− باس شۋجي شي جينپيڭنىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”تابىس كۇرەستەن باستاۋ الادى، جەڭىس وڭايلىقپەن كەلمەيدى“. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىندا، باس شۋجي شي جينپيڭ 7 جىلدان بەرگى وزگەشە وتكىزۋگە دايىندالۋ، وتكىزۋ بارىسىنا قايىرىلا قاراپ، بىلاي دەپ باسا دارىپتەدى: ”ءبىز كۇرەس بارىسىندا تابىسقا جەتۋدىڭ قۋانىشىنا بولەنىپ قانا قويماي، كۇرەس بارىسىندا مول رۋحاني بايلىققا دا يە بولدىق، ەڭ قىمباتتى تاجىريبەگە دە قول جەتكىزدىك، بۇل ءبىزدىڭ بارىنشا قاستەرلەۋىمىزگە، ساۋلەلەندىرە تۇسۋىمىزگە تاتيدى“.
”پارتيانىڭ ورتالىقتانعان ءبىر تۇتاس باسشىلىعىنا تاباندى بولۋ“، ”كۇشتى شوعىرلاندىرىپ ۇلكەن ءىس تىندىرۋعا تاباندى بولۋ“، ”ءتۇرلى حاۋىپ - قاتەردەن، سىن - سايىستان ىرىقتىلىقپەن ساقتانۋعا جانە وعان توتەپ بەرۋگە تاباندى بولۋ“، ”جارىس وتكىزۋمەن حالىققا قىزمەت ەتۋدى، دامۋدى جەبەۋدى ءوزارا ۇشتاستىرۋعا تاباندى بولۋ“. باس شۋجي شي جينپيڭ جان - جاقتىلى جيناقتاعان وسى ”ءتورت تاباندى بولۋدىڭ“ يدەياسى تەرەڭ، مازمۇنى باي، بۇل ەلىمىزدىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە ءساتتى دايىندالۋ، ءساتتى وتكىزۋ تاجىريبەسىن تەرەڭدەي قورىتىندىلاۋ، الەمدىك جالپىلىق دەنە تاربيە سالتاناتتى جينالىسىن وتكىزۋگە دايىندالۋ، وتكىزۋ قىزمەتىنە زاڭدىلىق سيپاتتى تانىمنىڭ ونان ارى تەرەڭدەۋى، ەلىمىز دەنە تاربيە ىستەرىنىڭ دامۋىن ىلگەرىلەتىپ، دەنە تاربيەدە قۇدىرەتتى ەل قۇرۋ اياق الىسىن جەدەلدەتۋ، بۇكىل پارتيانى، بۇكىل ەلدەگى ءار ۇلت حالقىن ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جاساۋعا جىگەرلەندىرۋ جونىنەن ماڭىزدى جەتەكشىلىك مانگە يە.
بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندالۋ، وتكىزۋ ەرەكشە قيىن جاعدايدا ىلگەرىلەتىلدى، اسىرەسە، دۇنيە جۇزىندە 100 جىلدا بولماعان زور وزگەرىس جاڭا تيپتى ايدارشا ۆيرۋس وكپە قابىنۋى سىندى عاسىرلىق ىندەتپەن قاباتتاسقان جاعدايدا، وسى رەتكى وليمپيادا سپورت جارىسى سالتاناتتى جينالىسىن وتكىزۋدە ءدوپ كەلگەن حاۋىپ - قاتەر، سىن - سايىستار بۇرىن ەشقاشان دا بولماعان. 7 جىلدان بەرى، ءبىزدىڭ قيىنشىلىقتاردى، سىن - سايىستاردى جەڭىپ، دۇنيە جۇزىنە ءبىر كەزەكتى ۇنەمشىل، حاۋىپسىز، تارتىمدى وليمپيادا سالتاناتتى جينالىسىن ۇسىنىپ، حالىقارالىق قوعامعا بەرگەن ايبىندى ۋادەمىزدى جاپپاي ورىنداۋىمىزدىڭ تەتىگى ءبىزدىڭ باستان - اياق ”تورتكە تاباندى بولۋدى“ ورىنداۋىمىزدا. