− باس شۋجي شي جينپيڭنىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىندا سويلەگەن ماڭىزدى ءسوزى رايونىمىزدا كۇشتى اڭىس قوزعادى
□ انار بۇلت / شينجياڭ گازەتىنىڭ تىلشىلەرى
4 - ايدىڭ 8 - كۇنى تۇستەن بۇرىن باس شۋجي شي جينپيڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالسىنا قاتىناستى ءارى ماڭىزدى ءسوز سويلەدى. رايونىمىزداعى ءار ۇلت كادر - بۇقاراسى مىنالاردى ءبىلدىردى: قىسقى وليمپيادانىڭ الاۋى سونگەنىمەن، الايدا اسەرلى سەزىمى مەن تارتىمدىلىعى ماڭگى وشپەيدى، ”كەلەلى جاعدايدى كوكەيدە ساقتاۋ، سەنىمدى دە اشىق بولۋ، قيىندىقتان تايسالماي العا ۇمتىلۋ، ەرەندىككە تالپىنۋ، بولاشاقتى بىرگە اشۋ“ سىندى بەيجيڭ قىسقى وليمپيادا رۋحىن بارىنشا اسقاقتاتىپ، جاڭا ءداۋىردىڭ جاڭا ساپارىندا جىگەرلەنە قايراتتانىپ، بۇكىل ەل حالقىمەن بىرگە ەكىنشى 100 جىلدىق كۇرەس نىساناسىن جۇزەگە اسىرۋعا قاراي ەرلىكپەن العا ىلگەرىلەۋىمىز، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاراي ەرلىكپەن العا ىلگەرىلەۋىمىز كەرەك.
بەيجيڭ قىسقى وليمپيادا سپورت جارىسىندا شينجياڭنىڭ تەز سىرعاناۋ سپورتشىسى تيان رۇينيڭ جۇڭگو قۇراماسى اتىنان ايەلدەردىڭ مۇزدا تەز سىرعاناۋ 500 مەترلىك جارىس تۇرىنە قاتىناستى. 4 - ايدىڭ 8 - كۇنى ول قورىتىندىلاۋ، ماداقتاۋ - سيلاۋ جينالىسىندا باس شۋجي شي جينپيڭنىڭ ماڭىزدى ءسوزىن ناق مايداندا ەت قۇلاعىمەن تىڭدادى، ”مەن قۇراماداعىلارمەن بىرگە قىسقى وليمپيادا سپورت جارىسىنىڭ جارىس الاڭىندا ەرلىكپەن ايانباي شايقاسقان ءاربىر ساتتەردى ەسكە الامىن، بۇل قۇدىرەتتى وتانىمىزدىڭ بىزگە الا كەلگەن اسەرلى سەزىمى جانە داڭقى، مەن بەيجيڭ قىسقى وليمپياداسىنىڭ رۋحىن ويداعىداي اسقاقتاتىپ، ۇزدىكسىز مينۋت، سەكۋندتى زايا جىبەرمەي، قاجىرلىلىقپەن جاتتىعىپ، مەملەكەتتىك قىسقى سپورت جارىسىندا جانە 2026 - جىلعى قىسقى وليمپيادا سپورت جارىسىندا اناعۇرلىم جاقسى ناتيجەگە قول جەتكىزۋگە قۇلشىنامىن“، - دەدى تيان رۇينيڭ.
”بەيجيڭ قىسقى وليمپيادا سپورت جارىسى دۇنيە جۇزىنە شۇعىلالى، باي - قۇدىرەتتى، اشىق، ۇمىتكە تولى جۇڭگونى ايگىلەدى، جۇڭگونىڭ سەنىمدى دە اشىق ەكەنىن ايگىلەدى“. ”بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان جەكە“ اتاعىن ەنشىلەگەن مەملەكەتتىك دالالىق شاڭعى قۇراماسىنىڭ جاتتىقتىرۋشىسى يلھامجان بىلاي دەدى: 16 كۇنگە جالعاسقان جارىستا ەلىمىزدىڭ سپورت ساڭلاقتارى ماڭداي تەرىن توگىپ، ەرەكشە تەبىرەنىستە بولىپ، تاماشا ناتيجەگە قول جەتكىزدى، بەيجيڭ قىسقى وليمپيادا رۋحى ولاردىڭ بويىنان ساۋلە شاشتى، جۇڭگولىق رەتىندە، ەرەكشە داڭق جانە ماقتانىش سەزىنەمىن.
بەيجيڭ قىسقى وليميپادا سپورت جارىسىنىڭ اشىلۋ سالتىندا، كۇشار قالاسىنان كەلگەن بەيجيڭ دەنە تاربيە داشۋەسى دوڭگەلەكتى كونكي دوپ كاسىبىنىڭ وقۋشىسى ماۋلەن ءومار سەرىكتەرىمەن توسەلگەن دوڭگەلەكتى كونكي سىرعاناۋ تەحنيكاسى ارقىلى تارتىمدى ويىن كورسەتتى. ”ءبىز جاتتىققان كەزىمىزدە قاي - قاشان دا وزىمىزگە جوعارى ولشەممەن قاتاڭ تالاپ قويىپ، دەن قويا جاتتىقتىق، قىسقى وليمپيادا سپورت جارىسىنىڭ تولىق تابىستى بولۋى ءۇشىن ءارقانداي ارناۋدىڭ ءبارى تاتيدى!“. ماۋلەن ءومار مىنالاردى ءبىلدىردى: اقسۋ ايماقتىق مادەنيەت، ساياحات ۇگىتىنىڭ جارشىسى رەتىندە، بەيجيڭ قىسقى وليمپيادا رۋحىن بارىنشا اسقاقتاتىپ، ماڭىمداعى بۇقارانىڭ قار - مۇز سپورتىنا بولعان قىزىعۋىن ۇزدىكسىز مازداتىپ، ولاردىڭ وتاندى ءسۇيۋ ىستىق ىنتاسىن قاۋلاتىپ، بەيجيڭ قىسقى وليمپيادا رۋحىن جالعاستىرا تۇسەمىن.
