى سياقتى ءتۇرلى قيىنشىلىقتار مەن سىن - سايىستاردى جەڭىپ، دۇنيە جۇزىنە ءبىر رەتكى ۇنەمشىل، حاۋىپسىز، تارتىمدى وليمپيادا سالتاناتتى جينالىسىن ۇسىنىپ، حالىقارالىق قوعامعا بەرگەن ايبىندى ۋادەسىن جاپپاي ورىندادى!

  ۇلى ءىس ۇلى رۋحتى جەتىلدىرەدى. بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنا قاتىناسۋشىلار ۇلى ءداۋىر سيلاعان ورايدى قاستەرلەپ، قىسقى وليمپيادا سپورت جارىسىن وتكىزۋگە ءوتىنىش ەتۋ، دايىندىق كورۋ، وتكىزۋ بارىسىندا كەلەلى جاعدايدى كوكەيدە ساقتاۋ، سەنىمدى دە اشىق بولۋ، قيىندىقتان تايسالماي العا ۇمتىلۋ، ەرەندىككە تالپىنۋ، بولاشاقتى بىرگە اشۋ سىندى بەيجيڭ قىسقى وليمپيادا رۋحىن بىرگە جاراتتى. باس شۋجي شي جينپيڭ بەيجيڭ قىسقى وليمپيادا رۋحىنىڭ باي مازمۇنىن بىلاي دەپ تاماشا جيناقتادى: كەلەلى جاعدايدى كوكەيدە ساقتاۋ دەگەنىمىز وتاندى كوڭىل بايلاۋى ەتىپ، بيىك مۇراتقا تالپىنىپ، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندالۋدى، وتكىزۋدى ”مەملەكەتتىڭ زور ءىسى“ ەتىپ، مەملەكەتكە داڭق اپەرۋدى ءوز مىندەتى ساناپ، وتان ءۇشىن ەسە قوسۋدى داڭق ساناپ، باتىلدىقپەن بورىش، جاۋاپكەرشىلىك ارقالاپ، وتان مەن حالىق ءۇشىن ءبىر نيەتپەن ىنتىماقتاسۋ، قۇلشىنا سايىسۋ؛ سەنىمدى دە اشىق بولۋ دەگەنىمىز بايسالدى دا كەڭ پەيىل، اشىق، سيىسىمدى بولىپ، جۇڭگوشا سوتسياليزم جولى سەنىمىنە، نازاريا سەنىمىنە، ءتۇزىم سەنىمىنە، مادەنيەت سەنىمىنە تاباندى بولىپ، جاسامپازدىقپەن كادەگە جاراتۋ، جاڭالىق اشا دامىتۋ ارقىلى تەرەڭ مادەنيەت مايەگىن جەتكىزىپ، ۇلى قاعيدانىڭ ەرەك قاراپايىمدىعى ارقىلى تاريحى ۇزاق وركەنيەت ۇستانىمىن ايگىلەپ، قىزۋ ىنتالى قوناعۋارلىق ارقىلى جۇڭگو حالقىنىڭ شىنايى دوستىق سيلاستىعىن كورسەتىپ، وركەنيەتتەردىڭ اۋىس - كۇيىسى ارقىلى دۇنيە جۇزىندەگى ءار ەل حالىقتارىنىڭ ءوزارا ءتۇسىنىسۋىن جانە دوستىعىن جەبەۋ؛ قيىندىقتان تايسالماي العا ۇمتىلۋ دەگەنىمىز قاجىرلىلىقپەن، ناقتى ىستەپ، قايسارلىقپەن مويىماي، ءىستىڭ سالماعىن بىلەتىن، اۋىرىن ارقالايتىن، سىن - سايىسقا قاسقايا توتەپ بەرەتىن اسقاقتاعان كۇرەس جىگەرىن ساقتاپ، قاجىماي - تالماي قيىنشىلىقتى جەڭىپ، حاۋىپ - قاتەردى جەڭىپ، جەڭىس ءۇشىن ەرلىكپەن العا ىلگەرىلەۋ؛ ەرەندىككە تالپىنۋ دەگەنىمىز قايسارلىقپەن دەن قويىپ، توتەنشە قۇنتتىلىقپەن ىستەپ، ەڭ جوعارى ولشەمگە، ەڭ قاتاڭ تالاپقا تاباندى بولىپ، زەر سالا