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزۋدىڭ امالياتى بىزگە مىنانى ۇعىندىردى: ءسوز جوق، پارتيانىڭ ورتالىقتانعان ءبىر تۇتاس باسشىلىعىنا تاباندى بولۋ كەرەك، جۇڭگو كوممۋنيستىك پارتياسى ءبىزدىڭ ۇلى ءىستى ناتيجەلى ورىنداۋىمىزداعى ەڭ سەنىمدى تىرەگىمىز، پارتيانىڭ باسشىلىعىنا باستان - اياق مىزعىماي تاباندى بولعاندا عانا، العا باسۋ جولىنداعى ءارقانداي ماشاقاتتى، قيىندىقتى، قاتەردى، كەدەرگىنى، ءسوز جوق، جەڭە الامىز، ورىنداۋدى ويعا العان ءارقانداي ءىسىمىزدى، ءسوز جوق، ورىنداي الامىز. ءسوز جوق، كۇشتى شوعىرلاندىرىپ، ۇلكەن ءىس تىندىرۋعا تاباندى بولۋ كەرەك، ەلىمىزدىڭ سوتسياليستىك ءتۇزىمىنىڭ ەرەكشە ۇيىمداستىرۋ، جۇمىلدىرۋ قۋاتى، ءبىر تۇتاس جوسپارلاپ، سايكەستىرۋ قۋاتى، دايەكتى اتقارۋ قۋاتى، ەلىمىزدىڭ مىعىم ەكونوميكالىق ناقتى قۋاتى، عىلىم - تەحنيكالىق ناقتى قۋاتى، جالپىلىق مەملەكەت قۋاتى وليمپيادانى تابىستى وتكىزۋگە پارمەندى سەنىم جانە ەڭ بەرىك قامتاماسىزدىق ازىرلەدى. ءسوز جوق، ءتۇرلى حاۋىپ - قاتەردەن، سىن - سايىستان ىرىقتىلىقپەن ساقتانۋعا جانە وعان توتەپ بەرۋگە تاباندى بولىپ، تومەنگى شەكتە ويلاۋعا، ماسەلەنى باعدار ەتۋگە تاباندى بولىپ، تاۋقىمەت تانىمىن كۇشەيتىپ، حاۋىپ - قاتەردەن، سىن - سايىستان ساقتانۋدى جانە ونى جويۋدى كورنەكتى ورىنعا قويىپ، تۇڭعىش قادامدى جاقسى باسۋ، ىرىقتىلىق شايقاسىن ويداعىداي جۇرگىزۋ كەرەك. ءسوز جوق، جارىس وتكىزۋدى جانە حالىققا قىزمەت وتەۋدى، دامۋدى جەبەۋدى ءوزارا ۇشتاستىرۋعا تاباندى بولىپ، قىسقى وليمپيادا جەتىستىگىنەن حالىقتىڭ بىرگە يگىلىكتەنۋىنە تاباندى بولىپ، حالىقتىڭ دەنساۋلىعىنىڭ، پسيحيكالىق اقاۋسىزدىعىنىڭ اناعۇرلىم سالاماتتى بولۋىنا، جۇمىستانۋىنىڭ اناعۇرلىم جەتكىلىكتى بولۋىنا، تۇرمىسىنىڭ اناعۇرلىم تاماشا بولۋىنا مۇمكىندىك جاساپ، بىرگە ات سالىسۋدى، بىرگە كۇش سالۋدى، بىرگە يگىلىكتەنۋدى جۇزەگە اسىرۋ كەرەك.
قازىرگى ۋاقىتتا حالىقارالىق جاعدايدا ۇزدىكسىز تەرەڭ دە كۇردەلى وزگەرىستەر تۋىلۋدا، 100 جىلدىق وزگەرىس پەن عاسىرلىق ىندەت ءوزارا قاباتتاسىپ، ەكونوميكانىڭ جاھاندانۋى كەراعارلىققا ۇشىراپ، ءىرى ەلدەر اراسىنداعى تەكە - تىرەس كۇن سايىن شيەلەنىسىپ، دۇنيە ءجۇزى جاڭا الاساپىران وزگەرىس مەزگىلىنە ءوتتى، ەل ىشىندەگى رەفورما، دامۋ، ورنىقتىلىق مىندەتى جاپالى دا اۋىر بولدى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ەمتيحان تاپسىرۋ جولىمەن ويداعىداي ءجۇرۋ ءۇشىن، ءبىز پارتيانىڭ امالياتتىق جاسامپازدىعى مەن تاريحي تاجىريبەلەرىنەن پاراساتتى وي تۇيۋگە، قاسيەتتى شىڭداۋعا شەبەر بولىپ، ستراتەگيالىق تاباندىلىقتى ساقتاپ، تاريحي ىرىقتىلىق رۋحتى اسقاقتاتىپ، وراي الدىندا ىرىقتىلىقپەن شابۋىلعا شىعىپ، قيىندىق الدىندا تايسالماي العا ۇمتىلىپ، حاۋىپ - قاتەرگە بەلسەنە توتەپ بەرۋىمىز كەرەك. پارتيانىڭ جاپپاي