− باس شۋجي شي جينپيڭنىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”جۇڭگولىقتار ەجەلدەن ايتقانىنان قايتپايدى، ءىس - ارەكەتىنەن ناتيجە شىعارماي قويمايدى“. باس شۋجي شي جينپيڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىندا ماڭىزدى ءسوز سويلەپ، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ وراسان زور ناتيجەسىن تولىق تۇراقتاندىرىپ، 7 جىلدان بەرگى وتكىزۋگە دايىندالۋدىڭ، وتكىزۋدىڭ تاڭعاجايىپ بارىسىنا جان - جاقتى شولۋ جاساپ، ”دۇنيە جۇزىنە ءبىر رەتكى ۇنەمشىل، حاۋىپسىز، تارتىمدى وليمپيادا سالتاناتتى جينالىسىن ۇسىنىپ، حالىقارالىق قوعامعا بەرگەن ايبىندى ۋادەنى تولىق ورىندادىق“ دەپ سالتاناتتى تۇردە جاريالادى.
بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ويداعىداي وتكىزۋ پارتيامىز بەن مەملەكەتىمىزدىڭ بىر ءىرى ءىسى، گۇلدەنىپ - كوركەيگەن، اشىق، وزىنە سەنىمدى جۇڭگونىڭ حالىقارالىق قوعامعا بەرگەن ايبىندى ۋادەستى. 7 جىلدان بەرى باس شۋجي شي جينپيڭ بيىكتە تۇرىپ الىستى بولجاپ، رول ۇستاپ جول باستاپ، ءوزى جوسپارلاپ ءوزى ورنالاستىرىپ، ءوزى ىلگەرىلەتتى، ورتالىق پەن مەملەكەت ورگاندارىنداعى قاتىستى تاراۋلار، ءارقايسى ولكە، اۆتونوميالى رايون، توتە قاراستى قالا ىنتىماقتاسا سەلبەسىپ، وتكىزۋگە دايىندالعان جانە شايقاسقا دايىندالعان مەكەمە - ورىندار، وتكىزۋشى قالالار جاڭا تيپتى ايدارشا ۆيرۋس وكپە قابىنۋ ىندەتى قاتارلى قيىنشىلىقتاردى، سىن - سايىستاردى جەڭىپ، دەن قويا ۇيىمداستىرىپ، بار كۇشپەن كىرىسىپ، بۇكىل ەلدەگى ءار ۇلت حالقى مەن ەل ءىشى - سىرتىنداعى جۇڭحۋا ۇلاندارى بۇكىل سۇيىسپەنشىلىگىن ارناپ، ىقىلاسپەن ات سالىستى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو جاسىل، بىرگە يگىلىكتەنەتىن، اشىق، پاك وليمپيادا سپورت جارىسىن وتكىزۋ ۇستانىمىن باسشىلىققا الىپ، ”ۇنەمشىل، حاۋىپسىز، تارتىمدى بولۋ“ سىندى جارىس وتكىزۋ تالابىن كورنەكتىلەندىرىپ، جارىس ۇيىمداستىرۋ، جارىس جينالىسىندا قىزمەت وتەۋ، قولباسشىلىق ەتۋ، ورنالاستىرۋ سياقتى ءتۇرلى قىزمەتتەردى بار كۇشپەن ويداعىداي ىستەپ، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ ۋاعىندا، حاۋىپسىز، ءساتتى وتكىزىلۋىنە شىنايى كەپىلدىك ەتىپ، ”ەكى وليمپيادا سپورت جارىسىنىڭ“ دا تارتىمدى وتكىزىلۋىنە شىنايى كەپىلدىك ەتىپ، بۇكىل دۇنيە ءجۇزىنىڭ ايرىقشا القاۋىنا يە بولدى.