جوسپارلاپ، جوبالاپ، زەر سالا ورنەكتەپ وڭدەپ، زەر سالا ۇيلەسىپ ماشىقتانىپ، بۇرىنعىدان ۇزدىكسىز اسىپ ءتۇسۋ جانە كەرەمەتتەر جاراتۋ؛ بولاشاقتى بىرگە اشۋ دەگەنىمىز سايكەسىپ قوسىلا ارەكەت ەتىپ، بەرىك قول ۇستاسىپ، ”بولاشاققا بىرگە اتتانۋدىڭ“ جانە ”اناعۇرلىم ىنتىماقتى بولۋدىڭ“ ءوزارا ۇندەستىگىنە تاباندى بولىپ، جۇڭگو دامۋىنىڭ بولاشاعىن بەتكە الىپ، ادامزات دامۋىنىڭ بولاشاعىن بەتكە الىپ، دۇنيە جۇزىنە ادامزاتتىڭ تاعدىرلاس ورتاق تۇلعاسىن قول ۇستاسا قۇرۋدىڭ ىقىلاستى ۇندەۋىن جاريالاۋ. بەيجيڭ قىسقى وليمپيادا رۋحى جۇڭحۋا ۇلتىنىڭ قۇندى رۋحاني بايلىعى، بۇكىل پارتيانى، بۇكىل ەلدەگى ءار ۇلت حالقىن جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولۋعا جانە ونى دامىتۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ىنتالاندىراتىن قۋاتتى رۋحاني قوزعاۋشى كۇش.

  ۇلى رۋح ۇلى ءىستى ىلگەرىلەتەدى. قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلدى، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىن بەتكە الىپ شەرۋ تارتۋدىڭ جاڭا جورىعىنا قادام تاستاعاندا، ءبىزدىڭ الدىمىزعا قويىلعان بورىش ءتىپتى دە داڭقتى، مىندەت ءتىپتى دە جاپالى، سىن - سايىس ءتىپتى دە قاتاڭ، قىزمەت ءتىپتى دە ۇلى بولا تۇسپەك. ءبىز ستراتەگيالىق تۇراقتىلىقتى ساقتاپ، تاريحي ىرىقتىلىقتى يگەرىپ، بەيجيڭ قىسقى وليمپيادا رۋحىن زور كۇشپەن اسقاقتاتىپ، ۇتىمدى ساتتە قيمىلداپ، قايراتتانا العا ىلگەرىلەپ، جاڭا ەمتيحان تاپسىرۋ جولىن جاقسى باسۋىمىز كەرەك. كەلەلى جاعدايدى كوكەيدە ساقتاپ، ”مەملەكەتتىڭ زور ءىسىن“ ەستە بەرىك ساقتاپ، مەملەكەتكە داڭق اپەرۋدىڭ جىگەرى مەن ەرلىگىن نىعايتىپ، پارتيانىڭ قامىن ويلاۋدى، وتان ءۇشىن جاۋاپكەرشىلىكتى ادا ەتۋدى، حالىق ءۇشىن ءوزىن ارناۋدى مۇرات ەتىپ، باتىلدىقپەن جاپالى مىندەتتى ارقالاپ، قيىن مىندەتتى ارقالاپ، اۋىر مىندەتتى ارقالاپ، قاتەرلى مىندەتتى ارقالاپ، جالپى جۇرت ءبىر نيەتتە بولاتىن، ۇزدىكسىز كۇرەس جاسايتىن اسقاق سەزىمدى قاۋلاتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇدىرەتتى كۇشىن ۇيىستىرۋىمىز كەرەك. سەنىمدى دە اشىق بولىپ، دۇنيە ءجۇزىن بەتكە الۋعا، بولاشاقتى بەتكە الۋعا، وسىزاماندانۋدى بەتكە الۋعا تاباندى بولىپ، تاريحي سەنىمدى بەكەمدەپ، تاريحي ەستەلىكتى بەرىك ورناتىپ، جۇڭگولىق بولۋدىڭ جالىنى مەن سەنىمىن نىعايتىپ، دۇنيە جۇزىنە ىستىق