باسشىلىعىنا بۇلجىماستان تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاپ، بۇكىل پارتيادا، بۇكىل ەلدە ىنتىماقتاسا كۇرەس جاسايتىن قۇدىرەتتى ساياسي ۇيىستىرۋ قۋاتى، دامۋ سەنىمى بولۋىنا شىنايى كەپىلدىك ەتىپ، تۋراشىلدىقتان تايماي جاڭالىق اشاتىن، ۋاقىتتىق قيىندىقتى بىرگە جەڭەتىن قۇدىرەتتى كۇش - قۋاتتى توپتاۋىمىز كەرەك. ەلىمىز سوتسياليستىك ءتۇزىمىنىڭ كۇشتى شوعىرلاندىرىپ، ۇلكەن ءىس تىندىرا الاتىن كورنەكتى ارتىقشىلىعىن تولىق ساۋلەلەندىرىپ، بۇكىل ەل ءبىر تۇتاس جۇيە دەگەنگە تاباندى بولىپ، ءارقايسى جاقتىڭ بەلسەندىلىگىن جۇمىلدىرىپ، كۇشتى شوعىرلاندىرىپ ۇلكەن ءىس تىندىرۋ، قيىن ءىس ىستەۋ، شۇعىل ءىس ءبىتىرۋ بارىسىندا باسىمدىققا يە بولۋ، ىرىقتىلىققا قول جەتكىزۋ، بولاشاققا جول اشۋ كەرەك. دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، وراي تانىمى مەن حاۋىپ - قاتەر تانىمىن كۇشەيتىپ، قيىنشىلىقتى اناعۇرلىم تولىعىراق توپشىلاپ، حاۋىپ - قاتەردى اناعۇرلىم تەرەڭدەي ويلاستىرىپ، ساڭلاۋلاردى بىتەۋگە، ءالسىز تۇستاردى كۇشەيتۋگە ءمان بەرىپ، حاۋىپ - قاتەردەن ساقتانۋ مەن قارسى تۇرۋدىڭ دايىندىقتى شايقاسىن ويداعىداي جۇرگىزۋمەن بىرگە، حاۋىپ - قاتەردەن قۇتىلۋدىڭ، حاۋىپ - قاتەردى ورايعا اينالدىرۋدىڭ ستراتەگيالىق ىرىقتىلىق شايقاسىن ويداعىداي جۇرگىزىپ، سەنىم مەن قوزعاۋشى كۇشتى قاۋلاتىپ، بوران - شاشىندى ەلەڭ قۇرلى كورمەي قاجىرلىلىقپەن العا ىلگەرىلەۋ كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، دامۋ حالىق ءۇشىن بولۋعا، دامۋدا حالىققا سۇيەنۋگە، دامۋدىڭ جەتىستىكتەرىنەن حالىقتى يگىلىكتەندىرۋگە تاباندى بولىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى قۇلشىنا جۇزەگە اسىرىپ، دامۋ بارىسىندا قالىڭ حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم تولىق، اناعۇرلىم قامتاماسىز، اناعۇرلىم باياندى ەتۋ كەرەك.
تابىس تاريحقا جازىلدى، تاجىريبە ەڭ قىمباتتى. جاڭا ۇلى جورىقتا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى سيپاتتى ءمانىن تەرەڭ تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندالۋدىڭ، وتكىزۋدىڭ قىمباتتى تاجىريبەلەرىن ويداعىداي جالعاستىرىپ، ويداعىداي ساۋلەلەندىرىپ، جۇدىرىقتاي جۇمىلاتىن ۇلى كۇش ۇيىستىرىپ، ەرلىكپەن شىنايى ىستەيتىن تاباندىلىقتى ساقتاپ، جولبارىستىڭ ايبارىنداي ايبىندى ايگىلەسەك، ءبىز، ءسوزسىز، قيىندىق، سىن - سايىس اتاۋلىنى جەڭىپ، جۇرتتى جالت قاراتاتىن جاڭا كەرەمەتتەردى ۇزدىكسىز جاراتىپ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ۇزدىكسىز العا ىلگەرىلەتە الامىز!
(شينحۋا اگەنتتىگىنىڭ 4 - ايدىڭ 10 - كۇنى بەيجيڭنەن بەرگەن حابارى)