بۇل جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، تۇڭعىش رەت مەجەلى مەرزىمدە وتكىزىلگەن الەمدىك جالپىلىق دەنە تاربيە سالتاناتى، 4 رەتكى باستالۋ - اياقتالۋ سالتى تاماشا تارتىمدىلىعىمەن ايشىقتالىپ، ادامزاتتىڭ تاعدىرلاس ورتاق تۇلعا تاقىرىبى باستان - اياق ساباقتاستىرىلىپ، جۇڭحۋا مادەنيەتى مەن قار - مۇز ەلەمەنتتەرى ءبىر - بىرىنە كورىك بەرىپ، تابيعاتتىڭ سۇلۋلىعىن، گۋمانيتارلىق كوركەمدىكتى، سپورتتىڭ اسەمدىگىن ايگىلەپ، جاڭا داۋىردەگى جۇڭگونىڭ سەنىمدى، سۇيىكتى، قادىرلى وبرازىن ۇعىندىرىپ، 3 جارىس اۋماعىنداعى ماڭداي الدى الاڭ - ساراي قۇرىلعىلار، جارىستى شوگەل، كاسىبي ۇيىمداستىرۋ، ىقىلاستى دا تىڭعىلىقتى قىزمەت وتەۋ جارىسقا قاتىناسقان ءار جاقتىڭ ءبىر اۋىزدى جاقسى باعاسىن الىپ، جۇڭگو حالقى ءار ەل حالقىمەن بىرگە تاريح بەتىنەن ويىپ ورىن الارلىق وليمپيادانىڭ سالتاناتتى جينالىسىن جاراتىپ، بەيجيڭ الەمدەگى تۇڭعىش ”قوس وليمپيادا قالاسىنا“ اينالدى. ەل ءىشى - سىرتىنداعى جۇڭحۋا ۇلاندارى وسى رەتكى جۇڭگودا وتكىزىلگەن قىسقى وليمپيادا سپورت جارىسىنا ىستىق ىقىلاسپەن كوز تىگىپ، زور كۇشپەن قولداۋ كورسەتىپ، قىسقى وليمپيادا ساڭلاقتارىنا دەم بەرىپ، بارەكەلدى ايتىسىپ، ۇلى وتانعا دەم بەرىپ، بارەكەلدى ايتىسىپ، جالپى جۇرت جۇدىرىقتاي جۇمىلىپ، ۇزدىكسىز كۇرەس جۇرگىزۋدىڭ تاسقىنداعان ىستىق جالىنىن قاۋلاتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا قۋاتتى كۇش ۇيىستىردى. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندالۋ، وتكىزۋ ەلىمىز قار - مۇز سپورتىنىڭ قارىشتاپ دامۋىن العا ىلگەرىلەتىپ، جۇڭگونىڭ، ءتىپتى، الەمنىڭ قار - مۇز سپورتىنىڭ جاڭا ءداۋىرىن اشتى. قىسقى وليمپيادا سپورت جارىسى مۇرالار جەتىستىكتەرى مول بولدى، وليمپيادا سپورت جارىسىن ءساتتى وتكىزۋ مەن وڭىرلىك دامۋدا بىردەي تابىسقا جەتۋ جۇزەگە استى. ىندەتتەن ساقتانۋ - تىزگىندەۋ دالمە - ءدال، ءونىمدى بولىپ، قىسقى وليمپيادا سپورت جارىسىنىڭ حاۋىپسىز وتكىزىلۋىنە شىنايى كەپىلدىك ەتىپ، جۇڭگونىڭ ىندەتتىڭ الدىن الۋ ساياساتى سىناقتان تاعى ءبىر رەت سۇرىنبەي ءوتىپ، الەمنىڭ ىندەتكە قارسى اتتانۋى مەن حالىقارالىق ەلەۋلى قيمىلداردى وتكىزۋگە پايدالى تاجىريبە ۇسىندى. دۇنيە جۇزىندەگى 100 جىلدىق وزگەرىس جەدەل قۇبىلعان، ادامزات قوعامى ءتۇرلى سىن - سايىستارعا ءدوپ كەلگەن جاعدايدا، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ تابىستى وتكىزىلۋى تۇرلىشە وركەنيەتتەردىڭ اۋىس - كۇيىسىن، ءبىر - بىرىنەن ۇلگى الۋىن جەبەپ، الەمدىك ىنتىماق پەن سەلبەستىكتى ىلگەرىلەتۋدە، ۋاقىتتىق قيىندىقتى بىرگە ەڭسەرۋدە ماڭىزدى رول اتقاردى، سونداي - اق اۋمالى - توكپەلى، بەيمازا دۇنيە جۇزىنە سەنىم جانە ءۇمىت سيلاپ، دۇنيە جۇزىنە ”بولاشاققا بىرگە اتتانۋ“ سىندى ءداۋىردىڭ قۋاتتى ۇندەۋىن تاستادى!