قۇشاق اشىپ، اناعۇرلىم اشىق تا سەنىمدى كەلبەت ايگىلەپ، بەلگىلەنگەن كۇرەس نىساناسىن بەكەمدەپ، تاسقىنداعان جىگەرمەن بولاشاقتى بەتكە الۋىمىز كەرەك. قيىندىقتان تايسالماي العا ۇمتىلىپ، ”قانشالىق جاپالى، قاتەرلى بولعان سايىن سولعۇرلىم العا ۇمتىلاتىن“ قاھارماندىق جىگەرمەن جانە ”تار جول، تايعاق كەشۋدە ناعىز ەر عانا جەڭىپ شىعاتىن“ كۇرەس جاساۋ رۋحىمەن، بارلىق مەجەلەۋگە بولاتىن جانە مەجەلەۋ قيىن بولعان حاۋىپ - قاتەر، سىن - سايىستاردى جەڭىپ، پارتيانىڭ ءۇمىتىن اقتايتىن، حالىقتىڭ ءۇمىتىن اقتايتىن، ءداۋىردىڭ ءۇمىتىن اقتايتىن جۇمىس ناتيجەسىن قۇلشىنا جاراتۋىمىز كەرەك. ەرەندىككە تالپىنىپ، شوگەلدىكپەن ۇيرەنۋ ارقىلى ءبىلىمدى مولايتىپ، قاجىرلىلىقپەن جاتتىعۋ ارقىلى شەبەرلىكتى شىڭداپ، جاڭالىق اشۋ ارقىلى ناتيجە جاراتۋعا تالپىنىپ، ءداۋىردىڭ كەلەلى مىندەتىن ارقالاعاندا سوزدەن گورى ىستەۋدى ۇستەم ورىنعا قويىپ، شىنداپ كىرىسىپ ناقتى ىستەۋ بارىسىندا ءىس تىندىرىپ، قايراتتانا ەكپىندەي ىلگەرىلەۋدىڭ قۋاتتى قوزعاۋشى كۇشىن ۇيىستىرۋىمىز كەرەك. بولاشاقتى بەتكە العاندا، دۇنيە ءجۇزىنىڭ اۋقىمىن يگەرىپ، ءداۋىر اعىنىنا ۇيلەسىپ، تاريحتىڭ دۇرىس جاعىندا تاباندىلىقپەن تۇرىپ، ادامزاتتىڭ العا باسۋى جاعىندا تۇرىپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى تۇتاس ادامزاتتىڭ ورتاق قۇندىلىعىن بەرىك ساقتاپ، تۇرلىشە وركەنيەتتەردىڭ ءوزارا ۇلگى الۋىن جەبەپ، ىنتىماقتاسا سەلبەسىپ، قول ۇستاسا العا ىلگەرىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ دا اناعۇرلىم زور ۇلەس قوسۋىمىز كەرەك.

  قىسقى وليمپيادا سپورت جارىسى ارمانىن ورىنداپ، بولاشاققا بىرگە اتتانايىق. العا ىلگەرىلەۋ جولىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كۇرەس بارىسىندا قول جەتكىزگەن قۇندى تاجىريبەلەردى بارىنشا قاستەرلەپ، اسقاقتاتىپ، دامىتىپ، بەيجيڭ قىسقى وليمپيادا رۋحىن زور كۇشپەن اسقاقتاتىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الىپ، ەكىنشى 100 جىلدىق كۇرەس نىساناسىن جۇزەگە اسىرۋدى بەتكە الىپ ەرلىكپەن العا ىلگەرىلەسەك، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى بەتكە الىپ ەرلىكپەن العا ىلگەرىلەسەك، ءبىز، ءسوز جوق، تىڭ دا اناعۇرلىم ۇلى جەڭىس پەن داڭققا قول جەتكىزە الامىز!

  (شينحۋا اگەنتتىگىنىڭ 4 - ايدىڭ 8 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.