”قىسقى وليمپيادا سپورت جارىسىنا كۇش قوسۋ − شەكسىز داڭق، دەنە تاربيەشىنىڭ عۇمىرلىق تالپىنىسى مەن ارمانى“. التاي قالاسىنداعى زەينەتكەر قىزمەتكەر چين شيانفىڭ بەيجيڭ قىسقى وليمپيادا سپورت جارىسى مەن مۇگەدەكتەر قىسقى وليمپيادا جارىسىندا NTO تەحنيكالىق قىزمەتكەرى رەتىندە جاپالىلىقپەن 2 اي ىستەدى، ول بىلاي دەدى: قىسقى وليمپيادا سپورت جارىسى مەن مۇگەدەكتەر قىسقى وليمپيادا سپورت جارىسىندا قول جەتكىزگەن اسا قىمباتتى تاجىريبەلەر باعالى بايلىق؛ باسقا قاتىناسۋشىلارمەن بىرگە تاباندىلىق كورسەتكەن جانە كۇرەس جاساعان ەستەمەلەرىم دە مول رۋحاني بايلىق، وسى بايلىقتاردى تولىق ويداعىداي پايدالانىپ، دەنە تاربيە ىستەرىنىڭ دامۋىن ىلگەرىلەتىپ، اناعۇرلىم كوپ ادامنىڭ قار - مۇز سپورتىن تۇسىنۋىنە جانە ۇناتۋىنا مۇمكىندىك جاسايمىن.
التاي قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى ەربول ونەرقان بىلاي دەدى: ”باس شۋجي شي جينپيڭنىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىندا سويلەگەن ءسوزى جۇرەكتى جەلپىندىرىپ، ءبىز نەگىزگى ساتى مادەنيەت، دەنە تاربيە قىزمەتكەرلەرىن بەيجيڭ قىسقى وليمپيادا رۋحىن ساۋلەلەندىرىپ، قيىندىقتان تايسالماي العا ۇمتىلىپ، جاپالىلىقپەن ىستەۋگە، ناقتى ىستەۋگە قامشىلايدى. ءبىز سىن - سايىسپەن بەتپە - بەت كەلەتىن اسقاق ەرىك - جىگەردى ساقتاپ، قاجىماس قايسارلىقپەن قيىنشىلىقتاردى جەڭىپ، قار - مۇز كاسىبى سالاسىنىڭ دامۋىن كۇش سالا جەبەپ، قار - مۇز زاپاس دارىندىلارى ’مۇنارا تۇعىرىن‘ جەتىلدىرىپ، بايىتىپ، قار - مۇز دەنە تاربيەسىنىڭ دامۋىنا كۇش قوسامىز“.
تارتىمدى ساتتەر اياقتامايدى، بولاشاققا بىرگە اتتانايىق. اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى جياڭ شىساي مىنانى ءبىلدىردى: بەيجيڭ قىسقى وليمپيادا رۋحىن باستان - اياق ءتۇرلى ۇلى ىستەردى ىلگەرىلەتۋدىڭ بارىسىنا ساباقتاستىرىپ، شينجياڭنىڭ قار - مۇز سپورتىنىڭ باسەكەلىك ورەسىن ۇزدىكسىز جوعارىلاتۋمەن بىرگە، ءار ۇلت بۇقاراسىنىڭ قار - مۇز سپورتىنا قاتىناسۋ قىزعىندىلىعىن قاۋلاتىپ، قار - مۇز سپورتىن ۇزدىكسىز جالپىلاستىرىپ، قار - مۇز كاسىبى سالاسىن كەڭەيتۋىمىز، كۇشەيتۋىمىز كەرەك؛ دەنە تاربيەدە رەفورما جاساۋدى، جاڭالىق اشۋدى ۇزدىكسىز ىلگەرىلەتىپ، جالپى حالىقتىق دەنە شىنىقتىرۋ جۇيەسىن كەمەلدەندىرىپ، قالىڭ بۇقارانىڭ، اسىرەسە، جاستار مەن ورەندەردىڭ دەنە شىنىقتىرۋ تانىمىن كۇشەيتۋىمىز كەرەك؛ بۇكىل رايون جوعارىدان تومەنگە دەيىن بىرىككەن كۇش قالىپتاستىرىپ، شينجياڭ قار - مۇز بايلىعىنىڭ باسىمدىعى مەن وڭىرلىك باسىمدىعىن تولىق ساۋلەلەندىرىپ، شينجياڭدى دۇنيە ءجۇزى قار - مۇز سپورتى مەن قار - مۇز ساياحاتىنداعى نىسانالى جەر ەتىپ قالىپتاستىرىپ، دەنە تاربيەدە قۋاتتى ەل قۇرۋدى جەدەلدەتۋدە شينجياڭنىڭ ۇلەسىن قوسادى.
(ءتىلشى تاڭ كاندۇڭ، قاتىناسقان تىلشىلەر حۋاڭ شيڭ، جىڭ ييۋان، دۇڭ لياڭ)