قىسقى وليمپيادا سپورت جارىسىنىڭ 7 جىلدىق جاپالى بارىسى، كۇرەسى شۇعىلالى ناتيجە جاراتتى. باس شۋجي شي جينپيڭ بىلاي دەپ تەرەڭ اتاپ كورسەتتى: ”بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ تابىستى وتكىزىلۋىنە ءار شەپتەگى ادامداردىڭ قاجىرلى ەڭبەگى مەن اقىل - پاراساتى، ماڭداي تەرى ءسىڭدى“. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندالۋ، وتكىزۋ ەرەكشە قيىن جاعدايدا ىلگەرىلەتىلدى، بارلىق قاتىناسۋشىلار ”ءبىر ءسات تە ايالداۋعا بولمايدى، ءبىر قادامدى دا قاتە باسۋعا بولمايدى، ءبىر كۇن دە كەشەۋىلدەتۋگە بولمايدى“ دەگەنگە تاباندى بولىپ، اسا جاپالى دا كەرەمەت قۇلشىنىستار جاسادى. ەلىمىزدىڭ قالىڭ سپورتشىلارى، جاتتىقتىرۋشىلارى پارتيا مەن حالىقتىڭ تاپسىرماسىن ەستە بەرىك ساقتاپ، باتىلدىقپەن سايىسىپ، وزدەرىنىڭ ەڭ زور مۇمكىندىكتەرىن ساۋلەلەندىرىپ، ەلىمىزدىڭ قىسقى وليمپيادا سپورت جارىسىنا، مۇگەدەكتەر قىسقى وليمپيادا سپورت جارىسىنا قاتىناسۋ تاريحىندا ەڭ تاماشا ناتيجە جاراتىپ، پارتيا مەن حالىققا داڭق اپەردى. قالىڭ قىسقى وليمپيادا سپورت جارىسىنا، مۇگەدەكتەر قىسقى وليمپيادا سپورت جارىسىنا قاتىناسۋشىلار قاجىرلى ەڭبەك، قاجىماس قايسارلىق، ەرەسەن ەرلىك ارقىلى كۇشتى جاۋاپكەرشىلىك سەزىممەن، بورىشتىلىق سەزىممەن، داڭق سەزىممەن ءتۇرلى قىزمەت مىندەتتەرىن تابىستى ورىنداپ، وتاننىڭ ۇمىتىنەن شىققان، حالىقتىڭ ۇمىتىنەن شىققان، ءداۋىردىڭ ۇمىتىنەن شىققان شۇعىلالى ناتيجەلەر جاراتتى. اماليات جۇڭگو حالقىندا وليمپيادا سپورتىنىڭ دامۋىن جەبەۋگە، دۇنيە ءجۇزى حالقىنىڭ ىنتىماعى مەن دوستىعىن جەبەۋگە ۇلەس قوساتىن تىلەك - قالاۋ، بەرىك بەكىم بار ەكەندىگىن، جاڭا، اناعۇرلىم كەسەك ۇلەس قوساتىن قابىلەت تە، ىستىق ىقىلاس تا بار ەكەندىگىن تاعى ءبىر مارتە دالەلدەدى.
باس شۋجي شي جينپيڭ بىلاي دەپ باسا دارىپتەدى: ”وليمپيادا سپورتى ادامزاتتىڭ بەيبىتشىلىككە، ىنتىماققا، العا باسۋعا دەگەن تاماشا تالپىنىسىن ارقالاعان“. وتكىزۋگە دايىندالۋ، وتكىزۋ بارىسىندا حالىقارالىق وليمپيادا كوميتەتى، حالىقارالىق مۇگەدەكتەر وليمپيادا كوميتەتى، سونداي - اق وليمپيادا ۇلكەن شاڭىراعىنىڭ، مۇگەدەكتەر وليمپيادا ۇلكەن شاڭىراعىنىڭ مۇشەلەرى ءبىزدىڭ قىزمەتىمىزگە بەلسەندى كومەك كورسەتتى، ءار ەل ۇكىمەتى مەن حالقى، حالىقاراداعى دوس قايراتكەرلەر زور كۇشپەن قولداۋ كورسەتتى، كوپتەگەن ەلدەردىڭ باسشىلارى، حالىقارالىق ۇيىمداردىڭ جاۋاپتىلارى جۇڭگوعا كەلىپ قاتىستى قيمىلدارعا قاتىناسىپ، ىنتىماقتىڭ، دوستىقتىڭ ”دوستار شەڭبەرى“، ”سەرىكتەستەر توبى“ بارعان سايىن كەڭەيە ءتۇستى. دۇنيە ءجۇزىنىڭ جەر - جەرىنەن كەلگەن دەنە تاربيە ساڭلاقتارى جارىس الاڭىندا ءبىرىن - ءبىرى قۇرمەتتەپ، ءوزارا جىگەرلەندىرىپ، شىرقاۋ شەكتى بۇزىپ ءوتىپ، اسەرلى سەزىمگە تولى جارىستا ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋ“ سىندى وليمپيادا ناقىلى مەن ”باتىلدىق، بەكىم، ىنتالىلىق، تەڭدىك“ سىندى مۇگەدەكتەر وليمپياداسىنىڭ قۇن كوزقاراسىن مۇلتىكسىز ورىندادى. اماليات بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ بەيبىتشىلىكتىڭ، دوستىقتىڭ سالتاناتتى جينالىسى، ىنتىماق پەن سەلبەستىكتىڭ سالتاناتتى جينالىسى، دۇنيە ءجۇزىن جىگەرلەندىرگەن سالتاناتتى جينالىس بولعاندىعىن تولىق دالەلدەدى.
قازىر 100 جىلدىق وزگەرىس پەن عاسىرلىق ىندەت قاباتتاسىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. ءبىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا ەمتيحان تاپسىرۋ جولىندا تاپتىرماس ورايعا ءدوپ كەلۋمەن بىرگە، اۋىر سىناقتارعا تاپ بولاتىندىعىمىزدى انىق بىلەمىز. فاكت جۇڭگو كوممۋنيستىك پارتياسىنىڭ ءبىزدىڭ ۇلى ءىستى ناتيجەلى ورىنداۋىمىزداعى ەڭ سەنىمدى تىرەگىمىز ەكەندىگىن، پارتيانىڭ باسشىلىعىنا باستان - اياق مىزعىماي تاباندى بولساق بولعانى العا باسۋ جولىنداعى ءارقانداي ماشاقاتتى، قيىندىقتى، قاتەردى، كەدەرگىنى، ءسوز جوق، جەڭە الاتىندىعىمىزدى، ورىنداۋدى ويعا العان ءارقانداي ءىسىمىزدى، ءسوز جوق، ورىنداي الاتىندىعىمىزدى دالەلدەدى! شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگونىڭ دامۋ بولاشاعىن بەتكە الىپ، ادامزاتتىڭ دامۋ بولاشاعىن بەتكە الىپ، اناعۇرلىم بەرىك سەنىممەن، اناعۇرلىم باتىل جۇرەكتىلىكپەن ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن تىڭ دا اناعۇرلىم كەسەك ۇلەس قوسايىق!
(شينحۋا اگەنتتىگىنىڭ 4 - ايدىڭ 9 - كۇنى بەيجيڭنەن بەرگەن حابارى)
